Chapter 8

sūta uvāca |
jambuko nāma bhūpālo mahīrājo bhayāturaḥ |
kāliyena yutaḥ prāpto narmadāyāstaṭe śubhe || 1 ||
[Analyze grammar]

pārthivaiḥ pūjayāmāsa devadevaṃ pinākinam |
ṣaṇmāsānte mahādevo jambukaṃ prāha bhūpatim || 2 ||
[Analyze grammar]

varaṃ varaya te'bhīṣṭaṃ bhūpa āha kṛtāṃjaliḥ |
ajitatvaṃ nṛpaiḥ sarvairdehi me karuṇānidhe || 3 ||
[Analyze grammar]

tathetyuktvā mahādevastatraivāntarhitobhavat |
kāliyasta tsuto labdhvā vīro māheśvaraṃ varam || 4 ||
[Analyze grammar]

mohanaṃ sarvasainyānāṃ pituraṃtikamāyayau |
pitaraṃ prāha namrātmā dehyājñāṃ tāta matpriyām || 5 ||
[Analyze grammar]

gamiṣyāmi balaiḥ sārddhaṃ gaṃgāṃ śuddhajalāṃ śubhām |
tathetyuktvā pitā tasmai yayau tu svaṃ niveśanam || 6 ||
[Analyze grammar]

bhaginīṃ prāha balavānvijayaiṣiṇi śobhane |
kimicchasi śubhaṃ vastu tadājñāṃ dehi mā ciram || 7 ||
[Analyze grammar]

sāha graiveyakaṃ hāraṃ maṇimuktāvibhūṣitam |
matpriyaṃ dehi me vīra tathetyuktvā yayau gṛhāt || 8 ||
[Analyze grammar]

kāliyo lakṣaturagaiḥ saṃyutastvarito'gamat |
prāpya gaṃgāṃ sāgaragāṃ kṛtvā snānaṃ vidhānataḥ || 9 ||
[Analyze grammar]

dattvā dānāni viprebhyo jayacandrapurīṃ yayau |
nirdhanaḥ samabhūdrājā bāhuśālī mahābalaḥ || 10 ||
[Analyze grammar]

kānyakubje mahāhārau na prāpto bahumūlyakaḥ |
tadorvīyādhipenaiva mahīśena prabodhitaḥ || 11 ||
[Analyze grammar]

yayau mahāvatīṃ ramyāṃ śivadattavaro balī |
rurodha nagarīṃ sarvāṃ śrutvā rājā bhayāturaḥ || 12 ||
[Analyze grammar]

rudraṃ kapardinaṃ śaṃbhuṃ śaraṇyaṃ śaraṇaṃ yayau |
śivājñayā nṛpo dhīmānbalaiḥ ṣaṣṭisahasrakaiḥ || 13 ||
[Analyze grammar]

sārddhaṃ purādbahiryātastribhiḥ śūraiḥ surakṣitaḥ |
tasya nāgāḥ sahasraṃ ca deśarājaśca tatpatiḥ || 14 ||
[Analyze grammar]

hayāḥ ṣoḍaśasāhasrā vatsarājastu tatpatiḥ |
śeṣāḥ padātayastasya tālanenaiva rakṣitāḥ || 15 ||
[Analyze grammar]

pranaṣṭo mulaṃ yuddhaṃ teṣāṃ vīravarakṣayam || 7 ||
[Analyze grammar]

ahorātrapramāṇena mahadghoramavartata || 16 ||
[Analyze grammar]

te hatvā śātravīṃ senāṃ cakrurjayaravānmuhuḥ |
bhayārtā nārmadeyāśca māhiṣmatinivāsinaḥ || 17 ||
[Analyze grammar]

dudruvuḥ sarvato vipra dṛṣṭvā tānkāliyo nṛpaḥ |
āśvāsya prayayau yuddhamarddhasainyasamanvitaḥ || 18 ||
[Analyze grammar]

hṛdi kṛtvā mahādevaṃ mohanaṃ bāṇamādadhat |
siddhamantraprabhāveṇa mohitāste babhūvire || 19 ||
[Analyze grammar]

śeṣāste śatravaḥ sarve ripughātāya saṃyayuḥ |
alasāṃstānkapāleṣu jaghnuste bhayavarjitāḥ || 20 ||
[Analyze grammar]

bhīṣmasiṃhastathā dṛṣṭvā bodhayāmāsa sainikān |
sūryadattena bāṇena saṃjñākhyānena tatra vai || 21 ||
[Analyze grammar]

bhairavākhyena bhallena śatrudehamatāḍayat |
mūrcchitaḥ so'patadvīro gajapṛṣṭhe śarārditaḥ || 22 ||
[Analyze grammar]

tadā māhiṣmatī senā niryayau sā diśau daśa |
muhūrtaṃ kaśmalaṃ prāpya punarutthāya kāliyaḥ || 23 ||
[Analyze grammar]

bhallena tacchiraḥ kāyādapāharata bhūmipaḥ |
hate tasminmahāvīrye tālanādyā mahā balāḥ || 24 ||
[Analyze grammar]

kāliyaṃ te parājitya taṃ śatruṃ pratyaṣedhayan |
mahākaṣṭānvito bhūpo dhyātvā manasi śaṃkaram || 25 ||
[Analyze grammar]

mohayitvā ripūnsarvān yayau svaṃ niveśanam |
arddhasainyena sahitā hataśeṣāstrayastathā || 26 ||
[Analyze grammar]

tadā parimalo rājā dṛṣṭvā śatruparājayam |
pariṣvajya mahāvīrānsva gehaṃ punarāyayau || 27 ||
[Analyze grammar]

jayacandrastu tacchutvā paraṃ vismayamāgataḥ |
tālanaṃ ca samāhūya senādhīśamakarāyat || 28 ||
[Analyze grammar]

bhīṣmasiṃhe gate loke paṃcamāsāntare nṛpe |
tatpatnī janayāmāsa putraratnaṃ śubhānanam || 29 ||
[Analyze grammar]

sā tu gurjarabhūpasya tanayākhyā madālasā |
divyaṃ putraṃ samālokya mumude sagaṇā bhṛśam || 30 ||
[Analyze grammar]

śrutvā tajjanma nṛpatirvitatāra dhanaṃ bahu |
āhūya gaṇakānprājñāñjātakarma hyakārayat || 31 ||
[Analyze grammar]

sahadevāṃśa evāsau bhuvi jātaḥ śivājñayā |
devasiṃhaḥ kṛto nāma gaṇakaiḥ śāstraciṃtakaiḥ || 32 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye'ṣṭamo'dhyāyaḥ || 8 ||
[Analyze grammar]