Chapter 199

bhīṣma uvāca |
sa ādityo bhavedyena acirāttu varapradaḥ |
tadahaṃśrotumicchāmi vipra māṃ brūhi tattvataḥ || 1 ||
[Analyze grammar]

vyāsa uvāca |
pūjayā japahomena dhyānadhāraṇayā saha |
sakalaṃ maṇḍalaṃ kṛtvā taddīkṣā samayaṃ tathā || 2 ||
[Analyze grammar]

labdhvā rādhayate yastu bhaktyā tadgatamānasaḥ |
tasya bhānurbhavedvīra acirāttu varapradaḥ || 3 ||
[Analyze grammar]

balasiddhiṃ mahadvīryaṃ pratāpaṃ ca svakāyanam |
dhanaṃ dhānyaṃ suvarṇaṃ ca rūpaṃ saubhāgyasaṃpadam || 4 ||
[Analyze grammar]

ārogyamāyuḥ kīrtiṃ ca yaśaḥ putrāṃśca mānada |
dadate nātra saṃdeho yasya tuṣṭo divākaraḥ || 5 ||
[Analyze grammar]

dharmamarthaṃ tathā kāmaṃ vidyāṃ mokṣaśriyaṃ tathā |
dadate bhāskarastuṣṭo narāṇāṃ nātra saṃśayaḥ || 6 ||
[Analyze grammar]

saureṇa vidhinā tāta pūjayitvā divākaram |
sarvānkāmānavāpnoti tathādityālayaṃ nṛpa || 7 ||
[Analyze grammar]

bhīṣma uvāca |
saurasnānavidhiṃ brūhi sarahasyaṃ mahāmate |
yena snāto'malo yāti naraḥ pūja yituṃ ravim || 8 ||
[Analyze grammar]

vyāsa uvāca |
haṃta te saṃpravakṣyāmi snānaṃ pāpapraṇāśanam |
śucau manorame sthāne saṃgṛhyāstreṇa mṛttikām || 9 ||
[Analyze grammar]

saṃdhisaṃgho hakārastu ṭarephophasamanvite |
anenāstreṇa saṃgṛhya tataḥ snānaṃ samācaret || 10 ||
[Analyze grammar]

malasnānaṃ tataḥ paścāccheṣārdhena tu kārayet |
bhāgatrayaṃ tu sārdhaṃ tu tṛṇapāṣāṇavarjitam || 11 ||
[Analyze grammar]

ekamastreṇa cālabhya tathānyaṃ bhāskareṇa tu |
aṃgaṃ caiva tṛtīyena abhimaṃtrya sakṛtsakṛt || 12 ||
[Analyze grammar]

japtvāstreṇa kṣipeddikṣu nirvighnaṃ tu jalaṃ bhavet |
sūryatīrthe dvitīyena abhimaṃtrya sakṛtsakṛt || 13 ||
[Analyze grammar]

gu ṇḍayitvā tataḥ snāyāditi tīrtheṣu mānavaḥ |
tūryaśaṃkhaninādena dhyātvā devaṃ divākaram || 14 ||
[Analyze grammar]

snātvā rājopacāreṇa punarācamya yatnataḥ |
snānaṃ kṛtvā tato bhīṣma maṃtrarājena saṃyutam || 15 ||
[Analyze grammar]

harephau biṃduyuktaśca tathānyo dīrghayā saha |
mātrayā rephasaṃyukto hakāro biṃdunā saha || 16 ||
[Analyze grammar]

sakāraḥ savisargastu maṃtrarājo'yamucyate |
tatastu tarpayenmaṃtrānsarvāṃstāṃstu karāgrajaiḥ || 17 ||
[Analyze grammar]

parvaṇāmūrdhvato devāḥ savyena munayastathā |
pitaraścāpasavyena tadbījena pratarpayet || 18 ||
[Analyze grammar]

yadgītaṃ pravaraṃ loke akṣarāṇāṃ manīṣibhiḥ |
tadbiṃdusahitaṃ proktaṃ hṛdbījaṃ nātra saṃśayaḥ || 19 ||
[Analyze grammar]

kṛtvā vāmakare hastāddhyātvā prājño vidhānavit |
evaṃ snātvā vidhānena saṃdhyāṃ vandedvidhānataḥ || 20 ||
[Analyze grammar]

tato vidvānkṣipetpaścādbhāskarāyodakāṃjalim |
japecca tryakṣaraṃ maṃtraṃ ṣaṇmukhaṃ vā yadicchayā || 21 ||
[Analyze grammar]

maṃtrarājeti yaḥ pūrvaṃ tavākhyāto mayā nṛpa |
paścāttīrthe tu maṃtrāṃstu saṃhṛtya hṛdayaṃ nyaset || 22 ||
[Analyze grammar]

maṃtrairātmānamekatra kṛtvā hyarghyaṃ pradāpayet |
raktacandanagaṃdhaistu śucisnāto mahītale || 23 ||
[Analyze grammar]

kṛtvā maṇḍalakaṃ vittamekacitto vyavasthitaḥ |
gṛhītvā karavīrāṇi saṃsthāpya tāmrabhājane || 24 ||
[Analyze grammar]

tilataṃḍulasayuktaṃ kuśagandhodakena tu |
raktacandanadhūpena yuktamarghyaṃ prasādhya tat || 25 ||
[Analyze grammar]

kṛtvā śirasi tatpātraṃ jānubhyāmavaniṃ gataḥ |
pūrvamaṃtreṇa saṃyuktamarghyaṃ dadyāttu bhānave || 26 ||
[Analyze grammar]

mucyate sarvapāpaistu yo hyevaṃ vinivedayet |
yadyugādisahasreṇa vyatīpātaśatena ca || 27 ||
[Analyze grammar]

ayanānāṃ sahasreṇa candrasya grahaṇe tathā |
gavāṃ śatasahasreṇa yatphalaṃ jyeṣṭhapuṣkare |
datte kurukulaśreṣṭha tadarghyeṇa phalaṃ labhet || 28 ||
[Analyze grammar]

dīkṣāmantravihīno'pi bhaktyā saṃvatsareṇa tu |
phalamarghyeṇa vai vīra labhate nātra saṃśayaḥ || 29 ||
[Analyze grammar]

yaḥ punardīkṣito vidvānvidhinārghyaṃ nivedayet |
nāsāvutpadyate bhūmau sa layaṃ yāti bhāskare || 30 ||
[Analyze grammar]

iha janmani saubhāgyamāyurāgegyasaṃpadām |
acirādbhavate vīra sa bhāryāsukhabhājanam || 31 ||
[Analyze grammar]

eṣa snānavidhiḥ prokto mayā saṃkṣepatastava |
hitāya mānaveṃdrāṇāṃ sarvapāpapraṇāśanaḥ || 32 ||
[Analyze grammar]