Chapter 182

āditya uvāca |
uktaṃ dharmasya rūpaṃ tu sādhikāraṃ sanātanam |
ataḥ paraṃ pravakṣyāmi dharmamāśramiṇāṃ khaga || 1 ||
[Analyze grammar]

brahmacārī gṛhasthaśca vanastho bhikṣureva ca |
catvāra āśramāḥ proktā eka eva caturvidhaḥ || 2 ||
[Analyze grammar]

gāyatro brahmacārī tu prājāpatyo dvitīyakaḥ |
devavratastṛtīyastu naiṣṭhikastu caturthakaḥ || 3 ||
[Analyze grammar]

catvāra āśramāḥ proktāḥ savedāḥ samadharmakāḥ |
ataḥ paraṃ pravakṣyāmi saṃskāraṃ dharmasiddhaye || 4 ||
[Analyze grammar]

garbhādhānamṛtau kāryaṃ hṛṣṭayostu samantrakam |
kāryaṃ puṃsavanaṃ mātustṛtīye māsi saṃyutaiḥ || 5 ||
[Analyze grammar]

sīmantaḥ saptame garbhe ṣaṣṭhe vā saptame'pi vā |
pātrasaṃskārakā iṣṭā garbhādhānādayastrayaḥ || 6 ||
[Analyze grammar]

jātakarmādayaḥ sarve saṃskārāḥ puruṣasya tu |
jātasya prāśanaṃ yatra svarṇā dīnāṃ samantrakam || 7 ||
[Analyze grammar]

jātakarmeti tatproktaṃ guhyaṃ nāma tadaiva tu |
prakāśo nāma kartavyaṃ dine tvekādaśerthavat || 8 ||
[Analyze grammar]

dharmaśāstrādisaṃyuktaṃ ṣaṣṭhe'nnaprāśanaṃ khaga |
prathame'bde tṛtīye vā cūḍākarma vidhīyate || 9 ||
[Analyze grammar]

aṣṭame daśame vāpi brāhmaṇasyopanāyanam |
puruṣasya tathā cānyajātīyānāṃ viśeṣataḥ || 10 ||
[Analyze grammar]

ekādaśe dvādaśe vā kārya kṣatriyavaiśyayoḥ |
vedasaṃskārakaṃ vacmi manyante tvaupanāyanam || 11 ||
[Analyze grammar]

puruṣasya tathā cānya ubhayośca bravīmyaham |
sāvitraṃ vaidikaṃ caiva mahānāmnīmahāvratam || 12 ||
[Analyze grammar]

tathaupaniṣadaṃ cābdaṃ godānaṃ ca suvarṇakam |
vratāni grahaṇārthāni vedasyeti manormatam || 13 ||
[Analyze grammar]

vedaikadeśapāṭhasya uktaṃ gṛhye prapañcakam |
uktā gurostu śuśrūṣā dṛṣṭādṛṣṭārthasādhanam || 14 ||
[Analyze grammar]

ubhayorvā tathā cānyā yathānyāyaṃ yathāśrutam |
gurorapyeva taṃ vidyāttaddhyānaṃ trividhaṃ smṛtam || 15 ||
[Analyze grammar]

toṣaḥ parasparasyeti etāvāndharmasaṃgrahaḥ |
kṛtsno vedo'dhigaṃtavyaḥ svadharmamanutiṣṭhatā || 16 ||
[Analyze grammar]

jñātvā vedaṃ brahmacārī graṃthārthānyānyathāvidhi |
naiṣṭhikaśca vidhānaṃ tu yāvatklībaṃ vidhīyate |
vidyānte'bhīṣṭadānaṃ ca anujñāto gṛhī bhavet || 17 ||
[Analyze grammar]

niṣkāsanaṃ gurugṛhādgṛhasthasya yathābhavet |
naiṣṭhikaśca tathā snānaṃ kuryātsamyagyathāvidhi || 18 ||
[Analyze grammar]

udvahedvai tato bhāryāṃ savarṇāṃ lakṣaṇānvitām |
aviplutabrahmacaryaścādhikārī khagottama || 19 ||
[Analyze grammar]

svatantramanye cecchanti hyadhikāraṃ dvijottamāḥ |
saptamīṃ pañcamīṃ caiva kanyakāṃ pitṛmātṛtaḥ || 20 ||
[Analyze grammar]

udvaheta dvijo bhāryāmasamānārṣagotrajām |
saṃkhyāvidhivivāheṣu gotrārthaṃ vidhivarjitam || 21 ||
[Analyze grammar]

vikalpenaiva mantavyamṛṣīṇāṃ vividhā śrutiḥ |
aṣṭau vivāhā varṇānāṃ saṃskārākhyā iti śrutiḥ || 22 ||
[Analyze grammar]

yastu doṣavatīṃ kanyāmanākhyāya praya cchati |
tasya kuryānnṛpo daṃḍaṃ svayaṃ ṣaṇṇavatiṃ paṇān || 23 ||
[Analyze grammar]

piturgṛhe tu yā kanyā rajaḥ paśyatyasaṃskṛtā |
pataṃti pitarastasya kanyā ca vṛṣalī bhavet || 24 ||
[Analyze grammar]

yastu tāṃ varayetkanyāṃ brāhmaṇo jñānadurbalaḥ |
aśrāddheyamapāṅkteyaṃ taṃ vidyādvṛṣalīpatim || 25 ||
[Analyze grammar]

sarvadoṣānhi vikhyāpya striyā vā puruṣasya vā |
ubhayorapi vikhyāpya tataḥ saṃbandhamācaret || 26 ||
[Analyze grammar]

gaurī kanyā pradhānā vai madhyamā kanyakā smṛtā |
rohiṇī tatsamā jñeyā adhamā tu rajasvalā || 27 ||
[Analyze grammar]

anūruruvāca |
gaurī tu kā matā kanyā rohiṇī ca jagatpate |
rajasvalā nagnikā ca devakanyā ca kā bhavet || 28 ||
[Analyze grammar]

bhāskara uvāca |
asaṃprāptarajā gaurī prāpte rajasi rohiṇī |
avyañjanayutā kanyā kucahīnā ca nagnikā || 29 ||
[Analyze grammar]

saptavarṣā bhavedgaurī daśavarṣā tu nagnikā |
dvādaśe tu bhavetkanyā ata ūrdhvaṃ rajasvalā || 30 ||
[Analyze grammar]

vyañjanena samopetāṃ somo bhuṅkte hi kanyakām || tu.ṛgveda || 108540 ||
[Analyze grammar]

payodhareṣu gaṃdharvā rajasyagniḥ prakīrtitaḥ || 31 ||
[Analyze grammar]

hinasti vyañjanaiḥ putrānkulaṃ hanyātpayodharaiḥ |
gatimiṣṭāṃ tathā lokānhanyāttu rajasā pituḥ || 32 ||
[Analyze grammar]

tasmādavyañjanopetāmarajaskapayodharām |
nānyopabhuktāṃ somādyairdadyādduhitaraṃ pitā || 33 ||
[Analyze grammar]

annaṃ tasya na bhoktavyaṃ vṛthā pāko hi sa smṛtaḥ |
vṛthā pākasya bhuktvānnaṃ prāyaścittaṃ samācaret || 34 ||
[Analyze grammar]

prāṇāyāmaṃ trirabhyasya ghṛtaṃ prāśya viśuddhyati |
vivāhayedekagotrāṃ samānapravarāṃ khaga |
kṛtvā tasyāṃ samutsargamatikṛcchro viśodhanam || 35 ||
[Analyze grammar]

udvāhayetsagotrāṃ ca tanayāṃ mātulasya ca |
ṛṣibhiścaiva tulyo yo dvijaścāṃdrāyaṇaṃ caret || 36 ||
[Analyze grammar]

asapiṇḍā tu yā māturasagotrā ca yā pituḥ |
sā praśastā dvijātīnāṃ dārakarmaṇi maithune || 37 ||
[Analyze grammar]

aruṇa uvāca |
dārakarma kimuktaṃ vai yaduktaṃ bhavatā idam |
sā praśastā dvijātīnāṃ dārakarmaṇi maithune || 38 ||
[Analyze grammar]

āditya uvāca |
agnihotrādi yatkarma vaidikaṃ vinatātmaja |
taduktaṃ dārakarmeti dvābhyāṃ yogāttu maithune || 39 ||
[Analyze grammar]

nodvahetkapilāṃ kanyāṃ nādhikāṃgīṃ na rogiṇīm |
nālomikāṃ nātilomāṃ na cākūṭāṃ na piṅgalām || 40 ||
[Analyze grammar]

ṛkṣavṛkṣanadīnāmnīṃ nānyaparvatanāmikām |
na yakṣāhipreṣyanāmnīṃ cātibhīṣaṇanāmikām || 41 ||
[Analyze grammar]

yasyāstu na bhavedbhrātā na vijñāyeta vai pitā |
nopagaccheddhi tāṃ prājñaḥ putrikādharmaśaṃkayā || 42 ||
[Analyze grammar]

haṃsasvarāmekavarṇāṃ madhupiṃgalalocanām |
tādṛśīṃ varayetkanyāṃ gṛhārthī khagasattama || 43 ||
[Analyze grammar]

dārāgnihotrasaṃyogaṃ kurute yo'graje sthite |
parivettā sa vijñeyaḥ parivittistu pūrvajaḥ || 44 ||
[Analyze grammar]

parivittiḥ parivettā ca yayā sa parividyate |
sarve te narakaṃ yāṃti dātṛyājakapaṃcamāḥ || 45 ||
[Analyze grammar]

klībe deśāṃtarasthe vā patite vrajite tathā |
yogaśāstrābhiyukte ca na doṣaḥ parivedane || 46 ||
[Analyze grammar]

khaṃjavāmanakubjeṣu gadgadeṣu jaḍeṣu ca |
jātyaṃdhe badhire mūke na doṣaḥ parivedane || 47 ||
[Analyze grammar]

na śrāddhaṃ tu kaniṣṭhasya vikulāya ca kanyakā |
varaśca kulaśīlābhyāṃ na śuddhyeta kadācana |
na maṃtrāḥ kāraṇaṃ tatra na ca kanyā vṛtā bhavet || 48 ||
[Analyze grammar]

udvāhitā tu yākanyā na ca prāptā tu maithunam |
punarabhyeti bhartāraṃ yathā kanyā tathaiva sā || 49 ||
[Analyze grammar]

samākṣipya matāṃ kanyāṃ pitā tvakṣatayonikām |
kulaśīlavate dadyānna syāddoṣaḥ khagādhipa || 50 ||
[Analyze grammar]

anūruruvāca |
ete'ṣṭau prabhavāḥ proktā vivāhā ye jagatpate |
lakṣaṇaṃ brūhi caiteṣāṃ samāsāttimirāpaha || 51 ||
[Analyze grammar]

āditya uvāca |
śubhāṃ lakṣaṇasaṃpannāṃ kulaśīlaguṇānvitām |
alaṃkṛtyārhate dānaṃ vivāho brāhma ucyate || 52 ||
[Analyze grammar]

saha dharmakriyāhetordānaṃ samayabaṃdhanāt |
alaṃkṛtyaiva kanyāyāḥ prājāpatyaḥ sa ucyate || 53 ||
[Analyze grammar]

pradānaṃ yatra kanyāyāḥ sahagomithunena tu |
savarṇāyāḥ sagotrāyāstamārṣamṛṣayo viduḥ || 54 ||
[Analyze grammar]

aṃtarvedyāṃ samānīya kanyāṃ kanakamaṃḍitām |
ṛtvije caiva yaddānaṃ vivāho daivasaṃjñakaḥ || 55 ||
[Analyze grammar]

ete vivāhāścatvāro dharmakāmārthadāyakāḥ |
aśulkā brahmaṇā proktāstārayaṃti kuladvayam || 56 ||
[Analyze grammar]

caturṣveteṣu dattāyāmutpanno yaḥ sutaḥ striyām |
dātuḥ pratigrahītuśca punātyāsaptamānpitṝn || 57 ||
[Analyze grammar]

vivikte svayamanyo'nyaṃ strīpuṃsoryaḥ samāgamaḥ |
prītihetuḥ sa gāṃdharvo vivāhaḥ paṃcamo mataḥ || 58 ||
[Analyze grammar]

hatvā cchittvā ca bhittvā ca krośaṃtīṃ rudatīṃ gṛhāt |
prasahya kanyāharaṇaṃ rākṣasodvāha ucyate || 59 ||
[Analyze grammar]

śulkaṃ pradāya kanyāyā haraṇaṃ vyasanādapi |
prasāda heturuktoyamāsuraḥ saptamastathā || 60 ||
[Analyze grammar]

suptāṃ mattāṃ pramattāṃ vā raho yatropagacchati |
sa pāpiṣṭho vivāhānāṃ paiśācaścāṣṭamodhamaḥ || 61 ||
[Analyze grammar]

etānsaśulkānsāmānyānvivāhāṃścaturo viduḥ |
kevalaṃ kṣatriyasyaiva vīryaṃ chittvā hi rākṣasaḥ || 62 ||
[Analyze grammar]

prāpte pūrvavivāhe tu vidhirvaivāhikaḥ śivaḥ |
kartavyastu tribhirvarṇaiḥ samayenāgnisākṣikaḥ || 63 ||
[Analyze grammar]

doṣavatyāḥ pradāne tu dātuḥ ṣaṇṇavatirdamaḥ |
syāttu śulkapradāne ca kanyāyāścāpavarjane || 64 ||
[Analyze grammar]

mokṣopavartanaṃ dveṣaḥ strīdhanasya nivartanam |
ākāṃkṣā tīrthasaṃrodhastyāgahetuśca vakṣyate || 65 ||
[Analyze grammar]

parasparasya saṃbaṃdhānmokṣaḥ strīpuṃsayoḥ smṛtaḥ |
na syādanyataraḥ prīto roṣātsāṃpratikādapi || 66 ||
[Analyze grammar]

bādhate cetpatirbhāryāṃ sa tu dveṣa iti smṛtaḥ |
vṛttirābharaṇaṃ śulkaṃ lābhaśca strīdhanaṃ bhavet || 67 ||
[Analyze grammar]

bhoktṛstu svayamevedaṃ pratijñāhananaṃ bhavet |
vṛthā mokṣeṇa bhogena striyai dadyātsavṛddhikam || 68 ||
[Analyze grammar]

āpattisamaye jāte strīdhanaṃ bhoktumarhati |
ākāṃkṣetāṣṭavarṣāṇi bhartāpi prasavaṃ striyāḥ || 69 ||
[Analyze grammar]

jāyante yadi no putrāstasyāṃ yatne mahatyapi |
tato viṃdeta putrārthī dharmataḥ kulajāṃ striyam || 70 ||
[Analyze grammar]

putralābhātparaṃ loke nāsti hi prasavārthinaḥ |
etāṃ śulkasya tāṃ bhuktvā anyāṃ labdhuṃ yadīcchati |
samastāstoṣayitvārthaiḥ sūryoḍhāṃ paramāṃ varet || 71 ||
[Analyze grammar]

ekā śūdrasya vaiśyasya dve tisraḥ kṣatriyasya tu |
catasro brāhmaṇasya syurbhāryā rājño yatheṣṭataḥ || 72 ||
[Analyze grammar]

atīrthagamanātpuṃsastīrthe saṃgāhanātstriyāḥ |
ubhayordharmalopaḥ syātsveṣveva tu viśeṣataḥ || 73 ||
[Analyze grammar]

yaugapadye tu tīrthānāṃ vivāhakramaśo vrajet |
tatsāmyaṃ jīvaputrā vā grahaṇakramaśopi vā || 74 ||
[Analyze grammar]

brāhmādibhirvivāhaistu saṃskṛtau tau khagādhipa |
aṣṭau vivāhā varṇānāṃ vainateya uśaṃti vai || 75 ||
[Analyze grammar]

brāhmo daivastathārṣaśca prājāpatyaḥ khagā dhipa |
gāṃdharvaścāsuro rakṣaḥ paiśācastvaṣṭamo'dhamaḥ || 76 ||
[Analyze grammar]

praśastāḥ kṣatriyādīnāṃ viprādīnāṃ tu mānataḥ |
pratigrahādayo baddhā vivāhā brāhmaṇasya tu || 77 ||
[Analyze grammar]

kṣatriyasyāpi deyā tu pratigrahavivarjitā |
pravṛttiṃ kecidicchaṃti dānamityapare striyāḥ |
pāvanaṃ puruṣāṇāṃ tu vivāhaṃ paricakṣate || 78 ||
[Analyze grammar]