Chapter 181

śatānīka uvāca |
paṃcaprakāraṃ dharmaṃ me vada smārtaṃ yathākramam |
kautukaṃ pṛccha te brahmansamāsavyāsayogataḥ || 1 ||
[Analyze grammar]

sumanturuvāca |
paṃcadhā varṇitaṃ dharmaṃ śṛṇu rājansamāsataḥ |
yathoktaṃ bhāskareṇeha aruṇasya mahātmanaḥ || 2 ||
[Analyze grammar]

sahasrakiraṇaṃ bhānumudayasthaṃ divākaram |
praṇamya śirasā devamuvāca garuḍāgrajaḥ || 3 ||
[Analyze grammar]

bhagavandevadeveśa sahasrakiraṇojjvala |
smṛtidharmānyathātattvaṃ vaktumarhasi pṛcchataḥ || 4 ||
[Analyze grammar]

evaṃ pṛṣṭastu bhagavānaruṇena khagādhipaḥ |
uvāca parayā prītyā pūjayitvā mahīpate || 5 ||
[Analyze grammar]

bhāskara uvāca |
smṛtidharmaṃ vedamūlaṃ śṛṇu tvaṃ garuḍāgraja |
pūrvānubhūtaṃ yaddhyānamatha tatsmaraṇaṃ smṛtiḥ || 6 ||
[Analyze grammar]

dharmaḥ kriyātmā nirdiṣṭaḥ śreyobhyudayalakṣaṇaḥ |
sa ca pañcavidhaḥ prokto vedamūlaḥ sanātanaḥ || 7 ||
[Analyze grammar]

asya śabdasyānuṣṭhānātsvargo mokṣaśca jāyate |
iha loke sukhaiśvaryamalaṃ yacca khagādhipa || 8 ||
[Analyze grammar]

anūruruvāca |
kathaṃ paṃcavidho hyeṣa prokto dharmaḥ sanātanaḥ |
kasya bhedāstu te paṃca brūhi me devasattama || 9 ||
[Analyze grammar]

bhāskara uvāca |
vedadharmaḥ smṛtastveka āśramāṇāṃ sa tatparaḥ |
varṇāśramastṛtīyastu guṇanaimittiko yathā || 10 ||
[Analyze grammar]

varṇatvamekamāśritya adhikāre pravartate |
savarṇāśramadaṃḍastu bhikṣā daṃḍādiko yathā || 11 ||
[Analyze grammar]

varṇāśramāśramatvaṃ ca yodhikṛtya pravartate |
sa varṇāśramadharmastu daṃḍādyā mekhalā yathā || 12 ||
[Analyze grammar]

yo guṇena pravarteta sa guṇo dharma ucyate |
yathā mūrdhābhiṣiktasya prajānāṃ pālanaṃ param || 13 ||
[Analyze grammar]

nimittamekamāśritya yo dharmaḥ saṃpravartate |
naimittikaḥ sa vijñeyo jātidravyaguṇāśrayaḥ || 14 ||
[Analyze grammar]

eṣa tu dvividhaḥ proktaḥ samāsādaviśeṣataḥ |
naimittikaḥ sa vijñeyaḥ prāyaścittavidhiryathā || 15 ||
[Analyze grammar]

sa caturdhā nirūpyastu svarūpaphalasādhanaiḥ |
pramāṇatastu pratyekasamastaiśca yathākramam || 16 ||
[Analyze grammar]

śrutyā saha virodhe tu bādhyate viṣayaṃ vinā |
vyavasthayā virodhena kāryo yatnaḥ parīkṣyate || 17 ||
[Analyze grammar]

smṛtyā saha virodhena cārthaśāstrasya sādhanam |
parasparavirodhe tu arthaśāstrasya sādhanam || 18 ||
[Analyze grammar]

adṛṣṭārthe vikalpastu vyavasthāsaṃbhave sati |
smṛtiśāstravikalpastu ākāṃkṣāpūraṇe sati || 19 ||
[Analyze grammar]

vedamūle sthitaṃ tvetadanuṣṭhānaṃ kriyā satī |
evaṃ śakyavidhānaṃ tu nyāyo hyevaṃ vyavasthitaḥ || 20 ||
[Analyze grammar]

niṣedhavidhirūpaṃ tu dvidhā śāstraṃ khagādhipa |
ekarūpaṃ vadaṃtyanye bahurūpamathā pare || 21 ||
[Analyze grammar]

paṃcaprakārāḥ smṛtaya evaṃ śiṣyavyavasthitāḥ |
tridhā caturdhā dvedhā vā ekadhā bahudhā khaga || 22 ||
[Analyze grammar]

dṛṣṭārthā tu smṛtiḥ kācidadṛṣṭārthā tathāparā |
anuvādasmṛtistvanyā dṛṣṭādṛṣṭā tu paṃcamī |
sarvā etā vedamūlāḥ smṛtā vai ṛṣibhiḥ svayam || 23 ||
[Analyze grammar]

aruṇa uvāca |
yā etā bhavatā proktāḥ smṛtayaḥ parvagopane |
etāsāṃ lakṣaṇaṃ brūhi samāsādeva sattama || 24 ||
[Analyze grammar]

dṛṣṭārthā kā matā deva adṛṣṭārthā ca kā bhavet |
dṛṣṭādṛṣṭasvarūpā kā nyāyamūlā ca kā bhavet |
anuvādasmṛtiḥ kā syādṛṣṭādṛṣṭā tu kā bhavet || 25 ||
[Analyze grammar]

evamukto mahātejā bhāskaro vāritaskaraḥ |
uvāca taṃ khagaṃ vīraṃ praṇataṃ vinayānvitam || 26 ||
[Analyze grammar]

āditya uvāca |
ṣaḍguṇasya svarūpaṃ tu prayogā tkāryagauravāt |
samayānāmupāyānāṃ yogo vyāsasamāsataḥ || 27 ||
[Analyze grammar]

adhyakṣāṇāṃ ca nikṣepaḥ karaṇānāṃ nirūpaṇam |
dṛṣṭārtheyaṃ smṛtiḥ proktā ṛṣibhirgaruḍāgraja || 28 ||
[Analyze grammar]

saṃdhyopāstistathā kāryā śuno māṃsaṃ na bhakṣayet |
adṛṣṭārthā smṛtiḥ proktā manunā vinatātmaja || 29 ||
[Analyze grammar]

pālāśaṃ dhārayeddaṃḍamubhayārthā vidurbudhāḥ |
virodhe tu vikalpaḥ syādyāgo homastato yathā || 30 ||
[Analyze grammar]

śrutau dṛṣṭaṃ yathā kāryaṃ smṛto tattādṛśaṃ yadi |
uktānuvādinī sā tu pārivrājyaṃ tathā gṛhāt || 31 ||
[Analyze grammar]

ukto dharmaśca saṃkṣepātparibhāṣā ca tadgatā |
tatsādhanaṃ ca deśādi itthamityabravīdraviḥ || 32 ||
[Analyze grammar]

brahmāvartaḥ paro deśa ṛṣiśastastvanaṃtaraḥ |
madhyadeśastato'pyanya āryāvartastvanaṃtaraḥ || 33 ||
[Analyze grammar]

kṛṣṇasārastu vicarenmṛgo yatra svabhāvataḥ |
yajñiyaḥ sa tu deśaḥ syānmlecchadeśastataḥ paraḥ || 34 ||
[Analyze grammar]

brahmādīnāṃ ca devānāṃ brāhmaṇādestathaiva ca |
bhūtagrāmasya kṛtsnasya trayaṃ kṛtsnasya khecara || 35 ||
[Analyze grammar]

sādhanatvaṃ manuḥ prāha vedamūlaṃ sanātanam |
prakāśayajñasaṃsiddhyai yadaśabdasya eva tu || 36 ||
[Analyze grammar]

upalabhya yathātattvaṃ sa ca darśitavānṛṣiḥ |
samyaksaṃsādhanaṃ dharmaḥ kartavyastvadhikāriṇā || 37 ||
[Analyze grammar]

niṣkāmena sadā vīra kāmyaṃ rūpānvitena ca |
ācārayuktaḥ śraddhālurvedajño'dhyātmaciṃtakaḥ |
karmaṇāṃ phalamāpnoti nyāyārjitadhanaśca yaḥ || 38 ||
[Analyze grammar]

aruṇa uvāca |
brahmāvartādideśānāṃ samastānāṃ vibhāvaso |
vibhāgaṃ brūhi deveṃdra saṃmānaya grahādhipa || 39 ||
[Analyze grammar]

āditya uvāca |
sarasvatīdṛṣadvatyordevanadyoryadaṃtaram |
taṃ devanirmitaṃ deśaṃ brahmāvartaṃ pracakṣate || 40 ||
[Analyze grammar]

himavadviṃdhyadharayoryadaṃtaramudāhṛtam |
pratyageva prayāgācca madhyadeśaḥ prakīrtitaḥ |
āsamudrāttu vai pūrvādāsamudrāttu paścimāt || 41 ||
[Analyze grammar]

tayorevāṃtaraṃ giryorāryāvartaṃ vidurbudhāḥ || āryāvarta |
etānvijñāya saddeśāntsaṃśrayeta prayatnataḥ || 42 ||
[Analyze grammar]

śūdrastu yasmiṃstasminvā nivasedvṛttikarśitaḥ |
eṣā dharmasya vai jyotiḥ samāsātkathitā tava || 43 ||
[Analyze grammar]