Chapter 124

brahmovāca |
vakṣyāmyahaṃ te punareva diṃḍe sūryasya sarvapravarapradhānam |
vyomnaḥ paraṃ tiṣṭhati yastu magnaḥ sa mucyate rudra ihāpi diṃḍī || 1 ||
[Analyze grammar]

sthitvā purā brahmaśiraḥ kilāsau pragṛhya tattasya śiraḥkapālam |
tato hyasāvāśramamuttamaṃ śivo bahūdakaiḥ puṣpaphalaiḥ samṛddham || 2 ||
[Analyze grammar]

nagno yadā dāruvane munīnāṃ dṛṣṭvā ca taṃ bhaikṣyacaraṃ sureśam |
yoṣitsutāḥ saṃkṣubhitāstu sarve jagmurharaṃ taṃ munayaḥ sutuṣṭāḥ |
sa hanyamāno munimukhyasaṃghairgṛhītaloṣṭairṛṣidaṃḍakāṣṭhaiḥ |
vihāya diṃḍiḥ sa tu tānsurarṣīṃstato raverlokamathājagāma || 4 ||
[Analyze grammar]

āgacchamānaṃ pramathāstamūcurdeveśa nityaṃ bhramase kimartham |
sa prāha tānpāpavimocanārthamaṭāmi tīrthāni surālayāṃśca || 5 ||
[Analyze grammar]

te bhūya ūcuḥ pramathāstamevamatraiva tiṣṭhasva raveḥ purastāt |
śuddhiṃ tavaiṣa prakariṣyatīti śuddhastato yāsyasi rudralokam || 6 ||
[Analyze grammar]

ityevamuktaḥ pramathaistu rudrastatraiva tasthau ravitoṣaṇāya |
nagno jaṭī muṣṭikapālapāṇī rūpeṇa caivāpratimastriloke || 7 ||
[Analyze grammar]

uktaḥ sa tuṣṭena tataḥ savitrā prītosmi devāgamanāttavāham |
maddarśanādeva bhavānviśuddho diṃḍīti nāmnā bhavitāsi loke || 8 ||
[Analyze grammar]

aṣṭādaśaite pramathāstu bhānoścaturdaśānye tu rave rathasthāḥ |
he devate dvau ca ṛṣipradhānau gaṃdharvasarpāvapi tāvadeva || 9 ||
[Analyze grammar]

yakṣau ca siddhau ca niśācarau cādityātmajāvapsarasāṃ pradhānau |
vasaṃti te hyastamuṣaśca sūrye teṣāma śītiścaturottarā sā || 10 ||
[Analyze grammar]

ityādidevapravarāstu sarve dhātvarthaśabdaiśca bhavaṃti siddhāḥ || 11 ||
[Analyze grammar]

ṛṣaya ūcuḥ |
vistarādbrūhi me brahmanpravarāndhātuśabdajān |
yataśca kautukaṃ brahmannasmākamiha jāyate || 12 ||
[Analyze grammar]

brahmovāca |
bhūyastava pravakṣyāmi daṃḍanāyakapiṃgalau |
rājñasrauṣādayaścānye digdevā diṃḍinā saha || 13 ||
[Analyze grammar]

mayā saha samāgamya purā devairvicāritam |
eṣa kāruṇikaḥ sūryo yudhyate dānavaiḥ saha || 14 ||
[Analyze grammar]

te tu labdhavarā bhūtvā amātyādyā hyabhīkṣṇaśaḥ |
ādityaṃ manyamānāste tapaṃtaṃ haṃtumudyatāḥ || 15 ||
[Analyze grammar]

tasmātteṣāṃ vighātārthaṃ pravarāśca bhavāmahe |
asmābhiḥ pratiruddhāste na drakṣyaṃti divākaram || 16 ||
[Analyze grammar]

saṃmaṃtryaivaṃ tataḥ skaṃdo vāmapārśve raveḥ sthitaḥ |
daṃḍanāyakasaṃjñastu sarvalokasya sa prabhuḥ || 17 ||
[Analyze grammar]

uktaśca sa tadārkeṇa tvaṃ prajādaṃḍanāyakaḥ |
daṃḍanītikaro yasmāttasmāttvaṃ daṃḍanāyakaḥ || 18 ||
[Analyze grammar]

likhate yaḥ prajānāṃ ca sukṛtaṃ yacca duṣkṛtam |
agnirdakṣiṇapārśve tu piṃgalatvātsa piṃgalaḥ || 19 ||
[Analyze grammar]

āśvinau cāpi sūryasya pārśvayorubhayoḥ sthitau |
aśvarūpātsamupannau tena tāvaśvinau surau || 20 ||
[Analyze grammar]

dvārapālau smṛtau tasya rājñaḥ śreṣṭhau mahābalau |
kārttikeyaḥ smṛto rājñaḥ śreṣṭhaścāpi haraḥ smṛtaḥ || 21 ||
[Analyze grammar]

rājṛdīptau smṛto dhāturnakārastasya pratyayaḥ |
surasenāpatitvena sa yasmāddīpyate sadā |
tasmātsa kārtikeyastu nāmnā rājña iti smṛtaḥ || 22 ||
[Analyze grammar]

sru gatau ca smṛto dhāturyasya sa pratyayaḥ smṛtaḥ |
gacchatīti rahastasmātparyāyātsrauṣa ucyate || 23 ||
[Analyze grammar]

prathamaṃ yadbhaveddvāraṃ dharmārthābhyāṃ samāśritam |
tatraitau saṃsthitau devau lokapūjyau dvijottamāḥ || 24 ||
[Analyze grammar]

dvitīyāyāṃ tu kakṣāyāmapradhṛṣṭau vyavasthitau |
pakṣipretādhipau nāmnā smṛtau kalmāṣapakṣiṇau || 25 ||
[Analyze grammar]

varṇasya śabalatvācca yamaḥ kalmāṣa ucyate |
pakṣāvasyeti yaḥ pakṣī garuḍaḥ parikīrtitaḥ || 26 ||
[Analyze grammar]

sthito dakṣiṇata tasya daṃḍahastasamanvitaḥ |
uttareṇa sthito'rkasya kuberaśca vināyakaḥ || 27 ||
[Analyze grammar]

kubero dhanado jñeyo hastirūpo vināyakaḥ |
kutsayā kupyatā śaptaṃ kuśarīramajāyata |
kuberaḥ kuśarīratvātsa nāmnā dhanadaḥ smṛtaḥ || 28 ||
[Analyze grammar]

nāyakaḥ sarvasattvānāṃ tena nāyaka ucyate |
vividhaṃ nayate yasmātsa tu tasmādvināyakaḥ || 29 ||
[Analyze grammar]

raivataścaiva diṃḍiśca tau raveḥ pūrvataḥ sthitau |
tato diṃḍiḥ smṛto rudro revatastanayo raveḥ || 30 ||
[Analyze grammar]

plutaṃ gacchatyasau yasmātsarvalokanamaskṛtaḥ |
revṛplavagatau dhātū revatastena sa smṛtaḥ || 31 ||
[Analyze grammar]

ḍīṅgatāvasya vai dhātordiṃḍiśabdo nipātyate |
ḍayate'sau sadā diṃḍī tena diṃḍī prakīrtitaḥ || 32 ||
[Analyze grammar]

ityete pravarāḥ proktā dhātvarthā naigamaiḥ śubhaiḥ |
eṣāṃ saṃkṣepato bhūyaḥ saṃkhyāṃ vo nigadāmi vai || 33 ||
[Analyze grammar]

aśvinau tau tato jñeyau daṃḍanāyakapiṃgalau |
tau sūryadvārapau jñeyau rājñasrauṣau tataḥ smṛtau || 34 ||
[Analyze grammar]

revataścaiva diṃḍiśca ityete pravarā mayā |
aṣṭādaśa samā khyātāḥ saṃkṣepātsaṃkhyayā mayā || 35 ||
[Analyze grammar]

ityebhirnāmabhistvanye dānavānāṃ jighāṃsayā |
parivārya sthitāḥ sūryaṃ nānāpraharaṇāyudhāḥ || 36 ||
[Analyze grammar]

sarūpāścānyarūpāśca virūpāḥ kāmarūpiṇaḥ |
parivārya sthitāḥ sūryaṃ garuḍaśca mahābalaḥ || 37 ||
[Analyze grammar]

dhāturdiviti vai prokto krīḍāyāṃ sa tu ucyate |
krīḍaṃte divi vai yasmāttasmātte daivatāḥ smṛtāḥ || 38 ||
[Analyze grammar]

ṛco yajūṃṣi sāmāni yānyuktānīha vai mayā |
nānārūpaiḥ sthitānyeva ravestāni sama ntataḥ || 39 ||
[Analyze grammar]

sumaṃturuvāca |
ityevamuktavānbrahmā ṛṣīṇāṃ pṛcchatāṃ purā |
te śrutvārādhya deveśaṃ saṃsiddhā divi saṃsthitāḥ || 40 ||
[Analyze grammar]