Chapter 123

śatānīka uvāca |
bhūyo'pi kathayasvemāṃ kathāṃ sūryasamāśritām |
na tṛptimadhigacchāmi śṛṇvannetāṃ kathāṃ mune || 1 ||
[Analyze grammar]

sumanturuvācaṃ |
bhāskarasya kathāṃ puṇyāṃ sarvapāpapraṇāśinīm |
vakṣyāmi kathitāṃ pūrvaṃ brahmaṇā lokakartṛṇā1 || 2 ||
[Analyze grammar]

ṛṣayaḥ paripṛcchanti brahmaloke pitāmaham |
tāpitāḥ sūryakiraṇaistejasā sampramohitāḥ || 3 ||
[Analyze grammar]

ṛṣaya ūcuḥ |
ko'yaṃ dīpto mahātejā havīrāśisamaprabhaḥ |
etadveditumicchāmaḥ prabhāvo'sya kutaḥ prabho || 4 ||
[Analyze grammar]

brahmovāca |
tamobhūteṣu lokeṣu naṣṭe sthāvarajaṅgame |
pravṛtte guṇahetutve pūrvaṃ buddhirajāyata || 5 ||
[Analyze grammar]

ahaṃkārastato jāto mahābhūtapravartakaḥ |
vāyvagnirāpaḥ khaṃ bhūmistatastvaṇḍamajāyata || 6 ||
[Analyze grammar]

tasminnaṇḍa ime lokāḥ sapta vai saṃpratiṣṭhitāḥ |
pṛthvī ca saptabhirdvīpaiḥ samudraiścāpi saptabhiḥ || 7 ||
[Analyze grammar]

tatraivāvasthito hyāsamahaṃ viṣṇurmaheśvaraḥ |
pramūḍhāstamasā sarve pradhyātā īśvaraṃ param || 8 ||
[Analyze grammar]

tato bhidya mahātejaḥ prādurbhūtaṃ tamonudam |
dhyānayogena cāsmābhirvijñātaṃ savitustathā || 9 ||
[Analyze grammar]

jñātvā ca paramātmānaṃ sarva eva pṛthakpṛthak |
divyābhiḥ stutibhirdevaṃ saṃstotumupacakramuḥ || 10 ||
[Analyze grammar]

ādidevo'si devānāmīśvarāṇāṃ tvamīśvaraḥ |
ādikartāsi bhūtānāṃ devadeva sanātana || 11 ||
[Analyze grammar]

jīvanaṃ sarvasattvānāṃ devagandharvarakṣasām |
munikinnarasiddhānāṃ tathaivoragapakṣiṇām || 12 ||
[Analyze grammar]

tvaṃ brahmā tvaṃ mahādevastvaṃ viṣṇustvaṃ prajāpatiḥ |
vāyurindraśca somaśca vivasvānvaruṇastathā || 13 ||
[Analyze grammar]

tvaṃ kālaḥ sṛṣṭikartā ca hartā trātā prabhustathā |
saritaḥ sāgarāḥ śailā vidyudindradhanūṃṣi ca |
pralayaḥ prabhavaścaiva vyaktāvyaktaḥ sanātanaḥ || 14 ||
[Analyze grammar]

īśvarātparato vidyā vidyāyāḥ parataḥ śivaḥ |
śivātparataro devastvameva parameśvara || 15 ||
[Analyze grammar]

sarvataḥ pāṇipādastvaṃ sarvato'kṣiśiromukhaḥ |
sahasrāṃśustvaṃ tu deva sahasrakiraṇastathā || 16 ||
[Analyze grammar]

bhūrādibhūrbhuvaḥ svaśca maharjanastapastathā |
pradīptaṃ dīptimannityaṃ sarvalokaprakāśakam |
durnirīkṣyaṃ surendrāṇāṃ yadrūpaṃ tasya te namaḥ || 17 ||
[Analyze grammar]

surasiddhagaṇairjuṣṭaṃ bhṛgvatripulahādibhiḥ |
śubhaṃ paramamavyagraṃ yadrūpaṃ tasya te namaḥ || 18 ||
[Analyze grammar]

pañcātītasthitaṃ tadvai daśaikādaśa eva ca |
ardhamāsamatikramya sthitaṃ tatsūryamaṇḍale |
tasmai rūpāya te deva praṇatāḥ sarvadevatāḥ || 19 ||
[Analyze grammar]

viśvakṛdviśvabhūtaṃ ca viśvānarasurārcitam |
viśvasthitamaciṃtyaṃ ca yadrūpaṃ tasya te namaḥ || 20 ||
[Analyze grammar]

paraṃ yajñāt paraṃ devātparaṃ lokātparaṃ divaḥ |
duratikrameti yaḥ khyātastasmādapi paraṃ parāt |
paramātmeti vikhyātaṃ yadrūpaṃ tasya te namaḥ || 21 ||
[Analyze grammar]

avijñeyamacityaṃ ca adhyātmagatamavyayam |
anādinidhanaṃ devaṃ yadrūpaṃ tasya te namaḥ || 22 ||
[Analyze grammar]

namonamaḥ kāraṇakāraṇāya namonamaḥ pāpavināśanāya |
namonamo vaṃditavaṃdanāya namonamo rogavināśanāya || 23 ||
[Analyze grammar]

namonamaḥ sarvavarapradāya namonamaḥ sarvabalapradāya |
namonamo jñānanidhe sadaiva namonamaḥ pañcadaśātmakāya || 24 ||
[Analyze grammar]

stutaḥ sa bhagavānevaṃ tejasāṃ rūpamāsthitaḥ |
uvāca vācaṃ kalyāṇīṃ ko varo vaḥ pradīyatām || 25 ||
[Analyze grammar]

tavātitejasā rūpaṃ na kaścitsahate vibho |
sahanīyaṃ bhavatvetaddhitāya jagataḥ prabho || 26 ||
[Analyze grammar]

evamastviti gāmuktvā bhagavānsarvakṛtsvayam |
lokānāṃ kāryasiddhyarthaṃ gharmavarṣāhimapradaḥ || 27 ||
[Analyze grammar]

ataḥ sāṃkhyāśca yogāśca ye cānye mokṣakāṃkṣiṇaḥ |
dhyāyanti dhyānino nityaṃ hadayasthaṃ divākaram || 28 ||
[Analyze grammar]

sarvalakṣaṇahīno'pi yukto vā sarvapātakaiḥ |
sarvaṃ tarati vai pāpaṃ devakarmasamāśritaḥ || 29 ||
[Analyze grammar]

agnihotraṃ ca vedāśca yajñāśca bahudakṣiṇāḥ |
bhānorbhaktyā namaskārakalāṃ nārhanti ṣoḍaśīm || 30 ||
[Analyze grammar]

tīrthānāṃ paramaṃ tīrthaṃ maṅgalānāṃ ca maṅgalam |
pavitraṃ ca pavitrāṇāṃ taṃ prapadye divākaram || 31 ||
[Analyze grammar]

brahmādyaiḥ saṃstutaṃ devairye prapadyanti 1 bhāskaram |
nirmuktāḥ kilbiṣaiḥ sarvaiste yānti ravimandiram || 32 ||
[Analyze grammar]

upacaryādibhiḥ sādhyo yathā vede divaspatiḥ |
lokānāmiha sarveṣāṃ tathā devo divākaraḥ || 33 ||
[Analyze grammar]

śatānīka uvāca |
śarīralekhanaṃ sūrye kathaṃ vai pratipāditam |
devaiḥ saṛṣibhirvāpi tanmamācakṣva suvrata || 34 ||
[Analyze grammar]

sumanturuvāca |
brahmaloke sukhāsīnaṃ brahmāṇaṃ te surāsurāḥ |
ṛṣayaḥ samupāgamya idamūcuḥ samāhitāḥ || 35 ||
[Analyze grammar]

bhagavandevatāputro ya eṣa divi rājate |
tenāndhakāro nikṛttaḥ so'yaṃ jājvalitīti hi || 36 ||
[Analyze grammar]

asya tejobhirakhilaṃ jagatsthāvarajaṃgamam |
nāśamāyāti deveśa yathā kliṣṭaṃ nadītaṭam || 37 ||
[Analyze grammar]

vayaṃ ca pīḍitā sarve tejasā tasya mohitāḥ |
padmaścāyaṃ yathā mlāno yoyaṃ yonistava prabho || 38 ||
[Analyze grammar]

divi bhuvyantarikṣe ca śarma nopalabhāmahe |
tathā kuru surajyeṣṭha yathā tejaḥ praśāmyati || 39 ||
[Analyze grammar]

evamuktaḥ sa bhagavānpadmayoniḥ prajāpatiḥ |
uvāca bhagavānbrahmā devānviṣṇupurogamān1 || 40 ||
[Analyze grammar]

mahādevena sahitā indreṇa ca mahātmanā |
tameva śaraṇaṃ devaṃ gacchāmaḥ sahitā vayam || 41 ||
[Analyze grammar]

tataste sahitāḥ sarve brahmaviṣṇvādayaḥ surāḥ |
gatvā te śaraṇaṃ sarve bhāskaraṃ lokabhāskaram || 42 ||
[Analyze grammar]

stotuṃ pracakramuḥ sarve bhaktinamrā samantataḥ |
keśādidevatāḥ sarvā bhaktibhāvasamanvitāḥ || 43 ||
[Analyze grammar]

brahmaviṣṇvīśā ūcuḥ |
namonamaḥ suravara tigmatejase namonamaḥ suravara saṃstutāya vai |
jaḍāndhamūkānbadhirānsakuṣṭhānsaśvitriṇoṃ'dhānvividhavraṇāvṛtān |
karoṣi tāneva punarnavāntsadā ato mahākāruṇikāya te namaḥ || 44 ||
[Analyze grammar]

yadaudaraṃ jyotiratitvaranmahadyadalpatejo yadapīha cakṣuṣām |
yadatra yajñeṣvapanītamāhitaṃ tavaiva tadūpamanekataḥ sthitam || 45 ||
[Analyze grammar]

suradviṣaḥ sāgaratoyavāsinaḥ pracaṇḍapāśāsiparaśvadhāyudhāḥ |
samucchritāste bhuvi pāpacetasaḥ prayāṃti nāśaṃ tava deva darśanāt || 46 ||
[Analyze grammar]

yato bhavāṃstīrthaphalaṃ samastaṃ yajñeṣu nityaṃ bhagavānavasthitaḥ |
namo bhavannatra vicāraṇāsti sadā samaḥ śāṃtikaro narāṇām |
yaccāpi loke tapa ucyate budhaistatte mahāteja uśaṃti paṇḍitāḥ || 47 ||
[Analyze grammar]

stutaḥ sa bhagavānevaṃ prajāpatimukhaiḥ suraiḥ |
avadhānaṃ tataścakre śravaṇābhyāṃ mahīpate || 48 ||
[Analyze grammar]

stuvanti te tato bhūyaḥ śivaviṣṇupurogamāḥ |
kṛtvā māṃ purataḥ sarve bhaktinamrāḥ samantataḥ || 49 ||
[Analyze grammar]

1 namonamastribhuvanabhūtidāyine kratukriyāsatphalasampradāyine |
namonamaḥ pratidinakarmasākṣiṇe sahasrasaṃdīdhitaye namonamaḥ || 50 ||
[Analyze grammar]

prasaktasaptāśvayuje kṣayāya dhruvaikaraśmigrathine namonamaḥ |
savālakhilyāpsarakinnaroragaiḥ saṃsiddhagandharvapiśācamānuṣaiḥ |
sayakṣarakṣogaṇaguhyakottamaiḥ stutaḥ sadā deva namonamaste || 51 ||
[Analyze grammar]

yato rasānsaṃkṣipase śarīriṇāṃ gabhastibhirhimajalagharmanisravaiḥ |
jagacca saṃśoṣayase sadaiva atosi loke jagato viśoṣaṇam || 52 ||
[Analyze grammar]

brahmovāca |
jñātvā teṣāmabhiprāyamuvāca bhagavānvacaḥ |
labdhvānujñāṃ tataḥ sarve surāḥ saṃhṛṣṭacetasaḥ || 53 ||
[Analyze grammar]

tvaṣṭāraṃ pūjayāmāsurmanovākkāyakarmabhiḥ |
viśvakarmā tavādeśātkarotu tava saumyatām || 54 ||
[Analyze grammar]

tatastu tejaso rāśiṃ sarvakarmavidhānavit |
bhramimāropayāmāsa viśvakarmā vibhāvasum || 55 ||
[Analyze grammar]

amṛtenābhiṣiktasya tadā sūryasya vai vibhoḥ |
tejasaḥ śātanaṃ cakre viśvakarmā śanaiḥ śanaiḥ || 56 ||
[Analyze grammar]

ājānulikhitaścāsau samurāsurapūjitaḥ |
nābhyanandattato deva ullekhanamataḥ param || 57 ||
[Analyze grammar]

tataḥ prabhṛti devasya caraṇau nityasaṃvṛtau |
tāpayanglāpayaṃścaiva yuktatejo'bhavattadā || 58 ||
[Analyze grammar]

yaccāsya śātitaṃ tejastena cakraṃ vinirmitam |
yena viṣṇurjaghānogrānsadā vai daityadānavān || 59 ||
[Analyze grammar]

śūlaśaktigadāvajraśarāsanaparaśvadhān |
devatānāṃ dadau kṛtvā viśvakarmā mahāmatiḥ || 60 ||
[Analyze grammar]

tridevanirmitaṃ stotraṃ sandhyayorubhayorjapan |
kulaṃ punāti puruṣo vyādhibhirna ca pīḍyate || 61 ||
[Analyze grammar]

prajāvānsiddhakarmā ca jīvetsāgraṃ śaracchatam |
putravāndhanavāṃścaiva sarvatra cāparājitaḥ |
hitvā puraṃ bhūtamayaṃ gacchetsṛryamayaṃ puram || 62 ||
[Analyze grammar]

bhūyo'pi tuṣṭuvurdevāstathā devarṣayo ravim |
vāgbhiritthamaśeṣasya trailokyasya samāgatāḥ || 63 ||
[Analyze grammar]

devā ūcuḥ |
namaste1 ravirūpāya somarūpāya te namaḥ |
namo yajuḥ svarūpāyātharvāyāṅgirase2 namaḥ || 64 ||
[Analyze grammar]

jñānaikadhāmabhūtāya3 nirdhūtatamase namaḥ |
śuddhajyotiḥsvarūpāya nistattvāyāmalātmane || 65 ||
[Analyze grammar]

namo'khilajagadvyāptisvarūpāyātmamūrtaye |
sarvakāraṇabhūtāya niṣṭhāyai jñānacetasām || 66 ||
[Analyze grammar]

namo'stu jñeyarūpāya prakāśe lakṣarūpiṇe |
bhāskarāya namastubhyaṃ tathā śabdakṛte namaḥ || 67 ||
[Analyze grammar]

saṃsārahetave caiva saṃdhyājyotsnākṛte namaḥ |
tvaṃ sarvametadbhagavāñjagadvai bhramati tvayā || 68 ||
[Analyze grammar]

bhramatvāviddhamakhilaṃ brahmāṇḍaṃ sacarācaram |
tvadaṃśubhiridaṃ sarvaṃ saṃsṛṣṭaṃ jāyate śuci || 69 ||
[Analyze grammar]

kriyate tvatkarasparśājjalādīnāṃ pavitratā |
homadānādiko dharmo nopakārāya jāyate || 70 ||
[Analyze grammar]

tāvadyāvanna saṃyogī jagatyatra bhavāñchuciḥ |
prātarhomaṃ praśastaṃ hi udite tvayi jāyate || 71 ||
[Analyze grammar]

ṛco'tha sakalā hyetā yajūṃṣi tvaṃ jagatpate |
sakalāni ca sāmāni tapatyevaṃ jagatsadā || 72 ||
[Analyze grammar]

ṛṅmayastvaṃ jagannātha tvameva ca yajurmayaḥ |
tathā sāmamayaścaiva tato nātha trayīmayaḥ || 73 ||
[Analyze grammar]

tvameva brahmaṇo rūpaṃ paraṃ cāparameva ca |
mūrto'mūrtastathā sūkṣmaḥ sdhūlarūpatayā sthitaḥ || 74 ||
[Analyze grammar]

nimeṣakāṣṭhādimayaḥ kālarūpaḥ kṣayātmakaḥ |
prasīda svecchayā rūpaṃ svatejomayamādiśa || 75 ||
[Analyze grammar]

itthaṃ saṃstūyamānastu devairdevarṣibhistathā |
mumoca svaṃ tadā tejastejasāṃ rāśiravyayaḥ || 76 ||
[Analyze grammar]

yattasya ṛṅmayaṃ tejo bhavitā tena medinī |
yajurmayenāpi divaṃ svayaṃ sāmamayo raviḥ || 77 ||
[Analyze grammar]

śātitāstejaso bhāgā ye ca syurdaśa paṃca ca |
tasyaiva tena śarvasya kṛtaṃ śūlaṃ mahātmanā || 78 ||
[Analyze grammar]

cakraṃ viṣṇorvasūnāṃ ca śaṃkarasya ca dāruṇam |
ṣaṇmukhasya tathā śaktiḥ śibikā dhanadasya ca || 79 ||
[Analyze grammar]

anyeṣāṃ cāsurārīṇāṃ śastrāṇyugrāṇi yāni vai |
yakṣavidyādharāṇāṃ ca tāni cakre sa viśvakṛt || 80 ||
[Analyze grammar]

tataśca ṣoḍaśaṃ bhāgaṃ bibharti bhagavānraviḥ |
tattejasaḥ paṃcadaśa śātitā viśvakarmaṇā || 81 ||
[Analyze grammar]

tataḥ surūpadṛgbhānuruttarānagamatkurūn |
dadarśa tatra saṃjñāṃ ca vaḍavārūpadhāriṇīm || 82 ||
[Analyze grammar]

ityetannikhilaṃ bhānoḥ kathitaṃ munisattamāḥ |
śṛṇuyādyo naro bhaktyā aśvamedhaphalaṃ labhet || 83 ||
[Analyze grammar]