Chapter 120

viṣṇuruvāca |
bhagavanprāṇinaḥ sarve viṣarogādyupadravaiḥ |
duṣṭagrahopaghātaiśca sarvakālamupadrutāḥ || 1 ||
[Analyze grammar]

ābhicārikakṛtyābhiḥ sparśarogaiśca dāruṇaiḥ |
sadā sampīḍyamānāstu tiṣṭhantyambujasambhava || 2 ||
[Analyze grammar]

yena karmavipākena viṣarogādyupadravāḥ |
prabhavanti nṛṇāṃ tanme yathāvadvaktumarhasi || 3 ||
[Analyze grammar]

brahmovāca |
vratopavāsairyairbhānurnānyajanmani toṣitaḥ |
te narā devaśārdūla graharogādibhāginaḥ || 4 ||
[Analyze grammar]

yairna tatpravaṇaṃ cittaṃ sarvadaiva naraiḥ kṛtam |
viṣagrahajvarāṇāṃ te manuṣyāḥ kṛṣṇa bhāginaḥ || 5 ||
[Analyze grammar]

ārogyaṃ paramāṃ vṛddhiṃ manasā yadyadicchati |
tattadāpnotyasaṃdigdhaṃ paratrādityatoṣaṇāt || 6 ||
[Analyze grammar]

nādhīnprāpnoti na vyādhīnna viṣayagrahabandhanam |
kṛtyāsparśabhayaṃ vāpi toṣite timirāpahe || 7 ||
[Analyze grammar]

sarve duṣṭāḥ samāstasya saumyāstasya sadā grahāḥ |
devānāmapi pūjyo'sau tuṣṭo yasya divākaraḥ || 8 ||
[Analyze grammar]

yaḥ samaḥ sarvabhūteṣu yathātmani tathā hite |
upavāsādinā yena toṣyate timirāpahaḥ || 9 ||
[Analyze grammar]

toṣite'sminprajānāthe narāḥ pūrṇamanorathāḥ |
arogāḥ sukhino nityaṃ bahudharmasukhānvitāḥ || 10 ||
[Analyze grammar]

na teṣāṃ śatravo naiva śarīrādyabhicārakam |
graharogādikaṃ cāpi pāpakāryupajāyate || 11 ||
[Analyze grammar]

avyāhatāni devasya dhanajālāni taṃ naram |
rakṣanti sakalāpatsu yena śvetādhipo'rcitaḥ || 12 ||
[Analyze grammar]

viṣṇuruvāca |
anārādhitamārtaṇḍā ye narāḥ duḥkhabhāginaḥ |
te kathaṃ nīrujaḥ santu vijvarā gatakalmaṣāḥ || 13 ||
[Analyze grammar]

brahmovāca |
ārādhayantu deveśaṃ puṣpeṇaivamanaupamam |
bhāskaraṃ tu jagannāthaṃ sarvadevaguruṃ param || 14 ||
[Analyze grammar]

viṣṇuruvāca |
doṣābhibhūtadehaistu kathamārādhanaṃ raveḥ |
karttavyaṃ vada deveśa bhaktyā śreyo'rthamātmanaḥ || 15 ||
[Analyze grammar]

anugrāhyo'smi yadi te mamāyaṃ bhaktimāniti |
tanmayopadiśa tvaṃ ca mahadārādhanaṃ raveḥ || 16 ||
[Analyze grammar]

anantamajaraṃ devaṃ duṣṭasandehanāśanam |
ārādhayitumicchāmi bhagavantastvadanujñayā |
yenāhaṃ tvatprasādena bhaveyamativikramaḥ || 17 ||
[Analyze grammar]

brahmovāca |
anugrāhyo'si devasya nūnamavyaktajanmanaḥ |
ārādhanāya te viṣṇo yadetatpravaṇaṃ manaḥ || 18 ||
[Analyze grammar]

yadi devapatiṃ bhānumārādhayitumicchasi |
bhagavantamanādyaṃ ca bhava vaivasvato'cyuta || 19 ||
[Analyze grammar]

na hyavaivasvatairbhānurjñātuṃ stotuṃ ca śakyate |
draṣṭuṃ vā śakyate mūḍhaiḥ praveṣṭuṃ kuta eva tu || 20 ||
[Analyze grammar]

tadbhaktiprārthitāḥ pūtā narāstadbhakticetasaḥ |
vaivasvatā bhavantyevaṃ vivasvantaṃ viśanti ca || 21 ||
[Analyze grammar]

anekajanmasaṃsāracite pāpasamuccaye |
nākṣīṇe jāyate puṃsāṃ mārtaṇḍābhimukhī matiḥ || 22 ||
[Analyze grammar]

pradveṣaṃ yāti mārtaṇḍe dvijānvedāṃśca nindati |
yo narastaṃ vijānīyādasurāṃśasamudbhavam || 23 ||
[Analyze grammar]

pāṣaṇḍeṣu ratiḥ puṃsāṃ hetuvādānukūlatā |
jāyate dambhamāyāmbhaḥ patitānāṃ durātmanām || 24 ||
[Analyze grammar]

yadā pāpakṣayaḥ puṃsāṃ tadā vedadvijātiṣu |
bhānau ca yajñapuruṣe śraddhā bhavati naiṣṭhikī || 25 ||
[Analyze grammar]

yadā svalpāvaśeṣastu narāṇāṃ pāpasañcayaḥ |
tadā bhojakavipreṣu bhānau pūjāṃ prakurvate || 26 ||
[Analyze grammar]

bhramatāmatra saṃsāre narāṇāṃ karmadurgame |
karāvalambano hyeko bhaktiprīto divākaraḥ || 27 ||
[Analyze grammar]

sa tvaṃ vaivasvato bhūtyā sarvapāpaharaṃ harim |
ārādhaya samaṃ bhaktyā prītimabhyeti bhāskaraḥ || 28 ||
[Analyze grammar]

viṣṇuruvāca |
kiṃ lakṣaṇā bhavantyete narā vaivasvatā guṇaiḥ |
yacca vaivasvataṃ kāryaṃ tanme kathaya kañjaja || 29 ||
[Analyze grammar]

brahmovāca |
karmaṇā manasā vācā prāṇināṃ yo na hiṃsakaḥ |
bhāvabhaktaśca mārtaṇḍa kṛṣṇa vaivasvato hi saḥ || 30 ||
[Analyze grammar]

yo bhojakadvijāndevānnityameva namasyati |
na ca bhoktā parasvāderviṣṇo vaivasvato hi saḥ || 31 ||
[Analyze grammar]

sarvāndevānraviṃ vetti sarvāṃllokāṃśca bhāskaram |
tebhyaścānanyamātmānaṃ kṛṣṇa vaivasvato hi saḥ || 32 ||
[Analyze grammar]

devaṃ manuṣyamanyaṃ vā paśupakṣipipīlikam |
tarupāṣāṇakāṣṭhādibhūmyambhodhiṃ divaṃ tathā || 33 ||
[Analyze grammar]

ātmānaṃ cāpi devaśādvyatiriktaṃ divākarāt |
yo na jānāti taṃ vidyātkṛṣṇa vaivasvataṃ naram || 34 ||
[Analyze grammar]

sarvo vaivasvato bhāgo yadbhūtaṃ yadvyavasthitam |
iti vai yo vijānāti sa tu vaivasvato naraḥ || 35 ||
[Analyze grammar]

bhavabhītiṃ haratyeṣa bhaktibhāvena bhāvitaḥ |
vivasvāniti bhāvo yaḥ sa tu vaivasvato naraḥ || 36 ||
[Analyze grammar]

bhāvaṃ na kurute yastu sarvabhūteṣu pāpakam |
karmaṇā manasā vācā sa ca vaivasvato naraḥ || 37 ||
[Analyze grammar]

bāhyārthanirapekṣo yaḥ kriyāṃ bhaktyā vivasvataḥ |
bhāvena niṣpādayati jñeyo vaivasvato hi saḥ || 38 ||
[Analyze grammar]

nārayo yasya na snigdhā na bhedādhīnavṛttayaḥ |
vīkṣate sarvamevedaṃ bhānuṃ vaivasvato hi saḥ || 39 ||
[Analyze grammar]

sutapteneha tapasā yajñairvā bahudakṣiṇaiḥ |
tāṃ gatiṃ na narā yanti yāṃ tu vaivasvato gataḥ || 40 ||
[Analyze grammar]

yena sarvātmanā bhānau bhaktyā bhāvo niveśitaḥ |
devaśreṣṭha kṛtārthatvācchlāghyo vaivasvato hi saḥ || 41 ||
[Analyze grammar]

api naḥ sa kule dhanyo jāyeta kulapāvanaḥ |
bhāskaraṃ bhaktibhāvena yastu vai pūjayiṣyati || 42 ||
[Analyze grammar]

yaḥ kārayati devārcāṃ hadayālambinīṃ raveḥ |
sa naro'rkamavāpnoti dharmadhvajamanaupamam || 43 ||
[Analyze grammar]

yaśca devālayaṃ bhaktyā bhānoḥ kārayate sthiram |
sa sapta puruṣāṃllokānbhānornayati mānavaḥ || 44 ||
[Analyze grammar]

yāvantobdānhi devārcā ravestiṣṭhati maṃdire |
tāvadvarṣasahasrāṇi puṣpottaragṛhe vaset || 45 ||
[Analyze grammar]

devārcālakṣaṇopeto yadgṛhe santato vidhiḥ |
niṣkāmaṃ ca mano yasya sa yātyakṣarasāmyatām || 46 ||
[Analyze grammar]

puṣpāṇyatisugaṃdhīni manojñāni ca yaḥ pumān |
prayacchati jagannāthe saptāśve jyotiṣāṃ patau |
sa yāti paramaṃ sthānaṃ yatra jyotiḥ sanātanam || 47 ||
[Analyze grammar]

yasya yasya vihīno yo deśo yadvarjitaṃ ca yat |
dhūpāṃśca vividhāṃstāṃstāngaṃdhāḍhyaṃ suvilepanam || 48 ||
[Analyze grammar]

dīpavartyupahārāṃśca yaccābhīṣṭamathātmanaḥ |
naraḥ sonudinaṃ yajñānkarotyārādhanādraveḥ || 49 ||
[Analyze grammar]

yajñeśo bhagavānbhānurmakhairapi sa toṣyate |
bahūpakaraṇā yajñā nānāsaṃbhāravistarāḥ |
saṃprāpyante dhanayutairmanuṣyairnālpasaṃcayaiḥ || 50 ||
[Analyze grammar]

bhaktyā tu puruṣaiḥ pūjā kṛtā dūrvāṃkurairapi |
raverdadāti hi phalaṃ sarvayajñaiḥ sudurlabham || 51 ||
[Analyze grammar]

yāni puṣpāṇi hṛdyāni dhūpagandhānulepanam |
dayitaṃ bhūṣaṇaṃ yacca tathā rakte ca vāsasī || 52 ||
[Analyze grammar]

yāni cābhyavahāryāṇi bhakṣyāṇi ca phalāni ca |
prayaccha tāni mārtaṇḍa bhavethāścaiva tanmanāḥ || 53 ||
[Analyze grammar]

ādyaṃ taṃ yajñapuruṣaṃ yathā bhaktyā prasādaya |
ārādhya yāti taṃ devaṃ yattadbrahma paraṃ smṛtam || 54 ||
[Analyze grammar]

puṇyaistīrthodakaiḥ puṣpairmadhunā sarpiṣā tathā |
kṣīreṇa snāpayeddevamacyutaṃ jagatāṃ patim || 55 ||
[Analyze grammar]

dadhikṣīrahradānpuṇyāṃstato lokānmadhucyutaḥ |
prayāsyasi yaduśreṣṭha nirvṛtiṃ cāpi aiśvarīm || 56 ||
[Analyze grammar]

stotrairhadyairyathā vādyairbrāhmaṇānāṃ ca tarpaṇaiḥ |
manasaścaikatāyogādārādhaya divākaram || 57 ||
[Analyze grammar]

ārādhyaṃ taṃ mahādevo mahacchabdamavāptavān || 58 ||
[Analyze grammar]

ahaṃ cāpi samastānāṃ lokānāṃ sṛṣṭikārakaḥ |
tamārādhya vivasvantaṃ tatprasādājjanārdana || 59 ||
[Analyze grammar]

tvamapyetaṃ hṛṣīkeśa tatprasādānna saṃśayaḥ |
samartho devaśatrūṇāṃ daityānāṃ nāśane sadā || 60 ||
[Analyze grammar]

dakṣiṇaḥ kiraṇastasya yo devasya vivasvataḥ |
ahaṃ tasmātsamutpanno vedavedāṅgasammitaḥ || 61 ||
[Analyze grammar]

vāmo yaḥ kiraṇaḥ kṛṣṇa raśmimālākulaḥ sadā |
tasmādīśaḥ samutpannaḥ pārvatīdayito'cyuta || 62 ||
[Analyze grammar]

vakṣasastvaṃ samutpannaḥ śaṃkhacakragadādharaḥ |
tathāmbujakarā devī ambujānanavallabhā || 63 ||
[Analyze grammar]

samārādhya balaṃ kīrtiṃ śriyaṃ cāvāptavānaham |
tathā ttvamapi rājendra tamārādhya divākaram |
yānyānicchasi kāmāṃstvaṃ tāṃstānsarvānavāpsyasi || 64 ||
[Analyze grammar]

ya idaṃ śṛṇuyānnityaṃ saṃvādaṃ vidhikṛṣṇayoḥ |
so'pi kāmānavāpyāgryāṃstato lokamavāpnuyāt || 65 ||
[Analyze grammar]

gairikaṃ yānamārūḍho yuktaṃ kuñjaravājibhiḥ |
tejasāmbujasaṃkāśaḥ prabhayāṇḍaja sannibhaḥ || 66 ||
[Analyze grammar]

kāntyā caṃdrasamo rājanvṛndārakagaṇairvṛtaḥ |
gandharvairgīyamānastu tathā cāpsarasāṃ gaṇaiḥ || 67 ||
[Analyze grammar]