Chapter 115

brahmovāca |
praśaṃsanti mahātmānaḥ saṃvādaṃ bhāskarāśrayam |
gautamyā saha kauśalyā sumanāyāṃ surālaye || 1 ||
[Analyze grammar]

svarge'tiśobhanāṃ dṛṣṭvā kauśalyāṃ patinā saha |
brāhmaṇī gautamī nāma paryapṛcchata vismitā || 2 ||
[Analyze grammar]

gautamyuvāca |
śataśaḥ santi kauśalye devāḥ svarganivāsinaḥ |
devapatnyastathaivaitāḥ siddhāḥ siddhāṅganāstathā || 3 ||
[Analyze grammar]

na teṣāmīdṛśo gandho na kāntirna surūpatā |
na vāsasī śobhane ye yathā te patinā saha || 4 ||
[Analyze grammar]

naivābharaṇajātāni teṣāṃ bhrājanti vai tathā |
yathā tava yathā patyurna ca svarganivāsinām || 5 ||
[Analyze grammar]

susnātacailataścaiva yuvayoratiricyate |
lekhādyānāmapīśānāṃ kṣayātiśayavarjitaḥ || 6 ||
[Analyze grammar]

tapaḥprabhāvo dānaṃ vā homo vā karmasaṃjñitaḥ |
yuvayoryatsamācakṣva tatsarvaṃ varavarṇini |
yena me vikrame buddhirmanujā yena saṅgatāḥ || 7 ||
[Analyze grammar]

kauśalyovāca |
yajño yajñeśvaro bhānurāvābhyāṃ jātu toṣitaḥ |
svargaprāptiriyaṃ tasya karmaṇaḥ phalamuttamam || 8 ||
[Analyze grammar]

surūpatā tataḥ prītiḥ paśyatāṃ cāruveṣitā |
yatpṛcchasi mahābhāge tadapyeṣāṃ vadāmi te || 9 ||
[Analyze grammar]

tīrthodakaistathā gandhaiḥ snāpito yaddivākaraḥ |
tena kāntiriyaṃ nityaṃ devāṃstribhuvaneśvarān || 10 ||
[Analyze grammar]

manaḥprasādaḥ saumyatvaṃ śarīre ye ca nirvṛtāḥ |
yatpriyatvaṃ ca sarvaṃ syāttadghṛtasnapanātphalam || 11 ||
[Analyze grammar]

yānyabhīṣṭāni vāsāṃsi yaccābhīṣṭavibhūṣaṇam |
ratnāni yānyabhīṣṭāni yatpriyaṃ cānulepanam || 12 ||
[Analyze grammar]

ye dhṛtā yāni mālyāni dayitānyabhavansadā |
mama bhartustadaivāsya tadā rājyaṃ praśāsataḥ || 13 ||
[Analyze grammar]

tāni sarvāṇi sarvajña sarvapātari bhānuni |
dattāni taṃ samuttho'yaṃ gandhadhūpātmako guṇaḥ || 14 ||
[Analyze grammar]

āhārā dayitā ye ca pavitrāśca niveditāḥ |
trilokakartuḥ savitustṛptistadguṇasambhavā || 15 ||
[Analyze grammar]

svargakāmena me bhartrā mayā ca śubhadarśane |
kṛtametatkṛtenābhūdāvayorbhavasaṃkṣayaḥ || 16 ||
[Analyze grammar]

ye tvakāmā narāḥ samyaktatkurvanti ca śobhane |
teṣāṃ dadāti viśveśo bhagavānmuktimīśvaraḥ || 17 ||
[Analyze grammar]

brahmovāca |
evamabhyarcya mārtaṇḍamarkaṃ deveśvaraṃ gurum |
prāpto'smyabhimatānkāmānkṛṣṇāhaṃ śāśvatīḥ samāḥ || 18 ||
[Analyze grammar]

candanāgurukarpūrakuṅkumośīrapadmakaiḥ |
anulipto narairbhaktyā dadāti1 sāgarodbhavām || 19 ||
[Analyze grammar]

kāleyakaṃ turuṣkaṃ ca raktacandanameva ca |
yānyātmani sadeṣṭāni tāni śasyānyapākuru || 20 ||
[Analyze grammar]

gandhāścāpi śubhā ye ca dhūpā ye vijayodayāḥ |
divākarasya dharmajña nivedyāssarvadācyuta || 21 ||
[Analyze grammar]

na dadyātsallakīkṣāraṃ no mukhena ca saṃhṛtam |
dadyādarkāya dharmajña dhūpamārādhanodyataḥ || 22 ||
[Analyze grammar]

mālatī mallikā caiva yūthikā cātimuktikaḥ |
pāṭalāḥ karavīraśca japā sevantireva ca || 23 ||
[Analyze grammar]

kuṅkumastagaraścaiva karṇikāraḥ sakeśaraḥ |
campakaḥ ketaka kundo bāṇabarbaramālikā || 24 ||
[Analyze grammar]

aśokastilako lodhrastathā caivāṭarūṣakaḥ |
śatapatrāṇi dhanyāni bakāhvānī viśeṣataḥ || 25 ||
[Analyze grammar]

agastiṃ kiṃśukaṃ tadvatpūjārthaṃ bhāskarasya tu |
amī puṣpaprakārāstu śastā bhāskarapūjane || 26 ||
[Analyze grammar]

bilvapatraṃ śamīpatraṃ patraṃ vā bhṛṅgarasya ca |
tamālapatraṃ ca hare sadaiva bhagavatpriyam || 27 ||
[Analyze grammar]

tulasī kālatulasī tathā raktaṃ ca candanam |
ketakī patrapuṣpaṃ tu sadyastuṣṭikaraṃ raveḥ || 28 ||
[Analyze grammar]

padmotpalasamutthāni raktaṃ nīlotpalaṃ tathā |
sitotpalaṃ tu bhānostu dayitāni sadācyuta || 29 ||
[Analyze grammar]

kṛṣṇalokanmattakaṃ kāntaṃ tathaiva girimallikā |
na karṇikārikāpuṣpaṃ bhāskarāya nivedayet || 30 ||
[Analyze grammar]

kuṭajaṃ śālmalīpuṣpaṃ tathānyadgandhavarjitam |
niveditaṃ bhayaṃ rogaṃ niḥsvatāṃ ca prayacchati || 31 ||
[Analyze grammar]

yeṣāṃ na pratiṣedho'sti gandhavarṇānvitāni ca |
tāni puṣpāṇi deyāni mānave lokabhānave || 32 ||
[Analyze grammar]

sugandhaiśca murāmāṃsīkarpūrāgarucandanaiḥ |
tathānyaiśca śubhairdravyairarcayedvanamālinam || 33 ||
[Analyze grammar]

dukūlapaṭṭakauśeyavārkṣakārpāsakādibhiḥ |
vāsobhiḥ pūjayedbhānuṃ yāni cātmapriyāṇi tu || 34 ||
[Analyze grammar]

bhakṣyāṇi yānyabhīṣṭāni bhojyānyabhimatāni ca |
phalaṃ ca vallabhaṃ yatsyāttatte deyaṃ divākare || 35 ||
[Analyze grammar]

suvarṇamaṇimuktāni rajataṃ ca tathācyuta |
dakṣiṇā vividhā ceha yaccānyadapi vallabham || 36 ||
[Analyze grammar]

ātmānaṃ bhāskaraṃ matvā yajñaṃ tasmai nivedayet |
tattadavyaktarūpāya bhāskarāya nivedayet || 37 ||
[Analyze grammar]