Chapter 66

sumanturuvāca |
ityuktvā bhagavānbrahmā jagāmādarśanaṃ vibhoḥ || 3 ||
[Analyze grammar]

sūryamārādhayaddiṇḍī4 sūryasyānucaro'bhavat || 1 ||
[Analyze grammar]

śatānīka uvāca |
bhūyaḥ kathaya viprendra māhātmyaṃ bhāskarasya me |
śṛṇvato nāsti me tṛptiramṛtasyeva suvrata || 2 ||
[Analyze grammar]

sumanturuvāca |
śṛṇuṣvāvahito rājansamvādaṃ dvijaśaṅkhayoḥ |
yaṃ śrutvā sarvapāpebhyo mucyate mānavo1 nṛpa || 3 ||
[Analyze grammar]

āsīnamāśrame śaṃkhaṃ dvijo draṣṭuṃ jagāma ha |
phalabhārānatacchāye vṛkṣavṛndasamākule || 4 ||
[Analyze grammar]

parasparamṛgaśṛṅgakaṇḍūyitamṛgāvṛte |
barhirvanāmbarānītatīrthakandopabhogini || 5 ||
[Analyze grammar]

prabhūtakusumāmodaṣaṭpadodgītaśālinī |
siddhadevarṣigandharvatīrthasevitavāriṇi || 6 ||
[Analyze grammar]

muṇḍaiśca jaṭilaiścaiva tāpasairupaśobhite |
āśrame taṃ muniśreṣṭhaṃ śaṃkhāhvaṃ sukhamāsthitam || 7 ||
[Analyze grammar]

stotraiḥ stotuṃ sahasrāṃśuṃ tadbhaktaṃ tatparāyaṇam |
tataḥ saṃhatya sahasā taṃ bhojakakumārakāḥ || 8 ||
[Analyze grammar]

vinītā upasaṃgamya yathāvadabhivādya ca |
āsaneṣūpaviṣṭāsta upaviṣṭamathābruvan || 9 ||
[Analyze grammar]

bhagavantsarvavedeṣu2 cchiṃdhi naḥ saṃśayo mahān |
vinayenopapannānāṃ kumārāṇāṃ tato muniḥ || 10 ||
[Analyze grammar]

anādīṃścaturo vedānuvāca prītamānasaḥ |
teṣāṃ tu paṭhatāmeva āśramaṃ tu yadṛcchayā || 11 ||
[Analyze grammar]

muniśreṣṭho'tha taṃ deśamājagāma dvijo nṛpa |
yathāvadarcitastena śaṅkhenāmitatejasā || 12 ||
[Analyze grammar]

vanditaśca kumāraistairabhavatprītamānasaḥ |
athaitānabravīcchaṃkhastānbhojakakumārakān || 13 ||
[Analyze grammar]

śiṣṭāgamādanadhyāyaḥ sa ca jāto viramyatām |
yathājñāpayasītyāhuḥ kumārāste ṛṣiṃ tataḥ || 14 ||
[Analyze grammar]

prapaccha siddhidaścaitānke hyete kiṃ paṭhanti ca |
śaṅkhovāca mahārāja kumārā bhojakātmajāḥ || 15 ||
[Analyze grammar]

sasūtrakalpāṃścaturo vipra vedānadhīyate |
tathaiva saptamīkalpe paricaryāṃ ca bhāsvataḥ || 16 ||
[Analyze grammar]

agnikāryavidhānaṃ ca pratiṣṭhākalpamāditaḥ |
adhyaṅgalakṣaṇaṃ 1 brahman rathayātrāvidhiṃ tathā || 17 ||
[Analyze grammar]

dvija uvāca |
kathaṃ kriyeta saptamyāṃ kabhrārcanavidhikramaḥ |
gandhapuṣpapradīpānāṃ kiṃ phalaṃ ravimandire || 18 ||
[Analyze grammar]

kena tuṣyati dānena vratena niyamena ca |
dhūpapuṣpopahārādi kiṃ ca deyaṃ vivasvate || 19 ||
[Analyze grammar]

etadicchāmyahaṃ śrotuṃ tanme brūhi tapodhana |
viśeṣatastu māhātmyaṃ brūhi māṃ bhāskarasya hi || 20 ||
[Analyze grammar]

śaṅkha uvāca |
imamarthaṃ vaśiṣṭhena pṛṣṭaḥ sāmbo yathā purā |
sa covāca vaśiṣṭhāya tadahaṃ kathayāmi te || 21 ||
[Analyze grammar]

atrāśrame puṇyatame tīrthānāmuttame prabhuḥ |
vavande niyatātmānaṃ vaśiṣṭhaṃ munisattamam || 22 ||
[Analyze grammar]

vinayenopasaṃgamya vavande caraṇau muneḥ |
kṛtapraṇāmaṃ sāmbaṃ tu bhaktiprahvīkṛtānanam || 23 ||
[Analyze grammar]

vilokya paramaprīto muniḥ papraccha taṃ tadā |
sarvataḥ sphuṭitaṃ gātraṃ kuṣṭhena mahatā tava || 24 ||
[Analyze grammar]

ghorarūpeṇa tīvreṇa kathaṃ tadvigataṃ tava || 1 ||
[Analyze grammar]

kathaṃ ca lakṣmīradhikā rūpaṃ cātimanoharam || 25 ||
[Analyze grammar]

tejasvitātimahatī tathaiva2 sukumāratā || 26 ||
[Analyze grammar]

sāmba uvāca |
stuto nāmasahasreṇa lokanātho divākaraḥ |
darśanaṃ ca gataḥ sākṣāddattavāṃśca varānmama || 27 ||
[Analyze grammar]

vaśiṣṭha uvāca |
kathamārādhitaḥ sūryastvayā yādavanaṃdana |
kaiśca vratatapodānairdarśanaṃ bhagavāngataḥ || 28 ||
[Analyze grammar]

sāmba uvāca |
śṛṇuṣvāvahito brahmansarvameva mayā yathā |
toṣito bhagavānsūryo vidhinā yena suvrata || 29 ||
[Analyze grammar]

mohānmayopahasito3 durvāsāḥ kopano muniḥ |
tato'haṃ tasya śāpena mahākuṣṭhamavāptavān || 30 ||
[Analyze grammar]

tato'haṃ pitaraṃ gatvā kuṣṭhayogābhipīḍitaḥ |
lajjamāno'tigarveṇa idaṃ vākyamathābravam || 31 ||
[Analyze grammar]

tāta sīdati me gātraṃ svaraśca parihīyate |
ghorarūpo mahāvyādhirvapureṣa jighāṃsati || 32 ||
[Analyze grammar]

aśeṣavyādhirājñāhaṃ pīḍitaḥ krūrakarmaṇā |
vaidyairoṣadhibhiścaiva na śāntirmama vidyate || 33 ||
[Analyze grammar]

so'haṃ tvayā hyanujñātastyaktumicchāmi jīvitam |
yadi vāhamanugrāhyastato'nujñātumarhasi || 34 ||
[Analyze grammar]

ityuktavākyaḥ sa pitā ṣutraśokābhipīḍitaḥ |
pitā kṣaṇaṃ tato dhyātvā māmevaṃ vākyamuktavān || 35 ||
[Analyze grammar]

dhairyamāśrayatāṃ1 putra mā śoke ca manaḥ kṛthāḥ |
hanti śokārditaṃ vyādhiḥ śuṣkaṃ tṛṇamivānalaḥ || 36 ||
[Analyze grammar]

devatārādhanaparo bhava putraka mā śucaḥ |
ityukte ca mayā prokto devamārādhayāmi kam || 37 ||
[Analyze grammar]

kamārādhya vimucye'haṃ tāta rogaiḥ samantataḥ |
ityevamukto bhagavānmāmuvāca pitā mama || 38 ||
[Analyze grammar]

imamarthaṃ purā pṛṣṭaḥ padmayoniḥ sanātanaḥ |
yājñavalkyena ṛṣiṇā yogīśena mahātmanā2 || 39 ||
[Analyze grammar]

yaduvāca mahātejāstasmai sa yadunandana |
tacchṛṇuṣva śucirbhūtvā ātmanaḥ śreyase suta || 40 ||
[Analyze grammar]

surajyeṣṭhaṃ sukhāsīnaṃ padmayoniṃ prajāpatim |
yājñavalkyo mahātejāḥ paryapṛcchatpitāmaham || 41 ||
[Analyze grammar]

bhagavañchrotumicchāmi kiṃcidātmamanogatam |
samārādhya vibho devaṃ naro mucyeta vai bhavāt || 42 ||
[Analyze grammar]

gṛhastho brahmacārī vā vānaprastho'tha bhikṣukaḥ |
ya icchenmokṣamāsthātuṃ devatāṃ kāṃ yajeta saḥ || 43 ||
[Analyze grammar]

kuto hyasya dhruvaḥ svargaḥ kuto naiḥ śreyasaṃ sukham |
svargataścaiva kiṃ kuryādyena na cyavate punaḥ || 44 ||
[Analyze grammar]

devātānāṃ tu ko devaḥ pitṝṇāṃ caiva kaḥ pitā |
tasmātparataraṃ yacca tanme brūhi pitāmaha || 45 ||
[Analyze grammar]

kena sṛṣṭamidaṃ viśvaṃ brahmansthāvarajaṅgamam |
pralayo ca kamabhyeti tanme tvaṃ vaktumarhasi || 46 ||
[Analyze grammar]

brahmovāca |
sādhu pṛṣṭo'smi bhavatā tuṣṭaścāsmi mahāmate |
praṇamya śirasā devaṃ puṇyottaramanuttamam || 47 ||
[Analyze grammar]

kathayiṣye dvijaśreṣṭha śṛṇuṣvaikamanādhunā |
ātmanaḥ śreyase vipra śucirbhūtvā samāhitaḥ || 48 ||
[Analyze grammar]

udyanya eṣa kurute jagadvitimiraṃ karaiḥ |
nātaḥ parataro devaḥ kimanyatkathayāmi te || 49 ||
[Analyze grammar]

anādi nidhano hyeṣaḥ puruṣaḥ śāśvato'vyayaḥ |
dīpayatyeva lokāṃstrīnravī raśmibhirulbaṇaiḥ || 50 ||
[Analyze grammar]

sarvadevātmako hyeṣa tapasā cāṃśutāpanaḥ |
sarvasya jagato nāthaḥ karmasākṣī śubhāśubhe || 51 ||
[Analyze grammar]

kṣapayatyeṣa bhūtāni tathā visṛjate punaḥ |
eṣa bhāti tapatyeṣa vardhate ca gabhastibhiḥ || 52 ||
[Analyze grammar]

eṣa dhātā vidhātā ca pūṣā1 prakṛtibhāvana |
na hyeṣa kṣayamāyāti nityamakṣayamaṇḍalaḥ || 53 ||
[Analyze grammar]

pitṝṇāṃ hi pitā devatānāṃ ca devatā |
dhruvaṃ sthānaṃ smṛtaṃ hyeṣa ādhāro jagatastathā || 54 ||
[Analyze grammar]

sarvakāle jagatkṛtsnamādityātsaṃprasūyate |
pralaye ca tamabhyeti ādityaṃ dīptatejasam || 55 ||
[Analyze grammar]

yoginaścātra saṃlīnāstyaktvā gṛhakalevaram |
vāyubhūtā viśantyasmiṃstejorāśau divākare || 56 ||
[Analyze grammar]

tasya raśmisahasrāṇi śākhā iva vihaṃgamāḥ |
vasantyāśritya munayaḥ saṃsiddhā daivataiḥ saha || 57 ||
[Analyze grammar]

janakādayo gṛhasthāstu rājāno yogadharmiṇaḥ |
vālakhilyādayaścaiva munayo brahmacāriṇaḥ || 58 ||
[Analyze grammar]

vyāsādayo vanasthāśca bhikṣuḥ pañcaśikhastathā |
sarve3 te yogamāsthāya praviṣṭāḥ sūryamaṇḍalam || 59 ||
[Analyze grammar]

śuko vyāsātmajaḥ śrīmānyogadharmamavāpya tu |
ādityakiraṇānpītvā na punarbhavamāntavān || 60 ||
[Analyze grammar]

śabdamātrāḥ śrutisukhā brahmaviṣṇuśivādayaḥ |
pratyakṣo'yaṃ smṛto devaḥ sūryastimiranāśanaḥ || 61 ||
[Analyze grammar]

tasmādanyavrate bhaktirna kāryā śubhamicchatā |
hṛṣṭena sādhyate yasmādadṛṣṭaṃ nityameva hi |
tvayātaḥ satataṃ vipra arcanīyo divākaraḥ || 62 ||
[Analyze grammar]

yājñavalkya uvāca |
aho ya eṣa kathito bhavatā bhāskaro mama |
devatā sarvadevānāṃ naitanmithyā prajāyate || 63 ||
[Analyze grammar]

tasya devasya māhātmyaṃ śrutaṃ subahuśo mayā |
devarṣisiddhamanujaiḥ stutasyeha mahātmanaḥ || 64 ||
[Analyze grammar]

kaḥ stauti daivatamajaṃ yasyaitatsacarācaram |
akṣayasyāprameyasya kiraṇodgamanādbhavet || 65 ||
[Analyze grammar]

dakṣiṇātkiraṇādyasya sambhūto bhagavānhariḥ |
vāmādbhavāṃstathā jātaḥ kiraṇātkila kañjaja || 66 ||
[Analyze grammar]

lālāṭādyasya rudrastu kā tulyā tena devatā |
tasya devasya kaḥ śaktaḥ pravaktuṃ guṇavistaram || 67 ||
[Analyze grammar]

so'hamicchāmi devasya tasya sarvātmanaḥ prabho |
śrotumārādhanaṃ yena nistareyaṃ bhavārṇakam || 68 ||
[Analyze grammar]

kenopāyena mantrairvā rahasyaiḥ paricaryayā |
dānairvratopavāsairvā homairjapyairathāpi vā || 69 ||
[Analyze grammar]

ārādhitaḥ samastānāṃ kleśānāṃ hānido raviḥ |
śakyaḥ samārādhayituṃ kathaṃ śaṃsa prajāpate || 70 ||
[Analyze grammar]

dharmārthakāmasamprāptau puruṣāṇāṃ viceṣṭatām || 1 ||
[Analyze grammar]

janmanyavitathā saikā kriyā yārkaṃ samāśritā || 71 ||
[Analyze grammar]

durgasaṃsārakāṃtāramapāramabhidhāvatām |
ekaḥ sūryanamaskāro muktimārgasya deśakaḥ2 || 72 ||
[Analyze grammar]

so'hamicchāmi taṃ devaṃ saptalokaparāyaṇam |
kālāyanamaśeṣasya1 jagato hadyavasthitam || 73 ||
[Analyze grammar]

ārādhayituṃ gopālaṃ graheśamamitaujasam |
śaṅkaraṃ jagato dīpaṃ smṛtamātrāghanāśanam || 74 ||
[Analyze grammar]

tamanādyaṃ suraśreṣṭhaṃ prasādayitumicchataḥ |
upadeśapradānena prasādaṃ kartumarhasi || 75 ||
[Analyze grammar]

tasyaitadvacanaṃ śrutyā bhaktimudvahato ravau |
jagāma paritoṣaṃ sa padmayonirmahātapāḥ || 76 ||
[Analyze grammar]

brahmovāca |
yatpṛcchasi dvijaśreṣṭha sūryasyārādhanaṃ prati |
vratopavāsajapyādi tadihaikamanāḥ śṛṇu || 77 ||
[Analyze grammar]

anādi yatparaṃ brahma sarvaheyavivarjitam |
vyāpya yatsarvabhūteṣu sthitaṃ sadasataḥ param || 78 ||
[Analyze grammar]

pradhānapuṃsoranayoryataḥ kṣobhaḥ pravartate |
nityayorvyāpinoścaiva jagadādau mahātmanoḥ || 79 ||
[Analyze grammar]

tatkṣobhakatvād brahmāṃḍaṃ sṛṣṭerheturnirañjanaḥ |
aheturapi sarvātmā jāyate parameśvaraḥ || 80 ||
[Analyze grammar]

pradhānapuruṣatvaṃ ca tathaiveśvaralīlayā |
samupaiti tataścaivaṃ brahmatvaṃ chandataḥ prabhuḥ || 81 ||
[Analyze grammar]

tataḥ sthitau pālayitā viṣṇutvaṃ jagataḥ kṣaye |
rudratvaṃ ca jagannāthaḥ svecchayā kurute raviḥ || 82 ||
[Analyze grammar]

tamekamakṣaraṃ dhāma sarvadevanamaskṛtam |
bhedābhedasvarūpaṃ taṃ praṇipatya divākaram |
3 varṇayiṣye'khilaṃ vipra tasyaivārādhanaṃ raveḥ || 83 ||
[Analyze grammar]

guhyaṃ cāpi tathā tasya bhāskarasya śṛṇuṣva vai |
tuṣṭena hi purā mahyaṃ kathitaṃ bhāskareṇa tu || 84 ||
[Analyze grammar]