Chapter 65

brahmovāca |
ataḥ paraṃ pravakṣyāmi rahasyāṃ nāma saptamīm |
saptamī kṛtamātreyaṃ narāṃstārayate bhavāt || 1 ||
[Analyze grammar]

saptāparānsapta pūrvānpitṝṃścāpi na saṃśayaḥ |
rogāṃśchinatti duśchedyāndurjayāñjayate hyarīn || 2 ||
[Analyze grammar]

arthānprāpnoti duṣprāpānyaḥ kuryānnāma saptamīm |
kanyārthī labhate kanyāṃ dhanārthī labhate dhanam || 3 ||
[Analyze grammar]

putrārthī labhate putrāndharmārthī dharmamāpnuyāt |
samayānpālayansarvānkuryāccemāṃ vicakṣaṇaḥ || 4 ||
[Analyze grammar]

samayāñchṛṇu bhūteśa śreyase gadato mama |
ādityabhaktaḥ puruṣaḥ saptamyāṃ gaṇanāyaka || 5 ||
[Analyze grammar]

maitrīṃ sarvatra vai kuryādbhāskaraṃ vāpi ciṃtayet |
saptamyāṃ na spṛśettailaṃ nīlaṃ vastraṃ na dhārayet |
na cāpyāmālakaiḥ snānaṃ na kuryātkalahaṃ kvacit || 6 ||
[Analyze grammar]

diṇḍiruvāca |
kimarthaṃ na spaśettailaṃ saptamyāṃ padmasaṃbhava || 7 ||
[Analyze grammar]

kaśca doṣo bhaveddeva nīlavastrasya dhāraṇāt |
brahmovāca |
śṛṇu diṇḍe mahābāho nīlavastrasya dhāraṇe || 8 ||
[Analyze grammar]

dūṣaṇaṃ gaṇaśārdūla gadato mama kṛtsnaśaḥ |
pālanaṃ vikrayaścaiva sadvṛttirupajīvanam || 9 ||
[Analyze grammar]

patitastu bhavedviprastribhiḥ kṛcchairviśuddhyati |
nīlīraktena vastreṇa yatkarma kurute dvijaḥ || 10 ||
[Analyze grammar]

snānaṃ dānaṃ japo homaḥ svādhyāyaḥ pitṛtarpaṇam |
vṛthā tasya mahāyajñā nīlasūtrasya dhāraṇāt || 11 ||
[Analyze grammar]

nīlīraktaṃ yadā vastraṃ viprastvaṅgeṣu dhārayet |
ahorātroṣito bhūtvā pañcagavyena śuddhyati || 12 ||
[Analyze grammar]

romakūpe yadā gacchedraktaṃ nīlasya1 kasyacit |
patitastu bhavedviprastribhiḥ kṛcchrairviśuddhyati || 13 ||
[Analyze grammar]

nīlīmadhyaṃ yadā gacchetpramādādbrāhmaṇaḥ kvacit |
ahorātroṣito bhūtvā pañcagavyena śuddhyati || 14 ||
[Analyze grammar]

nīlīdāru yadā bhiṃdyādbrāhmaṇānāṃ śarīrake |
śoṇitaṃ dṛśyate yatra dvijaścāndrāyaṇaṃ caret || 15 ||
[Analyze grammar]

kuryādajñānato yastu nīlervā dantadhāvanam |
kṛtvā kṛcchradvayaṃ diṇḍe viśuddhaḥ syānna saṃśayaḥ || 16 ||
[Analyze grammar]

vāpayedyatra nīlīṃ tu bhavettatrāśucirmahī |
pramāṇadvādaśābdāni tata ūrdhvaṃ śucirbhavet3 || 17 ||
[Analyze grammar]

saptamyāṃ spṛśatastailamiṣṭā bhāryā vinaśyati |
ityeṣa nīlītailasya doṣaste kathito mayā || 18 ||
[Analyze grammar]

na caiva khādenmāṃsāni madyāni na pibedbudhaḥ |
na drohaṃ kasyacitkuryānna pāruṣyaṃ samācaret || 19 ||
[Analyze grammar]

nāvabhāṣeta cāṇḍālaṃ striyaṃ naiva rajasvalām |
na vāpi saṃspṛśeddhīnaṃ mṛtakaṃ nāvalokayet || 20 ||
[Analyze grammar]

nāsphoṭayennātihasedgāyeccāpi na gītakam |
na nṛtyedatirāgeṇa na ca vādyāni vādayet || 21 ||
[Analyze grammar]

na śayīta striyā sārdhaṃ na seveta durodaram |
na rudyādaśrupātena na ca vācyaṃ ca śaukikam || 22 ||
[Analyze grammar]

ākṛṣenna śiroyūkā na vṛthāvādamācaret |
parasyāniṣṭakathanamatiśokaṃ ca varjayet || 23 ||
[Analyze grammar]

na kañcittāḍayejjantuṃ na kuryādatibhojanam |
na caiva hi divā svapnaṃ dambhaṃ śāṭhyaṃ ca varjayet || 24 ||
[Analyze grammar]

rathyāyāmaṭanaṃ vāpi yatnataḥ parivarjayet |
athāparo vidhiścātra śrūyatāṃ tripurāntaka || 25 ||
[Analyze grammar]

caitrātprabhṛti kartavyā sarvadā nāma saptamī |
dhāteti caitramāse tu pūjanīyo divākaraḥ || 26 ||
[Analyze grammar]

aryameti ca vaiśākhe jyeṣṭhe mitraḥ prakīrtitaḥ |
āṣāḍhe varuṇo jñeya indro nabhasi kathyate || 27 ||
[Analyze grammar]

vivasvāṃśca nabhasye'tha parjanyośvayuji smṛtaḥ |
pūṣā kārttikamāse tu mārgaśīrṣeṣurucyate || 28 ||
[Analyze grammar]

bhagaḥ pauṣe bhavetpūjyastvaṣṭā māghe tu śasyate |
viṣṇuśca phālgune māsi pūjyo vandyaśca bhāskaraḥ || 29 ||
[Analyze grammar]

saptamyāṃ caiva saptamyāṃ bhojayedbhojakānbudhaḥ || 1 ||
[Analyze grammar]

saghṛtaṃ bhojanaṃ deyaṃ bhojayitvā vidhānataḥ || 30 ||
[Analyze grammar]

bhojakāyaiva viprāya dakṣiṇāṃ svarṇamāṣakam |
saghṛtaṃ bhojanaṃ deyaṃ raktavastrāṇi caiva hi || 31 ||
[Analyze grammar]

abhāve bhojakānāṃ tu dakṣiṇīyā dvijottamāḥ |
tathaiva bhojanīyāśca śraddhayā parayā vibho || 32 ||
[Analyze grammar]

viśeṣato vācakaśca bāhmaṇaḥ kalpavitsadā |
ityeṣā kathitā tubhyaṃ saptamī gaṇanāyaka || 33 ||
[Analyze grammar]

śrutā satī pāpaharā sūryalokapradāyinī || 34 ||
[Analyze grammar]