Chapter 31

sumanturuvāca |
śivā śāntā sukhā rājaṃścaturthī trividhā smṛtā |
māsi bhādrapade śuklā śivā lokeṣu pūjitā || 1 ||
[Analyze grammar]

tasyāṃ snānaṃ tathā dānamupavāso japastathā |
kriyamāṇaṃ śataguṇaṃ prasādāddantino nṛpa || 2 ||
[Analyze grammar]

guḍalavaṇaghṛtānāṃ tu dānaṃ śubhakaraṃ smṛtam |
guḍāpūpaistathā vīra puṇyaṃ brāhmaṇabhojanam || 3 ||
[Analyze grammar]

yāstasyāṃ naraśārdūla pūjayanti sadā striyaḥ |
guḍalavaṇapūpaiśca śvaśrūṃ śvasurameva ca || 4 ||
[Analyze grammar]

tāḥ sarvāḥ subhagāḥ syurve1 vighreśasyānumodanāt |
kanyakā tu viśeṣeṇa vidhinānena pūjayet || 5 ||
[Analyze grammar]

sumanturuvāca |
māghe māsi tathā śuklā yā caturthī mahīpate |
sā śāntā śāntidā nityaṃ śāntiṃ kuryātsadaiva hi || 6 ||
[Analyze grammar]

snānadānādikaṃ karma sarvamasyāṃ kṛtaṃ vibho |
bhavetsahasraguṇitaṃ prasādāttasya2 dantinaḥ || 7 ||
[Analyze grammar]

kṛtopavāso yastasyāṃ pūjayedvi ghnanāyakam |
tasya homādikaṃ karma bhavetsāhasrikaṃ nṛpa || 8 ||
[Analyze grammar]

lavaṇaṃ ca guḍaṃ śākaṃ guḍapūpāṃśca bhārata |
dattvā bhaktyā tu viprebhyaḥ phalaṃ sāhasrikaṃ bhajet3 || 9 ||
[Analyze grammar]

viśeṣataḥ striyo rājanpūjayanto guruṃ nṛpa |
guḍalavaṇaghṛtairvīra sadā syurbhāgyasaṃyutāḥ4 || 10 ||
[Analyze grammar]

sumanturuvāca |
sukhāvahā ca susukhā saubhāgyakaraṇī param || 11 ||
[Analyze grammar]

caturthī kuruśārdūla rūpasaubhāgyadā śubhā |
sukhāvrataṃ mahāpuṇyaṃ rūpadaṃ bhāgyadaṃ tathā || 12 ||
[Analyze grammar]

susūkṣmaṃ sukaraṃ dhanyamiha puṇyasukhāvaham |
paratra phaladaṃ vīra divyarūpapradāyakam || 13 ||
[Analyze grammar]

hasitaṃ lalitaṃ coktaṃ ceṣṭitaṃ ca sukhāvaham |
savilāsabhujakṣepaścaṃkramaśceṣṭitaṃ śubham || 14 ||
[Analyze grammar]

sukhāvratena sarveṣāṃ sukhaṃ kurukulodvaha |
kṛtyena pūjite ceśe vighreśe śivayoḥ sute || 15 ||
[Analyze grammar]

yadā śuklacaturthyāṃ tu vāro bhaumasya vai bhavet |
tadā sā sukhadā jñeyā caturthī vai sukheti ca || 16 ||
[Analyze grammar]

purā maithunamāśritya sthitābhyāṃ tu himācale |
bhīmomābhyāṃ mahābāho raktabinduścyutaḥ kṣitau || 17 ||
[Analyze grammar]

medinyāṃ sa prayatnena sukhe vidhṛto'nayā |
jātosyāḥ sa kujo vīra rakto raktasamudbhavaḥ || 18 ||
[Analyze grammar]

mamāṅgato yathotpannastasmādaṅgārako hyayam |
aṅgadoṅgopakāraśca aṅgānāṃ tu prado nṛṇām || 19 ||
[Analyze grammar]

saubhāgyādikaro yasmāttasmādaṅgārako mataḥ |
bhaktyā caturthyāṃ naktena yo vai śraddhāsamanvitaḥ || 20 ||
[Analyze grammar]

upavatsyati nā rājannārī vā nānyamānasā |
pūjayecca kujaṃ bhaktayā raktapuṣpavilepanaiḥ || 21 ||
[Analyze grammar]

gaṇeśaṃ prathamaṃ bhaktyā yojayecchaddhayānvitaḥ |
yasya tuṣṭaḥ prayacchetsa saubhāgyaṃ rūpasampadam || 22 ||
[Analyze grammar]

pūrvaṃ ca kṛtasaṅkalpaḥ snānaṃ kṛtvā yathāvidhi |
gṛhītvā mṛttikāṃ vandenmantreṇānena bhārata || 23 ||
[Analyze grammar]

iha tvaṃ vanditā pūrvaṃ kṛṣṇenoddharatā kila |
tasmānme daha pāpmānaṃ yanmayā pūrvasañcitam || 24 ||
[Analyze grammar]

imaṃ mantraṃ paṭhanvīra ādityāya pradarśayet |
ādityaraśmisampūtāṃ gaṅgājalakaṇokṣitām || 25 ||
[Analyze grammar]

dattvā mṛdaṃ śirasi tāṃ sarvāṅgeṣu ca yojayet |
tataḥ snānaṃ prakurvīta mantrayeta jalaṃ punaḥ || 26 ||
[Analyze grammar]

tvamāpo yoniḥ sarveṣāṃ daityadānavadyaukasām |
svedāṇḍajodbhidāṃ caiva rasānāṃ pataye namaḥ || 27 ||
[Analyze grammar]

snāto'haṃ sarvatīrtheṣu sarvaprasravaṇeṣu ca |
taḍāgeṣu ca sarveṣu mānasādisaraḥsu ca || 28 ||
[Analyze grammar]

nadīṣu devakhāteṣu sutīrtheṣu hradeṣu vai |
dhyāyanyaṭhannimaṃ mantraṃ tataḥ snānaṃ samācaret || 29 ||
[Analyze grammar]

tataḥ snātvā śucirbhūtvā gṛhamāgatya vai spṛśet |
dūrvāśvatthau śamīṃ spṛṣṭvā gāṃ ca mantreṇa mantravit || 30 ||
[Analyze grammar]

dūrvā namasya mantreṇa śucau bhūmau samutthitām |
tvaṃ dūrve'mṛtanāmāsi sarvadevaistu vanditā || 31 ||
[Analyze grammar]

vanditā daha tatsarvaṃ duritaṃ yanmayā1 kṛtam || 32 ||
[Analyze grammar]

śamīmantraṃ pravakṣyāmi tannibodha mahīpate |
pavitrāṇāṃ pavitrāṃ tvaṃ kāśyapī prathitā śrutau |
śamī śamaya me pāpaṃ nūnaṃ vetsi dharādharān || 33 ||
[Analyze grammar]

aśvatthālambhane vīra mantrametaṃ nibodha me |
netraspandādijaṃ duḥkhaṃ duḥsvapnaṃ durvicintanam |
śaktānāṃ ca samudyogamaśvattha tvaṃ kṣamasva me || 34 ||
[Analyze grammar]

imaṃ mantraṃ paṭhanvīra kuryādvai sparśanaṃ budhaḥ |
tato devyai tu gāṃ dadyādvīraṃ kṛtvā pradakṣiṇām |
samālabhya tu hastena tato mantramudīrayet || 35 ||
[Analyze grammar]

sarvadevamayī devi munibhistu supūjitā |
tasmātspṛśāmi vande tvāṃ vanditā pāpahā bhava || 36 ||
[Analyze grammar]

imaṃ mantraṃ paṭhanvīra bhaktyā śraddhāsamanvitaḥ |
pradakṣiṇaṃ tu yaḥ kuryādarjunaṃ kurunandana |
pradakṣiṇīkṛtā tena pṛthivī syānna saṃśayaḥ || 37 ||
[Analyze grammar]

evaṃ maunena cāgatya tato vahnigṛhaṃ vrajet |
prakṣālya ca mṛdā pādāvācāntognigṛhaṃ viśet |
homaṃ tatra prakurvīta ebhirmantrapadairvaraiḥ3 || 38 ||
[Analyze grammar]

śarvāya śarvaputrāya kṣoṇyutsaṅgabhavāya ca |
kujāya lalitāṅgāya lohitāṅgāya vai tathā || 39 ||
[Analyze grammar]

oṃkārapūrvakairmantraiḥ svāhākārasamanvitaiḥ |
aṣṭottaraśataṃ vīra ardhārdhamardhameva ca || 40 ||
[Analyze grammar]

etairmantrapadairbhaktyā śaktyā vā kāmato nṛpa |
khādiraiḥ susamidbhistu cājyadugdhairyavaistilaiḥ || 41 ||
[Analyze grammar]

bhakṣyairnānāvidhaiścānyaiḥ śaktyā bhaktyā samanvitaḥ |
hutvāhutīstato4 vīra devaṃ saṃsthāpayetkṣitau || 42 ||
[Analyze grammar]

sauvarṇaṃ rājataṃ vāpi śaktyā dārumayaṃ nṛpa |
devadārumayaṃ vāpi śrīkhaṇḍacandanairapi || 43 ||
[Analyze grammar]

tāmre pātre raupyamaye cājyakuṅkumakesaraiḥ |
anyairvā lohitairvāpi puṣpaiḥ patraiḥ phalairapi |
raktaiśca vividhairvīra atha vā śaktito'rcayet1 || 44 ||
[Analyze grammar]

varadvisṛjate vittaṃ vittavānvīra bhaktitaḥ |
tāvadvivardhate puṇyaṃ dātuṃ śatasahasrikam || 45 ||
[Analyze grammar]

anye tāmramaye pātre vaṃśaje mṛnmaye'pi vā |
pūjayanti narāḥ śaktyā kṛtvā kuṅkumakeśaraiḥ |
puruṣākṛtikṛtaṃ pātra imaṃ mantraiḥ samarcayet || 46 ||
[Analyze grammar]

agrirmūrdheti mantreṇa gandhapuṣpādibhistathā |
dhūpairabhyarcya vidhivadbrāhmaṇāya pradīyate || 47 ||
[Analyze grammar]

guḍaudanaṃ ghṛtaṃ kṣīraṃ godhūmāñchālitaṇḍulān || |
avekṣya śaktiṃ dadyādvai daridro vittavāṃstathā || 48 ||
[Analyze grammar]

vittaśāṭhyaṃ na kartavyaṃ vidyamāne dhane nṛpa |
vittaśāṭhyaṃ hi kurvāṇo nāmutra balabhāgbhavet || 49 ||
[Analyze grammar]

śatānīka uvāca |
aṅgārakeṇa saṃyuktā caturthī naktabhojanaiḥ |
upoṣyā katimātrā tu utāho sakṛdeva tu2 || 50 ||
[Analyze grammar]

sumanturuvāca |
caturthī sā caturthī sā yadāṅgārakasaṃyutā |
upoṣyā tatra tatraiva pradeyo vidhivadguḍaḥ || 51 ||
[Analyze grammar]

upoṣya naktena vibho catasraḥ kujasaṃyutā |
caturthyāṃ ca caturthyāṃ ca vidhānaṃ śṛṇu yādṛśam || 52 ||
[Analyze grammar]

sauvarṇaṃ tu kujaṃ kṛtvā savināyakamādarāt |
daśasauvarṇikaṃ mukhyaṃ daśārdhamardhameva ca || 53 ||
[Analyze grammar]

sauvarṇapātre raupye vā bhaktyā tāmramaye'pi vā |
viṃśatpalāni pātrāṇi viṃśatyardhapalāni vā || 54 ||
[Analyze grammar]

viṃśatkarṣāṇi vā vīra viṃśadardhārdhameva vā |
raupyasaṅkhyaṃ palaṃ kāryaṃ palārdhamardhameva ca || 55 ||
[Analyze grammar]

śaktyā vittaiśca bhaktyā ca pātre tāmramaye'pi tu |
pratiṣṭhāpya graheśaṃ vai vastraiḥ sampariveṣṭitam |
vividhaiḥ sādhakai raktaiḥ puṣpai raktaiḥ samanvitam || 56 ||
[Analyze grammar]

brāhmaṇāya sadā dadyāddakṣiṇāsahitaṃ nṛpa |
vācakāya mahābāho guṇine śreyase nṛpa || 57 ||
[Analyze grammar]

iti te kathitā puṇyā tithīnāmuttamā tithiḥ |
yāmupoṣya naro rūpaṃ divyamāpnoti bhārata || 58 ||
[Analyze grammar]

kāntyātreyasamaṃ vīraṃ tejasā ravisannibham |
prabhayā ravikalpaṃ ca samīrabalasaṃśritam || 59 ||
[Analyze grammar]

īdṛgrūpaṃ samāpyeha yāti bhaumasado nṛpa |
prasādādvighnanāthasya tathā gaṇapaternṛpa || 60 ||
[Analyze grammar]

paṭhatāṃ śṛṇvatāṃ rājankurvatāṃ ca viśeṣataḥ |
brahmahatyādipāpāni kṣīyante nātra saṃśayaḥ |
ṛddhiṃ vṛddhiṃ tathā lakṣmīṃ labhate nātra saṃśayaḥ || 61 ||
[Analyze grammar]