Chapter 27

kārtikeya uvāca |
saṃkṣepato mama vibho lakṣaṇāni nṛpasya tu |
śubhāni cāṅgajātāni brūhi me vadatāṃ vara || 1 ||
[Analyze grammar]

brahmovāca |
śṛṇu vakṣyeṅgajātāni pārthivasya śubhāni ca |
pārthivo jñāyate yaistu narāṇāṃ madhyabhāgataḥ || 2 ||
[Analyze grammar]

trīṇi yasya mahābāho vipulāni narasya tu |
udyatāni tathā ṣaḍ vai gambhīrāṇi ca trīṇi vai || 3 ||
[Analyze grammar]

catvāri cāpi hrasvāni sapta raktāni vā vibho |
dīrghāṇi cāpi sūkṣmāṇi bhavanti yasya pañca vā || 4 ||
[Analyze grammar]

nābhiḥ saṃdhiḥ svanaśceti gambhīrāṇi ca trīṇi vai |
vadanaṃ ca lalāṭaṃ ca dantottama urastathā || 5 ||
[Analyze grammar]

vistīrṇametastritayaṃ vīra yasya narasya tu |
sa rājā nātra sandehaḥ śṛṇuṣvevonnatāni ca || 6 ||
[Analyze grammar]

kṛkāṭikā tadhā cāsyaṃ nakhā vakṣo'tha nāsikā |
kakṣe cāpi mahābāho ṣaḍetāni vidurbudhāḥ || 7 ||
[Analyze grammar]

liṅgaṃ pṛṣṭhaṃ tathā grīvā jaṅghā hrasvāni suvrata |
netrānte hastapādau tu tālvoṣṭhau ca surottama |
jihvā raktā nakhāścaiva saptaitāni mahāmate || 8 ||
[Analyze grammar]

tvacaḥ kararuhāḥ keśā daśanā ṛbhavottama |
sūkṣmāṇyetāni ca guha pañca cāpi vidurbudhāḥ || 9 ||
[Analyze grammar]

nāsikālocane bāhū stanayorantaraṃ hanuḥ |
iti dīrghamidaṃ proktaṃ pañcakaṃ bhūbhujāṃ nṛpa || 10 ||
[Analyze grammar]

kṣutaṃ rājñāṃ sakṛddvistrirnāditaṃ hrāditaṃ tathā |
dīrghāyuṣāṃ prayuktaṃ te hasitaṃ ca vidurbudhāḥ || 11 ||
[Analyze grammar]

padmapatranibhe netre dhanināṃ śivanandana |
bhārgavīmāpnuyātso'pi raktānte yasya locane || 12 ||
[Analyze grammar]

madhupiṅgairmahātmāno narā jñeyāḥ surādhipa |
bhīravo hi kṛśākṣāstu caurā maṇḍalacakrakaiḥ || 13 ||
[Analyze grammar]

hayaḥ kekaranetrāstu gambhīrairarthasampadaḥ |
nīlotpalābhairvedavido bhṛśaṃ kṛṣṇaistathārthitā |
mantritvaṃ sthūlasudṛśo vadanti bhuvi tadvidaḥ || 14 ||
[Analyze grammar]

śyāmākṣāḥ subhagā jñeyā dīnākṣaibhra daridratā |
vistīrṇairbhogino śreyā vipulaiśca tathā guha || 15 ||
[Analyze grammar]

abhyunnatābhirhrasvāyurviśālābhiḥ sukhī bhavet |
daridro viṣamābhistu tato jñeyaḥ surottama || 16 ||
[Analyze grammar]

bhruvo bālendusadṛśā dhanināmārbhavottama |
dīrghābhirnirdhano jñeyaḥ saṃsaktābhistu suvrata || 17 ||
[Analyze grammar]

kṣīṇābhirarthahīnāḥ syurnarā jñeyāḥ surottama |
madhye natabhruvo ye ca paradāraratāstu te || 18 ||
[Analyze grammar]

viralairunnataiḥ śaṃkhairdhanyāḥ1 syurnātra saṃśayaḥ |
nimnaiḥ stutyarthasaṃsaktā2 unnataiśca janādhipāḥ || 19 ||
[Analyze grammar]

viṣamalalāṭā vidhanāḥ sadā syurdevasattama |
ācāryāḥ śuktisadṛśairnarāḥ syurnātra saṃśayaḥ || 20 ||
[Analyze grammar]

unnataśirobhirāḍhyā narā jñeyāḥ sadā guha |
vadhabandhabhāgino vīrā narā ninnalalāṭinaḥ |
bhṛśamunnataiśca mūrkhāśca kṛpaṇāśca tathā nataiḥ || 21 ||
[Analyze grammar]

śubhāvahaṃ manuṣyāṇāṃ vadanaṃ syādyathā śṛṇu |
adīnamānanaṃ snigdhaṃ sasmitaṃ ca viśeṣataḥ || 22 ||
[Analyze grammar]

sāśrudīnaṃ tathā rūkṣamasnigdhaṃ ninditaṃ4 guha |
asambhāvyaṃ mukhaṃ jñeyaṃ narāṇāṃ nagadāraṇa || 23 ||
[Analyze grammar]

akampaṃ gubhadaṃ jñeyaṃ narāṇāṃ hasitaṃ guha |
nimīlitākṣaṃ pāpasya hasitaṃ cārbhavottama || 24 ||
[Analyze grammar]

āmaṇḍalaṃ śiro yasya sa gavāḍhyo naro bhavet |
chatrākṛti śiro yasya sa bhavennṛpatirnaraḥ || 25 ||
[Analyze grammar]

cipiṭākāritaśirā hanyādvai pitarau naraḥ |
ghaṇṭākṛti śirodhvānamasakṛtsevate naraḥ |
nimnaṃ śironarthadaṃ syānnarāṇāmarbhavottama || 26 ||
[Analyze grammar]

guḍaiḥ snigdhaistathā kṛṣṇairabhinnāgraistathaiva hi |
keśairna cātibahulairmṛdubhiḥ pārthivo bhavet || 27 ||
[Analyze grammar]

bahulāḥ kapilāḥ sthūlā viṣamāḥ sphuṭitāstathā |
paruṣā hrasvātikuṭilā daridrāṇāṃ kacāḥ ghanāḥ || 28 ||
[Analyze grammar]

ityuktaṃ lakṣaṇaṃ nṝṇāṃ śubhaṃ vāśubhameva ca |
yoṣitāṃ tadidānīṃ te lakṣaṇaṃ vacmi bhīmaja || 29 ||
[Analyze grammar]