Chapter 25

brahmovāca |
dakṣiṇāvartaliṅgaśca naro vai putramānbhavet |
vāmāvarte tathā liṅge naraḥ kanyāṃ prasūyate || 1 ||
[Analyze grammar]

sthūlaiḥ śirālairviṣamairliṅgairdāridryamādiśet |
ṛjubhirvartulākāraiḥ puruṣā putrabhāginaḥ || 2 ||
[Analyze grammar]

nimnapādopaviṣṭasya bhūmiṃ spṛśati mehanaḥ |
duḥkhitaṃ taṃ vijānīyātpuruṣaṃ nātra saṃśayaḥ || 3 ||
[Analyze grammar]

bhūmau pādopaviṣṭasya gulphau spṛśati mehanaḥ |
īśvaraṃ taṃ vijānīyātpramadānāṃ ca vallabham2 || 4 ||
[Analyze grammar]

siṃhavyāghrasamo yasya hrasvau bhavati mehanaḥ |
bhogavānsa tu vijñeyo'śeṣabhogasamanvitaḥ || 5 ||
[Analyze grammar]

rekhākṛtirmaṇiryasya mehane hi virājate |
pārthivaḥ sa tu vijñeyaḥ samudravacanaṃ yathā || 6 ||
[Analyze grammar]

suvarṇarajataprakhyairmaṇimuktāsamaprabhaiḥ |
pravālasadṛśaiḥ snigdhairmaṇibhiḥ pārthivo bhavet || 7 ||
[Analyze grammar]

pāṇḍurairmalinai rūkṣairdīrghavyāsairdiśo vrajet |
samaistathonnataiścāpi susnigdhairmaṇibhirgṛhī || 8 ||
[Analyze grammar]

dhanarakṣāstathā strīṇāṃ bhoktāraste bhavanti hi |
maṇibhirmadhyanimnaistu pitaraste bhavanti hi || 9 ||
[Analyze grammar]

yuvatīnāṃ mahābāho niḥsvāścāpi bhavanti te |
nolbaṇaiścāpi dhanino narā vīrā bhavanti hi || 10 ||
[Analyze grammar]

mūtradhārā patedekā valitā dakṣiṇā yadi |
sa bhavetpārthivaḥ pṛthvyāḥ samudravacanaṃ yathā || 11 ||
[Analyze grammar]

dve dhāre ca tathā snigdhe dhanavānbhogavānsmṛtaḥ |
bahudhārāstathā rūkṣāḥ saśabdāḥ puruṣādhamāḥ || 12 ||
[Analyze grammar]

mīnagandhi bhavedreto dhanavānputravānbhavet |
havigandhi bhavedyasya dhanāḍhyaḥ śrotriyaḥ smṛtaḥ || 13 ||
[Analyze grammar]

1 mūṣagandhirbhavetputrī padmagandhirnṛpaḥ smṛtaḥ |
lākṣāgandhirbhavedyaśca bahukanyaḥ prajāyate |
madyagandhirbhavedyoddhā kṣāragandhirdaridrakaḥ || 14 ||
[Analyze grammar]

śīghramaithunagāmī yaḥ sa dīrghāyurato'nyathā |
alpāyurdevaśārdūla vijñeyo nātra saṃśayaḥ || 15 ||
[Analyze grammar]

tanuśukraḥ strījanako māṃsagandhī ca bhogavān |
padmavarṇaṃ bhavedraktaṃ sa naro dhanavānbhavet || 16 ||
[Analyze grammar]

kiñcidraktaṃ tathā kṛṣṇaṃ bhavedyasya tu śoṇitam |
adhamaḥ sa tu vijñeyaḥ sadā duḥkhaikabhājanam || 17 ||
[Analyze grammar]

pravālasadṛśaṃ snigdhaṃ bhavedyasya ca śoṇitam |
rājānaṃ taṃ vijānīyātsaptadvīpādhipaṃ guha || 18 ||
[Analyze grammar]

vistīrṇā māṃsalā snigdhā vastiḥ puṃsāṃ praśasyate |
nirmāṃsā vikaṭā rūkṣā bastiryeṣāṃ na te śubhāḥ || 19 ||
[Analyze grammar]

gomāyusadṛśī yasya śvānoṣṭramahiṣasya ca |
sa bhavedduḥkhito nityaṃ puruṣo nātra saṃśayaḥ || 20 ||
[Analyze grammar]

yaścaikavṛṣaṇastāta jale prāṇānvimuñjati |
strīcañcalastu viṣamaiḥ samai rājyaṃ pracakṣate || 21 ||
[Analyze grammar]

ūrdhvagaiścāpi hrasvāyuḥ śatañjīvī pralambadhṛk |
mānavāścāpi raktaistu dhanavanto bhavanti vai || 22 ||
[Analyze grammar]

sthūlasphigbhavati kṣemī dravyayuktaḥ samāṃsadhṛk |
vyāghrasphiṅmaṇḍalo rājā maṇḍūkasphiṅnarādhipaḥ |
dvimaṇḍalo mahābāho siṃhasphiksārvabhaumatā || 23 ||
[Analyze grammar]

uṣṭravānarayoryastu dhārayetsphiṅmahāmate |
dhanadhānyavihīno'sau vijñeyo bhīmanandana || 24 ||
[Analyze grammar]

pumānmṛgodaro dhanyo mayūrodara eva ca |
vyāghrodaro narapatī rājā siṃhodaro bhavet || 25 ||
[Analyze grammar]

maṇḍūkasadṛśaṃ yasya puruṣasyodaraṃ bhavet |
sa bhavetpārthivaḥ puṣṭyā samudravacanaṃ yathā || 26 ||
[Analyze grammar]

māṃsalairṛjubhirvṛttaiḥ pārśvairnṛpatayaḥ smṛtāḥ |
īśvaro vyāghrapṛṣṭhastu senāyāścaiva nāyakaḥ || 27 ||
[Analyze grammar]

siṃhapṛṣṭho naro yastu bandhanaṃ tasya nirdiśet |
kūrmapṛṣṭhāstu rājāno dhanasaubhāgyabhāginaḥ || 28 ||
[Analyze grammar]

vistīrṇaṃ hadayaṃ yeṣāṃ māṃsalomacitaṃ samam |
śatāyuṣo vijānīyādbhogabhājo mahādhanān || 29 ||
[Analyze grammar]

viralāḥ śuṣkāstathā rūkṣā dṛśyante'ṅgulayaḥ kare |
sa bhaved duḥkhito nityaṃ naro dāridryabhājanam || 30 ||
[Analyze grammar]

yasya mīnasamā rekhā karmasiddhibhra tasya tu |
dhanavānsa tu vijñeyo bahuputraśca mānavaḥ || 31 ||
[Analyze grammar]

tulā yasya tu vedī vā karamadhye tu dṛśyate |
tasya sidhyati vāṇijyaṃ puruṣasya na saṃśayaḥ || 32 ||
[Analyze grammar]

saumye pāṇitale yasya dvijasya tu viśeṣataḥ |
yajñayājī bhavennityaṃ bahuvittaśca mānavaḥ || 33 ||
[Analyze grammar]

śailaṃ vāpyatha vā vṛkṣaḥ karamadhye tu dṛśyate |
acalāṃ śriyamāpnoti bahubhṛtyasamanvitaḥ || 34 ||
[Analyze grammar]

śaktitomarabāṇāsirekhā 1 cāpopamā tathā |
yasya haste mahābāho sa jayedvigrahe ripūn || 35 ||
[Analyze grammar]

dhvajabhrāpyatha vā śaṃkhaḥ karamadhye tu dṛśyate |
samudrayāyī sa bhaveddhanī ca satataṃ guha || 36 ||
[Analyze grammar]

śrīvatsamatha vā padmaṃ vajraṃ vā cakameva ca |
ratho vāpyatha vā kumbho yasya haste prakāśate |
rājānaṃ taṃ vijānīyātparasainyavidāraṇam || 37 ||
[Analyze grammar]

dakṣiṇe tu karāṅguṣṭhe yavo yasya tu dṛśyate |
sarvavidyāpravaktā ca bhavedvai nātra saṃśayaḥ || 38 ||
[Analyze grammar]

yasya pāṇitale rekhā kaniṣṭhāmūlamutthitā || 2 ||
[Analyze grammar]

gatā madhyaṃ pradeśinyāḥ sa jīveccharadaḥ śatam || 39 ||
[Analyze grammar]