Chapter 13

brahmovāca |
prathamaṃ pratibudhyeta pravarteta svakarmasu |
paścādbhṛtyajanasyāpi bhuñjīta ca śayīta ca || 1 ||
[Analyze grammar]

bhartrā virahitā strī ca śvaśurābhyāṃ viśeṣataḥ |
dehalīṃ nātivarteta pratīkāre 1 mahatyapi || 2 ||
[Analyze grammar]

utthāya prathamaṃ bharturavijñātā na niṣkramet |
kṣapāyāṃ sāvaśeṣāyāṃ rātrau vā vāsarādiṣu || 3 ||
[Analyze grammar]

tadvāsabhavanasyaiva śanairāhūya kārmikān |
svavyāpāreṣu tānsarvāṃstatratatra niyojayet || 4 ||
[Analyze grammar]

vibuddhasya tato bharturnirvartyāvaśyakaṃ vidhim |
gṛhakāryāṇi sarvāṇi vidadhītāpramādataḥ || 5 ||
[Analyze grammar]

muktvāvāsakanepathyaṃ karmayogyaṃ vidhāya ca |
tatkālocitakartavyamanutiṣṭhedyathākramam || 6 ||
[Analyze grammar]

mahānasaṃ susammṛṣṭaṃ cullyādivihitārcanam |
sarvopakaraṇopetamasambādhamanāvilam || 7 ||
[Analyze grammar]

na cātiguhyaṃ prakaṭaṃ pravibhaktakriyāśrayam |
bharturāptajanākīrṇaṃ gūḍhaṃ kakṣādivarjitam || 8 ||
[Analyze grammar]

tatra pākādibhāṇḍāni bahirantaśca kārayet |
niṇiktamalapaṅkāni śuktivalkādicūrṇakaiḥ || 9 ||
[Analyze grammar]

niśi kurvīta dhūmārciḥ śodhitāni divātapaḥ |
dadhipātrāṇi kurvīta sadaivāntaritāni ca || 10 ||
[Analyze grammar]

sādhukāritadugdheṣu śodhiteṣu divātape |
īṣadgṛhyoktapātreṣu svacchaṃ yena bhaveddadhi || 11 ||
[Analyze grammar]

snehagorasapākādi kṛtvā supratyayekṣitam |
kuryātsvayamadhiṣṭhāya bhartuḥ pākavidhikriyām || 12 ||
[Analyze grammar]

kiṃ priyaṃ ca kimāgneyaṃ ṣaḍrasābhyantareṣu ca |
kiṃ pathyaṃ kimapathyaṃ ca svāsthyaṃ2 vāsya kathaṃ bhavet |
iti yatnādvijānīyādanuṣṭheyaṃ ca tattathā || 13 ||
[Analyze grammar]

nityānurāgaṃ satkāramāhāraṃ suparīkṣitam |
mahānasādau kurvīta janamāptaṃ kramāgatam || 14 ||
[Analyze grammar]

śatru dāyādasambandhaṃ kruddhabhītāvamānitam |
avācyopagṛhītaṃ vā naivamādīni yojayet || 15 ||
[Analyze grammar]

punaḥ punaḥ pratiṣṭhāpya guptaṃ svayamadhiṣṭhitam |
bharturāhārapānādi vidadhyādapramādataḥ || 16 ||
[Analyze grammar]

pākaṃ nirvartya mātrāṇāṃ kṛtvā svedapramārjanam |
gandhatāmbūlamālyādi kiñcidādāya mātrayā || 17 ||
[Analyze grammar]

yathaucityāditatkāle bharturvinayasambhramaiḥ |
tatkālānugatātyarthamāhāramupapādayet || 18 ||
[Analyze grammar]

svabhāvāmayakālānāṃ vaiparītyena sarvadā |
sarvamāhārapānādi prayojyaṃ tadvido jaguḥ || 19 ||
[Analyze grammar]

hīnatulyādhikatvena bhartā paśyati yaṃ yathā |
taṃ tathaivādhikaṃ paśyennyāyataḥ pratipattiṣu || 20 ||
[Analyze grammar]

sāpatnakānyapatyāni paśyetsvebhyo viśeṣataḥ |
bhaginīvatsapatnīśca tadvadhūnnijabandhuvat || 21 ||
[Analyze grammar]

grāsācchādaśirobhyaṅgasnānamaṇḍanakādikam |
sapatnīnāmakṛtvā tu ātmano'pi na kārayet || 22 ||
[Analyze grammar]

vyādhitānāṃ cikitsārthamauṣadhādikamādarāt |
vidadhyādātmanastāsāṃ sarvāśritajanasya ca || 23 ||
[Analyze grammar]

tacchoke śucamādadyāttattuṣṭau mudamāvahet |
bhṛtyabandhusapatnīnāṃ tulyaduḥkhasukhā bhavet || 24 ||
[Analyze grammar]

lagdhāvakāśā svapyācya niśi suptotthitā kramāt |
anyatra vyayakartāraṃ patiṃ rahasi bodhayet || 25 ||
[Analyze grammar]

yadavadyaṃ sapatnīnāṃ svayamasmai na tadvadet |
dauḥśīlyādi tu sāpāyaṃ gūḍhamasmai nivedayet || 26 ||
[Analyze grammar]

durbhagāmanapatyāṃ vā bhartrā cātitiraskṛtām || 1 ||
[Analyze grammar]

aduṣṭāṃ samyamāśvāsya tenaitāmanukūlayet || 27 ||
[Analyze grammar]

tathā vāgdaṇḍapāruṣyairjanaṃ bhartrā vipīḍitam |
kuryādvidheyamāśvāsya na ceddoṣāya tadbhavet || 28 ||
[Analyze grammar]

matvātmanonapatyatvaṃ kālaṃ cāpi gataṃ bahum |
santānādikamuddiśya kāryamātmanivedanam || 29 ||
[Analyze grammar]

yaccānyadapi jānīyātkiñcidasya cikīrṣitam |
tatkilājānatīvāsya siddhameva pradarśayet || 30 ||
[Analyze grammar]

vaivāhikaṃ vidhiṃ bhartuḥ sarvaṃ kṛtvā sasambhramam |
pariṇītā ca tāṃ paśyennityaṃ bhaginikāmiva || 31 ||
[Analyze grammar]

pūjāṃ sambandhivargasya maṅgalaṃ maṅgalāni ca |
kuryādabhinavoḍhāyāḥ suprahaṣṭena cetasā || 32 ||
[Analyze grammar]

mātṛvacchikṣayedenāṃ gṛhakṛtyeṣvamatsarā |
pradeśikavidhiṃ vāsyā vidadhyādyatnataḥ svayam || 33 ||
[Analyze grammar]

evaṃ bharturabhiprāya sarvamityādikārayet |
sukhārthaṃ vāpi santyajya strīṇāṃ bhartādhidevatā || 34 ||
[Analyze grammar]

bhartādhidevatā nāryā varṇā brāhmadevatāḥ |
brāhmaṇā hyagnidevāstu prajā rājanyadevatāḥ || 35 ||
[Analyze grammar]

tāsāṃ trivargasaṃsiddhau pradiṣṭaṃ kāraṇadvayam |
bharturyadanukūlatvaṃ yacca śīlamaviplutam || 36 ||
[Analyze grammar]

na tathā yauvanaṃ loke nāpi rūpaṃ na bhūṣaṇam |
yathā priyānukūlatvaṃ siddhaṃ śaśvadanauṣadham || 37 ||
[Analyze grammar]

vayorūpādihāriṇyo dṛśyante durbhagāḥ striyaḥ |
vallabhā mandarūpāśca bahvyo galitayauvanāḥ || 38 ||
[Analyze grammar]

tasmātpriyatvaṃ lokānāṃ nidānaṃ 1 yogyatāparam |
tāṃ vinānye guṇā vandhyāḥ sarve'narthakṛto'pi vā || 39 ||
[Analyze grammar]

tasmātsarvaprayatnena vidadhyādātmayogyatām |
paracittajñatā cāsyā mūlaṃ sarvakriyāsviha || 40 ||
[Analyze grammar]

bahirāgacchato jñātvā kālaṃ saṃmṛjya bhūmikām |
sajjīkṛtāsanā tiṣṭhettasyājñāṃ pratitatparā || 41 ||
[Analyze grammar]

svayaṃ prakṣālayetpādāvutthāpya paricārikām |
tālavṛntādikaiḥ kuryācchamasvedāpanodanam || 42 ||
[Analyze grammar]

āhārasnānapānādau saspṛhaṃ yatra lakṣayet |
tadiṃgitajñā tattvena siddhamasmai nivedayet || 43 ||
[Analyze grammar]

sapantīpatibandhūnāṃ bhartṛcittānukūlyataḥ |
pratipattiṃ prayuñjīta svabandhūnāṃ na vai tathā || 44 ||
[Analyze grammar]

teṣu cātmani ca jñātvā bhartṛcittaṃ prasādayet |
pratipattiṃ tathāpyeṣāṃ nādriyeta svabandhuṣu || 45 ||
[Analyze grammar]

api bharturabhipretaṃ nārī tatkulavāsinī |
satkārairnijabandhūnāṃ tena nopaiti vācyatām || 46 ||
[Analyze grammar]

pūjya eva hi sambandhaḥ sarvāvasthāsu yoṣitām |
kastato'pyupakārāṃśaṃ lipseta kulajaḥ pumān || 47 ||
[Analyze grammar]

sampūjya svasutāṃ tasmai vidhivatpratipādyate |
tato'syā lipsate nāma kimakāryamataḥ param || 48 ||
[Analyze grammar]

kanyāṃ pradāya yairvṛttirātmanaḥ parikalpyate |
dāsabhaṇḍanaṭādīnāṃ mārgo'yaṃ na mahātmanām || 49 ||
[Analyze grammar]

tasmātstrībāṃdhavā nityaṃ prītimātraikasādhinīm |
pratipattiṃ samādadyuḥ sambandhibhyaḥ prasaṃginīm || 50 ||
[Analyze grammar]

tasyā bhartari rakṣeta prītiṃ loke ca vācyatām |
ātmano'satpravādaṃ ca ceṣṭeransādhuvṛttayaḥ || 51 ||
[Analyze grammar]

evaṃ vijñāya sadvṛttaṃ strī varteta tathā sadā |
yena tatparivargasya bhavedbhartuśca sammatā || 52 ||
[Analyze grammar]

priyāpi sādhuvṛttāpi vikhyātābhijanāpi ca |
janāpavādātsamprāpa sītānarthaṃ sudāruṇam || 53 ||
[Analyze grammar]

sarvasyāmiṣabhūtatvādguṇadoṣānabhijñataḥ |
prāyeṇāvinayaucityātstrīṇāṃ vṛttaṃ hi duṣkaram || 54 ||
[Analyze grammar]

agṛhyatvānmanovṛtteḥ prāyaḥ kapaṭadarśanāt |
niraṅkuśatvāllokasya nirvācyā viralāḥ striyaḥ || 55 ||
[Analyze grammar]

daivayogādayogatvādvyavahārānabhijñataḥ |
vācyatāpattayo dṛṣṭāḥ strīṇāṃ śuddhe'pi cetasi || 56 ||
[Analyze grammar]

tāsāṃ daivapratīkāro nopabhogādṛte bhavet |
cāritraṃ lokavṛttaṃ ca etayorvidurauṣadham || 57 ||
[Analyze grammar]

hiṃdolakādikrīḍāyāṃ prasaktāṃ taruṇīṃ niśi |
ramamāṇāṃ viṭaiḥ sārdhaṃ vidhavāṃ svairacāriṇīm || 58 ||
[Analyze grammar]

vṛddhādibhāryāṃ 1 sajjāyāṃ yānageyādisaṃginīm |
kaḥ śraddadhyātsatītyevaṃ sādhvīmapi hi yoṣitam || 59 ||
[Analyze grammar]

yau cāsāmiṅgitākārau sandigdhārthaprasādhakau |
tayostattvaparijñānaṃ viṣayo yogināṃ2 yadi || 60 ||
[Analyze grammar]

tasmādyathoktamācāramanutiṣṭhetsusaṃyatā |
mithyālagnopyasadvādaḥ kampayatyeva tatkulam || 61 ||
[Analyze grammar]

trikulyā vācyatā rakṣyā pratiṣṭhāpyatha santatiḥ |
bhartustrivargasiddhiśca sādhyaṃ tatkulayoṣitām || 62 ||
[Analyze grammar]

pātayantyeva dauḥśīlyādātmānaṃ sakulatrayam |
uddharanti tadaivaitāḥ striyaścāritrabhūṣaṇāḥ || 63 ||
[Analyze grammar]

bhartṛcittānukūlatvaṃ yāsāṃ śīlamavicyutam || 3 ||
[Analyze grammar]

tāsāṃ ratnasuvarṇādi bhāra eva na maṇḍanam || 64 ||
[Analyze grammar]

lokajñāne parā koṭiḥ patyau bhaktiśca śāśvatī |
śuddhānvayānāṃ nārīṇāṃ vidyādetatkulavratam || 65 ||
[Analyze grammar]

tasmāllokaśca bhartā ca samyagārādhito yayā |
dharmamarthaṃ ca kāmaṃ ca saivāpnoti niratyayā || 66 ||
[Analyze grammar]