Chapter 12

brahmovāca |
vrīhīṇāṃ kodravāṇāṃ ca sāradharmamudārakaḥ || 1 ||
[Analyze grammar]

kaṅgukodravayorjñeyo varaṭaḥ pañcabhāgakaḥ || 1 ||
[Analyze grammar]

pañcabhāgānpriyaṅgūnāṃ śālīnāṃ ca trayo'ṣṭa ca |
caṇakānāṃ tṛtīyāṃśaḥ samakṣuṇṇaṃ trayaṃ viduḥ || 2 ||
[Analyze grammar]

pānīyayavagodhūmaṃ2 piṣṭadhānyacatuṣṭayam |
tulyamevāvagantavyaṃ mudgā māṣāstilā yavāḥ || 3 ||
[Analyze grammar]

pañcabhāgādikā ghṛṣṭā godhūmāḥ saktavastathā |
kulmāṣāḥ piṣṭamāṃsaṃ ca samyagardhādikaṃ bhavet || 4 ||
[Analyze grammar]

siddhaṃ tadeva dviguṇaṃ punnāko yāvakastathā |
kaṅgukodravayorannaṃ caṇakodārakasya ca || 5 ||
[Analyze grammar]

dviguṇaṃ 4 cīnakānāṃ ca vrīhīṇāṃ ca caturguṇam |
śāleḥ pañcaguṇaṃ vidyātpurāṇe tvatiricyate || 6 ||
[Analyze grammar]

kriyāpākaviśeṣāstu vṛddhirevopadiśyate |
nimittasya varānnasya tadvṛddhirdviguṇā bhavet || 7 ||
[Analyze grammar]

tasmādbhūyo virūḍhasya caturbhāgo vivardhate |
lājā dhānāḥ kalāyāśca bhṛṣṭāddviguṇavṛddhayaḥ || 8 ||
[Analyze grammar]

bhraṣṭavyānāmato'nyeṣāṃ pañcabhāgo'dhiko mataḥ |
cāpakānāṃ ca piṣṭānāṃ pādahīnāḥ kalāyajāḥ || 9 ||
[Analyze grammar]

mudgamāṣamasūrāṇāmardhapādāvarobhavet |
klinnaśuṣkavarānnānāṃ hānirvṛddhirviśiṣyate || 10 ||
[Analyze grammar]

tayārdhena tu śodhyānāmāḍhakyā mudgamāṣayoḥ |
masūrāṇāṃ ca jānīyātkṣayaṃ pañcamabhāgakam || 11 ||
[Analyze grammar]

ṣaḍbhāgenātasītailaṃ siddhārthakakapitthayoḥ |
tathā nimbakadambādau 1 vidyātpañcamabhāgakam || 12 ||
[Analyze grammar]

tileṅgudīmadhūkānāṃ 2 naktamālakusumbhayoḥ |
jānīyātpādakaṃ tailaṃ khalamanyatpracakṣate || 13 ||
[Analyze grammar]

kṣetrakālakriyādibhyaḥ kṣayādervyabhicārataḥ |
pratyakṣīkṛtya tānsamyaganumityāvadhārayet || 14 ||
[Analyze grammar]

kṣīradoṣe gavāṃ 3 prasthaṃ mahiṣīṇāṃ ca sarpiṣaḥ |
pādādhikamajāvīnāmutpādaṃ tadvido viduḥ || 15 ||
[Analyze grammar]

subhūmitṛṇakālebhyo vṛddhirvā kṣīrasarpiṣām |
atasteṣāṃ vidhātavyo hyarthādeva 4 viniścayaḥ || 16 ||
[Analyze grammar]

pratyakṣīkṛtya yatnena pakṣamāsāntare tathā |
payorvṛttairgavādīnāṃ kuryātsambhavanirṇayam || 17 ||
[Analyze grammar]

kārpāsa kṛmikośaumaurṇaka kṣaumādikartanam |
kuṇipaṅgvandhayoṣābhirvidhavābhiśca kārayet || 18 ||
[Analyze grammar]

bālavṛddhāndhakārpaṇye yatkartavyamavaśyataḥ |
viniyogaṃ nayetsarvaṃ priyopagrahapūrvakam || 19 ||
[Analyze grammar]

karmaṇāmantarāleṣu proṣite cāpi bhartari |
svayaṃ vai tadanuṣṭheyaṃ nityānāṃ cāvirodhataḥ || 20 ||
[Analyze grammar]

śūdrāṇāṃ sthūlasūkṣmatvaṃ bahutvaṃ ca vyayāvyayau |
matvā viśeṣaṃ kurvīta cetanapratipattiṣu || 21 ||
[Analyze grammar]

kārayedvastradhānyādi svāptavṛddhairadhiṣṭhitam || 1 ||
[Analyze grammar]

śūdrāṇāṃ kṣayavṛddhyādi mantavyaṃ vetanāni ca || 22 ||
[Analyze grammar]

kṣaumakārpāsayorvidyātsūtraṃ pañcamabhāgakam |
deśakālādibhāgāttu pratyakṣādeva nirṇayaḥ || 23 ||
[Analyze grammar]

avaghātena tūlasya kṣayo viṃśatibhāgakaḥ |
channāṃ vyāptāṃ tu vātena tadvadūrṇāṃ pracakṣate || 24 ||
[Analyze grammar]

pañcāśadbhāgikīṃ hāniṃ sūtre kurvīta lakṣaṇāt || 2 ||
[Analyze grammar]

vṛddhistu maṇḍasamparkāddaśakādaśikā bhavet || 25 ||
[Analyze grammar]

ślakṣṇamadhyamasūtrāṇāmardhādhikasamaṃ bhavet |
sthūlānāṃ tu punarmūlyātpādonaṃ bālacetanam || 26 ||
[Analyze grammar]

karmaṇo bhūribhedatvāddeśakālaprabhedataḥ |
tadvidbhya eva boddhavyo bālacetananiścayaḥ || 27 ||
[Analyze grammar]

sthūlaṃ dinatrayaṃ deyaṃ madhyamaṃ ca trirātrikam |
sūkṣmamāpakṣato mṛṣṭaṃ 4 māsāttatparikarmakam |
yadatra kṣatravṛddhyādi tadutsargātpradarśitam || 28 ||
[Analyze grammar]

kālakartrādibhedena vyabhicāro'pi dṛśyate |
śayyāsanānyanekāni kambalāścaturāśrikāḥ || 29 ||
[Analyze grammar]

kambukāścāvakoṣāśca madhyā raktāśca bhūriśaḥ |
gurubālādivṛddhānāmabhyāgatajanasya ca || 30 ||
[Analyze grammar]

bhogāyānugato bharttā kuryādvividhamātrakam |
yadasya śvaśurādīnāṃ kalpitaṃ śayanādikam || 31 ||
[Analyze grammar]

bhartuścaiva viśeṣaṇa tadanyena na kārayet |
vastraṃ mālyamalaṅkāraṃ vidhṛtaṃ devarādibhiḥ || 32 ||
[Analyze grammar]

na dhārayenna caiteṣāmākramecchayanāni vā |
piṇyākanakakuṭṭāśca 3 kālarūkṣāṇi yāni ca || 33 ||
[Analyze grammar]

heyaṃ paryuṣitādyannaṃ gobhaktenopayojayet |
kulānāṃ bahudhenūnāṃ godhyakṣavrajajīvinām || 34 ||
[Analyze grammar]

kilāṭagavikādīnāṃ bhaktārthamupayojanam |
dadhnaḥ samāharetsarpirduhedvatsānna pīḍayet || 35 ||
[Analyze grammar]

varṣāśaradvasanteṣu dvau kālāvanyadā sakṛt |
takraṃ vāpyupayuñjīta śvavarāhādipoṣaṇe || 36 ||
[Analyze grammar]

piṇyākakledanārthaṃ vā vikreyaṃ vā tadarhayet |
vṛttiṃ dhānyahiraṇyena gopādīnāṃ prakalpayet || 37 ||
[Analyze grammar]

te hi kṣīravratā lobhādupahanyustadanvayān |
dohakālaṃ gavāṃ dogdhānītivarteta vai dvijāḥ || 38 ||
[Analyze grammar]

prasarodakayorgopā manthakasya ca manthakāḥ |
māsamekaṃ yathā stanyaṃ māsamekaṃ stanadvayam || 39 ||
[Analyze grammar]

satataṃ pāyayedūrdhvaṃ stanamekaṃ stanadvayam |
tilapiṣṭābhiḥ piṇḍābhistṛṇena lavaṇena ca |
vāriṇā ca yathākālaṃ puṣṇīyāditi vatsakān || 40 ||
[Analyze grammar]

jaradgurgarbhiṇī dhenurvatsā vatsatarī tathā |
pañcānāṃ samabhāgena ghāsaṃ yūthe prakalpayet || 41 ||
[Analyze grammar]

eko gopālakastasya trayāṇāmatha vā dvayam |
pañcānāṃ vatsakaścaikaḥ pravarāstu pṛthakpṛthak || 42 ||
[Analyze grammar]

gocarasyānayanārthaṃ vyālānāṃ trāsanāya 1 ca |
ghaṇṭā karṇeṣu badhnīyuḥ śobhārakṣārthameva ca || 43 ||
[Analyze grammar]

paśavye vyālanirmukte deśe bhūritṛṇodake |
abhūtaduṣṭe vāraṇye sadā kurvīta gokulam || 44 ||
[Analyze grammar]

saguptamaṭavīvāsaṃ nityaṃ kuryādajāvikam |
ūrṇāṃ varṣe dvirādadyāccaitrāśvayujamāsayoḥ || 45 ||
[Analyze grammar]

yūthe mṛṣā daśaitāsāṃ catvāraḥ pañca vā gavām |
aśvoṣṭramahiṣāṇāṃ ca yathā syuḥ sukhasevitāḥ || 56 ||
[Analyze grammar]

vidyātkṛṣīvalādīnā yogaṃ kṛṣikakarmasu |
bhaktavetanalābhaṃ ca karmakālānurūpataḥ || 47 ||
[Analyze grammar]

kṣetrakedāravāṭeṣu bhṛtyānāṃ karma kurvatām |
khaleṣu ca vijānīyātkriyāyogaṃ pratikṣaṇam || 48 ||
[Analyze grammar]

yogyatātiśayaṃ matvā karmayogeṣu kasyacit |
grāsācchadaśirobhyaṅgairviśeṣaṃ tasya kārayet || 49 ||
[Analyze grammar]

padmaśākādivāpānāṃ kandabījādijanmanām |
saṅgrahaḥ sarvabījānāṃ kāle vāpaḥ subhūmiṣu || 50 ||
[Analyze grammar]

jātānāṃ rakṣaṇaṃ samyagrakṣitānāṃ ca saṃgrahaḥ |
teṣāṃ ca saṃgṛhītānāṃ yathāvannivapakriyā || 51 ||
[Analyze grammar]

gṛhamūlaṃ striyaścaiva dhānyamūlo gṛhāśramaḥ |
tasmāddhānyeṣu bhakteṣu na kuryānmuktahastatām || 52 ||
[Analyze grammar]

dhānyaṃ tu sañcitaṃ nityaṃ mito bhaktaparivyayaḥ |
na cānte muktahastatvaṃ gṛhiṇīnāṃ praśasyate || 53 ||
[Analyze grammar]

alpamityeva nāvajñāṃ caredanneṣu vai dvijāḥ |
madhuvalmīkayorvṛddhiṃ kṣayaṃ dṛṣṭvāṃjanasya ca || 54 ||
[Analyze grammar]

ye kecidiha nirdiṣṭā vyāpārāḥ puruṣocitāḥ |
dāmpatyoraikyamāsthāya taddhidānaprasaṅgataḥ || 55 ||
[Analyze grammar]

santyeva puruṣā loke strīpradhānāḥ sahasraśaḥ |
teṣu tāsāṃ prayoktṛtvādadoṣa iti gṛhyatām || 56 ||
[Analyze grammar]

evaṃ yogyatayā yuktā saubhāgyenodyamena ca |
samyagārādhya bhartāraṃ tatrainaṃ vaśamānayet || 57 ||
[Analyze grammar]