Chapter 12

[English text for this chapter is available]

śrīmadbhāgavata mahāpurāṇa |
ṣaṣṭhaḥ skandhaḥdvādaśo'dhyāyaḥ |
indravṛtrayuddhaṃ vṛtrasya vadhaścaśrīṛṣiruvācaevaṃ jihāsurnṛpa dehamājau |
mṛtyuṃ varaṃ vijayānmanyamānaḥ |
śūlaṃ pragṛhyābhyapatat surendraṃ |
yathā mahāpuruṣaṃ kaiṭabho'psu || 1 ||
[Analyze grammar]

tato yugāntāgnikaṭhorajihvaṃ |
āvidhya śūlaṃ tarasāsurendraḥ |
kṣiptvā mahendrāya vinadya vīro |
hato'si pāpeti ruṣā jagāda || 2 ||
[Analyze grammar]

kha āpatat tad vicalad graholkavad |
nirīkṣya duṣprekṣyamajātaviklavaḥ |
vajreṇa vajrī śataparvaṇācchinad |
bhujaṃ ca tasyoragarājabhogam || 3 ||
[Analyze grammar]

chinnaikabāhuḥ parigheṇa vṛtraḥ |
saṃrabdha āsādya gṛhītavajram |
hanau tatāḍendramathāmarebhaṃ |
vajraṃ ca hastān nyapatan maghonaḥ || 4 ||
[Analyze grammar]

vṛtrasya karmātimahād‍bhutaṃ tat |
surāsurāścāraṇasiddhasaṅghāḥ |
apūjayaṃstat puruhūtasaṅkaṭaṃ |
nirīkṣya hā heti vicukruśurbhṛśam || 5 ||
[Analyze grammar]

indro na vajraṃ jagṛhe vilajjitaḥ |
cyutaṃ svahastādarisannidhau punaḥ |
tamāha vṛtro hara āttavajro |
jahi svaśatruṃ na viṣādakālaḥ || 6 ||
[Analyze grammar]

yuyutsatāṃ kutracidātatāyināṃ |
jayaḥ sadaikatra na vai parātmanām |
vinaikamutpattilayasthitīśvaraṃ |
sarvajñamādyaṃ puruṣaṃ sanātanam || 7 ||
[Analyze grammar]

lokāḥ sapālā yasyeme śvasanti vivaśā vaśe |
dvijā iva śicā baddhāḥ sa kāla iha kāraṇam || 8 ||
[Analyze grammar]

ojaḥ saho balaṃ prāṇaṃ amṛtaṃ mṛtyumeva ca |
tamajñāya jano hetuṃ ātmānaṃ manyate jaḍam || 9 ||
[Analyze grammar]

yathā dārumayī nārī yathā yaṃtramayo mṛgaḥ |
evaṃ bhūtāni maghavan nīśatantrāṇi viddhi bhoḥ || 10 ||
[Analyze grammar]

puruṣaḥ prakṛtirvyaktaṃ ātmā bhūtendriyāśayāḥ |
śaknuvantyasya sargādau na vinā yadanugrahāt || 11 ||
[Analyze grammar]

avidvānevamātmānaṃ manyate'nīśamīśvaram |
bhūtaiḥ sṛjati bhūtāni grasate tāni taiḥ svayam || 12 ||
[Analyze grammar]

āyuḥ śrīḥ kīrtiraiśvaryaṃ āśiṣaḥ puruṣasya yāḥ |
bhavantyeva hi tatkāle yathānicchorviparyayāḥ || 13 ||
[Analyze grammar]

tasmādakīrtiyaśasoḥ jayāpajayayorapi |
samaḥ syātsukhaduḥkhābhyāṃ mṛtyujīvitayostathā || 14 ||
[Analyze grammar]

sattvaṃ rajastama iti prakṛternātmano guṇāḥ |
tatra sākṣiṇamātmānaṃ yo veda sa na badhyate || 15 ||
[Analyze grammar]

paśya māṃ nirjitaṃ śatru vṛkṇāyudhabhujaṃ mṛdhe |
ghaṭamānaṃ yathāśakti tava prāṇajihīrṣayā || 16 ||
[Analyze grammar]

prāṇaglaho'yaṃ samara iṣvakṣo vāhanāsanaḥ |
atra na jñāyate'muṣya jayo'muṣya parājayaḥ || 17 ||
[Analyze grammar]

śrīśuka uvācaindro vṛtravacaḥ śrutvā gatālīkamapūjayat |
gṛhītavajraḥ prahasan tamāha gatavismayaḥ || 18 ||
[Analyze grammar]

indra uvācaaho dānava siddho'si yasya te matirīdṛśī |
bhaktaḥ sarvātmanātmānaṃ suhṛdaṃ jagadīśvaram || 19 ||
[Analyze grammar]

bhavānatārṣīnmāyāṃ vai vaiṣṇavīṃ janamohinīm |
yad vihāyāsuraṃ bhāvaṃ mahāpuruṣatāṃ gataḥ || 20 ||
[Analyze grammar]

khalvidaṃ mahadāścaryaṃ yadrajaḥprakṛtestava |
vāsudeve bhagavati sattvātmani dṛḍhā matiḥ || 21 ||
[Analyze grammar]

yasya bhaktirbhagavati harau niḥśreyaseśvare |
vikrīḍato'mṛtāmbhodhau kiṃ kṣudraiḥ khātakodakaiḥ || 22 ||
[Analyze grammar]

śrīśuka uvācaiti bruvāṇāvanyonyaṃ dharmajijñāsayā nṛpa |
yuyudhāte mahāvīryau indravṛtrau yudhāmpatī || 23 ||
[Analyze grammar]

āvidhya parighaṃ vṛtraḥ kārṣṇāyasamarindamaḥ |
indrāya prāhiṇod ghoraṃ vāmahastena māriṣa || 24 ||
[Analyze grammar]

sa tu vṛtrasya parighaṃ karaṃ ca karabhopamam |
ciccheda yugapad devo vajreṇa śataparvaṇā || 25 ||
[Analyze grammar]

dorbhyāṃ utkṛttamūlābhyāṃ babhau raktasravo'suraḥ |
chinnapakṣo yathā gotraḥ khād bhraṣṭo vajriṇā hataḥ || 26 ||
[Analyze grammar]

kṛtvādharāṃ hanuṃ bhūmau daityo divyuttarāṃ hanum |
nabhogambhīravaktreṇa leliholbaṇajihvayā || 27 ||
[Analyze grammar]

daṃṣṭrābhiḥ kālakalpābhiḥ grasanniva jagattrayam |
atimātramahākāya ākṣipan tarasā girīn || 28 ||
[Analyze grammar]

girirāṭ pādacārīva pad‍bhyāṃ nirjarayan mahīm |
jagrāsa sa samāsādya vajriṇaṃ sahavāhanam || 29 ||
[Analyze grammar]

vṛtragrastaṃ tamālokya saprajāpatayaḥ surāḥ |
mahāprāṇo mahāvīryo mahāsarpa eva dvipam |
hā kaṣṭamiti nirviṇṇāḥ cukruśuḥ samaharṣayaḥ || 30 ||
[Analyze grammar]

nigīrṇo'pyasurendreṇa na mamārodaraṃ gataḥ |
mahāpuruṣasannaddho yogamāyābalena ca || 31 ||
[Analyze grammar]

bhittvā vajreṇa tatkukṣiṃ niṣkramya balabhid vibhuḥ |
uccakarta śiraḥ śatroḥ giriśrṛṅgamivaujasā || 32 ||
[Analyze grammar]

vajrastu tatkandharamāśuvegaḥ |
kṛntan samantāt parivartamānaḥ |
nyapātayat tāvadahargaṇena |
yo jyotiṣāmayane vārtrahatye || 33 ||
[Analyze grammar]

tadā ca khe dundubhayo vineduḥ |
gandharvasiddhāḥ samaharṣisaṅghāḥ |
vārtraghnaliṅgaistamabhiṣṭuvānā |
mantrairmudā kusumairabhyavarṣan || 34 ||
[Analyze grammar]

vṛtrasya dehān niṣkrāntaṃ ātmajyotirarindama |
paśyatāṃ sarvadevānāṃ alokaṃ samapadyata || 35 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
ṣaṣṭhaskandhe vṛtrovadho nāma dvādaśo'dhyā‍yaḥ || 12 ||
[Analyze grammar]