Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 373

< Previous

Next >

[English text for this chapter is available]

agniruvāca |
āsanaṃ kamalādyuktaṃ tadbaddhvā cintayetparaṃ |
śucau deśe pratiṣṭhāpya sthiramāsanāmātmanaḥ || 1 ||
[Analyze grammar]

nātyucchritaṃ nātinīcaṃ celājinakuśottaraṃ |
tatraikāgraṃ manaḥ kṛtvā yatacittendriyakriyaḥ || 2 ||
[Analyze grammar]

upaviśyāsane yuñjyādyogamātmaviśuddhaye |
samakāyaśiragrīvaṃ dhārayannacalaṃ sthiraḥ || 3 ||
[Analyze grammar]

samprekṣya nāsikāgraṃ svandiśaścānavalokayan |
pārṣṇibhyāṃ vṛṣaṇau rakṣaṃstathā prajananaṃ punaḥ || 4 ||
[Analyze grammar]

urubhyāmuparisthāpya bāhū tiryyak prayatnataḥ |
dakṣiṇaṃ karapṛṣṭhañca nyasedvāmatalopari || 5 ||
[Analyze grammar]

unnamya śanakairvakttraṃ mukhaṃ viṣṭabhya cāgrataḥ |
prāṇaḥ svadehajo vāyustasyāyāmo nirodhanaṃ || 6 ||
[Analyze grammar]

nāsikāpuṭamaṅgulyā pīḍyaiva ca pareṇa ca |
audaraṃ recayedvāyuṃ recanādrecakaḥ smṛtaḥ || 7 ||
[Analyze grammar]

bāhyena vāyunā dehaṃ dṛtivat pūrayedyathā |
tathā pūrṇaśca santiṣṭhet pūraṇāt pūrakaḥ smṛtaḥ || 8 ||
[Analyze grammar]

na muñcati na gṛhṇāti vāyumantarbahiḥ sthitam |
sampūrṇakumbhavattiṣṭhedacalaḥ sa tu kumbhakaḥ || 9 ||
[Analyze grammar]

kanyakaḥ sakṛdudghātaḥ sa vai dvādaśamātrikaḥ |
madhyamaśca dvirudghātaścaturviṃśatimātrikaḥ || 10 ||
[Analyze grammar]

uttamaśca trirudghātaḥ ṣaṭtriṃśattālamātrikaḥ |
svedakampābhighātānāṃ jananaścottamottamaḥ || 11 ||
[Analyze grammar]

ajitānnāruhedbhūmiṃ hikkāśvāsādayastathā |
jite prāṇe svalpadoṣaviṇmūtrādi prajāyate || 12 ||
[Analyze grammar]

ārogyaṃ śīghragāmitvamutsāhaḥ svarasauṣṭhavam |
balavarṇaprasādaśca sarvadoṣakṣayaḥ phalaṃ || 13 ||
[Analyze grammar]

japadhyānaṃ vināgarbhaḥ sa garbhastatsamanvitaḥ |
indriyāṇāṃ jayārthāya sa garbhaṃ dhārayetparaṃ || 14 ||
[Analyze grammar]

jñānavairāgyayuktābhyāṃ prāṇāyāmavaśena ca |
indriyāṃśca vinirjitya sarvameva jitaṃ bhavet || 15 ||
[Analyze grammar]

indriyāṇyeva tatsarvaṃ yat svarganarakāvubhau |
nigṛhītavisṛṣṭāni svargāya narakāya ca || 16 ||
[Analyze grammar]

śarīraṃ rathamityāhurindriyāṇyasya vājinaḥ |
manaśca sārathiḥ proktaḥ prāṇāyāmaḥ kaśaḥ smṛtaḥ || 17 ||
[Analyze grammar]

jñānavairāgyaraśmibhyāṃ sāyayā vidhṛtaṃ manaḥ |
śanairniścalatāmeti prāṇāyāmaikasaṃhitam || 18 ||
[Analyze grammar]

jalavinduṃ kuśāgreṇa māse māse pivettu yaḥ |
saṃvatsaraśataṃ sāgraṃ prāṇāyāmaśca tatsamaḥ || 19 ||
[Analyze grammar]

indriyāṇi prasaktāni praviśya viṣayodadhau |
āhṛtya yo nigṛhṇāti pratyāhāraḥ sa ucyate || 20 ||
[Analyze grammar]

uddharedātmanātmānaṃ majjamānaṃ yathāmbhasi |
bhoganadyativegena jñānavṛkṣaṃ samāśrayet || 21 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 373

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!