Chapter 362

[English text for this chapter is available]

agniruvāca |
ākāśe tridive nāko lokastu bhuvane jane |
padye yaśasi ca śalokaḥ śare khaḍge ca sāyakaḥ || 1 ||
[Analyze grammar]

ānakaḥ paṭaho bherī kalaṅko'ṅkāpavādayoḥ |
mārute vedhasi vradhne puṃsi kaḥ kaṃ śiro'mbunoḥ || 2 ||
[Analyze grammar]

syāt pulākastucchadhānye saṃkṣepe bhaktasikthake |
mahendraguggulūlūkavyālagrāhiṣu kauśikaḥ || 3 ||
[Analyze grammar]

śālāvṛkau kapiśvānau mānaṃ syānmitisādhanaṃ |
sargaḥ svabhāvanirmokṣaniścayādhyāyasṛṣṭiṣu || 4 ||
[Analyze grammar]

yogaḥ sannahanopāyadhyānasaṅgatiyuktiṣu |
bhogaḥ sukhe stryādibhṛtāvavjau śaṅkhaniśākarau || 5 ||
[Analyze grammar]

kākebhagaṇḍau karaṭau duścarmā śipiviṣṭakaḥ |
riṣṭaṃ kṣaemāśubhābhāveṣvariṣṭe tu śubhā'śubhe || 6 ||
[Analyze grammar]

vyuṣṭiḥ phale samṛddhau ca dṛṣṭirjñāne'kṣiṇa darśane |
niṣṭhāniṣpattināśāntāḥ kāṣṭhotkarṣe sthitau diśi || 7 ||
[Analyze grammar]

bhūgovācastviḍa़ा ilāḥ pragāḍha़ṃ bhṛśakṛcchrayoḥ |
bhṛśapratijñayorvāḍha़ṃ śaktasthūlau dṛḍha़ौ triṣu || 8 ||
[Analyze grammar]

vinyastasaṃhatau vyūḍha़ौ kṛṣṇo vyāse'rjjune harau |
paṇo dyatādiṣūtsṛṣṭe bhṛtau mūlye dhana'pi ca || 9 ||
[Analyze grammar]

maurvyāṃ drvyāśrite stvaśuktasandhyādike guṇaḥ |
śreṣṭhe'dhipe grāmaṇīḥ syāt jugupsākaruṇe ghṛṇo || 10 ||
[Analyze grammar]

tṛṣṇā spṛhāpipāse dve vipaṇiḥ syādvaṇikpathe |
viṣābhisaraloheṣu tīkṣṇaṃ klīve khare triṣu || 11 ||
[Analyze grammar]

pramāṇaṃ hetumaryyādāśāstreyattāpramātṛṣu |
karaṇaṃ kṣetragātrādāvīriṇaṃ śūnyamūparaṃ || 12 ||
[Analyze grammar]

yantā hastipake sūte vahnijvālā ca hetayaḥ |
śrutaṃ śāstrāvadhṛtayoryugaparyyāptayoḥ kṛtaṃ || 13 ||
[Analyze grammar]

khyāte hṛṣṭe pratīto'bhijātastu kulaje budhe |
viviktau pūtavijanau mūrcchitau mūḍha़socchrayau || 14 ||
[Analyze grammar]

artho'bhidheyaraivastuprayojananivattiṣu |
nidānāgamayostīrthamṛṣijuṣṭajale gurau || 15 ||
[Analyze grammar]

prādhānye rājaliṅge ca vṛṣāṅge kakudā'striyāṃ |
strī sambijjñānasambhāṣākriyākārājināmasu || 16 ||
[Analyze grammar]

dharmme rahasyupaniṣat syādṛtau vatsare śarat |
padaṃ vyavasititrāṇasthānalakṣmāṅghrivastuṣu || 17 ||
[Analyze grammar]

triṣviṣṭamadhurau svādū mṛdū cātīkṣṇakomalau |
satye sādhau vidyamāne praśaste'bhyarhite ca sat || 18 ||
[Analyze grammar]

vidhirvidhāne daive'pi praṇidhiḥ prārthane care |
vadhūrjāyā snuṣā strī ca sudhālepo'mṛtaṃ snuhī || 19 ||
[Analyze grammar]

spṛhā sampratyayaḥ śraddhā paṇiḍatammanyagarvvitau |
brahmabandhuradhikṣepe bhānūraśmidivākarau || 20 ||
[Analyze grammar]

dkālāṇau śailapāṣāṇau mūrkhanīcau pṛthagjanau |
taruśailau śikhariṇau tanustvagdehayorapi || 21 ||
[Analyze grammar]

ātmā yatno dhṛtirbuddhiḥ svabhāvo brahma varṣma ca |
utthānaṃ pauruṣe tantre vyutthānaṃ pratirodhane || 22 ||
[Analyze grammar]

niryyātanaṃ vairaśuddhau dāne nyāsārpaṇe'pi ca |
vyasanaṃ vipadi bhraṃśe doṣe kāmajakopaje || 23 ||
[Analyze grammar]

mṛgayākṣo divāsvapnaḥ parivādaḥ striyo madaḥ |
tauryyatrikaṃ vṛthāṭyā ca kāmajo daśako gaṇaḥ || 24 ||
[Analyze grammar]

paiśūnyaṃ sāhasaṃ droha īrṣyāsūyārthadūṣaṇam |
vāgdaṇḍaścaiva pāruṣyaṃ krodhajo'pi gaṇo'ṣṭakaḥ || 25 ||
[Analyze grammar]

akarmmaguhye kaupīnaṃ maithunaṃ saṅgatau ratau |
pradhānaṃ paramārthā dhīḥ prajñānaṃ buddhicihnayoḥ || 26 ||
[Analyze grammar]

krandane rodanāhvāne vaṣma dehapramāṇayoḥ |
ārādhanaṃ sādhane syādavāptau toṣaṇe'pi ca || 27 ||
[Analyze grammar]

ratnaṃ svajātiśreṣṭhe'pi lakṣma cihnipradhānayoḥ |
kalāpo bhūṣaṇe varhe tūṇīre saṃhate'pi ca || 28 ||
[Analyze grammar]

talpaṃ śayyāṭṭadāreṣu ḍimbhau tu śiśuvāliśau |
stambhau sthūṇājaḍa़ीbhāvau sabhye saṃsadi vai sabhā || 29 ||
[Analyze grammar]

kiraṇapragrhau raśmī dharmmāḥ puṇyayamādayaḥ |
lalāmaṃ pucchapuṇḍrāśvabhūṣāprādhānyaketuṣu || 30 ||
[Analyze grammar]

pratyayo'dhīnaśapathajñānavisvāsahetuṣu |
samayāḥ śapathācārakālasiddhāntasaṃvidaḥ || 31 ||
[Analyze grammar]

atyayo'tikrame kṛcchre satyaṃ śapathatathyayoḥ |
vīryyaṃ balaprabhāvau ca rūpyaṃ rūpe praśastake || 32 ||
[Analyze grammar]

durodaro dyutakāre paṇe dyūte durodaraṃ |
mahāraṇye durgapathe kāntāraḥ punnapuṃsakaṃ || 33 ||
[Analyze grammar]

yamānilendracandrārkaviṣṇusiṃhādike hariḥ |
daśe'striyāṃ bhaye śvabhre jaṭharaḥ kaṭhine'pi ca || 34 ||
[Analyze grammar]

udāro dātṛmahatoritarastvanyanīcayoḥ |
cūḍa़ा kirīṭaṃ keśāśca saṃyatā maulayastrayaḥ || 35 ||
[Analyze grammar]

baliḥ karopahārādau sainyasthairyyādike balaṃ |
strīkaṭīvastrabandhe'pi nīvī paripaṇe'pi ca || 36 ||
[Analyze grammar]

śukrale mūṣike śreṣṭhe sukṛte vṛṣabhe vṛṣaḥ |
dyūtākṣe sāriphalake'pyākarṣo'thā'kṣamindriye || 37 ||
[Analyze grammar]

nā dyūtāṅge ca karṣe ca vyavahāre kalidrume |
uṣṇīṣaḥ syān kirīṭādau karṣūḥ kulyābhidhāyinī || 38 ||
[Analyze grammar]

pratyakṣe'dhikṛte'dhyākṣaḥ sūryyavahnī vibhāvasū |
śrṛṅgārādau viṣe voryye guṇe rāge drave rasaḥ || 39 ||
[Analyze grammar]

tejaḥpurīṣayorvarcca āgaḥ pāpāparādhayoḥ |
chandaḥ padye'bhilāṣe ca sādhīyān sādhuvāḍhayoḥ |
vyuho vṛnde'pyahirvṛtre'pyagnīndvarkāstamonudaḥ || 40 ||
[Analyze grammar]