Chapter 351

[English text for this chapter is available]

skanda uvāca |
vibhaktisiddharūpañca kātyāyana vadāmi te |
dve vibhaktī suptiṅaśca supaḥ sapta vibhaktayaḥ || 1 ||
[Analyze grammar]

su aujasiti prathamā amauṭśaso dvitīyā |
ṭābhyāṃ bisiti tṛtīyā ṅabhyāṃbhyasaścaturthyapi || 2 ||
[Analyze grammar]

ṅasibhyāṃbhyasaḥ pañcamī syātṅasosāmiti ṣaṣṭhyapi |
ṅiostubiti saptamī syāt syuḥ prātipadikātparāḥ || 3 ||
[Analyze grammar]

dvividhaṃ prātipadikaṃ hyajantañca halantakaṃ |
pratyekaṃ trividhaṃ tat syāt pumāṃstrī ca napuṃsakaṃ || 4 ||
[Analyze grammar]

darśyante nāyakāsteṣāmanuktānāñca vīryyataḥ |
vṛkṣaḥ sarvvo'tha pūrvvaśca prathamaśca dvitīyakaḥ || 5 ||
[Analyze grammar]

tṛtīyaḥ khaṇḍapā vahniḥ sakhāpatiraharpatiḥ |
paṭurnīrgrāmaṇīndraśca khalabūrmmitrabhūḥ svabhūḥ || 6 ||
[Analyze grammar]

suśrīḥ sudhīḥ pitā bhrātā nā karttā kroṣṭunaptṛkau |
surā rā gaustathā dyaurglauḥ svarāntāḥ puṃsi nāyakāḥ || 7 ||
[Analyze grammar]

suvāk tvak pṛṣat samrāṭ janmabhāk ca avedapi |
āpo marudbhavan dīvyan bhavāṃśca maghavān pivan || 8 ||
[Analyze grammar]

bhagavānaghavānarvvānvahnimat sarvvavitsupṛt |
susomā kuṇḍī rājā ca śvā yuvā maghavā tathā || 9 ||
[Analyze grammar]

pūṣā sukarmmā yajvā ca suvarmmā ca sudharmmaṇā |
aryyamā vṛtrahā panthāḥ sukakudādipañca ca || 10 ||
[Analyze grammar]

praśān sutāṃśca pañcādyāḥ sugīḥ surāḥ supūrapi |
candramāḥ suvacāḥ śreyān vidvāṃścośanasā saha || 11 ||
[Analyze grammar]

pecivān gauravānaḍvān godhuṅmitradruhau śvaliṭ |
striyāṃ jāyā jarā bālā eḍa़kā saho vṛddhayā || 12 ||
[Analyze grammar]

kṣātriyā bahurājā ca bahudā mā'tha bālikā |
māyā kaumudagandhā ca sarvvā pūrvvā sahānyayā || 13 ||
[Analyze grammar]

dvitīyā ca tṛtīyā ca buddhiḥ stro śrornnadī sudhīḥ |
bhavantī caiva dīvyantī bhātī bhāntī ca yāntyapi || 14 ||
[Analyze grammar]

śrṛṇvatī tudatī kartrī tudantī kurvatī mahī |
rundhatī krīḍa़tī dāntī pālayantī surāṇyapi || 15 ||
[Analyze grammar]

gaurī putravatī nīśca vadhūrddevatayā bhuvā |
tisro dve kati varṣābhūḥ svasā mātā varā ca gauḥ || 16 ||
[Analyze grammar]

naurvāktvaktvakprācyavācīti tiraścī samudīcyapi |
śaradvidyut saridyoṣit agnivit saspadā dṛśat || 17 ||
[Analyze grammar]

yaiṣā sā vedavitsaṃvit bahvī rājñī tvayā mayā |
sīmā pañcādayo rājī dhūḥ pūścaiva diśā girā || 18 ||
[Analyze grammar]

catasro viduṣī caiva keyaṃ dik dṛk ca tādṛśo |
asau striyāṃ nāyakāśca nāyakāśca napuṃsake || 19 ||
[Analyze grammar]

kuṇḍaṃ sarvaṃ somapañca dadhi vāri khalapvatha |
madhu trapu karttṛ bhaktṛ ativaktṛ payaḥ puraḥ || 20 ||
[Analyze grammar]

prākpratyak ca tiryyagudak jagad jāgrattathā sakṛt |
susampacca sudaṇḍīha ahaḥ kiñcedamityapi || 21 ||
[Analyze grammar]

ṣaṭsarpiḥ śreyaścatvāri ado'nye hīdṛśāḥ pare |
etebyaḥ prathamādayaśca syuḥ prātipadikātparāḥ || 22 ||
[Analyze grammar]

dhātupratyayahīnaṃ yatsyāt prātipadikantu tat |
prātipadikāt svaliṅgārthavacane prathamā bhavet || 23 ||
[Analyze grammar]

sambodhane ca prathamā ukte karmmaṇi karttari |
karmma yat kriyate tatsyāt dvitīyā karmaṇi smṛtā || 24 ||
[Analyze grammar]

kriyate yena karaṇaṃ karttā yaśca karoti saḥ |
anukte tiṅkṛttaddhitaistṛtīyā karaṇe bhavet || 25 ||
[Analyze grammar]

kārake karttari ca sā sampradāne caturthyapi |
yasmai ditsā dhārayate sampradānaṃ tadīritaṃ || 26 ||
[Analyze grammar]

apādānaṃ yato'paiti ādatte ca bhayaṃ yataḥ |
apādāne pañcamī syāt svasvāmyādau ca ṣaṣṭhyapi || 27 ||
[Analyze grammar]

ādhāro yo'dhikaraṇaṃ vibhaktistatra saptamī |
ekārthe caikavacanaṃ dvyarthe dvivacanaṃ bhavet || 28 ||
[Analyze grammar]

bahuṣu bahuvacanaṃ siddharūpāṇyatho vade |
vṛkṣaḥ sūryyo'mabuvāho'rka herave hedvijātayaḥ || 29 ||
[Analyze grammar]

viprau gajānmahendreṇa yamābyāmanalaiḥ kṛtaṃ |
rāmāya munivaryyābhyāṃ kebhyo dharmmāt harau ratiḥ || 30 ||
[Analyze grammar]

śarābyāṃ pustakebhyaśca arthasyeśvarayorgatiḥ |
bālānāṃ sajjane prītirhaṃsayoḥ kamaleṣu ca || 31 ||
[Analyze grammar]

evaṃ kāmamaheśādyāḥ śabdā jñeyāśca vṛkṣavat |
sarve viśve ca sarvasmai sarvasmātkataro mataḥ || 32 ||
[Analyze grammar]

sarveṣāṃ svañca viśvasmin śeṣaṃ rūpañca vṛkṣavat |
evañcobhayakatarakatamānyatarādayaḥ || 33 ||
[Analyze grammar]

pūrvve pūrvvāśca pūrvasmai pūrvasmāt susamāgataḥ |
pūrvvo buddhiśca pūrvasmin śeṣarūpantu sarvavat || 34 ||
[Analyze grammar]

evaṃ paravarādyāśca dakṣiṇottarakāntarāḥ |
aparaऱścādharo nemāḥ prathamāḥ prathame'rkavat || 35 ||
[Analyze grammar]

evaṃ caramāyatayā alpārddhā nemaādayaḥ |
dvitīyasmai dvitīyāya dvitīyasmāt dvitīyakāt || 36 ||
[Analyze grammar]

dvitīyasmin dvitīye ca tṛtīyaśca tathā'rkkavat |
somapāḥ somapau jñeyausomapāḥ somapāṃ braja || 37 ||
[Analyze grammar]

kīlālapau somapaśca somapā somape dada |
somapābhyāṃ somapābhyaḥ somapaḥ somapoḥ kulaṃ || 38 ||
[Analyze grammar]

evaṃ kīlālapādyāḥ syu kaviragnistathā'rayaḥ |
hekave kavimagnī tān harīn sātyakinā hṛtaṃ || 39 ||
[Analyze grammar]

ravibhyāṃ ravibhirddehi vahniye yaḥ samāgataḥ |
agneragnyostathāgnīnāṃ kavau kavyoḥ kaviṣva'tha || 40 ||
[Analyze grammar]

evaṃ susṛtirabhrāntiḥ sukīrttiḥ sudhṛtistathā |
sakhā sakhāyau sakhāyaḥ hesakhe vraja saptatiṃ || 41 ||
[Analyze grammar]

sakhāyañca sa khāyau ca sakhīn sakhyā gato dada |
sakhye sakhyuśca sakhyaśca sakhyoḥ śeṣaḥ kaveriva || 42 ||
[Analyze grammar]

patyā patye ca patyaśca patyuḥ patyostathā'gnivat |
dvau dvau dvābhyāṃ dvābhyāṃ dvitvādyarthe dvayordvayoḥ || 43 ||
[Analyze grammar]

trayastrīṃśca tribhistribhyastrayāṇāñca triṣu kramāt |
kavivat katikatīti śeṣaṃ vahuvacanaṃ smṛtam || 44 ||
[Analyze grammar]

nīniyau ca niyo henīḥ niyaṃ niyau niyo niyā |
nībhyāṃ nībhirniye nībhyaḥ niyānniyi niyostathā || 45 ||
[Analyze grammar]

suśrīḥ sudhīḥ prabhṛtayo grāmaṇīḥ pūjayeddhariṃ |
grāmaṇyau grāmaṇyo grāmaṇyaṃ grāmaṇyā grāmaṇībhiḥ || 46 ||
[Analyze grammar]

grāmaṇyo grāmaṇyāmevaṃ senānīpramukhāḥ subhūḥ |
subhuvau ca svayambhuvaḥ svayambhuñca svayambhuvaḥ || 47 ||
[Analyze grammar]

svayambhuvā svayambhuvi evaṃ pratibhuvādayaḥ |
khalapūḥ khalapvau śreṣṭhau khalapvañca khalapvi ca || 48 ||
[Analyze grammar]

evaṃ śarapūmukhāḥ syuḥ kroṣṭā kroṣṭāra īritāḥ |
kroṣṭūṃśca koṣṭuśca koṣṭunā kroṣṭrā kroṣṭūnāṃ koṣṭarīdṛśaṃ || 49 ||
[Analyze grammar]

pitā pitarau pitaraḥ hepitaḥ pitarau śubhau |
pitṝn pituḥ pituḥ pitroḥ pitṝṇāṃ pitarīdṛśaṃ || 50 ||
[Analyze grammar]

evaṃ bhrātā ca jāmātṛmukhā nṝṇāṃ nṛṇāṃ tathā |
karttā karttārau karttṝśca karttṝṇāṃ karttarīdṛśaṃ || 51 ||
[Analyze grammar]

pitṛvaccaivamuṭgātā svasā naptrādayaḥ smṛtāḥ |
surāḥ surāyau surāyaḥ nurāyāñca surāyyapi || 52 ||
[Analyze grammar]

gauḥ gāvau gāṅgā gavā ca gorgavośca gavāṃ gavi |
eva dyaurglauścāpi tathā svarāntāḥ puṃsi nāyakāḥ || 53 ||
[Analyze grammar]

suvāk suvācau suvācā suvāgbhyāñca suvākṣvapi |
evaṃ dikpramukhāḥ prāṅca prāñcau prāñcañca bho vraja || 54 ||
[Analyze grammar]

prāgbhyāṃ prāgbhiḥ prācāñca prāci ca prāṅsu prāṅsu prāṅśvapi |
evaṃ hyudaṅudīcī vā samyaṅka prtyakasamīcyapi || 55 ||
[Analyze grammar]

tiryyaṅtiraśca sadhryaṅ ca viśvadryaṅ pūrvavat smṛtāḥ |
adadryaṅadamuyaṅ syāt tatāmumuyaṅīritaḥ || 56 ||
[Analyze grammar]

adadryaṅadamuyaṅ syāt tathāmumuyaṅīritaḥ |
adadryañco hyamudrīcaḥ adadryagbhyāñca pūrvvavat || 57 ||
[Analyze grammar]

tattvatṛṣi tattvatṛṭsu evaṃ kāṣṭhataḍa़ाdayaḥ |
bhiṣak bhiṣagabyāṃ bhiṣaji janmabhāgādayastathā || 58 ||
[Analyze grammar]

marut marudbhyāṃ maruti evaṃ śatrujidādayaḥ |
bhavān bhavantau bhavatāṃ bhavaṃścaiva bhavatyapi || 59 ||
[Analyze grammar]

mahānmahāntau mahatāmevaṃ bhagavadādayaḥ |
evaṃ maghavānmaghavantau agniciccāgnicityapi || 60 ||
[Analyze grammar]

agnicitsvevamevānyat vedavittvavittvapi |
vedavidāmevamanyat yaḥ samastena sarvvavit || 61 ||
[Analyze grammar]

rājā rājānau rājñaḥ rījñi rājani rājan |
yajvā yajvānastadvat karī daṇḍī ca daṇḍinī || 62 ||
[Analyze grammar]

panthāḥ panthānau ca pathaḥ pathimbhāṃ pathi cedṛśam |
manthā ṛbhukṣāḥ paśyādyāḥ pañca pañca ca pañcabhiḥ || 63 ||
[Analyze grammar]

pratān pratānau pratānbhyāṃ heprtāṃśca suśarmmaṇaḥ |
āpaḥ apaḥ adbhirapyevaṃ praśāṃścaiva praśāmyapi || 64 ||
[Analyze grammar]

kaḥ kena sarvvavat keṣu ayaṃ cemeimānnayaḥ |
anena cābhyāmebhiśca asmai cebhyaḥ svamasyaca || 65 ||
[Analyze grammar]

anayoreṣāmeṣu syāccatvāraścaturastathā |
caturṇoñca caturṣva'sti sugīḥ śreṣṭhaḥ sugiryyapi || 66 ||
[Analyze grammar]

sudyauḥ suditrau sudyubhyāṃ viḍviṣau viṭsu yādṛśaḥ |
yādṛgbhyāñcaiva viḍa़bhyāñca ṣaṭ ṣaṭ ṣaṇṇāñca ṣaṭsvapi || 67 ||
[Analyze grammar]

suvacāḥ suvacasā ca suvacobhyāmathedṛśam |
he suvaco he uśanan uśanā vośanasyapi || 68 ||
[Analyze grammar]

puradaṃśā anehā hevidvan vidvāṃsa uttamāḥ |
viduṣe namo vidvadbhyāṃ vidvatsu ca vabhuvivān || 69 ||
[Analyze grammar]

evañca pecivān śreyān śreyāṃsau śreyasastathā |
asau am amī śreṣṭhā amuṃ bhamūnihāmunā || 70 ||
[Analyze grammar]

amībhiramusmai vāmusmādamuṣathya vāmuyostathā |
amīṣāmamusminnityevaṃ godhuk godhugmiragataḥ || 71 ||
[Analyze grammar]

godhukṣvityevamanyepi mitradruho mitradruhā |
mitradhrugbhyāṃ mitradhrugbhireva cittadruhādayaḥ || 72 ||
[Analyze grammar]

svaliṭ svaliḍbhyāṃ svalihi anaḍvānanaḍutsu ca |
ajantāśca halantāśca puṃsyātho'tha striyāṃ vade || 73 ||
[Analyze grammar]