Chapter 283

[English text for this chapter is available]

dhanvantariruvāca |
sihī śaṭī niśāyugmaṃ vatsakaṃ kvāthasevanaṃ |
śiśoḥ sarvvātisāreṣu stanyadoṣeṣu śasyate || 1 ||
[Analyze grammar]

śrṛṅgīṃ sakṛṣṇātiviṣāṃ cūrṇitāṃ madhunā lihet |
ekā cātiviśā kāśaccharddijvaraharī śiśoḥ || 2 ||
[Analyze grammar]

bālaiḥ sevyā vacā sājyā sadugdhā vātha tailayuk |
yaṣṭikāṃ śaṅkhapuṣpīṃ vā bālaḥ kṣīrānvitāṃ pivet || 3 ||
[Analyze grammar]

vāgrūpasampadyuktāyurmmedhāśrīrvarddhate śiśoḥ |
vacāhyagniśikhāvāsāśuṇṭhīkṛṣṇāniśāgadaṃ || 4 ||
[Analyze grammar]

sayaṣṭisaindhavaṃ bālaḥ prātarmeghākaraṃ vivet |
devadārumahāśigruphalatrayapayomucāṃ || 5 ||
[Analyze grammar]

kkāthaḥ sakṛṣṇā mṛdvīkā kalkaḥ sarvān kṛmīnharet |
triphalābhṛṅgaviśvānāṃ raseṣu madhusarpiṣoḥ || 6 ||
[Analyze grammar]

meṣīkṣīre ca gomūtre siktaṃ roge hitaṃ śiśoḥ |
nāsāraktaharo nasyāddurvvārasa ihottamaḥ || 7 ||
[Analyze grammar]

laśunārdrakaśigrūṇāṃ rasaḥ karṇasya pūraṇam |
tailamārdrakajātyaṃ vā śūlahā cauṣṭharoganut || 8 ||
[Analyze grammar]

jātīpatraṃ phalaṃ vyoṣaṃ kavalaṃ mūtrakaṃ niśā |
dugdhakkāthe'bhayākalke siddhaṃ tailaṃ dvalijārttinut || 9 ||
[Analyze grammar]

dhānyāmbu nārikelaṃ gomūtraṃ kramūkaviśvayuk |
kkāthitaṃ kabalaṃ kāryyamadhijihvādhiśāntaye || 10 ||
[Analyze grammar]

sādhitaṃ lāṅgalīkalke tailaṃ nirguṇḍikārasaiḥ |
gaṇḍamālāgalagaṇḍau nāśayennasyakarmaṇā || 11 ||
[Analyze grammar]

pallavairarkkapūtīkasnuhīrugghātajātikaiḥ |
udvarttayet sagomūtraiḥ sarvatvagdoṣanāśanaiḥ || 12 ||
[Analyze grammar]

vākucī satilā bhuktā vatsarāt kuṣṭhanāśanī |
pathyā bhallātakī tailaguḍapiṇḍī tu kuṣṭhajit || 13 ||
[Analyze grammar]

pūtīkavahnirajanī triphalāvyoṣacūrṇayuk |
takraṃ gudāṅgure peyaṃ bhakṣyā vā saguḍā'bhayā || 14 ||
[Analyze grammar]

phaladārvvīviṣāṇāntu kkātho dhātrīraso'thavā |
pātavyo rajanīkalkaḥ kṣaudrākṣaudrapramehiṇā || 15 ||
[Analyze grammar]

vāsāgarbho vyādhighātakkātha eraṇḍatailayuk |
vātaśoṇitahṛt pānāt pippalī syāt plīhāharī || 16 ||
[Analyze grammar]

sevyā jaṭhariṇā kṛṣṇā snukkṣīravahubhāvitā |
payo vā racyadantyāgniviḍaṅgavyoṣakalkayuk || 17 ||
[Analyze grammar]

granthikogrābhayā kṛṣṇā viḍaṅgāktā ghṛte kasthitā |
māṃsantakraṃ grahaṇyarśaḥpāṇḍugulmakṛmīn haret || 18 ||
[Analyze grammar]

phalatrayāmṛtā vāsā tiktabhūnimvajastathā |
kkāthaḥ samākṣiko hanyāt pāṇḍurogaṃ sakāmalaṃ || 19 ||
[Analyze grammar]

raktapittī pivedvāsāsurasaṃ sasitaṃ madhu |
varīdrākṣābalāśuṇṭhīsādhitaṃ vā payaḥ pṛthak || 20 ||
[Analyze grammar]

barī vidārī pathyā ca balātrayaṃ savāsakaṃ |
śvadaṃṣṭrāmadhusarpirbhyāmālihet kṣayarogavān || 21 ||
[Analyze grammar]

pathyāśigrukarañjārkatvaksāraṃ madhusindhumat |
samūtraṃ vidradhiṃ hanti paripākāya tantrajit || 22 ||
[Analyze grammar]

trivṛtā jīvatī dantī mañjiṣṭhā śarvarīdvayaṃ |
tārkṣajaṃ nimbapatrañca lepaḥ śasto bhagandare || 23 ||
[Analyze grammar]

rugghātarajanīlākṣācūrṇājakṣaudrasaṃyutā |
vāsovattirvraṇe yojyā śodhanī gatināśanī || 24 ||
[Analyze grammar]

śayāmāyaṣṭiniśālodhrapadmakotpalacandanaiḥ |
samarīcaiḥ śrṛtaṃ tailaṃ kṣīre syād vraṇarohaṇaṃ || 25 ||
[Analyze grammar]

śrīkārpāsadalairbhasmaphalopalavaṇā niśā |
tatpiṇḍīsvedanaṃ tāmre satailaṃ syāt kṣatauṣadhaṃ || 26 ||
[Analyze grammar]

kumbhīsāraṃ payoyuktaṃ vahnigdhaṃ vraṇe lipet |
tadeva nāśayetsekānnārikelarajoghṛtam || 27 ||
[Analyze grammar]

viśvājamodasindhūtthaciñcātvagbhiḥ samābhayā |
takreṇoṣṇāmbunā vātha pītātīsāranāśanī || 28 ||
[Analyze grammar]

vatsakātiviṣāviśvavillamustaśrṛtaṃ jalaṃ |
sāme purāṇe'tīsāre sāsṛkśūle ca pāyayet || 29 ||
[Analyze grammar]

aṅgādagdhaṃ sugataṃ sindhumuṣṇāmbunā pivet |
śūlavāntha vā taddhi sindhuhiṃgukaṇābhayā || 30 ||
[Analyze grammar]

kaṭurohotkaṇātahkalājacūrṇaṃ madhuplutaṃ |
vastracchidragataṃ vaktre nyastaṃ tṛṣṇāṃ vināśayet || 31 ||
[Analyze grammar]

pāṭhādārvvījātidalaṃ drākṣāmṛlaphalatrayaiḥ |
sādhitaṃ samadhu kkāthaṃ kavalaṃ mukhapāpahṛt || 32 ||
[Analyze grammar]

kṛṣṇātiviṣatiktendradārupāṭhāpayomucāṃ |
kkātho mūtre śrṛtaḥ kṣaudrī sarvakaṇṭhagadāpahaḥ || 33 ||
[Analyze grammar]

pathyāgokṣuradusparśarājavṛkṣaśilābhidāṃ |
kaṣāyaḥ samadhuḥ pīto mūtrakṛcchraṃ vyapohati || 34 ||
[Analyze grammar]

vaṃśatvagvaruṇakkāthaḥ śarkkarāśmavighātanaḥ |
śākhoṭakkāthasakṣaudrakṣīrāśī ślīpadī bhavet || 35 ||
[Analyze grammar]

māsārkatvakpayastailaṃ madhusiktañca saindhavaṃ |
pādarogaṃ haretsarpirjālakukkuṭajaṃ tathā || 36 ||
[Analyze grammar]

śuṇṭhīsauvarcalāhiṅgucūrṇaṃ śūṇṭhīrasairghṛtam |
rujaṃ haredatha kkātho viddhi vaddhāgnisādhane || 37 ||
[Analyze grammar]

sauvarcalāgnihaṅgūnāṃ sadīpyānāṃ rasairyutaṃ |
viḍa़dīpyakayuktaṃ vā takraṃ gulmāturaḥ pivet || 38 ||
[Analyze grammar]

dhātrīpaṭolamudgānāṃ kkāthaḥ sājyo visarpahā |
śuṇṭhīdārunavākṣīrakkātho mūtrānvito'paraḥ || 39 ||
[Analyze grammar]

savyoṣāyorajaḥ kṣāraḥ phalakkāthaśca śothahṛt |
guḍa़śigrutrivṛdbhiśca saindhavānāṃ rajoyutaḥ || 40 ||
[Analyze grammar]

trivṛtāphalakakkāthaḥ saguḍa़ syādvirecanaḥ |
vacāphalakaṣāyotthaṃ saindhavānāṃ rajoyutaḥ || 41 ||
[Analyze grammar]

triphalāyāḥ palaśataṃ pṛthagbhṛṅgajabhāvitam |
viṅṅgaṃ lohacūrṇañca daśabhāgasamanvitam || 42 ||
[Analyze grammar]

śatāvarīguḍucyagnipalānāṃ śataviṃśatiḥ |
madhvājyatilajairlihyad balīpalitavarjjitaḥ || 43 ||
[Analyze grammar]

sitāmadhughṛtairyuktā sakṛṣṇā triphalā tathā |
triphalā sarvarogaghnīsa madhuḥ sarkkarānvitā || 44 ||
[Analyze grammar]

sitāmadhughṛtairyuktā sakṛṣṇā triphalā tathā |
pathyācitrakaśuṇṭhyaśca guḍucīmuṣlīrajaḥ || 45 ||
[Analyze grammar]

saguḍaṃ bhakṣitaṃ rogaharaṃ triśatavarṣakṛte |
kiñaaciccūrṇaṃ javāpuṣpaṃ piṇḍitaṃ vimṛjejjale || 46 ||
[Analyze grammar]

tailaṃ bhaved ghṛtākāraṃ kiñciccūrṇṇaṃ jalānvitaṃ |
dhūpārthaṃ dṛśyate citraṃ vṛṣadaṃśajarāyunā || 47 ||
[Analyze grammar]

punarmmākṣikadhūpena dṛśyate tadyāthā purā |
karpūrajalakābhekatailaṃ pāṭalimūlayuk || 48 ||
[Analyze grammar]

piṣṭvā lipya pade dve ca caredaṅgārake naraḥ |
tṛṇautthānādikaṃ vyūhya darśayanvai kutūhalaṃ || 49 ||
[Analyze grammar]

viṣagraharujadhvaṃsakṣudranarmma ca kāmikaṃ |
tatte ṣaṭkarmmakaṃ proktaṃ siddhidvayasamāśrayaṃ || 50 ||
[Analyze grammar]

mantradhyānauṣadhikathāmudrejyā yatra muṣṭayaḥ |
caturvvargaphalaṃ proktaṃ yaḥ paṭhetsa divaṃ vrajet || 51 ||
[Analyze grammar]