Chapter 239

[English text for this chapter is available]

rāma uvāca |
svāmyamātyañca rāṣṭrañca durgaṃ koṣo balaṃ suhṛtaṃ |
parasparopakārīdaṃ saptāṅgaṃ rākajyamucyte || 1 ||
[Analyze grammar]

rājyāṅgānāṃ varaṃ rāṣṭraṃ sādhanaṃ pālayet sadā |
kulaṃ śīlaṃ vayaḥ sattvaṃ dākṣiṇyaṃ kṣiprakāritā || 2 ||
[Analyze grammar]

avisaṃvāditā satyaṃ vṛddhasevā kṛtajñatā |
daivasampannatā buddhirakṣudraparivāratā || 3 ||
[Analyze grammar]

śakyasāmantatā caiva tathā ca dṛḍhabhaktitā || 2 ||
[Analyze grammar]

dīrghadarśitvamutsāhaḥ śucitā sthūlalakṣitā || 4 ||
[Analyze grammar]

vinītatvaṃ dhārmikatā sādhośca nṛpaterguṇāḥ |
prakhyātavaṃśamakrūraṃ lokasaṅgrāhiṇaṃ śuciṃ || 5 ||
[Analyze grammar]

kurvvītātmahitākāṅkṣī paricāraṃ mahīpatiḥ |
vāgmī pragalbhaḥ smṛtimānudagro balavān vaśī || 6 ||
[Analyze grammar]

netā daṇḍasya nipuṇaḥ kṛtaśilpaparigrahaḥ |
parābhiyogaprasahaḥ sarvaduṣṭapratikriyā || 7 ||
[Analyze grammar]

paravṛttānvavekṣī ca sandhivigrahatattavavit |
gūḍhamantrapracārajño deśakālavibhāgavit || 8 ||
[Analyze grammar]

ādātā samyagarthānāṃ viniyoktā ca pātravit |
krodhalobhabhayadrohadambhacāpalavarjjitaḥ || 9 ||
[Analyze grammar]

paropatāpapaiśūnyamātsaryerṣānṛtātigaḥ |
vṛddhopadeśasampannaḥ śakto madhuradarśanaḥ || 10 ||
[Analyze grammar]

guṇānurāgasthitimānātmasampadguṇā smṛtāḥ |
sulīnāḥ śucayaḥ śūrāḥ śrutavanto'nurāgiṇaḥ || 11 ||
[Analyze grammar]

daṇḍanīteḥ prayoktāraḥ sacivāḥ syurmmahīpateḥ |
suvigraho jānapadaḥ kulaśīlakalānvitaḥ || 12 ||
[Analyze grammar]

vāgmī pragalbhaścakṣuṣmānutsāhī pratipattimān |
stambhcāpalahīnaśca maitraḥ kleśasahaḥ śuciḥ || 13 ||
[Analyze grammar]

satyasattvadhṛtisthairyyaprabāvārogyasaṃyutaḥ |
kṛtaśilpaśca dakṣaśca prajñāvān dhāraṇānvitaḥ || 14 ||
[Analyze grammar]

dṛḍhabhaktirakarttā ca vairāṇāṃ sacivo bhavet |
smṛtistatparatārtheṣu cittajño jñānaniścayaḥ || 15 ||
[Analyze grammar]

dṛḍhatā mantraguptiśca mantrisampat prakīrttitā |
trayyāṃ ca daṇḍanītyāṃ ca kuśalaḥ syāt purohitaḥ || 16 ||
[Analyze grammar]

atharvvavedavihitaṃ kuryyācchāntikapauṣṭikaṃ |
sādhutaiṣāmamātyānāṃ tadvidyaiḥ saha buddhimān || 17 ||
[Analyze grammar]

cakṣuṣmattāṃ ca śilpañca parīkṣaeta guṇadvayaṃ |
svajanebhyo vijānīyāt kulaṃ sthānamavagrahaṃ || 18 ||
[Analyze grammar]

parikarmmsu dakṣañca vijñānaṃ dhārayiṣṇutāṃ |
guṇatrayaṃ parīkṣeta prāgalbhyaṃ prītitāṃ tathā || 19 ||
[Analyze grammar]

kathāyogeṣu buddhyeta vāgmitvaṃ satyavāditāṃ |
utsāhaṃ ca prabhāvaṃ ca tathā kleśasahiṣṇutāṃ || 20 ||
[Analyze grammar]

dhṛtiṃ caivānurāgaṃ ca sthairyyañcāpadi lakṣyet |
bhaktiṃ maitrīṃ ca śaucaṃ ca jānīyādvyavahārataḥ || 21 ||
[Analyze grammar]

saṃvāsibhyo balaṃ sattvamārogyaṃ śīlameva ca |
astavdhatāmacāpalyaṃ vairāṇāṃ cāpyakārttanaṃ || 22 ||
[Analyze grammar]

pratyakṣato vijānīyāda bhadratāṃ kṣudratāmapi |
phalānumeyāḥ sarvatra parokṣaguṇavṛttayaḥ || 23 ||
[Analyze grammar]

śasyākaravatī puṇyā khanidravyasamanvitā |
gohitā bhūrisalilā punyairjanapadairyutā || 24 ||
[Analyze grammar]

ramyā sakuñjarabalā vāristhalapathānvitā |
adevamātṛkā ceti śasyate bhūribhūtaye || 25 ||
[Analyze grammar]

śūdrakāruvaṇikprāyo mahārambhaḥ kṛṣībalaḥ |
sānurāgo ripudveṣī pīḍa़ाsahakaraḥ pṛthuḥ || 26 ||
[Analyze grammar]

nānādeśyaiḥ samākīrṇo dhārmmikaḥ paśumān balī |
īdṛkjanapadaḥ śasto'mūrkhavyasanināyakaḥ || 27 ||
[Analyze grammar]

pṛthusīmaṃ mahākhātamuccaprākāratoraṇaṃ |
puraṃ samāvasecchailasarinmaruvanāśrayaṃ || 28 ||
[Analyze grammar]

jalavaddhānyadhanavaddurgaṃ kālasahaṃ mahat |
audakaṃ pārvataṃ vārkṣamairiṇaṃ dhanvinaṃ ca ṣaṭ || 29 ||
[Analyze grammar]

īpsitadravyasampūrṇaḥ pitṛpaitāmhocitaḥ |
dharmārjito vyayasahaḥ koṣo dharmādivṛddhaye || 30 ||
[Analyze grammar]

pitṛpaitāmaho vaśyaḥ saṃhato dattavetanaḥ |
vikhyātapauruṣo janyaḥ kuśalaḥ śakunairvṛtaḥ || 31 ||
[Analyze grammar]

nānāpraharaṇopeto nānāyuddhaviśāradaḥ |
nānāyodhasamākīrṇo nīrājitahayadvipaḥ || 32 ||
[Analyze grammar]

pravāsāyāsaduḥkheṣu yuddheṣu ca kṛtaśramaḥ |
advaidhakṣatriyapayo daṇḍo daṇḍavatāṃ mataḥ || 33 ||
[Analyze grammar]

yogavijñānasattvāḍhyaṃ mahāpakṣaṃ priyambadaṃ |
āyatikṣamamadvaidhaṃ mitraṃ kurvīta satkula || 34 ||
[Analyze grammar]

dūrādevābhigamanaṃ spaṣṭārthahṛdayānugā |
vāk satkṛtya pradānañca trividho mitrasaṅgrahaḥ || 35 ||
[Analyze grammar]

dharmakāmārthasaṃyogo mitrāttu trividhaṃ phalaṃ |
aurasaṃ tatra sannaddhaṃ tathā vaṃśakramāgataṃ || 36 ||
[Analyze grammar]

rakṣaitaṃ vsasanebhyaśca mitraṃ jñeyaṃ caturvidhaṃ |
mitre guṇāḥ satyatādyāḥ samānasukhaduḥkhatā || 37 ||
[Analyze grammar]

vakṣye'nujīvināṃ vṛttaṃ sevī seveta bhūpatiṃ |
dakṣatā bhadratā dārḍhya kṣāntiḥ kleśasahiṣṇutā || 38 ||
[Analyze grammar]

santoṣaḥ śīlabhutsāho maṇḍayatyanujīvinaṃ |
yathākālamupāsīta rājānaṃ sevako nayāt || 39 ||
[Analyze grammar]

parasthānagamaṃ krauryyamauddhatyaṃ matsarantyajet |
vigṛhya kathanaṃ bhṛtyo na kuryyāj jyāyasā saha || 40 ||
[Analyze grammar]

guhyaṃ marmma ca mantrañca na ca bharttuḥ prakāśayet |
raktād vṛttiṃ samīhet viraktaṃ santyajennṛpaṃ || 41 ||
[Analyze grammar]

ājīvyaḥ sarvvasattvānāṃ rājā parjanyavadbhavet |
āyadvāreṣu cāptyarthaṃ dhanaṃ cādadatīti ca || 42 ||
[Analyze grammar]

kuryyādudyogasampannānadhyakṣaān sarvakarmmasu |
kṛṣirvvaṇikpatho durgaṃ setuḥ kuñjarabandhanaṃ || 43 ||
[Analyze grammar]

khanyākarabalādānaṃ śunyānāṃ ca niveśanaṃ |
aṣṭavargamimaṃ rājā sādhuvṛtto'nupālayet || 44 ||
[Analyze grammar]

āmuktikebhyaścaurebhyaḥ paurebyo rājavallabhāt |
pṛthivīpatilobhācca caprajānāṃ pañcadhā bhayaṃ || 45 ||
[Analyze grammar]

avekṣyaitadbhyaṃ kāle ādadīta karaṃ nṛpaḥ |
abhyantaraṃ śarīraṃ svaṃ vāhyaṃ rāṣṭrañca rakṣayet || 46 ||
[Analyze grammar]

daḍyāṃstu daṇḍayedrājā svaṃ rakṣeccaḥviṣāditaḥ |
striyaḥ putrāṃśca śatrubhyo viśvasenna kadācana || 47 ||
[Analyze grammar]