Chapter 225

[English text for this chapter is available]

puṣkara uvāca |
rājaputrasya rakṣā ca karttavyā pṛthivīkṣitā |
dharmārthkāmaśāstrāṇi dhanurvedañca śikṣayet || 1 ||
[Analyze grammar]

śilpāni śikṣayeccaivamāptairmithyāpriyaṃvadaiḥ |
śarīrarakṣāvyājena rakṣiṇo'sya niyojayet || 2 ||
[Analyze grammar]

na cāsya saṅgo dātavyaḥ kruddhalubdhavimānitaiḥ |
aśakyantu guṇādhānaṃ karttu taṃ bandhayet sukhaiḥ || 3 ||
[Analyze grammar]

adhikāreṣu sarveṣu vinītaṃ viniyojayet |
mṛgayāṃ pānamakṣāṃśca rājyanāśaṃ styajennṛpaḥ || 4 ||
[Analyze grammar]

divāsvapnaṃ vṛthāṭyāñca vākpāruṣyaṃ vivarjayet |
nindāñca daṇḍapāruṣyamarthadūṣaṇamutsṛjet || 5 ||
[Analyze grammar]

ākārāṇāṃ samucchedo durgādīnāmasatkriyā |
arthānāṃ dūṣaṇaṃ proktaṃ viprakīrṇatvameva ca || 6 ||
[Analyze grammar]

adeśakāle yaddānamapātre dānameva ca |
artheṣu dūṣaṇaṃ proktamasatkarmapravarttanaṃ || 7 ||
[Analyze grammar]

kāmaṃ krodhaṃ madaṃ mānaṃ lobhaṃ darpañca varjayet |
tato bhṛtyajayaṅkṛtvā paurajānapadaṃ jayet || 8 ||
[Analyze grammar]

jayedbāhyānarīn paścādvāhyāśca trividhārayaḥ |
guravaste yathā pūrvaṃ kulyānantarakṛtrimāḥ || 9 ||
[Analyze grammar]

pitṛpaitāmaddaṃ mitraṃ sāmantañca tathā ripoḥ |
kṛtrimañca mahābhāgā mitrantrividhamucyate || 10 ||
[Analyze grammar]

svāmyamātyañjanapadā durgaṃ daṇḍastathaiva ca |
kopo mitrañca dharmajña saptāṅgaṃ rājyamucyate || 11 ||
[Analyze grammar]

mūlaṃ svāmī sa vai rakṣyastasmādrājyaṃ1 biśeṣataḥ |
rājyāṅgadrohiṇaṃ hanyātkāle tīkṣṇo mṛdurbhavet || 12 ||
[Analyze grammar]

evaṃ lokadvayaṃ rājño bhṛtyairhāsaṃ vivarjayet |
bhṛtyāḥ paribhavantīha nṛpaṃ harṣaṇasatkathaṃ || 13 ||
[Analyze grammar]

lokasaṅgrahaṇārthāya kṛtakavyasano bhavet |
smitapūrvābhibhāṣī syāt lokānāṃ rañjanaṃ caret || 14 ||
[Analyze grammar]

dīrghasūtrasya nṛpateḥ karmahānirdhruvaṃ bhavet |
rāge darpe ca māne ca drohe pāpe ca karmaṇi || 15 ||
[Analyze grammar]

apriye caiva baktavye dīrghsūtraḥ praśasyate |
guptamantro bhavedrājā nāpado guptamantrataḥ || 16 ||
[Analyze grammar]

jñāyate hi kṛtaṃ karmma nārabdhaṃ tasya rājyakaṃ || 2 ||
[Analyze grammar]

ākārairiṅgitairgatyā caiṣṭayā bhāṣitena ca || 17 ||
[Analyze grammar]

netravaktravikārābhyāṃ gṛhyate'ntargataṃ punaḥ |
naikastu mantrayenumantraṃ na rājā bahubhiḥ saha || 18 ||
[Analyze grammar]

bahubhirmantrayet kāmaṃ rājā mantrān pṛthak pṛthak |
mantriṇāmapino kuryānmantrī mantraprakāśanaṃ || 19 ||
[Analyze grammar]

kvāpi kasyāpi3 viśvāso bavatīhasadā nṛṇāṃ |
niścayaśca tathā mantre kāryya ekena sūriṇā || 20 ||
[Analyze grammar]

naśyedavinayādrājārājyañca vinayāllabhet |
traividyebhyastrayīṃ vidyāṃ daṇḍanītiñca śāśvatīṃ || 21 ||
[Analyze grammar]

ānvīkṣikīñcārthavidyāṃ vārttārambhāṃśca lokataḥ |
jitendriyo hiśakroti vaśe sthāpayituṃ prajāḥ || 22 ||
[Analyze grammar]

pūjyā devā dvijāḥ sarve dadyāddānāni teṣu ca |
dvije dānañcakṣayo'yaṃ nidhiḥ kaiścinni nāśyate || 23 ||
[Analyze grammar]

saṅgrāmeṣvanivarttitvaṃ prajānāṃ paripālanaṃ |
dānāni brāhmaṇānāñca rājño niḥ śreyasamparaṃ || 24 ||
[Analyze grammar]

kṛpaṇānāthavṛddhānāṃ vidhavānāñca yoṣitāṃ |
yogakṣemañca vṛttiñca tathaiva parikalpayet || 25 ||
[Analyze grammar]

varṇāśramavyavasthānāṃ kāryantāpasapūjanaṃ |
na viśvasecca sarvatra tāpaseṣu ca viśvaset || 26 ||
[Analyze grammar]

viśvāsayeccāpi parantattvabhūtena hetunā |
vakakavaccintayedarthaṃ siṃhavacca parākramet || 27 ||
[Analyze grammar]

vṛkavaccāvalumpet śaśavacca viniṣpatet |
dṛḍhaprahārī ca bhavet tathā śūkaravannṛpaḥ || 28 ||
[Analyze grammar]

citrākāraśca śikhivad dṛḍhabhaktistathā śvavat |
bhavecca madhurābhāṣī tathā kokilavannṛpaḥ || 29 ||
[Analyze grammar]

kākaśaṅkī bhavennityamajñātāṃ vasatiṃ vaset |
nāparīkṣitapūrvañca bhojanaṃ śayanaṃ spṛśet || 30 ||
[Analyze grammar]

nāvijñātāṃ striyaṃ gacchennājñātāṃ nāvamāruhet |
rāṣṭrakarṣī bhrasyate carājyārthāccaiva jīvitāt || 31 ||
[Analyze grammar]

bhṛto vatso jātabalaḥ karmayogyo yathā bhavet |
tathā rāṣṭraṃ mahābhāga bhṛtaṃ karmasahaṃ bhavet || 32 ||
[Analyze grammar]

sarvaṃ karmedamāyattaṃ vidhāne daivapauruṣe |
tayordaivacacintyaṃ hi pauruṣe vidyate kriyā || 33 ||
[Analyze grammar]