Chapter 211

[English text for this chapter is available]

athaikādaśādhikadviśatatamo'dhyāyaḥ |
nānādānāni |
agniruvāca |
ekāṅgāṃ daśagurdadyāddaśa dadyācca gośatī |
śataṃ sahasragurdadyātsarve tulyaphalā hi te || 1 ||
[Analyze grammar]

prāsādā yatra sauvarṇā vasordhārā ca yatra sā |
gandharvāpsaraso yatra tatra yānti sahasradāḥ || 2 ||
[Analyze grammar]

gavāṃ śatapradānena mucyate narakārṇavāt |
dattvā vatsatarīṃ caiva svarhaloke mahīyate || 3 ||
[Analyze grammar]

godānādāyurārogyasaubhāgyasvargamāpnuyāt |
indrādilokapālānāṃ yā rājamahiṣī śubhā || 4 ||
[Analyze grammar]

mahiṣīdānamāhātmyādastu me sarvakāmadā |
dharmarājasya sāhāyye yasyāḥ putraḥ pratiṣṭhitaḥ || 5 ||
[Analyze grammar]

mahiṣāsurasya jananī yā sāstu varadā mama |
mahiṣīdānācca saubhāgyaṃ vṛṣadānāddivaṃ vrajet || 6 ||
[Analyze grammar]

saṃyuktahalapaṅktyākhyaṃ dānaṃ sarvaphalapradaṃ |
paṅktirdaśahalā proktā dārujā vṛṣasaṃyutā || 7 ||
[Analyze grammar]

sauvarṇapaṭṭasannaddhāndattvā svarge mahīyate |
daśānāṃ kapilānāṃ tu dattānāṃ jyeṣṭhapuṣkare || 8 ||
[Analyze grammar]

tatphalañcākṣayaṃ proktaṃ vṛṣabhasya tu mokṣaṇe |
dharmo'sitvañcatuṣpādaścatasraste priyā imāḥ || 9 ||
[Analyze grammar]

namo brahmaṇyadeveśa pitṛbhūtarṣipoṣaka |
tvayi mukte'kṣayā lokā mama santu nirāmayāḥ || 10 ||
[Analyze grammar]

mā me ṛṇo'stu daivatyo bhautaḥ paitro'tha mānuṣaḥ |
dharmastvaṃ tvatprapannasya yā gatiḥ sāstu me dhruvā || 11 ||
[Analyze grammar]

aṅgayeccakraśūlābhyāṃ mantreṇānena cotsṛjet |
ekādaśāhe pretasya yasya cotsṛjyate vṛṣaḥ || 12 ||
[Analyze grammar]

mucyate pretalokāttu ṣaṇmāse cāvdikādiṣu |
daśahastena kuṇḍena triṃśatkuṇḍānnivartanaṃ || 13 ||
[Analyze grammar]

tānyeva daśavistārādgocarme tatprado'ghabhit |
gobhūhiraṇyasaṃyuktaṃ kṛṣṇājinantu yo'rpayet || 14 ||
[Analyze grammar]

sarvaduṣkṛtakarmāpi sāyujyaṃ brahmaṇo vrajet |
bhājanantilasampūrṇaṃ madhunā pūrṇameva ca || 15 ||
[Analyze grammar]

dadyātkṛṣṇatilānāñca prasthamekañca māgadhaṃ |
śayyāṃ dattvā tu saguṇāṃ bhuktimuktimavāpnuyāt || 16 ||
[Analyze grammar]

haimīṃ pratikṛtiṃ kṛtvā dattvā svargastathātmanaḥ |
vipulantu gṛhaṃ kṛtvā dattvā syādbhuktimuktibhāk || 17 ||
[Analyze grammar]

gṛhaṃ maṭhaṃ sabhāṃ svargī dattvā syācca pratiśriyaṃ |
dattvā kṛtvā gogṛhañca niṣpāpaḥ svargamāpnuyāt || 18 ||
[Analyze grammar]

yamamāhiṣadānāttu niṣpāpaḥ svargamāpnuyāt |
brahmā haro harirdevairmadhye ca yamadūtakaḥ || 19 ||
[Analyze grammar]

pāśī tasya śiraśchittvā taṃ dadyātsvargabhāgbhavet |
trimukhākhyamidaṃ dānaṃ gṛhītvā tu dvijo'ghabhāk || 20 ||
[Analyze grammar]

cakraṃ rūpyamayaṃ kṛtvā ke dhṛtvā tatpradāpayet |
hemayuktaṃ dvijāyaitatkālacakramidammahat || 21 ||
[Analyze grammar]

ātmatulyantu yo lauhaṃ dadenna narakaṃ vrajet |
pañcāśatpalasaṃyuktaṃ lauhadaṇḍaṃ tu yo'rpayet || 22 ||
[Analyze grammar]

vastreṇācchādya viprāya yamadaṇḍo na vidyate |
mūlaṃ phalādi vā dravyaṃ saṃhataṃ vātha caikaśaḥ || 23 ||
[Analyze grammar]

mṛtyujjayaṃ samuddiśya dadyādāyurvivardhaye |
pumān kṛṣṇatilaiḥ kāryo raupyadantaḥ suvarṇadṛk || 24 ||
[Analyze grammar]

khaḍgodyatakaro dīrgho javākusumamaṇḍalaḥ |
raktāmvaradharaḥ sragvī śaṅkamālāvibhūṣitaḥ || 25 ||
[Analyze grammar]

upānadyugayuktāṅghriḥ kṛṣṇakambalapārśvakaḥ |
gṛhītamāṃsapiṇḍaśca vāme vai kālapūruṣaḥ || 26 ||
[Analyze grammar]

sampūjya tañca gandhādyaiḥ brāhmaṇāyopapādayet |
maraṇavyādhihīnaḥ syādrājarājeśvaro bhavet || 27 ||
[Analyze grammar]

govṛṣau tu dvije dattvā bhuktimuktimavāpnuyāt |
revantādhiṣṭhitañcāśvaṃ haimaṃ dattvā na mṛtyubhāk || 28 ||
[Analyze grammar]

ghaṇṭādipūrṇamapyekaṃ dattvā syādbhuktimuktibhāk |
sarvān kāmānavāpnoti yaḥ prayacchati kāñcanaṃ || 29 ||
[Analyze grammar]

suvarṇe dīyamāne tu rajataṃ dakṣiṇeṣyate |
anyeṣāmapi dānānāṃ suvarṇaṃ dakṣiṇā smṛtā || 30 ||
[Analyze grammar]

suvarṇaṃ rajataṃ tāmraṃ taṇḍulaṃ dhānyameva ca |
nityaśrāddhaṃ devapūjā sarvametadadakṣiṇaṃ || 31 ||
[Analyze grammar]

rajataṃ dakṣiṇā pitre dharmakāmārthasādhanaṃ |
suvarṇaṃ rajataṃ tāmraṃ maṇimuktāvasūni ca || 32 ||
[Analyze grammar]

sarvametanmahāprājño dadāti vasudhāndadat |
pitṝṃśca pitṛlokasthān devasthāne ca devatāḥ || 33 ||
[Analyze grammar]

santarpayati śāntātmā yo dadāti vasundharām |
kharvaṭaṃ kheṭakaṃ vāpi grāmaṃ vā śasyaśālinaṃ || 34 ||
[Analyze grammar]

nivartanaśataṃ vāpi tadardhaṃ vā gṛhādikaṃ |
api gocarmamātrāmbā dattvorvīṃ sarvabhāgbhavet || 35 ||
[Analyze grammar]

tailavinduryathā cāpsu prasarpedbhūgataṃ tathā |
sarveṣāmevadānānamekajanmānugaṃ phalaṃ || 36 ||
[Analyze grammar]

hāṭakakṣitigaurīṇāṃ saptajanmānugaṃ phalaṃ |
trisaptakulamuddhṛtya kanyādo brahmalokabhāk || 37 ||
[Analyze grammar]

gajaṃ sadakṣiṇaṃ dattvā nirmalaḥ svargabhāgbhavet |
aśvaṃ dattvāyurārogyasaubhāgyasvargamāpnuyāt || 38 ||
[Analyze grammar]

dāsīṃ dattvā dvijendrāya apsarolokamāpnuyāt |
dattvā tāmramayīṃ sthālīṃ palānāṃ pañcabhiḥ śataiḥ || 39 ||
[Analyze grammar]

ardhaistadardhairardhairvā bhuktimuktimavāpnuyāt |
śakaṭaṃ vṛṣasaṃyuktaṃ dattvā yānena nākabhāk || 40 ||
[Analyze grammar]

vastradānāllabhedāyurārogyaṃ svargamakṣayaṃ |
dhānyagodhūmakalamayavādīn svargabhāgdadat || 41 ||
[Analyze grammar]

āsanaṃ taijasaṃ pātraṃ lavaṇaṃ gandhacandanaṃ |
dhūpaṃ dīpañca tāmvūlaṃ lohaṃ rūpyañca ratnakaṃ || 42 ||
[Analyze grammar]

divyāni nānādravyāṇi dattvā syādbhuktimuktibhāk |
tilāṃśca tilapātrañca dattvā svargamavāpnuyāt || 43 ||
[Analyze grammar]

annadānātparaṃ nāsti na bhūtaṃ na bhaviṣyati |
hastyaśvarathadānāni dāsīdāsagṛhāṇi ca || 44 ||
[Analyze grammar]

annadānasya sarvāṇi kalāṃ nārhanti ṣoḍaśīṃ |
kṛtvāpi sumahatpāpaṃ yaḥ paścādannado bhavet || 45 ||
[Analyze grammar]

sarvapāpavinirmukto lokānāpnoti cākṣayān |
pānīyañca prapāndattvā bhuktimuktimavāpnuyāt || 46 ||
[Analyze grammar]

agniṃ kāṣṭhañca mārgādau dattvā dīptyādimāpnuyāt |
devagandharvanārībhirvimāne sevyate divi || 47 ||
[Analyze grammar]

ghṛtaṃ taikañca lavaṇaṃ dattvā sarvamavāpnuyāt |
chatropānahakāṣṭhādi dattvā svarge sukhī vaset || 48 ||
[Analyze grammar]

pratipattithimukhyeṣu viṣkumbhādikayogake |
caitrādau vatsarādau ca aśvinyādau hariṃ haraṃ || 49 ||
[Analyze grammar]

brahmāṇaṃ lokapālādīn prārcya dānaṃ mahāphalaṃ |
vṛkṣārāmān bhojanādīnmārgasaṃvāhanādikān || 50 ||
[Analyze grammar]

pādābhyaṅgādikaṃ dattvā bhuktimuktimavāpnuyāt |
trīṇi tulyaphalānīha gāvaḥ pṛthvī sarasvatī || 51 ||
[Analyze grammar]

vrāhmīṃ sarasvatīndattvā nirmalo brahmalokabhāk |
saptadvīpamahīdaḥ sa brahmajñānaṃ dadāti yaḥ || 52 ||
[Analyze grammar]

abhayaṃ sarvabhūtebhyo yo dadyātsarvabhāṅnaraḥ |
purāṇaṃ bhārataṃ vāpi rāmāyaṇamathāpi vā || 53 ||
[Analyze grammar]

likhitvā pustakaṃ dattvā bhuktimuktimavāpnuyāt |
vedaśāstraṃ nṛtyagītaṃ yo'dhyāpayati nākabhāk || 54 ||
[Analyze grammar]

vittaṃ dadyādupādhyāye chātrāṇāṃ bhojanādikaṃ |
kimadattaṃ bhavettena dharmakāmādidarśinā || 55 ||
[Analyze grammar]

vājapeyasahasrasya samyagdattasya yatphalaṃ |
tatphalaṃ sarvamāpnoti vidyādānanna saṃśayaḥ || 56 ||
[Analyze grammar]

śivālaye viṣṇugṛhe sūryasya bhavane tathā |
sarvadānapradaḥ sa syātpustakaṃ vācayettu yaḥ || 57 ||
[Analyze grammar]

trailokye caturo varṇāścatvāraścāśramāḥ pṛthak |
brahmādyā devatāḥ sarvā vidyādāne pratiṣṭhatāḥ || 58 ||
[Analyze grammar]

vidyā kāmadughā dhenurvidyā cakṣuranuttamaṃ |
upavedapradānena gandharvaiḥ saha modate || 59 ||
[Analyze grammar]

vedāṅgānāñca dānena svargalokamavāpnuyāt |
dharmaśāstrapradānena dharmeṇa saha modate || 60 ||
[Analyze grammar]

siddhāntānāṃ pradānena mokṣamāpnotyasaṃśayaṃ |
vidyādānamavāpnoti pradānātpustakasya tu || 61 ||
[Analyze grammar]

śāstrāṇi ca purāṇāni dattvā sarvamavāpnuyāt |
śiṣyāṃśca śikṣayedyastu puṇḍalīkaphalaṃ labhet || 62 ||
[Analyze grammar]

yena jīvati taddattvā phalasyānto na vidyate |
loke sreṣṭhatamaṃ sarvamātmanaścāpi yatpriyaṃ || 63 ||
[Analyze grammar]

sarvaṃ pitṝṇāṃ dātavyaṃ teṣāmevākṣayārthinā |
viṣṇuṃ rudraṃ padmayoniṃ devīvighneśvarādikān || 64 ||
[Analyze grammar]

pūjayitvā pradadyādyaḥ pūjādravyaṃ sa sarvabhāk |
devālayaṃ ca pratimāṃ kārayatsarvamāpnuyāt || 65 ||
[Analyze grammar]

sammārjanaṃ copalepaṃ kurvan syānnirmalaḥ pumān |
nānāmaṇḍalakāryagre maṇḍalādhipatirbhavet || 66 ||
[Analyze grammar]

gandhaṃ puṣpaṃ dhūpadīpaṃ naivedyañca pradakṣiṇaṃ |
ghaṇṭādhvajavitānañca prekṣaṇaṃ vādyagautakaṃ || 67 ||
[Analyze grammar]

vastrādidattvādevāya bhuktimuktimavāpnuyāt |
kastūrikāṃ śihlakañca śrīkhaṇḍamagurūntathā || 68 ||
[Analyze grammar]

karpūrañca tathāmustaṃ gugguluṃ vijayaṃ dadet |
ghṛtaprasthena saṃsthāpya saṅkrāntyādau sa sarvabhāk || 69 ||
[Analyze grammar]

snānaṃ palaśataṃ jñeyamabhyaṅgaṃ pañcaviṃśatiḥ |
palānāntu sahasreṇa mahāsnānaṃ prakīrtitaṃ || 70 ||
[Analyze grammar]

daśāparādhāstoyena kṣīreṇa snāpanācchataṃ |
sahasraṃ payasā dadhnā ghṛtenāyutamiṣyate || 71 ||
[Analyze grammar]

dāsīdāsamalaṅkāraṃ gobhūmyaśvagajādikaṃ |
devāya dattvā saubhāgyaṃ dhanāyuṣmān vrajeddivaṃ || 72 ||
[Analyze grammar]