Chapter 169

[English text for this chapter is available]

puṣkara uvāca |
etatprabhṛtipāpānāṃ prāyaścittaṃ vadāmi te |
brahmahā dvādaśābdāni kuṭīṅkṛtvā vane vaset || 1 ||
[Analyze grammar]

bhikṣetātmaviśuddhyarthaṃ kṛtvā śavaśirodhvajaṃ |
prāsyedātmānamagnau vā samiddhe triravākśirāḥ || 2 ||
[Analyze grammar]

yajeta vāśvamedhena svarjitā gosavena vā |
japanvānyatamaṃ vedaṃ yojanānāṃ śataṃ brajet || 3 ||
[Analyze grammar]

sarvasvaṃ vā vedavide brāhmaṇāyopapādayet |
vratairetairvyapohanti mahāpātakino malaṃ || 4 ||
[Analyze grammar]

upapātakasaṃyukto goghno māsaṃ yavān pivet |
kṛtavāpo vasedgoṣṭhe carmaṇā tena saṃvṛtaḥ || 5 ||
[Analyze grammar]

caturthakālamaśrīyādakṣāralavaṇaṃ mitaṃ |
gomūtreṇa caretsnānaṃ dvau māsau niyatendriyaḥ || 6 ||
[Analyze grammar]

divānugacchedgāścaiva tiṣṭhannūrdhvaṃ rajaḥ pivet |
vṛṣabhaikādaśā gāstu dadyādvicāritavrataḥ || 7 ||
[Analyze grammar]

avidyamāne sarvasvaṃ vedavidbhyo nivedayet |
pādamekañcaredrodhe dvau pādau bandhane caret || 8 ||
[Analyze grammar]

yojane pādahīnaṃ syāccaretsarvaṃ nipātane |
kāntāreṣvatha durgeṣu viṣameṣu bhayeṣu ca || 9 ||
[Analyze grammar]

yadi tatra vipattiḥ syādekapādo vidhīyate |
ghaṇṭābharaṇadoṣeṇa tathaivardhaṃ vinirdiśat || 10 ||
[Analyze grammar]

damane damane rodhe śakaṭasya niyojane |
stambhaśṛṅkhalapāśeṣu mṛte pādonamācaret || 11 ||
[Analyze grammar]

śṛṅgabhaṅge'sthibhaṅge ca lāṅgūlacchedane tathā |
yāvakantu pivettāvadyāvatsusthā tu gaurbhavet || 12 ||
[Analyze grammar]

gomatīñca japedvidyāṃ gostutiṃ gomatīṃ smaret |
ekā cedbahubhirdaivādyatra vyāpāditā bhavet || 13 ||
[Analyze grammar]

pādaṃ pādantu hatyāyāścareyuste pṛthakpṛthak |
upakāre kriyamāṇe vipattau nāsti pātakaṃ || 14 ||
[Analyze grammar]

etadeva vrataṃ kuryurupapātakinastathā |
avakīrṇavarjaṃ śuddhyarthañcāndrāyaṇamathāpi vā || 15 ||
[Analyze grammar]

avakīrṇī tu kālena gardhabhena catuṣpathe |
pākayajñavidhānena yajeta nirṛtiṃ niśi || 16 ||
[Analyze grammar]

kṛtvāgniṃ vidhivaddhīmānantatastu samittṛcā |
candrendraguruvahnīnāṃ juhuyātsarpiṣāhutiṃ || 17 ||
[Analyze grammar]

athavā gārdhabhañcarma vasitvābdañcarenmahīṃ |
hatvā garbhamavijñātaṃ brahmahatyāvrataṃ caret || 18 ||
[Analyze grammar]

sarāṃ pītvā dvijo mohādagnivarṇāṃ surāṃ pivet |
gomūtramagnivarṇaṃ vā pivedudakameva vā || 19 ||
[Analyze grammar]

suvarṇasteyakṛdvipro rājānamabhigamya tu |
svakarma khyāpayan vrūyānmāṃ bhavānanuśāstviti || 20 ||
[Analyze grammar]

gṛhītvā muśalaṃ rājā sakṛddhanyātsvayaṅgataṃ |
badhena śuddhyate steyo brāhmaṇastapasaiva vā || 21 ||
[Analyze grammar]

gurutalpo nikṛtyaiva śiśnañca vṛṣaṇaṃ svayaṃ |
nidhāya cāñcalau gacchedānipātācca nairṛtiṃ || 22 ||
[Analyze grammar]

cāndrāyaṇān vā trīnmāsānabhyasenniyatendriyaḥ |
jātibhraṃśakaraṃ karma kṛtvānyatamamicchayā || 23 ||
[Analyze grammar]

carecchāntapanaṃ kṛcchraṃ prājāpatyamanicchayā |
saṅkarīpātrakṛtyāsu māsaṃ śodhanamaindavaṃ || 24 ||
[Analyze grammar]

malinīkaraṇīyeṣu taptaṃ syādyāvakaṃ tryahaṃ |
turīyo brahmahatyāyāḥ kṣatriyasya badhe smṛtaḥ || 25 ||
[Analyze grammar]

vaiśye'ṣṭamāṃśe vṛttasthe śūdre jñeyastu ṣoḍaśaḥ |
mārjaranakulau hatvā cāsaṃ maṇḍūkameva ca || 26 ||
[Analyze grammar]

śvagodholūkakākāṃśca śūdrahatyāvrataṃ caret |
caturṇāmapi varṇānāṃ nārīṃ hatvānavasthitāṃ || 27 ||
[Analyze grammar]

amatyaiva pramāpya strīṃ śūdrahatyāvrataṃ caret |
sarpādīnāṃ badhe naktamanasthnāṃ vāyusaṃyamaḥ || 28 ||
[Analyze grammar]

dravyāṇāmalpasārāṇāṃ steyaṃ kṛtvānyaveśmataḥ |
carecchāntapanaṃ kṛcchaṃ vrataṃ nirvāpya siddhyati || 29 ||
[Analyze grammar]

bhakṣabhojyāpaharaṇe yānaśayyāsanasya ca |
puṣpamūlaphalānāñca pañcagavyaṃ viśodhanaṃ || 30 ||
[Analyze grammar]

tṛṇakāṣṭhadrumāṇāntu śuṣkānnasya guḍasya ca |
celacarmāmiṣāṇāntu trirātraṃ syādabhojanaṃ || 31 ||
[Analyze grammar]

maṇimuktāpravālānāṃ tāmrasya rajatasya ca |
ayaḥkāṃsyopalānāñca dvādaśāhaṃ kaṇānnabhuk || 32 ||
[Analyze grammar]

kārpāsakīṭajīrṇānāṃ dviśaphaikaśaphasya ca |
pakṣigandhauṣadhīnāntu rajvā caiva tryahampayaḥ || 33 ||
[Analyze grammar]

gurutalpavrataṃ kuryādretaḥ siktvā svayoniṣu |
sakhyuḥ putrasya ca strīṣu kumāroṣvantyajāsu ca || 34 ||
[Analyze grammar]

pitṛsvasreyīṃ bhaginīṃ svasrīyāṃ mātureva ca |
mātuśca bhrāturāptasya gatvā cāndrāyaṇañcaret || 35 ||
[Analyze grammar]

amānuṣīṣu puruṣa udakyāyāmayoniṣu |
retaḥ siktvā jale caiva kṛcchraṃ śāntapanañcaret || 36 ||
[Analyze grammar]

maithunantu samāsevya puṃsi yoṣiti vā dvijaḥ |
goyāne'psu divā caiva savāsāḥ snānamācaret || 37 ||
[Analyze grammar]

caṇḍālāntyastriyo gatvā bhuktvā ca pratigṛhya ca |
patatyajñānato vipro jñānātsāmyantu gacchati || 38 ||
[Analyze grammar]

vipraduṣṭāṃ striyaṃ bhartā nirundhyādekaveśmani |
yatpuṃsaḥ paradāreṣu tadenāñcārayedvrataṃ || 39 ||
[Analyze grammar]

sācetpunaḥ praduṣyeta sadṛśenopamantritā |
kṛcchrañcādrāyaṇañcaiva tadasyāḥ pāvanaṃ smṛtaṃ || 40 ||
[Analyze grammar]

yatkarotyekarātreṇa vṛṣalīsevanaṃ dvijaḥ |
tadbhaikṣyabhukjapennityaṃ tribhirvaṣairvyapohati || 41 ||
[Analyze grammar]