Chapter 168

[English text for this chapter is available]

mahāpātakādikathanam |
puṣkara uvāca |
daṇḍaṃ kuryānnṛpo nṝṇāṃ prāyaścittamakurvatāṃ |
kāmato'kāmato vāpi prāyaścittaṃ kṛtaṃ caret || 1 ||
[Analyze grammar]

mattakruddhāturāṇāṃ ca na bhuñjīta kadācana |
mahāpātakināṃ spṛṣṭaṃ yacca spṛṣṭamudakyayā || 2 ||
[Analyze grammar]

gaṇānnaṃ gaṇikānnaṃ ca vārdhuṣergāyanasya ca |
abhiśaptasya ṣaṇḍasya yasyāścopapatirgṛhe || 3 ||
[Analyze grammar]

rajakasya nṛśaṃsasya vandinaḥ kitavasya ca |
mithyātapasvinaścaiva cauradaṇḍikayostathā || 4 ||
[Analyze grammar]

kuṇḍagolastrījitānāṃ vedavikrayiṇastathā |
śailūṣatantravāyānnaṃ kṛtaghnasyānnameva ca || 5 ||
[Analyze grammar]

karmārasya niṣādasya celanirṇejakasya ca |
mithyāpravrajitasyānnampuṃścalyāstailikasya ca || 6 ||
[Analyze grammar]

ārūḍhapatitasyānnaṃ vidviṣṭānnaṃ ca varjayet |
tathaiva brāhmaṇasyānnaṃ brāhmaṇenānimantritaḥ || 7 ||
[Analyze grammar]

brāhmaṇānnañca śūdreṇa nādyāccaiva nimantritaḥ |
eṣāmanyatamasyānnamamatyā vā tryahaṃ kṣapet || 8 ||
[Analyze grammar]

matyā bhuktvā caretkṛcchraṃ retoviṇmūtrameva ca |
caṇḍālaśvapacānnantu bhuktvā cāndrāyaṇaṃ caret || 9 ||
[Analyze grammar]

anirdiśaṃ ca pretānnaṃ gavāghrātaṃ tathaiva ca |
śūdrocchiṣṭaṃ śunocchiṣṭaṃ patitānnaṃ tathaiva ca || 10 ||
[Analyze grammar]

taptakṛcchraṃ prakurvīta aśauce kṛcchramācaret |
aśauce yasya yo bhuṅkte sopyaśuddhastathā bhavet || 11 ||
[Analyze grammar]

mṛtapañcanakhātkūpādamedhyena sakṛdyutāt |
apaḥ pītvā tryahaṃ tiṣṭhetsopavāso dvijottamaḥ || 12 ||
[Analyze grammar]

sarvatra śūdre pādaḥ syāddvitrayaṃ vaiśyabhūpayoḥ |
viḍvarāhakharoṣṭrāṇāṃ gomāyoḥ kapikākayoḥ || 13 ||
[Analyze grammar]

prāśya mūtrapurīṣāṇi dvijaścāndrāyaṇaṃ caret |
śuṣkāṇi jagdhvā māṃsāni pretānnaṃ karakāṇi ca || 14 ||
[Analyze grammar]

kravyādaśūkaroṣṭrāṇāṃ gomāyoḥ kapikākayoḥ |
gonarāśvakharoṣṭrāṇāṃ chatrākaṃ grāmakukkuṭaṃ || 15 ||
[Analyze grammar]

māṃsaṃ jagdhvā kuñjarasya taptakṛcchreṇa śuddhyati |
āmaśrāddhe tathā bhuktvā brahmacārī madhu tvadan || 16 ||
[Analyze grammar]

laśunaṃ guñjanaṃ cādyātprājāpatyādinā śuciḥ |
bhuktvā cāndrāyaṇaṃ kuryānmāṃsañcātmakṛtantathā || 17 ||
[Analyze grammar]

pelugavyañca peyūṣaṃ tathā śleṣmātakaṃ mṛdaṃ |
vṛthākṛśarasaṃyāvapāyasāpūpaśaṣkulīḥ || 18 ||
[Analyze grammar]

anupākṛṭamāṃsāni devānnāni havīṃṣi ca |
gavāñca mahiṣīṇāṃ ca varjayitvā tathāpyajāṃ || 19 ||
[Analyze grammar]

sarvakṣīrāṇi varjyāṇi tāsāñcaivāpyannirdaśaṃ |
śaśakaḥ śalyakī godhā khaḍgaḥ kūrmastathaiva ca || 20 ||
[Analyze grammar]

bhakṣyāḥ pañcanakhāḥ proktāḥ pariśeṣāśca varjitāḥ |
pāṭhīnarohitānmatsyān siṃhatuṇḍāṃśca bhakṣayet || 21 ||
[Analyze grammar]

yavagodhūmajaṃ sarvaṃ payasaścaiva vikriyāḥ |
vāgaṣāḍgavacakrādīn sasnehamuṣitaṃ tathā || 22 ||
[Analyze grammar]

agnihotraparīddhāgnirbrāhmaṇaḥ kāmacārataḥ |
cāndrāyaṇaṃ carenmāsaṃ vīravadhvāsanaṃ hitaṃ || 23 ||
[Analyze grammar]

brahmahatyā surāpānaṃ steyaṃ gurvaṅganāgamaḥ |
mahānti pātakānyāhuḥ saṃyogaścaiva taiḥ saha || 24 ||
[Analyze grammar]

anṛte ca samutkarṣo rājagāmi ca paiśunaṃ |
guroścālīkanirbandhaḥ samānaṃ brahmahatyayā || 25 ||
[Analyze grammar]

brahmojjhyavedanindā ca kauṭasākṣyaṃ suhṛdbadhaḥ |
garhitānnājyayorjagdhiḥ surāpānasamāni ṣaṭ || 26 ||
[Analyze grammar]

nikṣepasyāpaharaṇaṃ narāśvarajatasya ca |
bhūmivajramaṇīnāñca rukmasteyasamaṃ smṛtaṃ || 27 ||
[Analyze grammar]

retaḥsekaḥ svayonyāṣu kumārīṣvantyajāsu ca |
sakhyuḥ putrasya ca strīṣu gurutalpasamaṃ viduḥ || 28 ||
[Analyze grammar]

gobadho'yājya saṃyājyaṃ pāradāryātmavikriyaḥ |
gurumātṛpitṛtyāgaḥ svādhyayāgnyoḥ sutasya ca || 29 ||
[Analyze grammar]

parivittitānujena parivedanameva ca |
tayordānañca kanyāyāstayoreva ca yājanaṃ || 30 ||
[Analyze grammar]

kanyāyā dūṣaṇañcaiva vārdhuṣyaṃ vratalopanaṃ |
taḍāgārāmadārāṇāmapatyasya ca vikriyaḥ || 31 ||
[Analyze grammar]

vrātyatā bāndhavatyāgo bhṛtādhyāpanameva ca |
bhṛtāccādhyayanādānamavikreyasya vikrayaḥ || 32 ||
[Analyze grammar]

sarvākāreṣvadhīkāro mahāyantrapravartanaṃ |
hiṃsauṣadhīnāṃ stryājīvaḥ kriyālaṅganameva ca || 33 ||
[Analyze grammar]

indhanārthamaśuṣkāṇāṃ dumāṇāñcaiva pātanaṃ |
yoṣitāṃ grahaṇañcaiva strīnindakasamāgamaḥ || 34 ||
[Analyze grammar]

ātmārthañca kriyārambho ninditānnadanantathā |
anāhitāgnitāsteyamṛṇānāñcānapakriyā || 35 ||
[Analyze grammar]

asacchāstrādhigamanaṃ dauḥśīlyaṃ vyasanakriyā |
dhānyakupyapaśusteyaṃ madyapastrīniṣevaṇaṃ || 36 ||
[Analyze grammar]

strīśūdraviṭkṣatrabadho nāstikyañcopapātakaṃ |
brāhmaṇasya rujaḥ kṛtyaṃ ghrātiraghreyamadyayoḥ || 37 ||
[Analyze grammar]

jaiṃbhaṃ puṃsi ca maithunyaṃ jātibhraṃśakaraṃ smṛtaṃ |
śvakharoṣṭramṛgendrāṇāmajāvyoścaiva māraṇaṃ || 38 ||
[Analyze grammar]

saṅkīrṇakaraṇaṃ jñeyaṃ mīnāhinakulasya ca |
ninditebhyo dhanādānaṃ bāṇijyaṃ śūdrasevanaṃ || 39 ||
[Analyze grammar]

apātrīkaraṇaṃ jñeyamasatyasya ca bhāṣaṇaṃ |
kṛmikīṭavayohatyā madyānugatabhojanaṃ || 40 ||
[Analyze grammar]