Chapter 92

[English text for this chapter is available]

īśvara uvāca |
pratiṣṭhāṃ sampravakṣyāmi kramāt saṅkṣepato guha |
pīṭhaṃ śaktiṃ śivo liṅgaṃ tadyogaḥ sa śivāṇubhiḥ || 1 ||
[Analyze grammar]

pratiṣṭhāyāḥ pañca bhedāsteṣāṃ rūpaṃ vadāmi te |
yatra brahmaśilāyogaḥ sā pratiṣṭhā viśeṣataḥ || 2 ||
[Analyze grammar]

sthāpanantu yathāyogaṃ pīṭha eva niveśanaṃ |
pratiṣṭhābhinnapīṭhasya sthitasthāpanamucyate || 3 ||
[Analyze grammar]

utthāpanañca sā proktā liṅgoddhārapuraḥsarā |
yasyā tu liṅgamāropya saṃskāraḥ kriyate budhaiḥ || 4 ||
[Analyze grammar]

āsthāpanaṃ taduddiṣṭaṃ dvidhā viṣṇavādikasya ca |
āsu sarvvāsu caitanyaṃ niyuñjīta paraṃ śivam || 5 ||
[Analyze grammar]

yadādhārādibhedena prāsādeṣvapi pañcadhā |
parīkṣāmatha medinyāḥ kuryyātprāsādakāmyayā || 6 ||
[Analyze grammar]

śuklājyagandhā raktā ca raktagandhā sugandhinī |
pītā kṛṣṇā surādanadhā viprādīnāṃ mahī kramāt || 7 ||
[Analyze grammar]

pūrvveśottarasarvatra pūrvā caiṣāṃ viśiṣyate |
ākhāte hāstike yasyāḥ pūrṇe mṛdadhikā bhavet || 8 ||
[Analyze grammar]

uttamāntāṃ mahīṃ vidyāttoyādyairvā samukṣitāṃ |
asthyaṅgārādibhirduṣṭāmatyantaṃ śodhayed guruḥ || 9 ||
[Analyze grammar]

nagaragrāmadurgārthaṃ gṛhaprāsādakāraṇaṃ |
khananairgokulāvāsaiḥ karṣaṇairvā muhurmuhuḥ || 10 ||
[Analyze grammar]

maṇḍape dvārapūjādi mantratṛptyavasānakaṃ |
karmma nirvartyāghorāstraṃ sahasraṃ vidhinā yajet || 11 ||
[Analyze grammar]

samīkṛtyopaliptāyāṃ bhūmau saṃśodhayeddiśaḥ |
svarṇadadhyakṣatai rekhāḥ prakurvīta pradakṣiṇaṃ || 12 ||
[Analyze grammar]

madhyādīśānakoṣṭhasthe pūrṇakumbhe śivaṃ yajet |
vācastumabhyarcya tattoyaiḥ siñcet kuddālakādikaṃ || 13 ||
[Analyze grammar]

vāhye rakṣogaṇāniṣṭvā vidhinā digbaliṃ kṣipet |
bhūmiṃ saṃsicya saṃsnāpya kuddālādyaṃ prapūjayet || 14 ||
[Analyze grammar]

anyaṃ vastrayugacchannaṃ kumbhaṃ skandhe dvijanmanaḥ |
nidhāya gītavādyādibrahmaghoṣasamākulaṃ || 15 ||
[Analyze grammar]

pūjāṃ kumbhe samāhṛtya prāpte lagne'gnikoṣṭhake |
kuddālenābhiṣiktena madhvaktena tu khānayet || 16 ||
[Analyze grammar]

nairṛtyāṃ kṣepayenmṛtsnāṃ khāte kumbhajalaṃ kṣipet |
purasya pūrvvasīmāntaṃ nayed yāvadabhīpsitaṃ || 17 ||
[Analyze grammar]

atha tatra kṣaṇaṃ sthitvā bhrāmayet paritaḥ puraṃ |
siñcan sīmāntacihṇāni yāvadīśānagocaraṃ || 18 ||
[Analyze grammar]

arghyadānamidaṃ proktaṃ tatra kumbhaparibhramāt |
itthaṃ parigrahaṃ bhūmeḥ kurvvīta tadanantaraṃ || 19 ||
[Analyze grammar]

karkarāntaṃ jalāntaṃ vā śalyadoṣajighāṃsayā |
khānayed bhūḥ kumārīṃ ced vidhinā śalyamuddharet || 20 ||
[Analyze grammar]

akacaṭatapayaśahān mānavaścet praśnākṣarāṇi tu |
agnerdhvajādipatitāḥ svasthāne śalyamākhyānti || 21 ||
[Analyze grammar]

karttuṃ ścāṅgavikāreṇa jānīyāttatpramāṇataḥ |
paśvādīnāṃ praveśena kīrttanairvirutairddiśaḥ || 22 ||
[Analyze grammar]

mātṛkāmaṣṭavargāḍhyāṃ phalake bhuvi vā likhet |
śalyajñānaṃ vargavaśāt pūrvādīśāntataḥ kramāt || 23 ||
[Analyze grammar]

avarge caiva lohantu kavarge'ṅgāramagnitaḥ |
cavarge bhasma dakṣe syāṭ ṭavarge'sthi ca nairṛte || 24 ||
[Analyze grammar]

tavarge ceṣṭakā cāpye kapālañca pavargake |
yavarge śavakīṭādi śavarge lohamādiśet || 25 ||
[Analyze grammar]

havarge rajataṃ tadvadavargāccānarthakarānapi |
prokṣayātmabhiḥ karāpūrairaṣṭāṅgulamṛdantaraiḥ || 26 ||
[Analyze grammar]

pādonaṃ khātamāpūryya sajalairmudgarāhataiḥ |
liptāṃ samaplavāṃ tatra kārayitvā bhuvaṃ guruḥ || 27 ||
[Analyze grammar]

sāmānyārghyakaro yāyānmaṇḍapaṃ vakṣyamāṇakaṃ |
toraṇadvāḥ patīniṣṭvā pratyagdvāreṇa saṃviśet || 28 ||
[Analyze grammar]

kuryyāttatrātmaśuddhyādi kuṇḍamaṇḍapasaṃskṛtiṃ |
kalasaṃ varddhanīsaktaṃ lokapālaśivārccanaṃ || 29 ||
[Analyze grammar]

agnerjananapūjādi sarvvaṃ pūrvavadācaret |
yajamānānvito yāyācchilānāṃ snānamaṇḍapaṃ || 30 ||
[Analyze grammar]

śilāḥ prāsādaliṅgasya pādadharmmādisañjñakāḥ |
aṣṭāṅgulocchritāḥ śastāścaturasrāḥ karāyatāḥ || 31 ||
[Analyze grammar]

pāṣāṇānāṃ śilāḥ kāryyā iṣṭakānāṃ tadarddhataḥ |
prāsāde'śmaśilāḥ śaile iṣṭakā iṣṭakāmaye || 32 ||
[Analyze grammar]

aṅkitā navavaktrādyaiḥ paṅkajāḥ paṅkajāṅkitāḥ |
nandābhadrājayā riktā pūrṇākhyā pañcamī matā || 33 ||
[Analyze grammar]

āsāṃ padmo mahāpadmaḥ śaṅkho'tha makarastathā |
samudraśceti pañcāmī nidhikumbhāḥ kramādadhaḥ || 34 ||
[Analyze grammar]

nandā bhadrā jayā pūrṇā ajitā cāparājitā |
vijayā maṅgalākhyā ca dharaṇī navamī śilā || 35 ||
[Analyze grammar]

subhadraśca vibhadraśca sunandaḥ puṣpanandakaḥ |
jayo'tha vijayaścaiva kumbhaḥ pūrṇastathottaraḥ || 36 ||
[Analyze grammar]

navānāntu yathāsaṅkhyaṃ nidhikumbhā amī nava |
āsanaṃ prathamaṃ dattvā tāḍyollikhya śarāṇunā || 37 ||
[Analyze grammar]

sarvāsāmaviśeṣeṇa tanutreṇāvaguṇṭhanaṃ |
mṛdbhirgomayagomūtrakaṣāyairgandhavāriṇā || 38 ||
[Analyze grammar]

astreṇa hūṃphaḍantena malasnānaṃ samācaret |
vidhinā pañcagavyena snānaṃ pañcāmṛtena ca || 39 ||
[Analyze grammar]

gandhatoyāntara kuryyānnijanāmāṅkitāṇunā |
phalaratnasuvarṇānāṃ gośrṛḍgasalilaistataḥ || 40 ||
[Analyze grammar]

candanena samālabhya vastrairācchādayecchilāṃ |
svarṇotthamāsanaṃ datvā nītvā yāgaṃ pradakṣiṇaṃ || 41 ||
[Analyze grammar]

śayyāyāṃ kuśatalpe vā hṛdayena niveśayet |
sampūjya nyasya buddhyādidharāntaṃ tattvasañcayaṃ || 42 ||
[Analyze grammar]

triśaṇḍavyāpakaṃ tattvatrayañcānukramān nyaset |
buddhyādau cittaparyyante cintātanmātrakāvadhau || 43 ||
[Analyze grammar]

tanmātrādau dharānte ca śivavidyātmanāṃ sthitiḥ |
tattvāni nijamantreṇa tattveśāṃśca hṛdā'rccayet || 44 ||
[Analyze grammar]

sthāneṣu puṣpamālādicihniteṣu yathākramaṃ |
oṃ hūṃ śivatattvāya namaḥ |
oṃ hūṃ śivatattvādhipataye rudrāya namaḥ | oṃ hāṃ vidyātattvāya namaḥ| oṃ hāṃ |
vidyātattvādhipāya viṣṇave namaḥ | oṃ hāṃ ātmatattvāya namaḥ |
oṃ hāṃ ātmatattvādhipataye brahmaṇe namaḥ |
kṣamāgniyajamānārkān jalavātendukhāni ca || 45 ||
[Analyze grammar]

pratitattvaṃ nayasedaṣṭau mūrttīḥ pratiśilāṃ śilāṃ |
sarvaṃ paśupati cograṃ rudraṃ bhavamateśvaraṃ || 46 ||
[Analyze grammar]

mahādevaṃ ca bhīmaṃ ca mūrttīśāṃśca yathākramāt |
oṃ dharāmūrttaye namaḥ oṃ dharādhipataye namaḥ |
ityādimantrān lokapālān yathāsaṅkhyaṃ nijāṇubhiḥ || 47 ||
[Analyze grammar]

vinyasya pūjayet kumbhāṃstanmantrairvā nijāṇubhiḥ |
indrādīnāṃ tu vījāni vakṣyamāṇakrameṇa tu || 48 ||
[Analyze grammar]

lūṃ ruṃ śūṃ pūṃ vūṃ yūṃ mūṃ hūṃ kṣūmiti |
akto navaśilāpakṣaḥ śilā pañcapadā tathā |
pratitattvaṃ nyasenmūrttīḥ sṛṣṭyā pañca dharādikāḥ || 49 ||
[Analyze grammar]

brakahmā viṣṇustathā rudra īśvaraśca sadāśivaḥ |
ete ca pañca mūrttīśā yaṣṭavyāstāsu pūrvavat || 50 ||
[Analyze grammar]

oṃ pṛthvīmūrttaye namaḥ | oṃ pṛṣvīmūrttyadhipataye brahmaṇe namaḥ| ityādi mantrāḥ |
sampūjya kalaśān pañca krameṇa nijanāmabhiḥ |
nirundhīta vidhānena nyāso madhyaśilākramāt || 51 ||
[Analyze grammar]

kuryyāt prākāramantreṇa bhūtidarbhaistilaistataḥ |
kuṇḍeṣu dhārikāṃ śaktiṃ vinyasyābhyarcya tarpayet || 52 ||
[Analyze grammar]

tattvatattvādhipān mūrttīrmūrttīśāṃśca ghṛtādibhiḥ |
tato brahmāṃśaśuddhyarthaṃ mūlāṅgaṃ brahmabhiḥ kramāt || 53 ||
[Analyze grammar]

kṛtvā śatādipūrṇāntaṃ prokṣyāḥ śāntijalaiḥ śilāḥ |
pūjayecca kuśaiḥ spaṣṭvā pratitattvamanukramāt || 54 ||
[Analyze grammar]

sāṃnnidhyamatha sandhānaṃ kṛtvā śuddhaṃ punarnyaset |
evaṃ bhāgatraye karmma gatvā gatvā samācaret || 55 ||
[Analyze grammar]

oṃ āṃ īṃ ātmatattvavidyātattvābhyāṃ namaḥ iti |
saṃspṛśed darbhamūlādyairbrahmāṅgāditrayaṃ kramāt |
kuryyāttattvānusandhānaṃ hrasvadīrghaprayogataḥ || 56 ||
[Analyze grammar]

oṃ hāṃ uṃ vidyātattvaśivatattvābhyāṃ namaḥ |
ghṛtena madhunā pūrṇāṃstāmrakumbhān saratnakān || 57 ||
[Analyze grammar]

pañcagavyārghyasaṃsiktān lokapālādhidaivatān || 58 ||
[Analyze grammar]

pūjayitvā nijairmmantraiḥ sannidhau homamācaret |
śilānāmatha sarvāsāṃ saṃsmaredadhidevatāḥ |
vidyārūpāḥ kṛtasnānā hemavarṇāḥ śilāmvarāḥ |
nyūnādidoṣamoṣārthaṃ vāstubhūmeśca śuddhaye |
yajedastreṇa mūrddhāntamāhutīnāṃ śataṃ śataṃ || 59 ||
[Analyze grammar]