Chapter 40

[English text for this chapter is available]

bhagavānuvāca |
pūrvvamāsīt mahadbhūtaṃ sarvvabhūtabhayaṅkaram |
taddevairnnihitaṃ bhūmau sa vāstupuruṣaḥ smṛtaḥ || 1 ||
[Analyze grammar]

catuḥ ṣaṣṭipade kṣetre īśaṃ koṇārddhasaṃsthitam |
ghṛtākṣataistarppayettaṃ parjjanyaṃ padagaṃ tataḥ || 2 ||
[Analyze grammar]

utpalādbhirjayantañca dvipadasthaṃ patākayā |
mahendrañcaikakoṣṭhasthaṃ sarvvaraktaiḥ pade ravim || 3 ||
[Analyze grammar]

vitānenārddhapadagaṃ satyaṃ pade bhṛśaṃ ghṛtaiḥ |
vyoma śākunamāṃsena koṇārddhapadasaṃsthitam || 4 ||
[Analyze grammar]

srucā cārddhapade vahni pūṣaṇaṃ lājayaikataḥ |
svarṇena vitathaṃ dviṣṭhaṃ maṃthanena gṛhakṣatam || 5 ||
[Analyze grammar]

māṃsaudanena dharmmeśamekaikasmin sthitaṃ dvayam |
gandharvaṃ dvipadaṃ gandhairbhṛśaṃ śākunajihvayā || 6 ||
[Analyze grammar]

ekasthamardhasaṃsthañca mṛgaṃ nīlapaṭaistathā |
pitṝn kṛśarayārddhasthaṃ dantakāṣṭhaiḥ padasthitam || 7 ||
[Analyze grammar]

dauvārikaṃ dvisaṃsthañca sugrīvaṃ yāvakena tu |
puṣpadantaṃ kuśastambaiḥ padmairvvaruṇamekataḥ || 8 ||
[Analyze grammar]

asuraṃ surayā dviṣṭhaṃ pade śeṣaṃ ghṛtāmbhasā |
yavaiḥ pāpaṃ padārddhasthaṃ rogamadhye ca maṇḍakaiḥ || 9 ||
[Analyze grammar]

nāgapuṣpaiḥ pade nāgaṃ mukhyaṃ bhakṣyairhi saṃsthitam |
mudgodanena bhallāṭaṃ pade somaṃ pade tathā || 10 ||
[Analyze grammar]

madhunā pāyasenātha śālūkena ṛṣiṃ dvaye |
pade ditiṃ lopikābhirarddhe ditimathāparam || 11 ||
[Analyze grammar]

pūrikābhistatañcāpamīśādhaḥ payasā pade |
tatodhaścāpavatsantu dadhnā caikapade sthitam || 12 ||
[Analyze grammar]

laḍṅukaiśca marīcintu pūrvakoṣṭhacataṣṭaye |
savitre raktapuṣpāṇi brahmādhaḥ koṇakoṣṭhake || 13 ||
[Analyze grammar]

tadadhaḥ koṣṭhake dadyāt sāvitryai ca kuśodakam |
vivasvate'ruṇaṃ dadyāccandanañcaturaṅghniṣu || 14 ||
[Analyze grammar]

rakṣodhaḥ koṇakoṣṭhe tu indrāyānnaṃ niśānvitam |
indrajayāya tasyādho ghṛtānnaṃ koṇakoṣṭhake || 15 ||
[Analyze grammar]

catuṣpadeṣu dātavyamindrāya guḍapāyasam |
vāyvadhaḥ koṇadeśe tu rudrāya pakkamāṃsakam || 16 ||
[Analyze grammar]

tadadhaḥ koṇakoṣṭhe tu yakṣāyārddhaṃ phalantathā |
mahīdharāya māṃsānnaṃ māṣañca caturaṅghriṣu || 17 ||
[Analyze grammar]

madhye catuṣpade sthāpyā brahmaṇe tilataṇḍulāḥ |
carakīṃ māṣasarppirbhyāṃ skandaṃ kṛśarayāsṛjā || 18 ||
[Analyze grammar]

raktapatrairvidārīñca kandarpañca palodanaiḥ |
pūtana ाṃpalapittābhyāṃ māṃsāsṛgbhyāñca jambhakam || 19 ||
[Analyze grammar]

pittāsṛgasthibhiḥ pāpaṃ pilipiñcaṃ srajāsṛjā |
īśādyān raktamāṃsena abhāvādakṣatairyajet || 20 ||
[Analyze grammar]

rakṣomātṛgaṇebhyaśca piśācādibhya eva ca |
pitṛbhyaḥ kṣetrapālebhyo balīn dadyāt prakāmataḥ || 21 ||
[Analyze grammar]

ahutvaitānasantapya prāsādādīnna kārayet |
brahmasthāne hariṃ lakṣmīṃ gaṇaṃ paścāt samarccayet || 22 ||
[Analyze grammar]

mahīśvaraṃ vāstumayaṃ varddhanyā sahitaṃ ghaṭam |
brahmāṇaṃ madhyataḥ kumbhe brahmādīṃscha digīśvarān || 23 ||
[Analyze grammar]

dadyāt pūrṇāhuti paścāt svasti vācya praṇamya ca |
pragṛhya karkarīṃ samyak maṇḍalantu pradakṣiṇam || 24 ||
[Analyze grammar]

sūtramārgeṇa he brahmāṃstoyadhārāñca bhrāmayet |
pūrvvavaktena mārgeṇa sapta vījāni vāpayet || 25 ||
[Analyze grammar]

prārambhaṃ tena mārgeṇa tasya khātasya kārayet |
tato garttaṃ khanenmadhye hastamātraṃ pramāṇataḥ || 26 ||
[Analyze grammar]

caturaṅgalakaṃ cādhaścopalipyārccayettataḥ |
dhyātvā caturbhujaṃ viṣṇumarghyaṃ dadyāttu kumbhataḥ || 27 ||
[Analyze grammar]

karkaryā pūrayet śvabhraṃ śuklapuṣpāṇi ca nyaset |
dakṣiṇāvarttakaṃ śreṣṭhaṃ bījairmṛdbhiśca pūrayet || 28 ||
[Analyze grammar]

arghyadānaṃ viniṣpādya govastrādīndadedgurau |
kālajñāya sthapataye vaiṣṇavādibhya arccayet || 29 ||
[Analyze grammar]

tatastu khānayedyatnājjalāntaṃ yāvadeva tu |
puruṣādhaḥ sthitaṃ śalyaṃ na gṛhe doṣadaṃ bhavet || 30 ||
[Analyze grammar]

asthiśalye bhidyate vai bhittirvai gṛhiṇo'sukham |
yannāmaśabdaṃ śrṛṇuyāttatra śalyaṃ tadudbhavam || 31 ||
[Analyze grammar]