Chapter 34

[English text for this chapter is available]

agniruvāca |
viśedanena mantreṇa yāgasthānañca bhūṣayet |
namo brahmaṇyadevāya śrīdharāyāvyayātmane || 1 ||
[Analyze grammar]

ṛgyajuḥ sāmarūpāya śabdadehāya viṣṇave |
vilikhya maṇḍalaṃ sāyaṃ yāgadravyādi cāharet || 2 ||
[Analyze grammar]

prakṣālitakarāṅghriḥ san vinyasyārghyakaro naraḥ |
arghyādbhistu śiraḥ prokṣca dvāradeśādikaṃ tathā || 3 ||
[Analyze grammar]

ārabhed dvārayāgañca toraṇeśān prapūjayet |
aśvatthodumbaravaṭaplakṣāḥ pūrvādigā nagāḥ || 4 ||
[Analyze grammar]

ṛgindraśobhanaṃ prācyāṃ yajuryamasubhadrakam |
sāmāpaśca sudhanvākhyaṃ somātharvasuhotrakam || 5 ||
[Analyze grammar]

toraṇāntāḥ patākāśca kumudādyā ghaṭadvayam |
dvāri dvāri svanāmnārcyāḥ pūrve pūrṇaśca puṣkaraḥ || 6 ||
[Analyze grammar]

ānandanandanau dakṣo vīrasenaḥ suṣeṇakaḥ |
sambhavaprabhavau saumye dvārapāṃścaiva pūjayet || 7 ||
[Analyze grammar]

astrajaptapuṣpakṣepādvighnānutsārya saṃviśet |
bhūtaśuddhiṃ vidhāyātha vinyasya kṛtamudrakaḥ || 8 ||
[Analyze grammar]

phaṭkārāntāṃ śikhāṃ japtvā sarṣapān dikṣu nikṣipet |
vāsudevena gomūtraṃ saṅkarṣaṇena gomayam || 9 ||
[Analyze grammar]

pradyumnena payastajjād dadhi nārāyaṇād ghṛtam |
ekadvitryādivārāṇi ghṛtādvai bhāgatodhikam || 10 ||
[Analyze grammar]

ghṛtapātre tadekatra pañcagavyamudāhṛtam |
maṇḍapaṣrokṣaṇāyaikañcāparamprāśanāya ca || 11 ||
[Analyze grammar]

snānāya daśakumbheṣu indrādyān lokapān yajet |
pūjyājñāṃ śrāvayettāṃśca sthātavyaṃ cājñayā hareḥ || 12 ||
[Analyze grammar]

yāgadravyādi saṃrakṣaya vikirān vikirettataḥ |
mūlāṣṭaśatasañjaptān kuśakūrcān harecca tān || 13 ||
[Analyze grammar]

aiśānyāṃ diśi tatrasthaṃ sthāpya kumbhañca varddhanīm |
kumbhe sāṅgaṃ hariṃ prārcya varddhanyāmastramarcayet || 14 ||
[Analyze grammar]

pradakṣiṇaṃ yāgagṛhaṃ varddhanyācchinnadārayā |
siñcannayettataḥ kumbhaṃ pūjayecca sthirāsane || 15 ||
[Analyze grammar]

sapañcaratnavastrāḍhyakumbhe gandhādibhirharim |
varddhanyāṃ hemagarbhāyāṃ yajejastrañca vāmataḥ || 16 ||
[Analyze grammar]

tatsamīpe vāstulakṣmīṃ bhūvināyakamarccayet |
stapanaṃ kalpayedviṣṇoḥ saṅkrāntyādau tathaiva ca || 17 ||
[Analyze grammar]

pūrṇakumbhān nava sthāpya navakoṇeṣu nirvraṇān |
pādyamarghyamācamanīyaṃ pañcagavyañca niḥ kṣipet || 18 ||
[Analyze grammar]

pūrvādikalasegnyādau pañcāmṛtajalādikam |
dadhi kṣīraṃ madhūṣṇodaṃ pādyaṃ syāccaturaṅgakam || 19 ||
[Analyze grammar]

padmaśyāmākadūrvāśca viṣṇupatnī ca pādyakam |
tathāṣṭāṅgārghyamākhyātaṃ yavagandhaphalākṣatam || 20 ||
[Analyze grammar]

kuśāḥ siddhārthapuṣpāṇi tilā dravyāṇi cārhaṇam |
lavaṅgakakkolayutaṃ dadyādācamanīyakam || 21 ||
[Analyze grammar]

snāpayenmūlamantreṇa devaṃ pañcāmṛtairapi |
śuddhodaṃ madhyakumbena devamūddharni viniḥ kṣipet || 22 ||
[Analyze grammar]

kalaśānniḥ sṛtaṃ toyaṃ kūrcāgraṃ saṃspṛśennaraḥ |
śuddhodakena pādyañca arghyamācamanandadet || 23 ||
[Analyze grammar]

parimṛjya paṭenāhgaṃ savastraṃ paṇḍalaṃ nayet |
tatrābhyarcyācareddhomaṃ kuṇḍādau prāṇasaṃyamī || 24 ||
[Analyze grammar]

prakṣālya hastau rekhāśca tistraḥ pūrvāgragāminīḥ |
dakṣiṇāduttarāntāśca tistraścaivottarāgragāḥ || 25 ||
[Analyze grammar]

arghyodakena samprokṣya yonimudrāmpradarśayet |
dyātvāgnirūpañcāgnintu yonyāṃ kuṇḍe kṣipennaraḥ || 26 ||
[Analyze grammar]

pātrāṇyāsādayet pañcāddarbhastrukstruvakādibhiḥ |
bāhumātrāḥ paridhaya idhmavraścanameva ca || 27 ||
[Analyze grammar]

praṇītā prokṣaṇīpātramājyasthālī ghṛtādikam |
prasthadvyaṃ taṇḍulānāṃ yugmaṃ yugmamadomukham || 28 ||
[Analyze grammar]

graṇītāprokṣaṇīpātre nyaset prāgagagraṃ kuśam |
adbhiḥ pūryyapraṇītāntu dhyātvā devaṃ prapūjya ca || 29 ||
[Analyze grammar]

praṇītāṃ sthāpayedagre dravyāṇāñcaiva madhyataḥ |
prokṣaṇīmadbhiḥ sampūryya prārcya dakṣe tu vinyaset || 30 ||
[Analyze grammar]

caruñca śrapayedagnau brahmāṇaṃ dakṣiṇe nyaset |
kuśānāstīryya pūrvādau paridhīn sthāpayettataḥ || 31 ||
[Analyze grammar]

vaiṣṇavīkaraṇaṃ kuryyād garbhādhānādinā naraḥ |
garbhādhānaṃ puṃsavanaṃ sīmantonnayanañcaniḥ || 32 ||
[Analyze grammar]

nāmādisamāvarttanāntaṃ juhuyādaṣṭa cāhutīḥ |
pūrṇāhutīḥ pratikarmma srucā sruvasuyuktayā || 33 ||
[Analyze grammar]

kuṇḍamadhye ṛtumatīṃ lakṣmīṃ sañcintya homayet |
kuṇḍalakṣmīḥ samākhyātā prakṛtistriguṇātmikā || 34 ||
[Analyze grammar]

sā yoniḥ sarvabhūtānāṃ vidyāmantragaṇasya ca |
vimukteḥ kāraṇaṃ vahniḥ paramātmā ca muktidaḥ || 35 ||
[Analyze grammar]

prācyāṃ śiraḥ samākhyātaṃ bāhū koṇe vyavasthitau |
īśānāgneyakoṇe tu jaṅghe vāyavyanairṛte || 36 ||
[Analyze grammar]

udaraṃ kuṇḍamityuktaṃ yoniryonirvidhīyate |
guṇatrayaṃ mekhalāḥ syurdhyātvaivaṃ samidho daśa || 37 ||
[Analyze grammar]

pañcādhikāṃstu juhuyāt praṇavānmuṣṭimudrayā |
punarāghārau juhuyādvāyvagnyantaṃ tataḥ śrapet || 38 ||
[Analyze grammar]

īśāntaṃ mūlaprantreṇa ājyabhāgau tu homayet |
uttare dvādaśāntena dakṣiṇe tena madhyataḥ || 39 ||
[Analyze grammar]

vyāhṛtyā padmamadhyasthaṃ dhyāyedvahnintu saṃskṛtam |
vaiṣṇavaṃ saptajihvaṃ ca sūryakoṭisamaprabham || 40 ||
[Analyze grammar]

candravaktrañca sūryākṣaṃ juhuyācchatamaṣṭa ca |
tadarddhañcaṣṭa mūlena ahgānāñca daśāṃśataḥ || 41 ||
[Analyze grammar]