Chapter 29

[English text for this chapter is available]

nārada uvāca |
sādhakaḥ sādhayenmantraṃ devatāyatanādike |
śuddhabhūmau gṛhe prārccya maṇḍale harimīśvaram || 1 ||
[Analyze grammar]

caturastrīkṛte kṣetre maṇḍalādīni vai likhet |
rasavāṇākṣikoṣṭheṣu sarvvatobadramālikhet || 2 ||
[Analyze grammar]

ṣaṭtriṃśatkoṣṭhakaiḥ padmaṃ pīṭhaṃ paṅktyā bahirbhavet |
dvābhyāntu vīthikā tasmād dvābhyāṃ dvārāṇi dikṣu ca || 3 ||
[Analyze grammar]

varttu laṃ bhrāmayitvā tu padmakṣetraṃ puroditam |
padmārddhe bhrāmayitvā tu bhāgaṃ dvādaśamaṃ bahiḥ || 4 ||
[Analyze grammar]

vibhajya bhrāmayeccheṣaṃ catuḥ kṣetrantu varttulam |
prathamaṃ karṇikākṣetraṃ keśarāṇāṃ dvitīyakam || 5 ||
[Analyze grammar]

tṛtīyaṃ dalasandhīnāṃ dalāgrāṇāṃ caturthakam |
prasārya koṇasūtrāṇi koṇadiṅmadhyamantataḥ || 6 ||
[Analyze grammar]

nidhāya keśarāgre tu dalasandhīṃstulāñchayet |
pātayitvātha sūtrāṇi tatra patrāṣṭakaṃ likhena || 7 ||
[Analyze grammar]

dalasndhyantaśalantu mānaṃ madhye nidhāya tu |
dalāgraṃ bhrāmayettena tadagraṃ tadanantaram || 8 ||
[Analyze grammar]

tadantarālaṃ tatpārśve kṛtvā bāhyakrameṇa ca |
keśare tu likheddvau dvau dalamadhye tataḥ punaḥ || 9 ||
[Analyze grammar]

padmalakṣamaitat sāmānyaṃ dviṣaṭkadalamucyate |
karṇikārddhena mānena prākasaṃsthaṃ bhrāmayet kramāt || 10 ||
[Analyze grammar]

tatpārśve bhramayogena kuṇḍalyaḥ ṣaḍ bhavanti hi |
evaṃ dvādaśa matsyāḥ syurdviṣṭkadalakañca taiḥ || 11 ||
[Analyze grammar]

pañcapatrābhisiddhyarthaṃ dvidvikānyaparāṇi tu |
caturdikṣu viliptāni gātrakāṇi bhavantyuta || 12 ||
[Analyze grammar]

trīṇi koṇeṣu pādārthaṃ dvidvikānyaparāṇi tu |
caturdikṣu viliptāni gātrakāṇi bhavantyuta || 13 ||
[Analyze grammar]

tataḥ paṅktidvayaṃ dikṣu vīthyarthantu vilopayet |
dvārāṇyāśāsu kurvīta catvāri catasṛṣvapi || 14 ||
[Analyze grammar]

dvārāṇāṃ pārśvataḥ śobhā aṣṭau kuryādvicakṣaṇaḥ |
tatpārśva upaśobhāstu tāvatyaḥ parikīttitāḥ || 15 ||
[Analyze grammar]

samīpa upaśobhānāṃ koṇāstu parikīrttitāḥ |
caturdikṣu tato dve dve cintayenmadhyakoṣṭhakaiḥ || 16 ||
[Analyze grammar]

catvāribāhyato mṛjyādekaikaṃ pārśvayorapi |
śobhārthaṃ pārśvayostrīṇi trīṇi lumpeddalasya tu || 17 ||
[Analyze grammar]

tadvadviparyaye kuryyādupaśobhāṃ tataḥ param |
koṇasyāntarbahistrīṇi cintayeddvirvibhedataḥ || 18 ||
[Analyze grammar]

evaṃ ṣoḍaśakoṣṭhaṃ syādevaptanyattu maṇḍalam |
dviṣaṭkabhāge ṣaṭtriṃśatpadaṃ padmantu vīthikā || 19 ||
[Analyze grammar]

ekā paṅktiḥ parābhyāṃ tu dvāraśobhādi pūrvavat |
dvādaśāṅgulibhiḥ madmamekahaste tu maṇḍale || 20 ||
[Analyze grammar]

dvihaste hastamātraṃ syādvṛddhyā dvāreṇa vācaret |
apīṭhañcaturastraṃ syādvikarañcakrapaṅkajam || 21 ||
[Analyze grammar]

padmārddhaṃ navabhiḥ proktaṃ nābhistu tisṛbhiḥ smṛtā |
aṣṭābhirdvārakān kuryyānnemintu caturaṅgulaiḥ || 22 ||
[Analyze grammar]

tridhā vibhajya ca kṣetramantardvābhyāmathāṅkayet |
vañcāntasvarasiddhyarthaṃ taṣvāsphālya likhadarān || 23 ||
[Analyze grammar]

indīvaradalākārānathavā mātulāṅgavat |
padmapatrāyatānvāpi likhedicchānurūpataḥ || 24 ||
[Analyze grammar]

bhrāmayitvā bahirnnemāvarasandhyantare sthitaḥ |
bhrāmayedaramūlantu sandhimadhye vyavasthitaḥ || 25 ||
[Analyze grammar]

aramadhye sthito madyamaraṇiṃ bhrāmayet samam |
evaṃ siddhyantarāḥ samyak mātulāṅganibhāḥ samāḥ || 26 ||
[Analyze grammar]

vibhajya saptadhā kṣetraṃ caturddaśakaraṃ samam |
dvidhā kṛte śataṃ hyatra ṣaṇnavatyadhikāni tu || 27 ||
[Analyze grammar]

koṣṭhakāni caturbhistairmmadhye bhadraṃ samālikhet |
parito visṛjedvīthyai tathā dikṣu samālikhet || 28 ||
[Analyze grammar]

kamalāni punarvīthyai paritaḥ parimṛjya tu |
dve dve madhyamakoṣṭhe tu grīvārthaṃ dikṣu lopayet || 29 ||
[Analyze grammar]

catvāri bāhyataḥ paścāttrīṇi trīṇi tu lopayet |
grīvāpārśve bahistvekā śobhā sā parikīrttitā || 30 ||
[Analyze grammar]

vibhajya bāhyakoṇeṣu saptāntastrīṇi mārjayet |
maṇḍalaṃ navabhāgaṃ syānnavavyūhaṃ hari yajet || 31 ||
[Analyze grammar]

pañcaviṃśātikavyūhaṃ maṇḍalaṃ viśvarūpagam |
dvātriṃśaddhastakaṃ kṣetraṃ bhaktaṃ dvātriṃśatā samam || 32 ||
[Analyze grammar]

evaṃ kṛte caturviṃśatyadhikantu sahastrakam |
koṣṭhakānāṃ samuddiṣṭaṃ madhye ṣoḍaśakoṣṭhakaiḥ || 33 ||
[Analyze grammar]

bhadrakaṃ parilikhyātha pārśve paṅktiṃ vimṛjya tu |
tataḥ ṣoḍaśabhiḥ koṣṭhairddikṣu bhadkāṣṭakaṃ likhet || 34 ||
[Analyze grammar]

tatopi paṅktiṃ sammṛjya tadvat ṣoḍaśabhadrakam |
likhitvā paritaḥ paṅktiṃ vimṛjyātha prākalpayet || 35 ||
[Analyze grammar]

dvāradvādhaśakaṃ dikṣu trīṇi trīṇi yathākramam |
ṣaḍbhiḥ parilupyāntarmadhye catvāri pārśvayoḥ || 36 ||
[Analyze grammar]

catvāryantarbahirdve tu śobhārthaṃ parimṛjya tu |
upadvāraprasiddhyarthaṃ trīṇyantaḥ pañca bāhyataḥ || 37 ||
[Analyze grammar]

parimṛjya tathā śobhāṃ pūrvavat parikalpayet |
bahiḥ koṇeṣu saptāntastrīṇi koṣṭhāni mārjayet || 38 ||
[Analyze grammar]

pañcatriṃśatikavyūhe paraṃ brahma yajet kaje |
madhye pūrvāditaḥ padme vāsudevādayaḥ kramāt || 39 ||
[Analyze grammar]

varāhaṃ pūjayitvā ca pūrvapadme tataḥ kramāt |
vyūhān sampūjayettāvat yāvat ṣaḍviṃśamo bhavet || 40 ||
[Analyze grammar]

yathoktaṃ vyūhamakhilamekasmin paṅkaje kramāt |
yaṣṭavyamiti yatnena pracetā manyate'dhvaram || 41 ||
[Analyze grammar]

saptantu mūrttibhedena vibhaktaṃ manyate'cyutam |
catvāriśat karaṃ kṣetraṃ hyuttaraṃ vibhajet kramāt || 42 ||
[Analyze grammar]

ekaikaṃ saptadhā bhūyastathaivaikaṃ dvidhā punaḥ |
catuḥ ṣaṣṭyuttaṃra saptaśatānyekaṃ sahastrakam || 43 ||
[Analyze grammar]

koṣṭhakānāṃ bhadrakañca madhye ṣoḍaśakoṣṭhakaiḥ |
pārśve vīthīṃ tataścāṣṭabhadrāṇyatha ca vīthikā || 44 ||
[Analyze grammar]

ṣoḍaśāvjānyatho vīthī caturviṃśatipaṅkajam |
vīthīpadmāni dvātriṃśat paṅktivīthikajānyatha || 45 ||
[Analyze grammar]

catvāriśattato vīthī śeṣapaṅktitrayeṇa ca |
dvāraśobhopaśobāḥ syurddikṣu madhye vilopya ca || 46 ||
[Analyze grammar]

dvictuḥ ṣaḍdvārasiddhyai caturddikṣu vilopayet |
pañca trīṇyekakaṃ bāhye śobopadvārasiddhaye || 47 ||
[Analyze grammar]

dvārāṇāṃ pārśvayorantaḥ paḍ vā catvāri madhyataḥ |
dve dve lumpedevameva ṣaḍ bhavantyupaśobhikāḥ || 48 ||
[Analyze grammar]

ekasyāṃ diśi saṅkhyāḥ syuḥ catastraḥ parisaṅkhyayā || 49 ||
[Analyze grammar]

ekaikasyāṃ diśi trīṇi dvāraṇyapi bhavantyuta |
pañca pañca tu koṇeṣu paṅktau paṅktau kramāt sṛjet || 50 ||
[Analyze grammar]

koṣṭhakāni bhavedevaṃ martyeṣṭyaṃ maṇḍalaṃ śubham || 51 ||
[Analyze grammar]