Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXXVI
śrīvasiṣṭha uvāca |
athaikadā pure śreṣṭhe kasmiṃścinmaṇḍalāntare |
anapatye nṛpaṃ mṛtyurahanmatsya ivāmiṣam || 1 ||
[Analyze grammar]
tatra prakṛtayaḥ khinnā naṣṭadeśakramā nṛpam |
anviṣyanti sma saṃyuktaṃ guṇalakṣmyā viśālayā || 2 ||
[Analyze grammar]
taṃ bhagīrathamāsādya sthiraṃ bhikṣācaraṃ munim |
parijñāya samānīya sainye cakrurmahīpatim || 3 ||
[Analyze grammar]
bhagīrathaḥ kṣaṇenaiva prāvṛṣīvāmbunā saraḥ |
valitaḥ senayā gurvyā jhaṭityāśiśriye gajam || 4 ||
[Analyze grammar]
bhagīratho jagannātho jayatīti janāravaiḥ |
nīrandhratāmupājagmurgirīndrāṇāṃ mahāguhā || 5 ||
[Analyze grammar]
tatra taṃ pālayantaṃ tadrājyaṃ rājānamādṛtāḥ |
ājagmuḥ prākprakṛtayaḥ prāhuritthaṃ nṛpādhipam || 6 ||
[Analyze grammar]
prakṛtaya ūcuḥ |
rājannasmākamadhipo yastvayā sa puraskṛtaḥ |
mṛtyunā vinigīrṇo'sau matsyenevāmiṣaṃ mṛdu || 7 ||
[Analyze grammar]
tattatpālayituṃ rājyaṃ prasādaṃ kartumarhasi |
aprārthitopayātānāṃ tyāgo'rthānāṃ ca nocitaḥ || 8 ||
[Analyze grammar]
śrīvasiṣṭha uvāca |
iti saṃprārthito rājā tadaṅgīkṛtya tadvacaḥ |
saptasāgaracihnāyāḥ sa babhūva bhuvaḥ patiḥ || 9 ||
[Analyze grammar]
samaḥ śāntamanā maunī vītarāgo vimatsaraḥ |
prāptakāryaikakaraṇaḥ sa tirohitavismaya || 10 ||
[Analyze grammar]
pātālatalanaṣṭānāṃ sāgarākārakāriṇām |
pitāmahānāṃ gaṅgāmbu śuśruve tāraṇakṣamam || 11 ||
[Analyze grammar]
tadā kila svarganadī vahati sma na bhūtale |
pitṝṇāṃ bhūtavikhyo'bhūttena gaṅgājalāñjaliḥ || 12 ||
[Analyze grammar]
bhagīrathena ca mahīmavatārayituṃ divaḥ |
gaṅgāṃ gṛhīto niyamastataḥprabhṛti bhūbhṛtā || 13 ||
[Analyze grammar]
tato rājyaṃ parityajya mantriṇāṃ bhūpatiḥ śamī |
tapase kāryakāryeho jagāma vijanaṃ vanam || 14 ||
[Analyze grammar]
tatra varṣasahasraiśca samārādhya punaḥpunaḥ |
brahmāṇaṃ śaṃkaraṃ jahnuṃ bhuvi gaṅgāmayojayat || 15 ||
[Analyze grammar]
tataḥ prabhṛtyamalataraṅgabhaṅginī jagatpateḥ śaśivibhṛdaṅgasaṅginī |
nabhastalānnipatati gāṃ trimārgagā mahātmanāmiva bahupuṇyasaṃtatiḥ || 16 ||
[Analyze grammar]
sphurattaraṅgabhaṅginī svaphenapuñjahāsinī prasannapuṇyamañjarīyuteva dharmasaṃtatiḥ |
bhagīrathe mahīpatau yaśaḥpracāravīthikā tadā hi sā trimārgagā mahītale babhūva ha || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXXVI
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!