![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XXXII
śrīvālmīkiruvāca |
vadatyevaṃ manomohavinivṛttikaraṃ vacaḥ |
rāme rājīvapatrākṣe tasminrājakumārake || 1 ||
[Analyze grammar]
sarve babhūvustatrasthā vismayotphullalocanāḥ |
bhinnāmbarā deharuhairgiraḥ śrotumivoddhuraiḥ || 2 ||
[Analyze grammar]
virāgavāsanāpāstasamastabhavavāsanāḥ |
muhūrtamamṛtāmbhodhivīcīvilulitā iva || 3 ||
[Analyze grammar]
tā giro rāmabhadrasya tasya citrārpitairiva |
saṃśrutāḥ śrṛṇukairantarānandapadapīvaraiḥ || 4 ||
[Analyze grammar]
vasiṣṭhaviśvāmitrādyairmunibhiḥ saṃsadi sthitaiḥ |
jayantadhṛṣṭipramukhairmantribhirmantrakovidaiḥ || 5 ||
[Analyze grammar]
nṛpairdaśarathaprakhyaiḥ pauraiḥ pāraśavādibhiḥ |
sāmantai rājaputraiśca brāhmaṇairbrahmavādibhiḥ || 6 ||
[Analyze grammar]
tathā bhṛtyai'ramātyaiśca pañjarasthaiśca pakṣibhiḥ |
krīḍāmṛgairgataspandaisturaṃgaistyaktacarvaṇaiḥ || 7 ||
[Analyze grammar]
kausalyāpramukhaiścaiva nijavātāyanasthitaiḥ |
saṃśāntabhūṣaṇārāvairaspandairvanitāgaṇaiḥ || 8 ||
[Analyze grammar]
udyānavallīnilayairviṭaṅkanilayairapi |
akṣubdhapakṣatatibhirvihaṅgairviratāravaiḥ || 9 ||
[Analyze grammar]
siddhairnabhaścaraiścaiva tathā gandharvakinnaraiḥ |
nāradavyāsapulahapramukhairmunipuṅgavaiḥ || 10 ||
[Analyze grammar]
anyaiśca devadeveśavidyādharamahoragaiḥ |
rāmasya tā vicitrārthā mahodārā giraḥ śrutāḥ || 11 ||
[Analyze grammar]
atha tūṣṇīṃ sthitavati rāme rājīvalocane |
tasminraghukulākāśaśaśāṅke śaśisundare || 12 ||
[Analyze grammar]
sādhuvādagirā sārdhaṃ siddhasārthasamīritā |
vitānakasamā vyomnaḥ pauṣpī vṛṣṭiḥ papāta ha || 13 ||
[Analyze grammar]
mandārakośaviśrāntabhramaradvandvanādinī |
madhurāmodasaundaryamuditonmadamānavā || 14 ||
[Analyze grammar]
vyomavātavinunneva tārakāṇāṃ paramparā |
patiteva dharāpīṭhe svargastrīhasitacchaṭā || 15 ||
[Analyze grammar]
vṛṣyamūkakacanmeghalavāvaliriva cyutā |
haiyaṃgavīnapiṇḍānāmīriteva paramparā || 16 ||
[Analyze grammar]
himavṛṣṭirivodārā muktāhāracayopamā |
aindavī raśmimāleva kṣīrormīṇāmivātatiḥ || 17 ||
[Analyze grammar]
kiñjalkāmbhojavalitā bhramadbhṛṅgakadambakā |
sītkāragāyadāmodimadhurānilalolitā || 18 ||
[Analyze grammar]
prabhramatketakīvyūhā prasphuratkairavotkarā |
prapatatkundavalayā calatkuvalayālayā || 19 ||
[Analyze grammar]
āpūritāṅgaṇarasā gṛhācchādanacatvarā |
udgrīvapuravāstavyanaranārīvilokitā || 20 ||
[Analyze grammar]
nirabhrotpalasaṃkāśavyomavṛṣṭiranākulā |
adṛṣṭapūrvā sarvasya janasya janitasmayā || 21 ||
[Analyze grammar]
adṛśyāmbarasiddhaughakarotkarasamīritā |
sā muhūrtacaturbhāgaṃ puṣpavṛṣṭiḥ papāta ha || 22 ||
[Analyze grammar]
āpūritasabhāloke śānte kusumavarṣaṇe |
imaṃ siddhagaṇālāpaṃ śuśruvuste sabhāgatāḥ || 23 ||
[Analyze grammar]
ākalpaṃ siddhasenāsu bhramadbhirabhitodivam |
apūrvamidamasmābhiḥ śrutaṃ śrutirasāyanam || 24 ||
[Analyze grammar]
yadanena kilodāramuktaṃ raghukulendunā |
vītarāgatayā taddhi vākpaterapyagocaram || 25 ||
[Analyze grammar]
aho bata mahatpuṇyamadyāsmābhiridaṃ śrutam |
vaco rāmamukhodbhūtaṃ mahāhlādakaraṃ dhiyaḥ || 26 ||
[Analyze grammar]
upaśamāmṛtasundaramādarā dadhigatottamatāpadameṣa yat |
kathitavānucitaṃ raghunandanaḥ sapadi tena vayaṃ pratibodhitāḥ || 27 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XXXII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!