Chapter 38

aṣṭatriṃśo'dhyāyaḥ |
viṣvaksenaḥ |
athātaḥ saṃpravakṣyāmi jalasaṃprokṣaṇaṃ param |
rahasyaṃ paramaṃ guhyaṃ sarvapāpapraṇāśanam || 1 ||
[Analyze grammar]

tava snehāt pravakṣyāmi tridaśerapi durlabham |
sadya eva tu kartavyaṃ prāyaścittaṃ tu nārada || 2 ||
[Analyze grammar]

na tithirna ca nakṣatraṃ kālavelā na vidyate |
duḥsthitaṃ susthitaṃ vāpi devabimbaṃ na cālayet || 3 ||
[Analyze grammar]

śilābimbaṃ tathā lauhaṃ bimbaṃ vā caikaberakam |
daivādvā mānuṣādvāpi mohādvā munisattama || 4 ||
[Analyze grammar]

cālayedyadi tadbimbaṃ prāyaścittaṃ viśeṣataḥ |
kārayenmuniśārdūla sarvasaṃpatsukhāvaham || 5 ||
[Analyze grammar]

prāsādakaraṇe kāle navakarmakṛte sati |
citrakarmakṛte vāpi citrakārādi saṃspṛśet || 6 ||
[Analyze grammar]

spṛśyate vā nikṛṣṭaistu devaścaṇḍālapātakaiḥ |
pīṭhe śvabhrasthite kāle calite pūrvavat kṛte || 7 ||
[Analyze grammar]

candanādīni puṣpāṇi tathā sarvauṣadhīni ca |
kuśapallavadūrvāśca pūrayitvā tadūrdhvataḥ || 8 ||
[Analyze grammar]

yojayet pañcagavyena prāṅmukhaḥ sakuśodakam |
arcayitvārghyagandhādyaiḥ sāṅmūlaṃ samuccaran || 9 ||
[Analyze grammar]

ācchādya navavastreṇa dadyādbhūtabaliṃ tataḥ |
devatāyatanagrāmanagareṣvapi pallike || 10 ||
[Analyze grammar]

sthāpanāspadamāsādya śodhanaṃ pañcagavyakaiḥ |
tatra madhye khanet śvabhraṃ mūlamantramudīrayan || 11 ||
[Analyze grammar]

aṅguṣṭhodaramāvartya tridhā sūtreṇa veṣṭayet |
tenaiva bhrāmayenmadhye sthāpya tatrāvaṭaṃ khanet || 12 ||
[Analyze grammar]

hastamātramadhastācca ṣaḍaṅgulasamanvitam |
saṃprokṣya pañcagavyena tatra ratnādikaṃ nyaset || 13 ||
[Analyze grammar]

śeṣaṃ dhyātvā tadūrdhve tu abhyarcyārghyādibhiḥ kramāt |
vāsasācchādya digbandhamācaredastramuccaran || 14 ||
[Analyze grammar]

saṃspṛśca gavyakumbhābhyāṃ dhyātvā mūlaṃ japedguruḥ |
prabhātāyāṃ tu śarvaryāṃ kṛtvā snānādikīṃ kriyām || 15 ||
[Analyze grammar]

kumbhasthaṃ nṛhariṃ pūjya japāntaṃ pūrvavartmanā |
puṇyāhavācanaṃ kṛtvā muhūrte śobhane guruḥ || 16 ||
[Analyze grammar]

padmapatrāva tu kumbhaṃ śvabhre tāreṇa vinyaset |
paritaḥ sarvadhānyena pūrayitvā caśalaṃ yathā || 17 ||
[Analyze grammar]

pañcagavyaṃ samuddhṛtya ghaṭasthaṃ kalaśaṃ laban |
tenaiva pūrayet kumbhaṃ śvabhrasthaṃ mūlamuccaran || 18 ||
[Analyze grammar]

samabhyarcyārghyapuṣpādyaiḥ pūrayenmṛdbhirāhṛtaiḥ |
śaṃsūktaṃ bhadrasūktaṃ ca svastisūktaṃ ca pākkṛte || 19 ||
[Analyze grammar]

etat sādhāraṇaṃ proktaṃ bahuberaikaberayoḥ |
sarvalakṣaṇasaṃpannamaṅgayuktaṃ dvijottamam || 20 ||
[Analyze grammar]

padavākyapramāṇajñaṃ devayajña vratasthitam |
evaṃ lakṣaṇasaṃyuktamācāryaṃ tantrapāragam || 21 ||
[Analyze grammar]

jñātvā tenaiva kartavyaṃ jalasaṃprokṣaṇaṃ śubham |
prāsādāgre munireṣṭha kuryānmaṇḍapamuttamam || 22 ||
[Analyze grammar]

dakṣiṇe'pyathavā kuryāt uttare vā mahāmune |
aiśāne vātra matimān yathālābhaṃ sudikṣu ca || 23 ||
[Analyze grammar]

caturaśraṃ sukhaṃ samyak vistārāyāmatādṛśam |
karaṣoḍaśakaṃ vāpi hastaṃ pañcadaśaṃ tu vā || 24 ||
[Analyze grammar]

stambhaṣoḍaśasaṃyuktaṃ caturdvārasamanvitam |
iṣṭakādārupāṣāṇaiḥ kṛtāṃ samyaksuvedikām || 25 ||
[Analyze grammar]

hastamātrasamāyuktaṃ dhvajāśāmukhाtoraṇam |
darbhamālāparivṛtaṃ puṣpamālyairalaṃkṛtam || 26 ||
[Analyze grammar]

phalapallavamālādyairdhūpadīpasamanvitam |
śālisaṃcayasaṃpūrṇaṃ prāgudakpravaṇaṃ śubham || 27 ||
[Analyze grammar]

vitānenordhvamācchādya nānāvastrairalaṃkṛtam |
chatracāmarasaṃyuktaṃ muktādāmai ralaṃkṛtam || 28 ||
[Analyze grammar]

dhvajairnānārvidheścitrairdīpamālāvirājitam |
varṣavātairna cākrāntaṃ pālikābhiralaṃkṛtam || 29 ||
[Analyze grammar]

etasya maṇḍapasyāgra'pyattare vā yathākramam |
īśāne vā muniśreṣṭha kuryāt snapanamaṇḍapam || 30 ||
[Analyze grammar]

hastadvayapramāṇena visatārāyāmatādṛśam |
maṇḍapasyaiśapūrve tu snapanārthaṃ suvedikām || 31 ||
[Analyze grammar]

hastocchrayāṃ tadardhāṃ vā hyuttare śvabhrasaṃyutām |
dhārāyugvedikāṃ kuryāt paścime kalaśān nyaset || 32 ||
[Analyze grammar]

snapanaṃ kārayedevaṃ ekāśītikrameṇa tu |
ekaberavidhānaṃ cet mūlārcāyāṃ prayojayet || 33 ||
[Analyze grammar]

karmārcāyāṃ tu kartavyaṃ bahuberavidhau sati |
snapanaṃ vidhivat kṛtvā tataḥ karma samārabhet || 34 ||
[Analyze grammar]

pītavastraistu śuklairvā veṣṭayeddevapīṭhakam |
tato'smin maṇḍape dvāri kalaśāṃstoraṇadhvajān || 35 ||
[Analyze grammar]

gandhapuṣpaiḥ samabhyarcya svanāmnaiva pṛthakpṛthak |
tato maṇḍapavedyāṃ ca nikṣipecchālisaṃcayam || 36 ||
[Analyze grammar]

śālimadhye likhet padmamaṣṭapatraṃ sakarṇikam |
sauvarṇaṃ rājataṃ vāpi tāmraṃ vā mṛṇmayaṃ tu vā || 37 ||
[Analyze grammar]

droṇadvayena saṃpūrṇaṃ nimnoṣaṃ kalaśaṃ śubham |
vastrapūtajalaiḥ pūrṇaṃ sakūrcaṃ sāpidhānam || 38 ||
[Analyze grammar]

sasūtraṃ vastrayugmena veṣṭitaṃ ratnasaṃyutam |
aṣṭaśaktisamāyuktaṃ sauvarṇāyudhapañcayuk || 39 ||
[Analyze grammar]

tatkumbhaṃ praṇavenaiva śālipadme tu vinyaset |
tataḥ padmadaleṣvaṣṭakalaśān parito nyaset || 40 ||
[Analyze grammar]

pūrvavattoyasaṃpūrṇān sahiraṇyān savastrakān |
sāpidhānān sakūrcāṃśca mukhe cāśvatthapallavān || 41 ||
[Analyze grammar]

arcayedgandhapuṣpaiśca dīpairanyaiḥ pavitrakaiḥ |
pūjayenmūlamantreṇa tattanmūrtimanusmaran || 42 ||
[Analyze grammar]

viṣṇuṃ caiva mahāviṣṇuṃ sadāviṣṇuṃ ca madhyame |
vāsudevāniruddhāntaṃ nyaset pūrvādidikṣu ca || 43 ||
[Analyze grammar]

nyasecchriyādiśāntyantamāgneyādividikṣu ca |
evaṃ nyasya vidhānena gandhapuṣpādibhiryajet || 44 ||
[Analyze grammar]

etānapi samabhyarcya homakarma samārabhet |
pūrvādi cottarāntaṃ tu kuṇḍāni parikalpayet || 45 ||
[Analyze grammar]

vāsudevaṃ yajet pūrvaṃ kuṇḍe tu caturaśrake |
ardhacandrāgnikuṇḍe tu yāmye saṃkarṣaṇaṃ yajet || 46 ||
[Analyze grammar]

vāruṇyāṃ vartule kuṇḍe pradyumnaṃ tu yajedbudhaḥ |
uttare'bje trikoṇe vā aniruddhaṃ yajet prabhum || 47 ||
[Analyze grammar]

pālāśaṃ khādiraṃ vāpi bailvamaudumbaraṃ tathā |
aṣṭottaraśataṃ hutvā pṛthakpūrvāditaḥ kramāt || 48 ||
[Analyze grammar]

samidājyacarūn lājaiḥ juhuyurmūrtipāḥ pṛthak |
evaṃ homaṃ praśaṃsanti ekahomena cāpyalam || 49 ||
[Analyze grammar]

kārayeccaturaśre tu juhuyāttadvidhānataḥ |
vaiṣṇavīkaraṇārthāya kuṇḍaṃ pūrvavadācaret || 50 ||
[Analyze grammar]

tatkuṇḍe muniśārdūla ācāryo homamācaret |
samidājyena caruṇā juhuyāttu punaḥ punaḥ || 51 ||
[Analyze grammar]

samidho mūlamantreṇa praṇavenājyameva ca |
caruṃ puruṣasūktena pratyekaṃ ṣoḍaśāhutīḥ || 52 ||
[Analyze grammar]

evaṃ hutvā vidhānena punarājyena homayet |
pauruṣeṇa ca sūktena juhuyādviṣṇubhaktitaḥ || 53 ||
[Analyze grammar]

tato nārāyaṇaṃ sūkta sṛṣṭyādipratipādakam |
samyagjñātvā muniśreṣṭha kālyāṃ tu juhuyāt kramāt || 54 ||
[Analyze grammar]

pañcopaniṣadairmantraiḥ juhuyāttu punaḥ punaḥ |
pūrvavacchāntihomaṃ tu kārayecca vidhānataḥ || 55 ||
[Analyze grammar]

evaṃ hutvā muniśreṣṭha kautukaṃ bandhayeddharim |
pūrvoktena vidhānena pūjayeddhavirantakam || 56 ||
[Analyze grammar]

dvādaśākṣaramantreṇa mūrtimantreṇa caiva hi |
kṣaumasūtreṇa vā tatra kārpāsaṃ vā mahāmune || 57 ||
[Analyze grammar]

prokṣayenmūlamantreṇa tatsūtraṃ tu punaḥ punaḥ |
rātrau mahotsavaṃ kuryāt śaṅkhatūryādinisvanaiḥ || 58 ||
[Analyze grammar]

kautukaṃ samalaṃkṛtya taṇḍulopari nārada |
paścādgrāmaṃ paribhramya mahādīpasamūhayuk || 59 ||
[Analyze grammar]

bandhayet kautukaṃ paścāt pūrvoktena vidhānataḥ |
rātrau homaḥ prakartavyaḥ jalasaṃprokṣaṇaṃ divā || 60 ||
[Analyze grammar]

na kuryāt prokṣaṇaṃ rātrau na divā homamācaret |
tasmāt sarvaprayatnena rātrau homaṃ prakalpayet || 61 ||
[Analyze grammar]

prabhāte sumuhūrte tu jalasaṃprokṣaṇaṃ kramāt |
prokṣayettu vidhānena bimbādyāvaraṇāntikam || 62 ||
[Analyze grammar]

āvāhayettato devaṃ nārāyaṇamanāmayam |
śaṅkhacakradharaṃ devaṃ pītavāsasamacyutam || 63 ||
[Analyze grammar]

sarvābharaṇasaṃyuktaṃ vanamālāvirājitam |
rājāvartamaṇiprakhyaṃ hārakeyūrabhūṣitam || 64 ||
[Analyze grammar]

śrīvatsavakṣasaṃ cāru makarākṛtikuṇḍalam |
kambugrīvaṃ mahābāhuṃ kiñcitprahasitānanam || 65 ||
[Analyze grammar]

evaṃ dhyātvā mahāviṣṇuṃ garuḍopari saṃsthitam |
saha dvādaśabhiścaiva mūrtibhirdaśabhistathā || 66 ||
[Analyze grammar]

lokapālaistathādityai rudrairvasubhireva ca |
ṛṣibhiścāraṇaiḥ siddhaiḥ kiṃnarairapsaro gaṇaiḥ || 67 ||
[Analyze grammar]

evaṃ dhyātvā mahāviṣṇuṃ nārāyaṇamanāmayam |
tattanmantreṇa saṃsthāpya prokṣayedgandhavāriṇā || 68 ||
[Analyze grammar]

śeṣodakena matimān prokṣayet parivārakam |
praṇavādisvamantraistu parivārānaśeṣataḥ || 69 ||
[Analyze grammar]

pūrvādikalaśān gṛhya mahāpīṭhe'bhiṣecayet |
tataḥ puruṣasūktena pūjayet puruṣottamam || 70 ||
[Analyze grammar]

havirnivedayet paścāt pūrvoktena vidhānataḥ |
caṇḍādibhyo baliṃ dadyāddikṣu caiva vidikṣu ca || 71 ||
[Analyze grammar]

balibimbasamāyuktaṃ balibhramaṇamācaret |
evaṃ baliṃ kramāt kuryāt śaṅkhatūryādisaṃyutam || 72 ||
[Analyze grammar]

pradakṣiṇaṃ tataḥ kuryāt praṇipatya kṣamāpayet |
ācāryadakṣiṇāṃ datvā brāhmaṇān bhojayettataḥ || 73 ||
[Analyze grammar]

hotṝṃścaiva susaṃpūjya ācāryaṃ pūjayet punaḥ |
hārakeyūrasaṃyuktaṃ kaṭisūtrāṅgulīyakaiḥ || 74 ||
[Analyze grammar]

vividhāni ca vastrāṇi ācāryāya nivedayet |
dakṣiṇāṃ cottamāṃ dadyāt gāṃ ca datvā payasvinīm || 75 ||
[Analyze grammar]

ardhaṃ vāpi dhanaṃ deyaṃ mūrtipānāṃ hitaiṣiṇām |
pādonaṃ sādhakānāṃ ca dīkṣitānāṃ tadardhakam || 76 ||
[Analyze grammar]

annadānaṃ ca sarveṣāṃ dadyāddevasamīpataḥ |
pavitrāropaṇepyevaṃ dakṣiṇāṃ dāpayenmune || 77 ||
[Analyze grammar]

iti samyak samākhyātaḥ jalasaṃprokṣaṇakramaḥ |
etadvicārya kartavyaṃ pañcarātraviśāradaiḥ || 78 ||
[Analyze grammar]