Chapter 25

pañcaviṃśo'dhyāyaḥ |
nāradaḥ |
bhagavan viṣṇubhūteśa viṣvaksena namo'stu te |
jñātumicchāmyahaṃ sarvaṃ maṅgalāṅkuraropaṇam || 1 ||
[Analyze grammar]

pālikālakṣaṇaṃ caiva ghaṭikālakṣaṇaṃ tathā |
śarāvastu kathaṃ proktaṃ saṃkhyānāṃ tu kathaṃ bhavet || 2 ||
[Analyze grammar]

teṣāṃ varṇaśca vai nāma dravyāṇāṃ ca kathaṃ bhavet |
teṣāṃ caivādhidaivaṃ ca aṅkurāṇāṃ śubhāśubham || 3 ||
[Analyze grammar]

etatsarvaṃ samācakṣva paraṃ kautūhalaṃ hi me |
viṣvaksenaḥ |
ataḥ paraṃ pravakṣyāmi maṅgalāṅkuravistaram || 4 ||
[Analyze grammar]

sauvarṇāṃ pālikāṃ kuryāt rājatīṃ ghaṭikākṛtim |
tāmraireva śarāvaṃ tu sarveṣāṃ tāmrameva vā || 5 ||
[Analyze grammar]

mṛdbhirvāpyatha sarveṣāṃ kārayitvā vicakṣaṇaḥ |
yathāvittānusāreṇa kuryādvā pālikādikān || 6 ||
[Analyze grammar]

ṣaṭtriṃśaccāṅgulotsedhaṃ vistīrṇaṃ tu tadardhakam |
B pādaṃ ca dvādaśaṃ jñeyaṃ pālikānāṃ prakīrtitam || 7 ||
[Analyze grammar]

caturviṃśāṅgulotsedhaṃ vistāraṃ dvādaśaṃ bhavet |
pañcāsyā ghaṭikā kāryā pañcāṅgulasuvistaram || 8 ||
[Analyze grammar]

pādaṃ cāṣṭāṅgulaṃ jñeyaṃ ghaṭikānāṃ prakīrtitam |
dvādaśāṅgulamutsedhaṃ vistāraṃ tāvadeva tu || 9 ||
[Analyze grammar]

pādaṃ ṣaḍaṅgulaṃ jñeyaṃ śarāvāṇāṃ tu sarvaśaḥ |
tattudrūpānusāreṇa nālaṃ kartṛvaśān mune || 10 ||
[Analyze grammar]

kārayet kramayogena suślakṣṇaṃ suṣirānvitam |
yathākāmaṃ tu vā kuryāt pālikādīn krameṇa tu || 11 ||
[Analyze grammar]

evaṃ jñātvā munireṣṭha kārayedaṅkurārpaṇam |
pratiṣṭhādyutsave caiva snapane yāgadarśane || 12 ||
[Analyze grammar]

viṣuve caiva saṃkrāntyāmayane grahaṇe tathā |
śubhanakṣatrayoge ca nāmarkṣetvathavā mune || 13 ||
[Analyze grammar]

aṅkurārpaṇakāryaṃ tu kārayet sarvakarmaṇi |
anaṅkurārpaṇaṃ kuryādanarthamaśubhāvaham || 14 ||
[Analyze grammar]

tasmāt sarvaprayatnena kārayedaṅkurārpaṇam |
pratyekaṃ ṣoḍaśa syurvai maṅlāṅkuraropaṇaiḥ || 15 ||
[Analyze grammar]

teṣāṃ caiva tu nāmāni vakṣyāmi munisattama |
sundaro'sundaraścaiva vikramo muraśāsanaḥ || 16 ||
[Analyze grammar]

vīraseno virāmaśca somadatto mahāhanuḥ |
yajñabhuk sarvabhuk caiva manujo mardanastathā || 17 ||
[Analyze grammar]

agnigrīvo hayagrīvo vāyugrīvo mahāhanuḥ |
ityete ṣoḍaśa proktāḥ pālikānāṃ tu nāmataḥ || 18 ||
[Analyze grammar]

ghaṭikānāṃ tu vakṣyāmi yāthātathyaṃ hi nārada |
vego'vegaḥ suvegaśca vāyuvegastathaiva ca || 19 ||
[Analyze grammar]

agninātho vāyunātho havirnātho hayāṃpatiḥ |
sarvabhuk sarvadhṛk sarvī sarvabhakṣastathaiva ca || 20 ||
[Analyze grammar]

subhujo durbhujaścaiva bhujago vahnijeśvaraḥ |
ityete ṣoḍaśa proktā ghaṭikānāṃ tu nāmataḥ || 21 ||
[Analyze grammar]

śarāvāṇāṃ tu nāmāni tadvakṣyāmi yathākramam |
rājarājo virājaśca suketuḥ kīrtivardhanaḥ || 22 ||
[Analyze grammar]

indrakarmā mahākarmā devakarmā manīṣiṇaḥ |
yajñanātho havirnāthaḥ sulagnaḥ suranandanaḥ || 23 ||
[Analyze grammar]

maṇipriyo mahāmāyo devamāyaḥ sukhapriyaḥ |
ityete ṣoḍaśa proktāḥ śarāvāṇāṃ tu nāmataḥ || 24 ||
[Analyze grammar]

varṇānāṃ tu pravakṣyāmi yathāvadanupūrvaśaḥ |
sundarādyāstu catvāraḥ śuklavarṇāḥ prakīrtitāḥ || 25 ||
[Analyze grammar]

vīrasenādayo raktāḥ śyāmā yajñabhugādayaḥ |
śeṣāstu pālikāḥ sarvāḥ kṛṣṇavarṇāḥ prakīrtitāḥ || 26 ||
[Analyze grammar]

pālikāḥ ṣoḍaśa sarvāḥ śuklavarṇāpi vā mune |
evameva tu varṇāni ghaṭikānāṃ tu sarvaśaḥ || 27 ||
[Analyze grammar]

sitaraktaḥ śarāvāṇāṃ sarveṣāṃ tu prakīrtitaḥ |
śarāvāṇāṃ tu sarveṣāṃ raktavarṇa athāpi vā || 28 ||
[Analyze grammar]

pālikāḥ śuklavarṇāstu ghaṭikāḥ kṛṣṇameva ca |
śarāve ṣoḍaśenaiva raktavarṇamiti smṛtam || 29 ||
[Analyze grammar]

uktastu varṇavistāro bījanyāsavidhiṃ śrṛṇu |
prāsāde maṇḍape vāpi prākāre munisattama || 30 ||
[Analyze grammar]

tatropalipya vidhivat maṇḍalaṃ caturaśrakam |
tatrasthaṃ vai padaṃ kuryādaṣṭacatvārikaṃ kramāt || 31 ||
[Analyze grammar]

śālipiṣṭaṃ satoyena sūtraṃ saṃlipya mūlayā |
prāk pratyak navasūtraṃ tu prasāryāsphālya bhūtale || 32 ||
[Analyze grammar]

tathaiva kārayet sūtraṃ dvādaśaṃ munisattama |
dakṣiṇādyuttarāntena cāsphālyāstreṇa mantrataḥ || 33 ||
[Analyze grammar]

vimṛjettu padān samyak vīthyarthaṃ munisattama |
dvipadaṃ dvipadaṃ tyaktvā tṛtīyaṃ mārjayet kramāt || 34 ||
[Analyze grammar]

sārdhatālapramāṇaṃ vā tālamānamathāpi vā |
saṃjñātvātra muniśreṣṭha kārayet supadān pṛthak || 35 ||
[Analyze grammar]

tatpadeṣu punaḥ samyak arcayedgandhavāriṇā |
paścāttu pūrayeddhānyaistaṇḍulaiḥ śālisaṃbhavaiḥ || 36 ||
[Analyze grammar]

tripaṅktīkṛtya tān sarvān pratyekaṃ kramayogataḥ |
āgneyādīśaparyantaṃ vinyaseddhānyapūrvakam || 37 ||
[Analyze grammar]

sthāpayitvā tu mantreṇa dvādaśārṇena vai tataḥ |
vyastaiḥ pṛthak pṛthak sthāpya sarvāneva yathākramam || 38 ||
[Analyze grammar]

tatastu pūrayet samyak mṛdvālukakarīṣakaiḥ |
pūrayitvā samān sarvān arcayitvā tataḥ kramāt || 39 ||
[Analyze grammar]

gandhapuṣpādibhiścaiva pūjayitvā vicakṣaṇaḥ |
pūjayitvā tataḥ paścāt bījānādāya mantravit || 40 ||
[Analyze grammar]

tilamudgaṃ tathā māṣanimbaniṣpāvaśālayaḥ |
yavaśyāmākanīvārakulutthakaṃkusarṣapāḥ || 41 ||
[Analyze grammar]

etāni dvādaśa proktā maṅgalāṅkurakarmaṇi |
payobhiḥ kṣālayet pūrvaṃ bījena parameṣṭinā || 42 ||
[Analyze grammar]

punaśca kṣālayet paścāt bījena puruṣātmanā |
jitanta iti mantreṇa vinyasettu śanaiḥ śanaiḥ || 43 ||
[Analyze grammar]

āgneyādīśaparyantaṃ pratipaṅkti yathākramam |
tatastu dūrvāṅkurayuk ghṛtāropaṇamācaret || 44 ||
[Analyze grammar]

tatastu cāhatairvastrairveṣṭayitvā pṛthak pṛthak |
pālikāṃ kṣetrapūrve vā cottare vā tu homayet || 45 ||
[Analyze grammar]

samidājyacarūṇāṃ tu pratyekaṃ ṣoḍaśāhutīḥ |
saṃpātājyena saṃprokṣya pālikādīn viśeṣataḥ || 46 ||
[Analyze grammar]

nivāte saṃprakurvīta maṇḍapeśānakoṇake |
navāhaṃ saptarātraṃ vā arcayedgandhavāriṇā || 47 ||
[Analyze grammar]

śirīṣāṅkurapūrvaistu mālyairveṣṭya pṛthak pṛthak |
durvāṅkurairmuniśreṣṭha pūrve vā veṣṭayet pṛthak || 48 ||
[Analyze grammar]

puṇyāhūparvaṃ saṃpūjya gandhādyakṣatasaṃyutam |
baliṃ ca sarvato dadyādaṣṭadikṣu samantataḥ || 49 ||
[Analyze grammar]

haviṣā gandhapuṣpaistu pūjayettu dine dine |
bījanyāsa iti proktaḥ devatānāṃ bravīmi te || 50 ||
[Analyze grammar]

catasro vāsudevādyā mūrtayo daivikāstathā |
śaṅkhādīnyāyudhānyaṣṭau pālikānāṃ tu devatāḥ || 51 ||
[Analyze grammar]

vārāho nārasiṃhaśca śrīdharo hayaśīrṣakaḥ |
jāmadagnyaśca rāmaśca vāmano yadunandanaḥ || 52 ||
[Analyze grammar]

naro nārāyaṇaścaiva hariḥ kṛṣṇastathaiva ca |
matsyaḥ kūrmaśca tārkṣyaśca ananto bhujagottamaḥ || 53 ||
[Analyze grammar]

ityete ṣoḍaśa proktāḥ ghaṭikānāṃ tu devatāḥ |
viṣṇvādyā dvādaśa ye ca haṃso'tha bala eva ca || 54 ||
[Analyze grammar]

kapilaśca halaścaiva śarāvāṇāṃ tu devatāḥ |
apare candrāgnyādityadevatātrayameva tu || 55 ||
[Analyze grammar]

viṣṇuṃ ca brahmarudrau ca aṅkurāṇāṃ munīśvara |
śubhamāpnoti pīteṣu śukle devatvamāpnuyāt || 56 ||
[Analyze grammar]

kṛṣṇaraktāvubhau varṇau aśubhaṃ kurvate sadā |
pañcatvamāpnuyācchīghramaprarūḍhe sakartṛkam || 57 ||
[Analyze grammar]

śyāmāṅkuro dravyanāśaḥ kartuḥ kārayiturbhavet |
eteṣāṃ cāpi nīrogamutsavasya mayeritam || 58 ||
[Analyze grammar]