Chapter 111

anujñātaṃ tu rāmeṇa tadvimānamanuttamam |
utpapāta mahāmeghaḥ śvasanenoddhato yathā || 1 ||
[Analyze grammar]

pātayitvā tataścakṣuḥ sarvato raghunandanaḥ |
abravīnmaithilīṃ sītāṃ rāmaḥ śaśinibhānanām || 2 ||
[Analyze grammar]

kailāsaśikharākāre trikūṭaśikhare sthitām |
laṅkāmīkṣasva vaidehi nirmitāṃ viśvakarmaṇā || 3 ||
[Analyze grammar]

etadāyodhanaṃ paśya māṃsaśoṇitakardamam |
harīṇāṃ rākṣasānāṃ ca sīte viśasanaṃ mahat || 4 ||
[Analyze grammar]

tavahetorviśālākṣi rāvaṇo nihato mayā |
kumbhakarṇo'tra nihataḥ prahastaśca niśācaraḥ || 5 ||
[Analyze grammar]

lakṣmaṇenendrajiccātra rāvaṇirnihato raṇe |
virūpākṣaśca duṣprekṣyo mahāpārśvamahodarau || 6 ||
[Analyze grammar]

akampanaśca nihato balino'nye ca rākṣasāḥ |
triśirāścātikāyaśca devāntakanarāntakau || 7 ||
[Analyze grammar]

atra mandodarī nāma bhāryā taṃ paryadevayat |
sapatnīnāṃ sahasreṇa sāsreṇa parivāritā || 8 ||
[Analyze grammar]

etattu dṛśyate tīrthaṃ samudrasya varānane |
yatra sāgaramuttīrya tāṃ rātrimuṣitā vayam || 9 ||
[Analyze grammar]

eṣa seturmayā baddhaḥ sāgare salilārṇave |
tavahetorviśālākṣi nalasetuḥ suduṣkaraḥ || 10 ||
[Analyze grammar]

paśya sāgaramakṣobhyaṃ vaidehi varuṇālayam |
apāramabhigarjantaṃ śaṅkhaśuktiniṣevitam || 11 ||
[Analyze grammar]

hiraṇyanābhaṃ śailendraṃ kāñcanaṃ paśya maithili |
viśramārthaṃ hanumato bhittvā sāgaramutthitam || 12 ||
[Analyze grammar]

atra rākṣasarājo'yamājagāma vibhīṣaṇaḥ || 13 ||
[Analyze grammar]

eṣā sā dṛśyate sīte kiṣkindhā citrakānanā |
sugrīvasya purī ramyā yatra vālī mayā hataḥ || 14 ||
[Analyze grammar]

dṛśyate'sau mahān sīte savidyudiva toyadaḥ |
ṛśyamūko giriśreṣṭhaḥ kāñcanairdhātubhirvṛtaḥ || 15 ||
[Analyze grammar]

atrāhaṃ vānarendreṇa sugrīveṇa samāgataḥ |
samayaśca kṛtaḥ sīte vadhārthaṃ vālino mayā || 16 ||
[Analyze grammar]

eṣā sā dṛśyate pampā nalinī citrakānanā |
tvayā vihīno yatrāhaṃ vilalāpa suduḥkhitaḥ || 17 ||
[Analyze grammar]

asyāstīre mayā dṛṣṭā śabarī dharmacāriṇī |
atra yojanabāhuśca kabandho nihato mayā || 18 ||
[Analyze grammar]

dṛśyate'sau janasthāne sīte śrīmān vanaspatiḥ |
yatra yuddhaṃ mahadvṛttaṃ tavahetorvilāsini |
rāvaṇasya nṛśaṃsasya jaṭāyośca mahātmanaḥ || 19 ||
[Analyze grammar]

kharaśca nihataś saṃkhye dūṣaṇaśca nipātitaḥ |
triśirāśca mahāvīryo mayā bāṇairajihmagaiḥ || 20 ||
[Analyze grammar]

parṇaśālā tathā citrā dṛśyate śubhadarśanā |
yatra tvaṃ rākṣasendreṇa rāvaṇena hṛtā balāt || 21 ||
[Analyze grammar]

eṣā godāvarī ramyā prasannasalilā śivā |
agastyasyāśramo hyeṣa dṛśyate paśya maithili || 22 ||
[Analyze grammar]

vaidehi dṛśyate cātra śarabhaṅgāśramo mahān |
upayātaḥ sahasrākṣo yatra śakraḥ puraṃdaraḥ || 23 ||
[Analyze grammar]

ete te tāpasāvāsā dṛśyante tanumadhyame |
atriḥ kulapatiryatra sūryavaiśvānaraprabhaḥ |
atra sīte tvayā dṛṣṭā tāpasī dharmacāriṇī || 24 ||
[Analyze grammar]

asmindeśe mahākāyo virādho nihato mayā || 25 ||
[Analyze grammar]

asau sutanuśailendraścitrakūṭaḥ prakāśate |
yatra māṃ kaikayīputraḥ prasādayitumāgataḥ || 26 ||
[Analyze grammar]

eṣā sā yamunā dūrāddṛśyate citrakānanā |
bharadvājāśramo yatra śrīmāneṣa prakāśate || 27 ||
[Analyze grammar]

eṣā tripathagā gaṅgā dṛśyate varavarṇini |
śṛṅgaverapuraṃ caitadguho yatra samāgataḥ || 28 ||
[Analyze grammar]

eṣā sā dṛśyate'yodhyā rājadhānī piturmama |
ayodhyāṃ kuru vaidehi praṇāmaṃ punarāgatā || 29 ||
[Analyze grammar]

tataste vānarāḥ sarve rākṣasaśca vibhīṣaṇaḥ |
utpatyotpatya dadṛśustāṃ purīṃ śubhadarśanām || 30 ||
[Analyze grammar]

tatastu tāṃ pāṇḍuraharmyamālinīṃ viśālakakṣyāṃ gajavājisaṃkulām |
purīmayodhyāṃ dadṛśuḥ plavaṃgamāḥ purīṃ mahendrasya yathāmarāvatīm || 31 ||
[Analyze grammar]