Chapter 8

parituṣṭastu sugrīvastena vākyena vānaraḥ |
lakṣmaṇasyāgrajaṃ rāmamidaṃ vacanamabravīt || 1 ||
[Analyze grammar]

sarvathāhamanugrāhyo devatānāmasaṃśayaḥ |
upapannaguṇopetaḥ sakhā yasya bhavānmama || 2 ||
[Analyze grammar]

śakyaṃ khalu bhaved rāma sahāyena tvayānagha |
surarājyamapi prāptuṃ svarājyaṃ kiṃ punaḥ prabho || 3 ||
[Analyze grammar]

so'haṃ sabhājyo bandhūnāṃ suhṛdāṃ caiva rāghava |
yasyāgnisākṣikaṃ mitraṃ labdhaṃ rāghavavaṃśajam || 4 ||
[Analyze grammar]

ahamapyanurūpaste vayasyo jñāsyase śanaiḥ |
na tu vaktuṃ samartho'haṃ svayamātmagatān guṇān || 5 ||
[Analyze grammar]

mahātmanāṃ tu bhūyiṣṭhaṃ tvadvidhānāṃ kṛtātmanām |
niścalā bhavati prītirdhairyamātmavatāmiva || 6 ||
[Analyze grammar]

rajataṃ vā suvarṇaṃ vā vastrāṇyābharaṇāni vā |
avibhaktāni sādhūnāmavagacchanti sādhavaḥ || 7 ||
[Analyze grammar]

āḍhyo vāpi daridro vā duḥkhitaḥ sukhito'pi vā |
nirdoṣo vā sadoṣo vā vayasyaḥ paramā gatiḥ || 8 ||
[Analyze grammar]

dhanatyāgaḥ sukhatyāgo dehatyāgo'pi vā punaḥ |
vayasyārthe pravartante snehaṃ dṛṣṭvā tathāvidham || 9 ||
[Analyze grammar]

tattathetyabravīd rāmaḥ sugrīvaṃ priyavādinam |
lakṣmaṇasyāgrato lakṣmyā vāsavasyeva dhīmataḥ || 10 ||
[Analyze grammar]

tato rāmaṃ sthitaṃ dṛṣṭvā lakṣmaṇaṃ ca mahābalam |
sugrīvaḥ sarvataścakṣurvane lolamapātayat || 11 ||
[Analyze grammar]

sa dadarśa tataḥ sālamavidūre harīśvaraḥ |
supuṣpamīṣatpatrāḍhyaṃ bhramarairupaśobhitam || 12 ||
[Analyze grammar]

tasyaikāṃ parṇabahulāṃ bhaṅktvā śākhāṃ supuṣpitām |
sālasyāstīrya sugrīvo niṣasāda sarāghavaḥ || 13 ||
[Analyze grammar]

tāvāsīnau tato dṛṣṭvā hanūmānapi lakṣmaṇam |
sālaśākhāṃ samutpāṭya vinītamupaveśayat || 14 ||
[Analyze grammar]

tataḥ prahṛṣṭaḥ sugrīvaḥ ślakṣṇaṃ madhurayā girā |
uvāca praṇayād rāmaṃ harṣavyākulitākṣaram || 15 ||
[Analyze grammar]

ahaṃ vinikṛto bhrātrā carāmyeṣa bhayārditaḥ |
ṛśyamūkaṃ girivaraṃ hṛtabhāryaḥ suduḥkhitaḥ || 16 ||
[Analyze grammar]

so'haṃ trasto bhaye magno vasāmyudbhrāntacetanaḥ |
vālinā nikṛto bhrātrā kṛtavairaśca rāghava || 17 ||
[Analyze grammar]

vālino me bhayārtasya sarvalokābhayaṃkara |
mamāpi tvamanāthasya prasādaṃ kartumarhasi || 18 ||
[Analyze grammar]

evamuktastu tejasvī dharmajño dharmavatsalaḥ |
pratyuvāca sa kākutsthaḥ sugrīvaṃ prahasanniva || 19 ||
[Analyze grammar]

upakāraphalaṃ mitramapakāro'rilakṣaṇam |
adyaiva taṃ haniṣyāmi tava bhāryāpahāriṇam || 20 ||
[Analyze grammar]

ime hi me mahāvegāḥ patriṇastigmatejasaḥ |
kārtikeyavanodbhūtāḥ śarā hemavibhūṣitāḥ || 21 ||
[Analyze grammar]

kaṅkapatrapraticchannā mahendrāśanisaṃnibhāḥ |
suparvāṇaḥ sutīkṣṇāgrā saroṣā bhujagā iva || 22 ||
[Analyze grammar]

bhrātṛsaṃjñamamitraṃ te vālinaṃ kṛtakilbiṣam |
śarairvinihataṃ paśya vikīrṇamiva parvatam || 23 ||
[Analyze grammar]

rāghavasya vacaḥ śrutvā sugrīvo vāhinīpatiḥ |
praharṣamatulaṃ lebhe sādhu sādhviti cābravīt || 24 ||
[Analyze grammar]

rāmaśokābhibhūto'haṃ śokārtānāṃ bhavān gatiḥ |
vayasya iti kṛtvā hi tvayyahaṃ paridevaye || 25 ||
[Analyze grammar]

tvaṃ hi pāṇipradānena vayasyo so'gnisākṣikaḥ |
kṛtaḥ prāṇairbahumataḥ satyenāpi śapāmyaham || 26 ||
[Analyze grammar]

vayasya iti kṛtvā ca visrabdhaṃ pravadāmyaham |
duḥkhamantargataṃ yanme mano dahati nityaśaḥ || 27 ||
[Analyze grammar]

etāvaduktvā vacanaṃ bāṣpadūṣitalocanaḥ |
bāṣpopahatayā vācā noccaiḥ śaknoti bhāṣitum || 28 ||
[Analyze grammar]

bāṣpavegaṃ tu sahasā nadīvegamivāgatam |
dhārayāmāsa dhairyeṇa sugrīvo rāmasaṃnidhau || 29 ||
[Analyze grammar]

saṃnigṛhya tu taṃ bāṣpaṃ pramṛjya nayane śubhe |
viniḥśvasya ca tejasvī rāghavaṃ punarabravīt || 30 ||
[Analyze grammar]

purāhaṃ valinā rāma rājyāt svādavaropitaḥ |
paruṣāṇi ca saṃśrāvya nirdhūto'smi balīyasā || 31 ||
[Analyze grammar]

hṛtā bhāryā ca me tena prāṇebhyo'pi garīyasī |
suhṛdaśca madīyā ye saṃyatā bandhaneṣu te || 32 ||
[Analyze grammar]

yatnavāṃśca suduṣṭātmā madvināśāya rāghava |
bahuśastat prayuktāśca vānarā nihatā mayā || 33 ||
[Analyze grammar]

śaṅkayā tvetayā cāhaṃ dṛṣṭvā tvāmapi rāghava |
nopasarpāmyahaṃ bhīto bhaye sarve hi bibhyati || 34 ||
[Analyze grammar]

kevalaṃ hi sahāyā me hanumat pramukhāstvime |
ato'haṃ dhārayāmyadya prāṇān kṛcchra gato'pi san || 35 ||
[Analyze grammar]

ete hi kapayaḥ snigdhā māṃ rakṣanti samantataḥ |
saha gacchanti gantavye nityaṃ tiṣṭhanti ca sthite || 36 ||
[Analyze grammar]

saṃkṣepastveṣa me rāma kimuktvā vistaraṃ hi te |
sa me jyeṣṭho ripurbhrātā vālī viśrutapauruṣaḥ || 37 ||
[Analyze grammar]

tadvināśāddhi me duḥkhaṃ pranaṣṭaṃ syādanantaram |
sukhaṃ me jīvitaṃ caiva tadvināśanibandhanam || 38 ||
[Analyze grammar]

eṣa me rāma śokāntaḥ śokārtena niveditaḥ |
duḥkhito'duḥkhito vāpi sakhyurnityaṃ sakhā gatiḥ || 39 ||
[Analyze grammar]

śrutvaitacca vaco rāmaḥ sugrīvamidamabravīt |
kiṃnimittamabhūdvairaṃ śrotumicchāmi tattvataḥ || 40 ||
[Analyze grammar]

sukhaṃ hi kāraṇaṃ śrutvā vairasya tava vānara |
ānantaryaṃ vidhāsyāmi saṃpradhārya balābalam || 41 ||
[Analyze grammar]

balavān hi mamāmarṣaḥ śrutvā tvāmavamānitam |
vardhate hṛdayotkampī prāvṛḍvega ivāmbhasaḥ || 42 ||
[Analyze grammar]

hṛṣṭaḥ kathaya visrabdho yāvadāropyate dhanuḥ |
sṛṣṭaśca hi mayā bāṇo nirastaśca ripustava || 43 ||
[Analyze grammar]

evamuktastu sugrīvaḥ kākutsthena mahātmanā |
praharṣamatulaṃ lebhe caturbhiḥ saha vānaraiḥ || 44 ||
[Analyze grammar]

tataḥ prahṛṣṭavadanaḥ sugrīvo lakṣmaṇāgraje |
vairasya kāraṇaṃ tattvamākhyātumupacakrame || 45 ||
[Analyze grammar]