Chapter 53

kāmadhenuṃ vasiṣṭho'pi yadā na tyajate muniḥ |
tadāsya śabalāṃ rāma viśvāmitro'nvakarṣata || 1 ||
[Analyze grammar]

nīyamānā tu śabalā rāma rājñā mahātmanā |
duḥkhitā cintayāmāsa rudantī śokakarśitā || 2 ||
[Analyze grammar]

parityaktā vasiṣṭhena kimahaṃ sumahātmanā |
yāhaṃ rājabhṛtairdīnā hriyeyaṃ bhṛśaduḥkhitā || 3 ||
[Analyze grammar]

kiṃ mayāpakṛtaṃ tasya maharṣerbhāvitātmanaḥ |
yanmāmanāgasaṃ bhaktāmiṣṭāṃ tyajati dhārmikaḥ || 4 ||
[Analyze grammar]

iti sā cintayitvā tu niḥśvasya ca punaḥ punaḥ |
jagāma vegena tadā vasiṣṭhaṃ paramaujasaṃ || 5 ||
[Analyze grammar]

nirdhūya tāṃstadā bhṛtyāñ śataśaḥ śatrusūdana |
jagāmānilavegena pādamūlaṃ mahātmanaḥ || 6 ||
[Analyze grammar]

śabalā sā rudantī ca krośantī cedamabravīt |
vasiṣṭhasyāgrataḥ sthitvā meghadundubhirāviṇī || 7 ||
[Analyze grammar]

bhagavan kiṃ parityaktā tvayāhaṃ brahmaṇaḥ suta |
yasmād rājabhṛtā māṃ hi nayante tvatsakāśataḥ || 8 ||
[Analyze grammar]

evamuktastu brahmarṣiridaṃ vacanamabravīt |
śokasaṃtaptahṛdayāṃ svasāramiva duḥkhitām || 9 ||
[Analyze grammar]

na tvāṃ tyajāmi śabale nāpi me'pakṛtaṃ tvayā |
eṣa tvāṃ nayate rājā balānmatto mahābalaḥ || 10 ||
[Analyze grammar]

na hi tulyaṃ balaṃ mahyaṃ rājā tvadya viśeṣataḥ |
balī rājā kṣatriyaśca pṛthivyāḥ patireva ca || 11 ||
[Analyze grammar]

iyamakṣauhiṇīpūrṇā savājirathasaṃkulā |
hastidhvajasamākīrṇā tenāsau balavattaraḥ || 12 ||
[Analyze grammar]

evamuktā vasiṣṭhena pratyuvāca vinītavat |
vacanaṃ vacanajñā sā brahmarṣimamitaprabham || 13 ||
[Analyze grammar]

na balaṃ kṣatriyasyāhurbrāhmaṇo balavattaraḥ |
brahmanbrahmabalaṃ divyaṃ kṣatrāttu balavattaram || 14 ||
[Analyze grammar]

aprameyabalaṃ tubhyaṃ na tvayā balavattaraḥ |
viśvāmitro mahāvīryastejastava durāsadam || 15 ||
[Analyze grammar]

niyuṅkṣva māṃ mahātejastvadbrahmabalasaṃbhṛtām |
tasya darpaṃ balaṃ yattannāśayāmi durātmanaḥ || 16 ||
[Analyze grammar]

ityuktastu tayā rāma vasiṣṭhaḥ sumahāyaśāḥ |
sṛjasveti tadovāca balaṃ parabalārujam || 17 ||
[Analyze grammar]

tasyā humbhāravotsṛṣṭāḥ pahlavāḥ śataśo nṛpa |
nāśayanti balaṃ sarvaṃ viśvāmitrasya paśyataḥ || 18 ||
[Analyze grammar]

sa rājā paramakruddhaḥ krodhavisphāritekṣaṇaḥ |
pahlavānnāśayāmāsa śastrairuccāvacairapi || 19 ||
[Analyze grammar]

viśvāmitrārditāndṛṣṭvā pahlavāñ śataśastadā |
bhūya evāsṛjadghorāñ śakānyavanamiśritān || 20 ||
[Analyze grammar]

tairāsīt saṃvṛtā bhūmiḥ śakairyavanamiśritaiḥ |
prabhāvadbhirmahāvīryairhemakiñjalkasaṃnibhaiḥ || 21 ||
[Analyze grammar]

dīrghāsipaṭṭiśadharairhemavarṇāmbarāvṛtaiḥ |
nirdagdhaṃ tadbalaṃ sarvaṃ pradīptairiva pāvakaiḥ || 22 ||
[Analyze grammar]

tato'strāṇi mahātejā viśvāmitro mumoca ha || 23 ||
[Analyze grammar]