Chapter 34

[English text for this chapter is available]

ṛṣaya ūcuḥ |
dhaumyāgrajena śiśunā kṣīrārthaṃ hi tapaḥ kṛtam |
tasmātkṣīrārṇavo dattastasmai devena śūlinā || 1 ||
[Analyze grammar]

sa kathaṃ śiśuko lebhe śivaśāstrapravaktṛtām |
kathaṃ vā śivasadbhāvaṃ jñātvā tapasi niṣṭhitaḥ || 2 ||
[Analyze grammar]

kathaṃ ca labdhavijñānastapaścaraṇaparvaṇi |
rudrāgneryatparaṃ vīryaṃ labhe bhasma svarakṣakam || 3 ||
[Analyze grammar]

vāyuruvāca |
na hyeṣa śiśukaḥ kaścitprākṛtaḥ kṛtavāṃstapaḥ |
munivaryasya tanayo vyāghrapādasya dhīmataḥ || 4 ||
[Analyze grammar]

janmāntareṇa saṃsiddhaḥ kenāpi khalu hetunā |
svapadapracyuto diṣṭyā prāpto munikumāratām || 5 ||
[Analyze grammar]

mahādevaprasādasya bhāgyāpannasya bhāvinaḥ |
dugdhābhilāṣaprabhavadvāratāmagamattapaḥ || 6 ||
[Analyze grammar]

ataḥ sarvagaṇeśatvaṃ kumāratvaṃ ca śāśvatam |
saha dugdhābdhinā tasmai pradadau śaṃkaraḥ svayam || 7 ||
[Analyze grammar]

tasya jñānāgamopyasya prasādādeva śāṃkarāt |
kaumāraṃ hi paraṃ sākṣājjñānaṃ śaktimayaṃ viduḥ || 8 ||
[Analyze grammar]

śivaśāstrapravaktṛtvamapi tasya hi tatkṛtam |
kumāro munito labdhajñānābdhiriva nandanaḥ || 9 ||
[Analyze grammar]

dṛṣṭaṃ tu kāraṇaṃ tasya śivajñānasamanvaye |
svamātṛvacanaṃ sākṣācchokajaṃ kṣīrakāraṇāt || 10 ||
[Analyze grammar]

kadācitkṣīramatyalpaṃ pītavānmātulāśrame |
īrṣayayā mātulasutaṃ saṃtṛptakṣīramuttamam || 11 ||
[Analyze grammar]

pītvā sthitaṃ yathākāmaṃ dṛṣṭvā vai mātulātmajam |
upamanyurvyāghrapādiḥ prītyā provāca mātaram || 12 ||
[Analyze grammar]

upamanyuruvāca |
mātarmātarmahābhāge mama dehi tapasvini |
gavyaṃ kṣīramatisvādu nālpamuṣṇaṃ pibāmyaham || 13 ||
[Analyze grammar]

vāyuruvāca |
tacchrutvā putravacanaṃ tanmātā ca tapasvinī |
vyāghrapādasya mahiṣī duḥkhamāpattadā ca sā || 14 ||
[Analyze grammar]

upalālyātha suprītyā putramāliṃgya sādaram |
duḥkhitā vilalāpātha smṛtvā nairdhanyamātmanaḥ || 15 ||
[Analyze grammar]

smṛtvāsmṛtvā punaḥ kṣīramupamanyussa bālakaḥ |
dehi dehīti tāmāha rudranbhūyo mahādyutiḥ || 16 ||
[Analyze grammar]

taddhaṭhaṃ sā parijñāya dvijapatnī tapasvinī |
śāntaye taddhaṭhasyātha śubhopāyamarīracat || 17 ||
[Analyze grammar]

uñchavṛttyārjitānbījānsvayaṃ dṛṣṭvā ca sā tadā |
bījapiṣṭamathāloḍya toyena kalabhāṣiṇī || 18 ||
[Analyze grammar]

ehyehi mama putreti sāmapūrvaṃ tatassutam |
āliṃgyādāya duḥkhārtā pradadau kṛtrimaṃ payaḥ || 19 ||
[Analyze grammar]

pītvā ca kṛtrimaṃ kṣīraṃ mātrāṃ dattaṃ sa bālakaḥ |
naitatkṣīramiti prāha mātaraṃ cātivihvalaḥ || 20 ||
[Analyze grammar]

duḥkhitā sā tadā prāha saṃprekṣyāghrāya mūrdhani |
samārjya netra putrasya karābhyāṃ kamalāyate || 21 ||
[Analyze grammar]

jananyuvāca |
taṭinī ratnapūrṇāstāssvargapātālagocarāḥ |
bhāgyahīnā na paśyanti bhaktihīnāśca ye śive || 22 ||
[Analyze grammar]

rājyaṃ svargaṃ ca mokṣaṃ ca bhojanaṃ kṣīrasaṃbhavam |
na labhante priyāṇyeṣāṃ na tuṣyati yadā śivaḥ || 23 ||
[Analyze grammar]

bhavaprasādajaṃ sarvaṃ nānyaddevaprasādajam |
anyadeveṣu niratā duḥkhārtā vibhramanti ca || 24 ||
[Analyze grammar]

kṣīraṃ tatra kuto 'smākaṃ vane nivasatāṃ sadā |
kva dugdhasādhanaṃ vatsa kva vayaṃ vanavāsinaḥ || 25 ||
[Analyze grammar]

kṛtsnābhāvena dāridryānmayā te bhāgyahīnayā |
mithyādugdhamidaṃ dattampiṣṭamāloḍya vāriṇā || 26 ||
[Analyze grammar]

tvaṃ mātulagṛhe svalpaṃ pītvā svādu payaḥ śṛtam |
jñātvā svādu tvayā pītaṃ tajjātīyamanusmaran || 27 ||
[Analyze grammar]

dattaṃ na paya ityuktvā rudan duḥkhīkaroṣi mām |
prasādena vinā śaṃbho payastava na vidyate || 28 ||
[Analyze grammar]

pādapaṃkajayostasya sāmbasya sagaṇasya ca |
bhaktyā samarpitaṃ yattatkāraṇaṃ sarvasampadām || 29 ||
[Analyze grammar]

adhunā vasudosmābhirmahādevo na pūjitaḥ |
sakāmānāṃ yathākāmaṃ yathoktaphaladāyakaḥ || 30 ||
[Analyze grammar]

dhanānyuddiśya nāsmābhiritaḥ prāgarcitaḥ śivaḥ |
ato daridrāssaṃjātā vayaṃ tasmānna te payaḥ || 31 ||
[Analyze grammar]

pūrvajanmani yaddattaṃ śivamuddiśya vai sutaḥ |
tadeva labhyate nānyadviṣṇumuddiśya vā prabhum || 32 ||
[Analyze grammar]

vāyuruvāca |
iti mātṛvacaḥ śrutvā tathyaṃ śokādisūcakam |
bālo 'pyanutapannaṃtaḥ pragalbhamidamabravīt || 33 ||
[Analyze grammar]

upamanyuruvāca |
śokenālamito mātaḥ sāṃbo yadyasti śaṃkaraḥ |
tyaja śokaṃ mahābhāge sarvaṃ bhadraṃ bhaviṣyati || 34 ||
[Analyze grammar]

śṛṇu mātarvaco medya mahādevo 'sti cetkvacit |
cirādvā hyacirādvāpi kṣīrodaṃ sādhayāmyaham || 35 ||
[Analyze grammar]

vāyuruvāca |
iti śrutvā vacastasya bālakasya mahāmateḥ |
pratyuvāca tadā mātā suprasannā manasvinī || 36 ||
[Analyze grammar]

mātovāca |
śubhaṃ vicāritaṃ tāta tvayā matprītivardhanam |
vilaṃbaṃ mā kathāstvaṃ hi bhaja sāṃbaṃ sadāśivam || 37 ||
[Analyze grammar]

sarvasmādadhiko 'styeva śivaḥ paramakāraṇam |
tatkṛtaṃ hi jagatsarvaṃ brahmādyāstasya kiṃkarāḥ || 38 ||
[Analyze grammar]

tatprasādakṛtaiśvaryā dāsāstasya vayaṃ prabhoḥ |
taṃ vinānyaṃ na jānīmaśśaṃkaraṃ lokaśaṃkaram || 39 ||
[Analyze grammar]

anyāndevānparityajya karmaṇā manasā girā |
tameva sāṃbaṃ sagaṇaṃ bhaja bhāvapurassaram || 40 ||
[Analyze grammar]

tasya devādhidevasya śivasya varadāyinaḥ |
sākṣānnamaśśivāyeti maṃtro 'yaṃ vācakaḥ smṛtaḥ || 41 ||
[Analyze grammar]

saptakoṭimahāmaṃtrāḥ sarve sapraṇavāḥ pare |
tasminneva vilīyaṃte punastasmādvinirgatāḥ || 42 ||
[Analyze grammar]

saprasādāśca te maṃtrāḥ svādhikārādyapekṣayā |
sarvādhikārastveko 'yaṃ maṃtra eveśvarājñayā || 43 ||
[Analyze grammar]

yathā nikṛṣṭānutkṛṣṭānsarvānapyātmanaḥ śivaḥ |
kṣamate rakṣituṃ tadvanmaṃtro 'yamapi sarvadā || 44 ||
[Analyze grammar]

prabalaśca tathā hyeṣa maṃtro mantrāntarādapi |
sarvarakṣākṣamo 'pyeṣa nāparaḥ kaścidiṣyate || 45 ||
[Analyze grammar]

tasmānmantrāntarāṃstyaktvā pañcākṣaraparo bhava |
tasmiñjihvāṃtaragate na kiṃcidiha durlabham || 46 ||
[Analyze grammar]

aghorāstraṃ ca śaivānāṃ rakṣāheturanuttamam |
tacca tatprabhavaṃ matvā tatparo bhava nānyathā || 47 ||
[Analyze grammar]

bhasmedantu mayā labdhaṃ pitureva tavottamam |
virajānalasaṃsiddhaṃ mahāvyāpannivāraṇam || 48 ||
[Analyze grammar]

maṃtraṃ ca te mayā dattaṃ gṛhāṇa madanujñayā |
anenaivāśu japtena rakṣā tava bhaviṣyati || 49 ||
[Analyze grammar]

vāyuruvāca |
evaṃ mātrā samādiśya śivamastvityudīrya ca |
visṛṣṭastadvaco mūrdhni kurvanneva tadā muniḥ || 50 ||
[Analyze grammar]

tāṃ praṇamyaivamuktvā ca tapaḥ kartuṃ pracakrame |
tamāha ca tadā mātā śubhaṃ kurvaṃtu te surāḥ || 51 ||
[Analyze grammar]

anujñātastayā tatra tapastepe sa duścaram |
himavatparvataṃ prāpya vāyubhakṣaḥ samāhitaḥ || 52 ||
[Analyze grammar]

aṣṭeṣṭakābhiḥ prasādaṃ kṛtvā liṃgaṃ ca mṛnmayam |
tatrāvāhya mahādevaṃ sāṃbaṃ sagaṇamavyayam || 53 ||
[Analyze grammar]

bhaktyā pañcākṣareṇaiva putraiḥ puṣpairvanodbhavaiḥ |
samabhyarcya ciraṃ kālaṃ cacāra paramaṃ tapaḥ || 54 ||
[Analyze grammar]

tatastapaścarattaṃ taṃ bālamekākinaṃ kṛśam |
upamanyuṃ dvijavaraṃ śivasaṃsaktamānasam || 55 ||
[Analyze grammar]

purā marīcinā śaptāḥ kecinmunipiśācakāḥ |
saṃpīḍya rākṣasairbhāvaistapasovighnamācaran || 56 ||
[Analyze grammar]

sa ca taiḥ pīḍyamāno 'pi tapaḥ kurvankathañcana |
sadā namaḥ śivāyeti krośati smārtanādavat || 57 ||
[Analyze grammar]

tannādaśravaṇādeva tapaso vighnakāriṇaḥ |
te taṃ bālaṃ samutsṛjya munayassamupācaran || 58 ||
[Analyze grammar]

tapasā tasya viprasya copamanyormahātmanaḥ |
carācaraṃ ca munayaḥ pradīpitamabhūjjagat || 59 ||
[Analyze grammar]