Chapter 7

[English text for this chapter is available]

sanatkumāra uvāca |
atha pāpairnarā yāṃti yamalokaṃ caturvidhaiḥ |
saṃtrāsajananaṃ ghoraṃ vivaśāssarvadehinaḥ || 1 ||
[Analyze grammar]

garbhasthairjāyamānaiśca bālaistaruṇamadhyamaiḥ |
strīpunnapuṃsakairjīvairjñātavyaṃ sarvajaṃtuṣu || 2 ||
[Analyze grammar]

śubhāśubhaphalaṃ cātra dehināṃ saṃvicāryate |
citraguptādibhissarvairvasiṣṭhapramukhaistathā || 3 ||
[Analyze grammar]

na kecitprāṇinassaṃti ye na yāṃti yamakṣayam |
avaśyaṃ hi kṛtaṃ karma bhoktavyaṃ tadvicāryyatām || 4 ||
[Analyze grammar]

tatra ye śubhakarmāṇassaumyacittā dayānvitāḥ |
te narā yāṃti saumyena pūrvaṃ yamaniketanam || 5 ||
[Analyze grammar]

ye punaḥ pāpakarmmāṇaḥ pāpā dānavivarjitāḥ |
te ghoreṇa pathā yāṃti dakṣiṇena yamālayam || 6 ||
[Analyze grammar]

ṣaḍaśītisahasrāṇi yojanānāmatītya tat |
vaivasvatapuraṃ jñeyaṃ nānārūpamavasthitam || 7 ||
[Analyze grammar]

samīpasthamivābhāti narāṇāṃ puṇyakarmaṇām |
pāpināmatidūrasthaṃ pathā raudreṇa gacchatām || 8 ||
[Analyze grammar]

tīkṣṇakaṃṭakayuktena śarkarāvicitena ca |
kṣuradhārānibhaistīkṣṇaiḥ pāṣāṇai racitena ca || 9 ||
[Analyze grammar]

kvacitpaṃkena mahatā urutokaiśca pātakaiḥ |
lohasūcīnibhairdarbhaissampannena pathā kvacit || 10 ||
[Analyze grammar]

taṭaprāyātiviṣamaiḥ parvatairvṛkṣasaṃkulaiḥ |
prataptāṃgārayuktena yāṃti mārgeṇa duḥkhitāḥ || 11 ||
[Analyze grammar]

kvacidviṣamagartaiśca kvacilloṣṭaissuduṣkaraiḥ |
sutaptavālukābhiśca tathā tīkṣṇaiśca śaṃkubhiḥ || 12 ||
[Analyze grammar]

aneka śākhāvitatairvyāptaṃ vaṃśavanaiḥ kvacit |
kaṣṭena tamasā mārge nānālambena kutracit || 13 ||
[Analyze grammar]

ayaśśṛṃgāṭakaistīkṣṇaiḥ kvaciddāvāgninā punaḥ |
kvacittaptaśilābhiśca kvacidvyāptaṃ himena ca || 14 ||
[Analyze grammar]

kvacidvālukayā vyāptamākaṃṭhāṃtaḥ praveśayā |
kvacidduṣṭāmbunā vyāptaṃ kvacicca kariṣāgninā || 15 ||
[Analyze grammar]

kvacitsiṃhairvṛkairvyāghrairmaśakaiśca sudāruṇaiḥ |
kvacinmahājalaukābhiḥ kvaciccājagaraistathā || 16 ||
[Analyze grammar]

makṣikābhiśca raudrābhiḥ kvacitsarpairviṣolbaṇaiḥ |
mattamātaṃgayūthaiśca balonmattaiḥ pramāthibhiḥ || 17 ||
[Analyze grammar]

paṃthānamullikhadbhiśca sūkaraistīkṣṇadaṃṣṭribhiḥ |
tīkṣṇaśṛṃgaiśca mahiṣaissarvabhūtaiśca śvāpadaiḥ || 18 ||
[Analyze grammar]

ḍākinībhiśca raudrābhirvikarālaiśca rākṣasaiḥ |
vyādhibhiśca mahāghoraiḥ pīḍyamānā vrajaṃti hi || 19 ||
[Analyze grammar]

mahādhūlivimiśreṇa mahācaṇḍena vāyunā |
mahāpāṣāṇavarṣeṇa hanyamānā nirāśrayāḥ || 20 ||
[Analyze grammar]

kvacidvidyutprapātena dahyamānā vrajanti ca |
mahatā bāṇavarṣeṇa vidhyamānāśca sarvataḥ || 21 ||
[Analyze grammar]

patadbhirvajrapātaiśca ulkāpātaiśca dāruṇaiḥ |
pradīptāṃgāravarṣeṇa dahyamānāśca saṃti hi || 22 ||
[Analyze grammar]

mahatā pāṃsuvarṣeṇa pūryamāṇā rudaṃti ca |
mahāmegharavairghoraistrasyaṃte ca muhurmuhuḥ || 23 ||
[Analyze grammar]

niśitāyudhavarṣeṇa bhidyamānāśca sarvataḥ |
mahākṣārāmbudhārābhissicyamānā vrajaṃti ca || 24 ||
[Analyze grammar]

mahīśītena marutā rūkṣeṇa paruṣeṇa ca |
samaṃtādbādhyamānāśca śuṣyaṃte saṃkucanti ca || 25 ||
[Analyze grammar]

itthaṃ mārgeṇa raudreṇa pātheyarahitena ca |
nirālambena durgeṇa nirjalena samaṃtataḥ || 26 ||
[Analyze grammar]

viṣameṇaiva mahatā nirjanāpāśrayeṇa ca |
tamorūpeṇa kaṣṭena sarvaduṣṭāśrayeṇa ca || 27 ||
[Analyze grammar]

nīyaṃte dehinassarve ye mūḍhāḥ pāpakarmiṇaḥ |
yamadūtairmahāghoraistadājñākāribhirbalāt || 28 ||
[Analyze grammar]

ekākinaḥ parādhīnā mitrabandhuvivarjitāḥ |
śocaṃtassvāni karmmāṇi rudaṃtaśca muhurmuhuḥ || 29 ||
[Analyze grammar]

pretā bhūtvā vivastrāśca śuṣkakaṃṭhauṣṭhatālukāḥ |
asaumyā bhayabhītāśca dahyamānāḥ kṣudhānvitāḥ || 30 ||
[Analyze grammar]

baddhāśśṛṃkhalayā keciduttā napādakā narāḥ |
kṛṣyaṃte kṛṣyamāṇāśca yamadūtairbalotkaṭaiḥ || 31 ||
[Analyze grammar]

urasādhomukhāścānye ghṛṣyamāṇāssuduḥkhitāḥ |
keśapāśani baṃdhena saṃskṛṣyaṃte ca rajjunā || 32 ||
[Analyze grammar]

lalāṭe cāṃkuśenānye bhinnā duṣyaṃti dehinaḥ |
uttānāḥ kaṃṭakapathā kvacidaṃgāravartmanā || 33 ||
[Analyze grammar]

paścādbāhunibaddhāśca jaṭhareṇa prapīḍitāḥ |
pūritāśśṛṃkhalābhiśca hastayośca sukīlitāḥ || 44 ||
[Analyze grammar]

grīvāpāśena kṛṣyaṃte prayāṃtyanye suduḥkhitāḥ |
jihvāṃkuśapraveśena rajjvākṛṣyanta eva te || 35 ||
[Analyze grammar]

nāsābhedena rajjvā ca tvākṛśyante tathāpare |
bhinnāḥ kapolayo rajjvākṛṣyaṃte'nye tathauṣṭhayoḥ || 36 ||
[Analyze grammar]

chinnāgrapādahastāśca cchinnakarṇoṣṭhanāsikāḥ |
saṃchinnaśiśnavṛṣaṇāḥ chinnabhinnāṃgasaṃdhayaḥ || 37 ||
[Analyze grammar]

ābhidyamānāḥ kuṃtaiśca bhidyamānāśca sāyakaiḥ |
itaścetaśca dhāvaṃtaḥ kraṃdamānā nirāśrayāḥ || 38 ||
[Analyze grammar]

mudgarairlohadaṇḍaiśca hanyamānā muhurmuhuḥ |
kaṃṭakairvividhairghorairjvalanārkasamaprabhaiḥ || 39 ||
[Analyze grammar]

bhindipālairvibhiyaṃte sravataḥ pūyaśoṇitam |
śakṛtā kṛmidigdhāśca nīyaṃte vivaśā narāḥ || 40 ||
[Analyze grammar]

yācamānāśca salilamannaṃ vāpi bubhukṣitāḥ |
chāyāṃ prārthayamānāśca śītārtāścānalaṃ punaḥ || 41 ||
[Analyze grammar]

dānahīnāḥ prayāṃtyevaṃ prārthayaṃtassukhaṃ narāḥ |
gṛhītadāna pātheyāssukhaṃ yāṃti yamālayam || 42 ||
[Analyze grammar]

evaṃ nyāyena kaṣṭena prāptāḥ pretapuraṃ yadā |
prajñāpitāstato dūtairniveśyaṃte yamāgrataḥ || 43 ||
[Analyze grammar]

tatra ye śubhakarmmāṇastāṃstu sammānayedyamaḥ |
svāgatāsanadānena pādyārghyeṇa priyeṇa ca || 44 ||
[Analyze grammar]

dhanyā yūyaṃ mahātmāno nigamoditakāriṇaḥ |
yaiśca divyasukhārthāya bhavadbhissukṛtaṃ kṛtam || 45 ||
[Analyze grammar]

divyaṃ vimānamāruhya divyastrībhogabhūṣitam |
svargaṃ gacchadhvamamalaṃ sarvakāmasamanvitam || 46 ||
[Analyze grammar]

tatra bhuktvā mahābhogānaṃte puṇyasya saṃkṣayāt |
yatkiṃcidalpamaśubhaṃ punastadiha bhokṣyatha || 47 ||
[Analyze grammar]

dharmmātmāno narā ye ca mitrabhūtvā ivātmanaḥ |
saumyaṃ sukhaṃ prapaśyaṃti dharmarājatvameva ca || 48 ||
[Analyze grammar]

ye punaḥ krūrakarmmāṇaste paśyaṃti bhayānakam |
daṃṣṭrākarālavadanaṃ bhṛkuṭīkuṭilekṣaṇam || 49 ||
[Analyze grammar]

ūrdhvakeśaṃ mahāśmaśrumūrdhvaprasphuritādharam |
aṣṭādaśabhujaṃ kruddhaṃ nīlāṃjanacayopamam || 50 ||
[Analyze grammar]

sarvāyudhoddhatakaraṃ sarvadaṇḍena tarjayan |
mahāmahiṣamārūḍhaṃ dīptāgnisamalocanam || 51 ||
[Analyze grammar]

raktamālyāṃbaradharaṃ mahāmerumivocchritam |
pralayāmbudanirghoṣaṃ pibanniva mahodadhim || 52 ||
[Analyze grammar]

grasaṃtamiva śailendramudgiraṃtamivānalam |
mṛtyuścaiva samīpasthaḥ kālānalasamaprabhuḥ || 53 ||
[Analyze grammar]

kālaścāṃjanasaṃkāśaḥ kṛtāṃtaśca bhayānakaḥ |
mārīcogramahāmārī kālarātriśca dāruṇā || 54 ||
[Analyze grammar]

vividhā vyādhayaḥ kuṣṭhā nānārūpā bhayāvahāḥ |
śaktiśūlāṃkuśadharāḥ pāśacakrāsipāṇayaḥ || 55 ||
[Analyze grammar]

vajatuṃḍadharā rudrā kṣuratūṇadhanurddharāḥ |
nānāyudhadharāssarve mahāvīrā bhayaṃkarāḥ || 56 ||
[Analyze grammar]

asaṃkhyātā mahāvīrāḥ kālāñjanasamaprabhāḥ |
sarvāyudhodyatakarā yamadūtā bhayānakāḥ || 57 ||
[Analyze grammar]

anena paricāreṇa vṛtaṃ taṃ ghoradarśanam |
yamaṃ paśyaṃti pāpiṣṭhāścitraguptaṃ ca bhīṣaṇam || 58 ||
[Analyze grammar]

nirbhartsayati cātyaṃtaṃ yamastānpāpakarmmaṇaḥ |
citraguptaśca bhagavāndharmmavākyaiḥ prabodhayet || 59 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ narakalokamārgayamadūtasvarūpavarṇanaṃ nāma saptamo'dhyāyaḥ || 7 ||
[Analyze grammar]