Chapter 49

[English text for this chapter is available]

|| brahmovāca |
atho mamājñayā vipraissaṃsthāpyānalamīśvaraḥ |
homaṃ cakāra tatraivamaṅke saṃsthāpya pārvatīm || 1 ||
[Analyze grammar]

ṛgyajussāmamantraiścāhutiṃ vahnau dadau śivaḥ |
lājāñjaliṃ dadau kālībhrātā mainākasaṃjñakaḥ || 2 ||
[Analyze grammar]

atha kālī śivaścobhau cakraturvidhivanmudā |
vahnipradakṣiṇāṃ tāta lokācāraṃ vidhāya ca || 3 ||
[Analyze grammar]

tatrādbhutamalañcakre caritaṃ girijāpatiḥ |
tadeva śṛṇu devarṣe tavasnehādbravīmyaham || 4 ||
[Analyze grammar]

tasminnavasare cāhaṃ śivamāyāvimohitaḥ |
apaśyañcaraṇe devyā nakhenduñca manoharam || 5 ||
[Analyze grammar]

darśanāttasya ca tadā'bhūvaṃ devamune hyaham |
madanena samāviṣṭo'tīva kṣubhitamānasaḥ || 6 ||
[Analyze grammar]

muhurmuhurapaśyaṃ vai tadaṃgaṃ smaramohitaḥ |
tatastaddarśanātsadyo vīryaṃ me prācyutadbhuvi || 7 ||
[Analyze grammar]

retasā kṣaratā tena lajjitohaṃ pitāmahaḥ |
mune vyamarda tacchinnaṃ caraṇābhyāṃ hi gopayan || 8 ||
[Analyze grammar]

tajjñātvā ca mahādevaścukopātīva nārada |
hantumaicchattadā śīghraṃ vāṃ vidhiṃ kāmamohitam || 9 ||
[Analyze grammar]

hāhākāro mahānāsīttatra sarvatra nārada |
janāśca kampire sarvve bhaya māyāti viśvabhṛt || 10 ||
[Analyze grammar]

tatastaṃntuṣṭuvuśśambhuṃ viṣṇvādyā nirjarā mune |
sakopamprajvalantantantejasā hantumudyatam || 11 ||
[Analyze grammar]

devā ūcuḥ |
devadeva jagadvyāpinparameśa sadāśiva |
jagadīśa jagannātha samprasīda jaganmaya || 12 ||
[Analyze grammar]

sarveṣāmapi bhāvānāntvamātmā heturīśvaraḥ |
nirvikāro'vyayo nityo nirvikalpo'kṣaraḥ paraḥ || 13 ||
[Analyze grammar]

ādyantāvasya yanmadhyamidamanyadahambahiḥ |
yato'vyayaḥ sanaitāni tatsatyambrahma cidbhavān || 14 ||
[Analyze grammar]

tavaiva caraṇāmbhojammuktikāmā dṛḍhavratāḥ |
visṛjyobhayatassaṃgaṃ munayassamupāsate || 15 ||
[Analyze grammar]

tvambrahma pūrṇamamṛtaṃ viśokaṃ nirguṇamparam |
ānaṃdamātramavyagramavikāramanātmakam || 16 ||
[Analyze grammar]

viśvasya heturudayasthitisaṃyamanasya hi |
tadapekṣatayātmeśo'napekṣassarvadā vibhuḥ || 17 ||
[Analyze grammar]

ekastvameva sadasadvayamadvayameva ca |
svarṇaṃ kṛtākṛtamiva vastubhedo na caiva hi || 16 ||
[Analyze grammar]

ajñānatastvayi janairvikalpo vidito yataḥ |
tasmādbhramapratīkāro nirupādherna hi svataḥ || 19 ||
[Analyze grammar]

dhanyā vayaṃ maheśāna tava darśanamātrataḥ |
dṛḍhabhaktajanānandapradaśśambho dayāṃ kuru || 20 ||
[Analyze grammar]

tvamādistvamanādiśca prakṛtestvaṃ paraḥ pumān |
viśveśvaro jagannātho nirvikāraḥ parātparaḥ || 21 ||
[Analyze grammar]

yo'yaṃ brahmāsti' rajasā viśvamūrtiḥ pitāmahaḥ |
tvatprasādātprabho viṣṇussattvena puruṣottamaḥ || 22 ||
[Analyze grammar]

kālāgnirudrastamasā paramātmā guṇaḥ paraḥ |
sadā śivo maheśānassarvavyāpī maheśvaraḥ || 23 ||
[Analyze grammar]

vyaktaṃ mahacca bhūtādistanmātrāṇīndriyāṇi ca |
tvayaivādhiṣṭhitānyeva viśvamūrte maheśvara || 24 ||
[Analyze grammar]

mahādeva pareśāna karuṇākara śaṃkara |
prasīda devadeveśa prasīda puruṣottama || 25 ||
[Analyze grammar]

vāsāṃsi sāgarāssapta diśaścaiva mahābhujāḥ |
dyaurmūrddhā te vibhornābhiḥ khaṃ vāyurnāsikā tataḥ || 26 ||
[Analyze grammar]

cakṣūṃṣyagnī ravissomaḥ keśā meghāstava prabho |
nakṣatratārakādyāśca grahāścaiva vibhūṣaṇam || 27 ||
[Analyze grammar]

kathaṃ stoṣyāmi deveśa tvāṃ vibho parameśvara |
vācāmagocaro'si tvaṃ manasā cāpi śaṃkara || 28 ||
[Analyze grammar]

pañcāsyāya ca rudrāya pañcāśatkoṭimūrtaye |
tryadhipāya variṣṭhāya vidyātattvāya te namaḥ || 29 ||
[Analyze grammar]

anideṃśyāya nityāya vidyujjvālāya rūpiṇe |
agnivarṇāya devāya śaṃkarāya namonamaḥ || 30 ||
[Analyze grammar]

vidyutkoṭipratīkāśamaṣṭakoṇaṃ suśobhanam |
rūpamāsthāya loke'sminsaṃsthitāya namo namaḥ || 31 ||
[Analyze grammar]

brahmovāca |
ityākarṇya vacasteṣāṃ prasannaḥ parameśvaraḥ |
brahmaṇo me dadau śīghramabhayaṃ bhaktavatsalaḥ || 32 ||
[Analyze grammar]

atha sarve surāstatra viṣṇvādyā munayastathā |
abhavansusmitāstāta cakruśca paramotsavam || 33 ||
[Analyze grammar]

mama tadretasā tāta marditena muhurmuhuḥ |
abhavankaṇakāstatra bhūriśaḥ paramojjvalāḥ || 34 ||
[Analyze grammar]

ṛṣayo bahavo jātā vālakhilyāssahasraśaḥ |
kaṇakaistaiśca vīryasya prajvaladbhiḥ svatejasā || 35 ||
[Analyze grammar]

atha te hyṛṣayassarve upatasthustadā mune |
mamāntikaṃ paraprītyā tāta tāteti cābruvan || 36 ||
[Analyze grammar]

īśvarecchāprayuktena proktāste nāradena hi |
vālakhilyāstu te tatra kopayuktena cetasā || 37 ||
[Analyze grammar]

|| nārada uvāca |
gacchadhvaṃ saṃgatā yūyaṃ parvataṃ gandhamādanam |
na sthātavyambhavadbhiśca na hi vo'tra prayojanam || 38 ||
[Analyze grammar]

tatra taptvā tapaścāti bhavitāro munīśvarāḥ |
sūryyaśiṣyāśśivasyaivājñayā me kathitantvidam || 39 ||
[Analyze grammar]

|| brahmovāca |
ityuktāste tadā sarve bālakhilyāśca parvatam |
satvaramprayayurnatvā śaṃkaraṃ gandhamādanam || 40 ||
[Analyze grammar]

viṣṇvādibhistadābhūvaṃ śvāsitohaṃ munīśvara |
nirbhayaḥ parameśānapreritaistairmahātmabhiḥ || 41 ||
[Analyze grammar]

astavañcāpi sarveśaṃ śaṃkarambhaktavatsalam |
sarvakāryakaraṃ jñātvā duṣṭagarvāpahārakam || 42 ||
[Analyze grammar]

devadeva mahādeva karuṇāsāgara prabho |
tvameva kartā sarvasya bhartā harttā ca sarvathā || 43 ||
[Analyze grammar]

tvadicchayā hi sakalaṃ sthitaṃ hi sacarācaram |
tantyāṃ yathā balīvardā mayā jñātaṃ viśeṣataḥ || 44 ||
[Analyze grammar]

ityevamuktvā sohaṃ vai praṇāmaṃ ca kṛtāñjaliḥ |
anye'pi tuṣṭuvussarve viṣṇvādyāstaṃ maheśvaram || 45 ||
[Analyze grammar]

athākarṇya nutiṃ śuddhāṃ mama dīnatayā tadā |
viṣṇvādīnāñca sarveṣāṃ prasanno'bhūnmaheśvaraḥ || 46 ||
[Analyze grammar]

dadau sotivaraṃ mahyamabhayaṃ prītamānasaḥ |
sarve sukhamatīvāpuratyamodamahaṃ mune || 47 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe vidhimohavarṇanaṃ nāma navacatvāriṃśo'dhyāyaḥ || 49 ||
[Analyze grammar]