Chapter 15

[English text for this chapter is available]

brahmovāca |
atha sā garbhamādhatta varāṃgī tatpurādarāt |
sa vavarddhābhyaṃtare hi bahuvarṣaiḥ sutejasā || 1 ||
[Analyze grammar]

tataḥ sā samaye pūrṇe varāṃgī suṣuve sutam |
mahākāyaṃ mahāvīryaṃ prajvalaṃtaṃ diśo daśa || 2 ||
[Analyze grammar]

tadaiva ca mahotpātā babhūvurduḥkhahetavaḥ |
jāyamāne sute tasminvarāṃgyātsukhaduḥkhade || 3 ||
[Analyze grammar]

divi bhuvyaṃtarikṣe ca sarvalokabhayaṃkarāḥ |
anarthasūcakāstāta trividhāstānbravīmyaham || 4 ||
[Analyze grammar]

solkāścāśanayaḥ peturmahāśabdā bhayaṃkarāḥ |
udayaṃ cakrurutkṛṣṭāḥ ketavo duḥkhadāyakāḥ || 5 ||
[Analyze grammar]

cacāla vasudhā sādrirjajvalussakalā diśaḥ |
cukṣubhussaritassarvāḥ sāgarāśca viśeṣataḥ || 6 ||
[Analyze grammar]

hūtkarānīrayandhīrānkharasparśo marudvavau |
unmūlayanmahāvṛkṣānvātyānīkorajodhvajaḥ || 7 ||
[Analyze grammar]

sarāhvossūryyavidhvostu muhuḥ paridhayo'bhavan |
mahābhayasya viprendra sūcakāssukhahārakaḥ || 8 ||
[Analyze grammar]

mahīdhravivarebhyaśca nirghātā bhayasūcakāḥ |
rathanirhrādatulyāśca jajñire'vasare tataḥ || 9 ||
[Analyze grammar]

sṛgālolūkaṭaṃkārairvamantyo mukhato'nalam |
aṃtargrāmeṣu vikaṭaṃ praṇeduraśivāśśivāḥ || 10 ||
[Analyze grammar]

yatastato grāmasiṃhā unnamayya śirodharām |
saṃgītavadrodanavadvyamucanvividhānravān || 11 ||
[Analyze grammar]

khārkārarabhasā mattāḥ surairghnaṃto rasāṃkharāḥ |
varūthaśastadā tāta paryadhāvannitastataḥ || 12 ||
[Analyze grammar]

khagā udapatannīḍādrāsabhatrastamānasaḥ |
krośaṃto vyagracittāśca sthitamāpurna kutracit || 13 ||
[Analyze grammar]

śakṛnmūtramakārṣuśca goṣṭhe'raṇye bhayākulaḥ |
babhramuḥ sthitimāpurno paśavastāḍitā iva || 14 ||
[Analyze grammar]

gāvo'trasannasṛgdohā vāṣpanetrā bhayākulāḥ |
toyadā abhavaṃstatra bhayadāḥ pūyavarṣiṇaḥ || 15 ||
[Analyze grammar]

vyarudanpratimāstatra devānāmutpatiṣṇavaḥ |
vinā'nilaṃ drumāḥ peturgrahayuddhaṃ babhūva khe || 16 ||
[Analyze grammar]

ityādikā bahūtpātā jajñire munisattama |
ajñānino janāstatra menire viśvasaṃplavam || 17 ||
[Analyze grammar]

atha prajāpatirnāmākarottasyāsurasya vai |
tāraketi vicāryaiva kaśyapo hi mahaujasaḥ || 18 ||
[Analyze grammar]

mahāvīrasya sahasā vyajyamānātmapauruṣaḥ |
vavṛdhetyaśmasāreṇa kāyenādripatiryathā || 19 ||
[Analyze grammar]

atho sa tārako daityo mahābalaparākramaḥ |
tapaḥ kartuṃ jananyāścājñāṃ yayāce mahāmanāḥ || 20 ||
[Analyze grammar]

prāptājñaḥ sa mahāmāyī māyināmapi mohakaḥ |
sarvadevajayaṃ kartuṃ taporthaṃ mana ādadhe || 21 ||
[Analyze grammar]

madhorvanamupāgamya gurvājñāpratipālakaḥ |
vidhimuddiśya vidhivattapastepe sudāruṇam || 22 ||
[Analyze grammar]

ūrddhvabāhuścaikapādo raviṃ paśyansa cakṣuṣā |
śatavarṣaṃ tapaścakre dṛḍhacitto dṛḍhavrataḥ || 23 ||
[Analyze grammar]

aṃguṣṭhena bhuvaṃ spṛṣṭvā śata varṣaṃ ca tādṛśaḥ |
tepe tapo dṛḍhātmā sa tārako'surarāṭprabhuḥ || 24 ||
[Analyze grammar]

śatavarṣaṃ jalaṃ prāśnañcchatavarṣaṃ ca vāyubhuk |
śatavarṣa jale tiṣṭhañcchataṃ ca sthaṃḍile'tapat || 25 ||
[Analyze grammar]

śatavarṣaṃ tathā cāgnau śatavarṣamadhomukhaḥ |
śatavarṣaṃ tu hastasya talena ca bhuvaṃ sthita || 26 ||
[Analyze grammar]

śatavarṣaṃ tu vṛkṣasya śākhāmālabya vai mune |
pādābhyāṃ śucidhūmaṃ hi pibaṃścādhomukhastathā || 27 ||
[Analyze grammar]

evaṃ kaṣṭataraṃ tepe sutapassa tu daityarāṭ |
kāmamuddiśya vidhivacchṛṇvatāmapi dussaham || 28 ||
[Analyze grammar]

tatraivaṃ tapatastasya mahattejo vinissṛtam |
śirasassarvaṃsaṃsarpi mahopadravakṛnmune || 29 ||
[Analyze grammar]

tenaiva devalokāste dagdhaprāyā babhūvire |
abhito duḥkhamāpannāssarve devarṣayo mune || 30 ||
[Analyze grammar]

iṃdraśca bhayamāpede 'dhikaṃ deveśvarastadā |
tapasyatyadya kaścidvai matpadaṃ dharṣayiṣyati || 31 ||
[Analyze grammar]

akāṃḍe caiva brahmāṇḍaṃ saṃhariṣyatyayaṃ prabhu |
iti saṃśayamāpannā niścayaṃ nopalebhire || 32 ||
[Analyze grammar]

tatassarve susaṃmantrya mithaste nirjararṣayaḥ |
mallokamagamanbhītā dīnā māṃ samupasthitāḥ || 33 ||
[Analyze grammar]

māṃ praṇamya susaṃstūya sarve te kliṣṭacetasaḥ |
kṛtasvaṃjalayo mahyaṃ vṛttaṃ sarvaṃ nyavedayan || 34 ||
[Analyze grammar]

ahaṃ sarvaṃ suniścitya kāraṇaṃ tasya saddhiyā |
varaṃ dātuṃ gatastatra yatra tapyati so'suraḥ || 35 ||
[Analyze grammar]

avocaṃ vacanaṃ taṃ vai varaṃ brūhītyahaṃ mune |
tapastaptaṃ tvayā tīvraṃ nādeyaṃ vidyate tava || 36 ||
[Analyze grammar]

ityevaṃ madvacaḥ śrutvā tārakassa mahāsuraḥ |
māṃ praṇamya susaṃstūya varaṃ vavre'tidāruṇam || 37 ||
[Analyze grammar]

tāraka uvāca |
tvayi prasanne varade kimasādhyaṃ bhavenmama |
ato yāce varaṃ tvattaḥ śṛṇu tanme pitāmaha || 38 ||
[Analyze grammar]

yadi prasanno deveśa yadi deyo varo mama |
deyaṃ varadvayaṃ mahyaṃ kṛpāṃ kṛtvā mamopari || 39 ||
[Analyze grammar]

tvayā ca nirmite loke sakale'sminmahāprabho |
mattulyo balavānnūnaṃ na bhavetko'pi vai pumān || 40 ||
[Analyze grammar]

śivavīryasamutpannaḥ putrassenāpatiryadā |
bhūtvā śastraṃ kṣipenmahyaṃ tadā me maraṇaṃ bhavet || 41 ||
[Analyze grammar]

ityukto'tha tadā tena daityenāhaṃ munīśvara |
varaṃ ca tādṛśaṃ dattvā svalokamagamaṃ drutam || 42 ||
[Analyze grammar]

daityo'pi sa varaṃ labdhvā manasepsitamuttamam |
suprasannotaro bhūtvā śoṇitākhyapuraṃ gataḥ || 43 ||
[Analyze grammar]

abhiṣiktastadā rājye trailokyasyāsuraissaha |
śukreṇa daityaguruṇājñayā me sa mahāsuraḥ || 44 ||
[Analyze grammar]

tatastu sa mahādaityo'bhavastrailokyanāyakaḥ |
svājñāṃ pravartayāmāsa pīḍayansacarācaram || 45 ||
[Analyze grammar]

rājyaṃ cakāra vidhivastrilokasya sa tārakaḥ |
prajāśca pālayāmāsa pīḍayannirjarādikān || 46 ||
[Analyze grammar]

tatassa tārako daityasteṣāṃ ratnānyupādade |
iṃdrādilokapālānāṃ svato dattāni tadbhayāt || 47 ||
[Analyze grammar]

iṃdreṇairāvatastasya bhayāttasmai samarpitaḥ |
kubereṇa tadā dattā nidhayo navasaṃkhyakā || 48 ||
[Analyze grammar]

varuṇena hayāḥ śubhrā ṛṣibhiḥ kāmakṛttathā |
sūryeṇoccaiśśravā divyo bhayāttasmai samarpitaḥ || 49 ||
[Analyze grammar]

yatra yatra śubhaṃ vastu dṛṣṭaṃ tenāsureṇa hi |
tattadgṛhītaṃ tarasā nissārastribhavo'bhavat || 50 ||
[Analyze grammar]

samudrāśca tathā ratnānyadustasmai bhayānmune |
akṛṣṭapacyāsītpṛthvī prajāḥ kāmadughāḥ khilāḥ || 51 ||
[Analyze grammar]

sūryaśca tapate tadvattadduḥkhaṃ na yathā bhavet |
caṃdrastu prabhayā dṛśyo vāyussarvānukūlavān || 52 ||
[Analyze grammar]

devānāṃ caiva yaddravyaṃ pitṝṇāṃ ca parasya ca |
tatsarvaṃ samupādattamasureṇa durātmanā || 53 ||
[Analyze grammar]

vaśīkṛtya sa lokāṃstrīnsvayamiṃdro babhūva ha |
advitīyaḥ prabhuścāsīdrājyaṃ cakre'dbhutaṃ vaśī || 54 ||
[Analyze grammar]

nissārya sakalāndevāndaityānasthāpayattataḥ |
svayaṃ niyojayāmāsa devayonissvakarmaṇi || 55 ||
[Analyze grammar]

atha tadbādhitā devāssarve śakrapurogamāḥ |
mune māṃ śaraṇaṃ jagmuranāthā ativihvalāḥ || 56 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe tārakāsurataporājyavarṇanaṃnāma paṃcadaśo'dhyāyaḥ || 15 ||
[Analyze grammar]