Chapter 13

[English text for this chapter is available]

bhavānyuvāca |
kimuktaṃ girirājāya tvayā yogistapasvinā |
taduttaraṃ śṛṇu vibho matto jñāniviśārada || 1 ||
[Analyze grammar]

tapaśśaktyānvitaśśambho karoṣi vipulaṃ tapaḥ |
tava buddhiriyaṃ jātā tapastaptuṃ mahātmanaḥ || 2 ||
[Analyze grammar]

sā śaktiḥ prakṛtirjñeyā sarveṣāmapi karmaṇām |
tayā viracyate sarvaṃ pālyate ca vināśyate || 3 ||
[Analyze grammar]

kastvaṃ kā prakṛtissūkṣmā bhagavaṃstadvimṛśyatām |
vinā prakṛtyā ca kathaṃ liṃgarūpī maheśvaraḥ || 4 ||
[Analyze grammar]

arcanīyo'si vaṃdyo'si dhyeyo'si prāṇināṃ sadā |
prakṛtyā ca vicāryeti hṛdā sarvaṃ taducyatām || 5 ||
[Analyze grammar]

|| brahmovāca |
pārvatyāstadvacaḥ śrutvā mahotikaraṇe rataḥ |
suvihasya prasannātmā maheśo vākyamabravīt || 6 ||
[Analyze grammar]

|| maheśvara uvāca |
tapasā parameṇeva prakṛtiṃ nāśayāmyaham |
prakṛtyā rahitaśśambhurahaṃ tiṣṭhāmi tattvataḥ || 7 ||
[Analyze grammar]

tasmācca prakṛtessadbhirna kāryassaṃgrahaḥ kvacit |
sthātavyaṃ nirvikāraiśca lokācāra vivarjitaiḥ || 8 ||
[Analyze grammar]

|| brahmovāca |
ityuktā śambhunā tāta laukikavyavahārataḥ |
suvihasya hṛdā kālī jagāda madhuraṃ vacaḥ || 9 ||
[Analyze grammar]

|| kālyuvāca |
yaduktaṃ bhavatā yoginvacanaṃ śaṃkara prabho |
sā ca kiṃ prakṛtirna syādatītastāṃ bhavānkatham || 10 ||
[Analyze grammar]

etadvicārya vaktavyaṃ tattvato hi yathātatham |
prakṛtyā sarvametacca baddhamasti niraṃtaram || 11 ||
[Analyze grammar]

tasmāttvayā na vaktavyaṃ na kāryaṃ kiṃcideva hi |
vacanaṃ racanaṃ sarvaṃ prākṛtaṃ viddhi cetasā || 12 ||
[Analyze grammar]

yacchṛṇoṣi yadaśnāsi yatpaśyasi karoṣi yat |
tatsarvaṃ prakṛteḥ kāryaṃ mithyāvādo nirarthakaḥ || 13 ||
[Analyze grammar]

prakṛteḥ paramaścettvaṃ kimarthaṃ tapyase tapaḥ |
tvayā śaṃbho'dhunā hyasmingirau himavati prabho || 14 ||
[Analyze grammar]

prakṛtyā gilito'si tvaṃ na jānāsi nijaṃ hara |
nijaṃ jānāsi cedīśa kimarthaṃ tapyase tapaḥ || 15 ||
[Analyze grammar]

vāgvādena ca kiṃ kāryaṃ mama yogistvayā saha |
pratyakṣe hyanumānasya na pramāṇaṃ vidurbudhāḥ || 16 ||
[Analyze grammar]

iṃdriyāṇāṃ gocaratvaṃ yāvadbhavati dehinām |
tāvatsarvaṃ vimaṃtavyaṃ prākṛtaṃ jñānibhirdhiyā || 17 ||
[Analyze grammar]

kiṃ bahūktena yogīśa śṛṇu madvacanaṃ param |
sā cāhaṃ puruṣo'si tvaṃ satyaṃ satyaṃ na saṃśayaḥ || 18 ||
[Analyze grammar]

madanugrahatastvaṃ hi saguṇo rūpavānmataḥ |
māṃ vinā tvaṃ nirīho'si na kiṃcitkartumarhasi || 19 ||
[Analyze grammar]

parādhīnassadā tvaṃ hi nānākarmmakaro vaśī |
nirvikārī kathaṃ tvaṃ hi na liptaśca mayā katham || 20 ||
[Analyze grammar]

prakṛteḥ paramo'si tvaṃ yadi satyaṃ vacastava |
tarhi tvayā na bhetavyaṃ samīpe mama śaṃkara || 21 ||
[Analyze grammar]

|| brahmovāca |
ityākarṇya vacastasyāḥ sāṃkhyaśāstroditaṃ śivaḥ |
vedāṃtamatasaṃstho hi vākyamūce śivāṃ prati || 22 ||
[Analyze grammar]

śrīśiva uvāca |
ityevaṃ tvaṃ yadi brūṣe girije sāṃkhyadhāriṇī |
pratyahaṃ kuru me sevāmaniṣiddhāṃ subhāṣiṇi || 23 ||
[Analyze grammar]

yadyahaṃ brahma nirlipto māyayā parameśvaraḥ |
vedāṃtavedyo māyeśastvaṃ kariṣyasi kiṃ tadā || 24 ||
[Analyze grammar]

|| brahmovāca |
ityevamuktvā girijāṃ vākyamūce giriṃ prabhuḥ |
bhaktānuraṃjanakaro bhaktānugrahakārakaḥ || 25 ||
[Analyze grammar]

śiva uvāca |
atraiva so'haṃ tapasā pareṇa gire tava prasthavare'tiramye |
carāmi bhūmau paramārthabhāvasvarūpamānaṃdamayaṃ sulocayan || 26 ||
[Analyze grammar]

tapastaptumanujñā me dātavyā parvatādhipa |
anujñayā vinā kiṃcittapaḥ kartuṃ na śakyate || 27 ||
[Analyze grammar]

|| brahmovāca |
etacchrutvā vacastasya devadevasya śūlinaḥ |
praṇamya himavāñchaṃbhumidaṃ vacanamabravīt || 28 ||
[Analyze grammar]

himavānuvāca |
tvadīyaṃ hi jagatsarvaṃ sadevāsuramānuṣam |
kimapyahaṃ mahādeva tuccho bhūtvā vadāmi te || 29 ||
[Analyze grammar]

|| brahmovāca |
evamukto himavatā śaṃkaro lokaśaṃkaraḥ |
vihasya girirājaṃ taṃ prāha yāhīti sādaram || 30 ||
[Analyze grammar]

śaṃkareṇābhyanujñātassvagṛhaṃ himavānyayau |
sārddhaṃ girijayā vai sa pratyahaṃ darśane sthitaḥ || 31 ||
[Analyze grammar]

pitrā vināpi sā kālī sakhībhyāṃ saha nityaśaḥ |
jagāma śaṃkarābhyāśaṃ sevāyai bhaktitatparā || 32 ||
[Analyze grammar]

niṣiṣedha na tāṃ ko'pi gaṇo naṃdīśvarādikaḥ |
maheśaśāsanāttāta tacchāsanakaraśśuciḥ || 33 ||
[Analyze grammar]

sāṃkhyavedāṃtamatayośśivayośśi vadassadā |
saṃvādaḥ sukhakṛccokto'bhinnayossuvicārataḥ || 34 ||
[Analyze grammar]

girirājasya vacanāttanayāṃ tasya śaṃkaraḥ |
pārśve samīpe jagrāha gauravādapi goparaḥ || 35 ||
[Analyze grammar]

uvācedaṃ vacaḥ kālīṃ sakhībhyāṃ saha gopatiḥ |
nityaṃ māṃ sevatāṃ yātu nirbhītā hyatra tiṣṭhatu || 36 ||
[Analyze grammar]

evamuktvā tu tāṃ devīṃ sevāyai jagṛhe haraḥ |
nirvikāro mahāyogī nānālīlākaraḥ prabhuḥ || 37 ||
[Analyze grammar]

idameva mahaddhairyyaṃ dhīrāṇāṃ sutapasvinām |
vighravantyapi saṃprāpya yadvighnairna vihanyate || 38 ||
[Analyze grammar]

tataḥ svapuramāyāto girirāṭ paricārakaiḥ |
mumodātīva manasi sapriyassa munīśvara || 39 ||
[Analyze grammar]

haraśca dhyānayogena paramātmānamādarāt |
nirvighnena svamanasā tvāsīcciṃtayituṃ sthitaḥ || 40 ||
[Analyze grammar]

kālī sakhībhyāṃ sahitā pratyahaṃ caṃdraśekharam |
sevamānā mahādevaṃ gamanāgamane sthitā || 41 ||
[Analyze grammar]

prakṣālya caraṇau śaṃbhoḥ papau taccaraṇodakam |
vahniśaucaina vastreṇa cakre tadgātramārjanam || 42 ||
[Analyze grammar]

ṣoḍaśenopacāreṇa saṃpūjya vidhivaddharam |
punaḥpunaḥ supraṇamya yayau nityaṃ piturgṛham || 43 ||
[Analyze grammar]

evaṃ saṃsevamānāyāṃ śaṃkaraṃ dhyānatatparam |
vyatīyāya mahānkālaśśivāyā munisattama || 44 ||
[Analyze grammar]

kadācitsahitā kālī sakhībhyāṃ śaṃkarāśrame |
vitene suṃdaraṃ gānaṃ sutālaṃ smaravarddhanam || 45 ||
[Analyze grammar]

kadācitkuśapuṣpāṇi samidhaṃ nayati svayam |
sakhībhyāṃ sthānasaṃskāraṃ kurvatī nyavasattadā || 46 ||
[Analyze grammar]

kadācinniyatā gehe sthitā candrabhṛto bhrṛśam |
vīkṣaṃtī vismayāmāsa sakāmā candraśekharam || 47 ||
[Analyze grammar]

tatastaptena bhūteśastāṃ nissaṃgāṃ paristhitām |
so'ciṃtayattadā vīkṣya bhūtadehe sthiteti ca || 48 ||
[Analyze grammar]

nāgrahīdgiriśaḥ kālīṃ bhāryārthe nikaṭe sthitām |
mahālāvaṇyanicayāṃ munīnāmapi mohinīm || 49 ||
[Analyze grammar]

mahādevaḥ punardṛṣṭvā tathā tāṃ saṃyatedriyām |
svasevane ratāṃ nityaṃ sadayassamaciṃtayat || 50 ||
[Analyze grammar]

yadaivaiṣā tapaścaryāvrataṃ kālī kariṣyati |
tadā ca tāṃ grahīṣyāmi garvabījavivarjitām || 51 ||
[Analyze grammar]

|| brahmovāca |
iti saṃcintya bhūteśo drutaṃ dhyānasamāśritaḥ |
mahayogīśvaro'bhūdvai mahālīlākaraḥ prabhuḥ || 52 ||
[Analyze grammar]

dhyānāsaktasya tasyātha śivasya paramātmanaḥ |
hṛdi nāsīnmune kācidanyā ciṃtā vyavasthitā || 53 ||
[Analyze grammar]

kālī tvanudinaṃ śaṃbhuṃ sadbhaktyā samasevata |
viciṃtayaṃtī satataṃ tasya rūpaṃ mahātmanaḥ || 54 ||
[Analyze grammar]

haro dhyānaparaḥ kālīṃ nityaṃ praikṣata susthitam |
vismṛtya pūrvaciṃtāṃ tāṃ paśyannapi na paśyati || 55 ||
[Analyze grammar]

etasminnaṃtare devāśśakrādyā munayaśca te |
brahmājñayā smaraṃ tatra preṣayāmāsurādarāt || 56 ||
[Analyze grammar]

tena kārayituṃ yogaṃ kālyā rudreṇa kāmataḥ |
mahāvīryeṇāsureṇa tārakeṇa prapīḍitāḥ || 57 ||
[Analyze grammar]

gatvā tatra smarassarvamupāyamakaronnijam |
cukṣubhe na haraḥ kiñcittaṃ ca bhasmīcakāra ha || 58 ||
[Analyze grammar]

pārvatyapi vigarvābhūnmune tasya nideśataḥ |
tatastapo mahatkṛtvā śivaṃ prāpa patiṃ satī || 59 ||
[Analyze grammar]

babhūvatustau suprītau pārvatīparameśvarau |
cakraturdevakāryyaṃ hi paropakaraṇe ratau || 60 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṃḍe pārvatīparameśvarasaṃvādavarṇanaṃ nāma trayodaśo'dhyāyaḥ || 13 ||
[Analyze grammar]