Chapter 40

[English text for this chapter is available]

|| nārada ucāca |
vidhe vidhe mahāprājñā śaivatattvapradarśaka |
śrāvitā ramaṇīprāyā śivalīlā mahādbhutā || 1 ||
[Analyze grammar]

vīreṇa vīrabhadreṇa dakṣayajñaṃ vināśya vai |
kailāsādrau gate tāta kimabhūttadvadādhunā || 2 ||
[Analyze grammar]

|| brahmovāca |
atha devagaṇāssarve munayaśca parājitāḥ |
rudrānīkairvibhinnāṃgā mama lokaṃ yayustadā || 3 ||
[Analyze grammar]

svayaṃbhuve namaskṛtya mahyaṃ saṃstūya bhūriśaḥ |
tatsvakleśaṃ viśeṣeṇa kārtsyenaiva nyavedayan || 4 ||
[Analyze grammar]

tadākarṇya tatohaṃ vai putraśokena pīḍitaḥ |
acintayamativyagro dūyamānena cetasā || 5 ||
[Analyze grammar]

kiṃ kāryyaṃ kāryamadyāśu mayā devasukhāvaham |
yena jīvatu dakṣāsau makhaḥ pūrṇo bhavetsuraḥ || 6 ||
[Analyze grammar]

evaṃ vicārya bahudhā nālabhaṃ śamahaṃ mune |
viṣṇuṃ tadā smaran bhaktyā jñānamāptaṃ tadocitam || 7 ||
[Analyze grammar]

atha devaiśca munibhirviṣṇorlokamahaṃ gataḥ |
natvā nutvā ca vividhaisstavairduḥkhaṃ nyavedayam || 8 ||
[Analyze grammar]

yathādhvaraḥ prapūrṇaḥ syāddeva yajñakaraśca saḥ |
sukhinassyussurāssarve munayaśca tathā kuru || 9 ||
[Analyze grammar]

deva deva ramānātha viṣṇo devasukhāvaha |
vayaṃ tvaccharaṇaṃ prāptāssadevamunayo dhruvam || 10 ||
[Analyze grammar]

|| brahmovāca |
ityākarṇya vaco me hi brahmaṇassa rameśvaraḥ |
pratyuvāca śivaṃ smṛtvā śivātmā dīnamānasaḥ || 11 ||
[Analyze grammar]

|| viṣṇuruvāca |
tejīyasi na sā bhūtā kṛtāgasi bubhūṣatām |
tatra kṣemāya bahudhā bubhūṣā hi kṛtāgasām || 12 ||
[Analyze grammar]

kṛtapāpāssurā sarve śive hi parameśvare |
parādaduryajñabhāgaṃ tasya śaṃbhorvidhe yataḥ || 13 ||
[Analyze grammar]

prasādayadhyaṃ sarve hi yūyaṃ śuddhena cetasā |
athāparaprasādaṃ taṃ gṛhītāṃghriyugaṃ śivam || 14 ||
[Analyze grammar]

yasmin prakupite deve vinaśyatyakhilaṃ jagat |
salokapālayajñasya śāsanājjīvitaṃ drutam || 15 ||
[Analyze grammar]

tamāśu devaṃ priyayā vihīnaṃ ca duruktibhiḥ |
kṣamāpayadhvaṃ hṛdviddhaṃ dakṣeṇa sudurātmanā || 16 ||
[Analyze grammar]

ayameva mahopāyastacchāṃtyai kevalaṃ vidhe |
śaṃbhossaṃtuṣṭaye manye satyamevoditaṃ mayā || 17 ||
[Analyze grammar]

nāhaṃ na tvaṃ surāścānye munayopi tanūbhṛtaḥ |
yasya tattvaṃ pramāṇaṃ ca na vidurbalavīryayoḥ || 18 ||
[Analyze grammar]

ātmataṃtrasya tasyāpi parasya paramātmanaḥ |
ka upāyaṃ vidhitsedvai paraṃ mūḍhaṃ virodhinam || 19 ||
[Analyze grammar]

caliṣyehamapi brahman sarvaiḥ sārddha śivālayam |
kṣamāpayāmi giriśaṃ kṛtāgāśca śive dhuvam || 20 ||
[Analyze grammar]

|| brahmovāca |
itthamādiśya viṣṇurmāṃ brahmāṇaṃ sāmarādikam |
sārddhaṃ devermatiṃ cakre tadgirau gamanāya saḥ || 21 ||
[Analyze grammar]

yayau svadhiṣṇya nilayaṃ śivasyādrivaraṃ śubham |
kailāsaṃ sāmaramuniprajeśādimayo hariḥ || 22 ||
[Analyze grammar]

atipriyaṃ prabhornityaṃ sujuṣṭaṃ kinnarādibhiḥ |
naretarairapsarobhiryogasiddhaimahonnatam || 23 ||
[Analyze grammar]

nānāmaṇimayaiśśṛṃgaiḥ śobhamānaṃ samaṃtataḥ |
nānādhātuvicitraṃ vai nānādrumalatākulam || 24 ||
[Analyze grammar]

nānāmṛgagaṇākīrṇaṃ nānāpakṣisamanvitam |
nānājalaprasravaṇairamaraissiddhayoṣitām || 25 ||
[Analyze grammar]

ramaṇaivāharaṃtīnāṃ nānākaṃdara sānubhiḥ |
drumajātibhiranyābhī rājitaṃ rājataprabham || 26 ||
[Analyze grammar]

vyāghrādibhirmahāsattvairnirghuṣṭaṃ krūratojjhitam |
sarvaśobhānvitaṃ divyaṃ mahāvismayakārakam || 27 ||
[Analyze grammar]

paryastaṃ gaṃgayā satyā sthānapuṇyatarodayā |
sarvapāvanasaṃkartryā viṣṇupadyā sunirmalam || 28 ||
[Analyze grammar]

evaṃvidhaṃ giriṃ dṛṣṭvā kailāsākhyaṃ śivapriyam |
yayuste vismayaṃ devā viṣṇvādyāssamunīśvarāḥ || 29 ||
[Analyze grammar]

tassamīpe'lakāṃ ramyāṃ dadṛśurnāma te purīm |
kuberasya mahādivyāṃ rudramitrasya nirjarāḥ || 30 ||
[Analyze grammar]

vanaṃ saugaṃdhikaṃ cāpi dadṛśustatsamīpataḥ |
sarvadrumānvitaṃ divyaṃ yatra tannādamadrutam || 31 ||
[Analyze grammar]

tadbāhyatastasya divye saritāvatipāvane |
naṃdā cālakanaṃdā ca darśanātpāpahārike || 32 ||
[Analyze grammar]

papuḥ surastriyo nityamavagūhya svalokataḥ |
vigāhya puṃbhistāstatra krīḍaṃti ratikarśitāḥ || 33 ||
[Analyze grammar]

hitvā yakṣeśvarapurīṃ vanaṃ saugaṃdhikaṃ ca yat |
gacchaṃtaste surā ārāddadṛśuśśāṃkaraṃ vaṭam || 34 ||
[Analyze grammar]

paryak kṛtācalacchāyaṃ pādona viṭapāya tam |
śatayojana kotsedhaṃ nirnīḍaṃ tāpavarjjitam || 35 ||
[Analyze grammar]

mahāpuṇyavatāṃ dṛśyaṃ suramyaṃ cātipāvanam |
śaṃbhuyogasthalaṃ divyaṃ yogisevyaṃ mahottamam || 36 ||
[Analyze grammar]

mumukṣuśaraṇe tasmin mahāyogamaye vaṭe |
āsīnaṃ dadṛśussarve śivaṃ viṣṇvādayassurāḥ || 37 ||
[Analyze grammar]

vidhiputrairmahāsiddhaiśśiva bhaktirataissadā |
upāsyamānaṃ sumudā śāṃtaissaṃśāṃtavigrahaiḥ || 38 ||
[Analyze grammar]

tathā sakhyā kubereṇa bhartrā guhyakarakṣasām |
sevyamānaṃ viśeṣeṇa svagaṇairjñātibhissadā || 39 ||
[Analyze grammar]

tāpasābhīṣṭasadrūpaṃ bibhrataṃ parameśvaram |
vātsalyādviśvasuhṛdaṃ bhasmādisuvirājitam || 40 ||
[Analyze grammar]

mune tubhyaṃ pravocaṃtaṃ pṛcchate jñānamuttamam |
kuśāsane sūpaviṣṭaṃ sarveṣāṃ śṛṇvatāṃ satām || 41 ||
[Analyze grammar]

kṛtvorau dakṣiṇe savyaṃ caraṇaṃ caiva jānuni |
bāhuprakoṣṭhākṣamālaṃ sthitaṃ sattarkamudrayā || 42 ||
[Analyze grammar]

evaṃvidhaṃ śivaṃ dṛṣṭvā tadā viṣṇvādayassurāḥ |
praṇemustvaritaṃ sarve karau badhvā vinamrakāḥ || 43 ||
[Analyze grammar]

upalabhyāgataṃ rudro mayā viṣṇuṃ satāṃ gatiḥ |
utthāya cakre śirasābhivaṃdanamapi prabhuḥ || 44 ||
[Analyze grammar]

vaṃditāṃghristadā sarvairdivyairviṣṇvādibhiśśivaḥ |
nanāmātha yathā viṣṇuṃ kaśyapaṃ lokasadgatiḥ || 45 ||
[Analyze grammar]

surasiddhagaṇādhīśamaharṣisu namaskṛtam |
samuvāca surairviṣṇuṃ kṛtasannatimādarāt || 46 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṃḍe śivadarśanavarṇanaṃ nāma catvāriṃśodhyāyaḥ || 40 ||
[Analyze grammar]