Chapter 8

[English text for this chapter is available]

sūta uvāca |
ityākarṇya vacastasya brahmaṇo hi prajāpateḥ |
prasannamānaso bhūtvā taṃ provāca sa nāradaḥ || 1 ||
[Analyze grammar]

nārada uvāca |
brahman vidhe mahābhāga viṣṇuśiṣya mahāmate |
dhanyastvaṃ śivabhakto hi paratattvapradarśakaḥ || 2 ||
[Analyze grammar]

śrāvitā sukathā divyā śivabhaktivivarddhinī |
aruṃdhatyāstathā tasyāḥ svarūpāyāḥ pare bhave || 3 ||
[Analyze grammar]

idānīṃ brūhi dharmajña pavitraṃ caritaṃ param |
śivasya parapāpaghnaṃ maṃgalapradamuttamam || 4 ||
[Analyze grammar]

gṛhītadāre kāme ca dṛṣṭe teṣu gateṣu ca |
saṃdhyāyāṃ kiṃ tapastaptuṃ gatāyāmabhavattataḥ || 5 ||
[Analyze grammar]

sūta uvāca |
iti śrutvā vacastasya ṛṣervai bhāvitātmanaḥ |
suprasannataro bhūtvā brahmā vacanamabravīt || 6 ||
[Analyze grammar]

brahmovāca |
śṛṇu nārada viprendra tadaiva caritaṃ śubham |
śivalīlānvitaṃ bhaktyā dhanyastvaṃ śivasevakaḥ || 7 ||
[Analyze grammar]

ahaṃ vimohitastāta yadaivāṃtarhitaḥ purā |
aciṃtayaṃ sadāhaṃ tacchaṃbhuvākyaviṣārditaḥ || 8 ||
[Analyze grammar]

ciṃtayitvā ciraṃ citte śivamāyāvimohitaḥ |
śive cerṣyāmakārṣaṃ hi tacchृvṛṇuṣva vadāmi te || 9 ||
[Analyze grammar]

athāhamagamaṃ tatra yatra dakṣādayaḥ sthitāḥ |
saratiṃ madanaṃ dṛṣṭvā samadoha hi kiñcana || 10 ||
[Analyze grammar]

dakṣamābhāṣya suprītyā parānputrāṃśca nārada |
avocaṃ vacanaṃ sohaṃ śivamāyāvimohitaḥ || 11 ||
[Analyze grammar]

brahmovāca |
he dakṣa he marīcyādyāssutāḥ śṛṇuta madvacaḥ |
śrutvopāyaṃ vidheyaṃ hi mama kaṣṭāpanuttaye || 12 ||
[Analyze grammar]

kāṃtābhilāṣamātraṃ me dṛṣṭvā śambhuragarhayat |
māṃ ca yuṣmānmahāyogī dhikkāraṃ kṛtavānbahu || 13 ||
[Analyze grammar]

tena duḥkhābhitaptohaṃ labhehaṃ śarma na kvacit |
yathā gṛhṇātu kāṃtāṃ sa sa yatnaḥ kārya eva hi || 14 ||
[Analyze grammar]

yathā gṛhṇātu kāṃtāṃ sa sukhī syāṃ duḥkhavarjitaḥ |
durlabhasya tu kāmo me paraṃ manye vicārataḥ || 15 ||
[Analyze grammar]

kāṃtābhilāṣamātraṃ me dṛṣṭvā śaṃbhuragarhayat |
munīnāṃ purataḥ kasmātsa kāṃtāṃ saṃgrahīṣyati || 16 ||
[Analyze grammar]

kā vā nārī trilokesmin yā bhavettanmanāḥ sthitā |
yogamārgamavajñāpya tasya mohaṃ kariṣyati || 17 ||
[Analyze grammar]

manmathopi samartho no bhaviṣyatyasya mohane |
nitāṃtayogī rāmāṇāṃ nāmāpi sahate na saḥ || 18 ||
[Analyze grammar]

agṛhīteṣuṇā caiva hareṇa kathamādinā |
madhyamā ca bhavetsṛṣṭistadvācā nānyavāritā || 19 ||
[Analyze grammar]

bhuvi kecidbhaviṣyaṃti māyābaddhā mahāsurāḥ |
baddhā keciddharernūnaṃ kecicchaṃbhorupāyataḥ || 20 ||
[Analyze grammar]

saṃsāravimukhe śaṃbhau tathaikāṃtavirāgiṇi |
asmādṛte na karmānyat kariṣyati na saṃśayaḥ || 21 ||
[Analyze grammar]

ityuktvā tanayāṃścāhaṃ dakṣādīn sunirīkṣya ca |
saratiṃ madanaṃ tatra sānaṃdamagadaṃ tataḥ || 22 ||
[Analyze grammar]

brahmovāca |
matputra vara kāma tvaṃ sarvathā sukhadāyakaḥ |
madvacaśśṛṇu suprītyā svapatnyā pitṛvatsala || 23 ||
[Analyze grammar]

anayā sahacāriṇyā rājase tvaṃ manobhava |
eṣā ca bhavatā patyā yuktā saṃśobhate bhṛśam || 24 ||
[Analyze grammar]

yathā striyā hṛṣīkeśo hariṇā sā yathā ramā |
kṣaṇadā vidhunā yuktā tayā yukto yathā vidhuḥ || 25 ||
[Analyze grammar]

tathaiva yuvayośśobhā dāṃpatyaṃ ca puraskṛtam |
atastvaṃ jagataḥ keturviśvaketurbhaviṣyasi || 26 ||
[Analyze grammar]

jagaddhitāya vatsa tvaṃ mohayasva pinākinam |
yathāśu sumanaśśaṃbhuḥ kuryyāddārapratigraham || 27 ||
[Analyze grammar]

vijane snigdhadeśe tu parvateṣu sarassu ca |
yatrayatra prayātīśastatra tatrānayā saha || 28 ||
[Analyze grammar]

mohaya tvaṃ yatātmānaṃ vanitāvimukhaṃ haram |
tvadṛte vidyate nānyaḥ kaścidasya vimohakaḥ || 29 ||
[Analyze grammar]

bhūte hare sānurāge bhavatopi manobhava |
śāpopaśāṃtirbhavitā tasmādātmahitaṃ kuru || 30 ||
[Analyze grammar]

sānurāgo varārohāṃ yadīcchati maheśvaraḥ |
tadā bhavopi yogyāryastvāṃ ca saṃtārayiṣyati || 31 ||
[Analyze grammar]

tasmājjāyādvitīyastvaṃ yatasva haramohane |
viśvasya bhava ketustvaṃ mohayitvā maheśvaram || 32 ||
[Analyze grammar]

brahmovāca |
iti śrutvā vaco me hi janakasya jagatprabhoḥ |
uvāca manmathastathyaṃ tadā māṃ jagatāṃ patim || 33 ||
[Analyze grammar]

manmatha uvāca |
kariṣyehaṃ tava vibho vacanācchaṃbhumohanam |
kiṃ tu yoṣinmahāstraṃ me tatkāṃtāṃ bhagavan sṛja || 34 ||
[Analyze grammar]

mayā saṃmohite śaṃbho yayā tasyānumohanam |
kartavyamadhunā dhātastatropāyaṃ paraṃ kuru || 35 ||
[Analyze grammar]

brahmovāca |
evaṃvādini kaṃdarpe dhātāhaṃ sa prajāpatiḥ |
kayā saṃmohanīyosāviti ciṃtāmayāmaham || 36 ||
[Analyze grammar]

ciṃtāviṣṭasya me tasya niḥśvāso yo vinissṛtaḥ |
tasmādvasaṃtassaṃjātaḥ puṣpavrātavibhūṣitaḥ || 37 ||
[Analyze grammar]

śoṇarājīvasaṃkāśaḥ phullatāmarasekṣaṇaḥ |
saṃdhyoditākhaṃḍaśaśipratimāsyassunāsikaḥ || 38 ||
[Analyze grammar]

śārṅgavaccaraṇāvarttaśśyāmakuṃcitamūrddhajaḥ |
saṃdhyāṃśumālisadṛśaḥ kuḍaladvayamaṃḍitaḥ || 39 ||
[Analyze grammar]

pramattebhagatiḥ pīnāyatadorunnatāṃsakaḥ |
kaṃbugrīvassuvistīrṇahṛdayaḥ pīnasanmukhaḥ || 40 ||
[Analyze grammar]

sarvāṃgasundaraḥ śyāmassampūrṇassarvalakṣaṇaiḥ |
darśanīyatamassarvamohanaḥ kāmavarddhanaḥ || 41 ||
[Analyze grammar]

etādṛśe samutpanne vasaṃte kusumākare |
vavau vāyussusurabhiḥ pādapā api puṣpitāḥ || 42 ||
[Analyze grammar]

pikā vineduśśataśaḥ paṃcamaṃ madhurasvanāḥ |
praphullapadmā abhavansarasyaḥ svacchapuṣkarāḥ || 43 ||
[Analyze grammar]

tamutpannamahaṃ vīkṣya tadā tādṛśamuttamam |
hiraṇyagarbho madanamagadaṃ madhuraṃ vacaḥ || 44 ||
[Analyze grammar]

brahmovāca || evaṃ sa manmathanibhassadā sahacarobhavat |
ānukūlyaṃ tava kṛtaḥ sarvaṃ deva kariṣyati || 45 ||
[Analyze grammar]

yathāgneḥ pavano mitraṃ sarvatropakariṣyati |
tathāyaṃ bhavato mitraṃ sadā tvāmanuyāsyati || 46 ||
[Analyze grammar]

vasaṃteraṃtahetutvādvasaṃtākhyo bhavatvayam |
tavānugamanaṃ karma tathā lokānurañjanam || 47 ||
[Analyze grammar]

asau vasaṃtaśṛṃgāro vāsaṃto malayānilaḥ |
bhavettu suhṛdo bhāvassadā tvadvaśavarttinaḥ || 48 ||
[Analyze grammar]

viṣvokādyāstathā hāvāścatuṣṣaṣṭikalāstathā |
ratyāḥ kurvaṃtu sauhṛdyaṃ suhṛdaste yathā tava || 49 ||
[Analyze grammar]

ebhissahacaraiḥ kāma vasaṃta pramukhairbhavān |
mohayasva mahādevaṃ ratyā saha mahodyataḥ || 50 ||
[Analyze grammar]

ahaṃ tāṃ kāminīṃ tāta bhāvayiṣyāmi yatnataḥ |
manasā suvicāryaiva yā haraṃ mohayiṣyati || 51 ||
[Analyze grammar]

brahmovāca |
evamukto mayā kāmaḥ surajyeṣṭhena harṣitaḥ |
nanāma caraṇau me'pi sa patnī sahitastadā || 52 ||
[Analyze grammar]

dakṣaṃ praṇamya tān sarvānmānasānabhivādya ca |
yatrātmā gatavāñśaṃbhustatsthānaṃ manmatho yayau || 53 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ satīcaritre dvitīye satīkhaṃḍe vasaṃtasvarūpavarṇanaṃ nāmāṣṭamo'dhyāyaḥ || 8 ||
[Analyze grammar]