Chapter 159

icchācikitsāyogopadeśo nāma sargaḥ |
ekonaṣaṣṭyuttaraśatatamaḥ sargaḥ |
vasiṣṭhaḥ |
advaitaikyaṃ vimananaṃ śāntamātmanyavasthitam |
yathā pustamayaṃ sainyaṃ tathā śivamayaṃ jagat || 1 ||
[Analyze grammar]

mano'haṅkārabuddhyādi caivameva ca tanmayam |
kālākārakriyāśabdaśaktisandarbhasaṃyutam || 2 ||
[Analyze grammar]

śivapaṅkamayā eva rūpālokamanaḥkramāḥ |
tanmayatvādanantatvādataḥ kiṃ kena cetyate || 3 ||
[Analyze grammar]

mānameyapramāṇādi deśakālau digādi ca |
bhāvābhāvavivartādi śivapaṅkamayātmakam || 4 ||
[Analyze grammar]

ahaṃ mametyataḥ sārānnetaratparamāmbarāt |
asaṃsaktamatistiṣṭha jñaśśilodaramaunavat || 5 ||
[Analyze grammar]

rāmaḥ |
ahaṃ mametyasadrūpaṃ jñasyābhāvayataḥ prabho |
asaṅgaṃ karmaṇāṃ tyāgādanuṣṭhānācca kiṃ śubham || 6 ||
[Analyze grammar]

vasiṣṭhaḥ |
pṛcchāmi yadahaṃ tvaṃ tatkathayāśu mamānagha |
yadi jānāsi tattvena karma tāvatkimucyate || 7 ||
[Analyze grammar]

vistāraḥ karmaṇāṃ kīdṛṅ mūlaṃ tasya ca kiṃ bhavet |
nāśanīyaṃ ca nipuṇaṃ kathaṃ kathaya nāśyate || 8 ||
[Analyze grammar]

rāmaḥ |
yannāśanīyaṃ nipuṇaṃ tannūnaṃ pravināśyate |
mūlakāṣeṇa bhagavanna śākhādivikartanaiḥ || 9 ||
[Analyze grammar]

śubhāśubhaṃ nāśanīyaṃ svakarma khalu dhīmatā |
mūlakāṣavināśena tacca naṣṭaṃ bhavatyalam || 10 ||
[Analyze grammar]

karmavṛkṣasya vakṣyāmi brahmanmūlāni me śṛṇu |
yannikāṣeṇa nirmūlo na sa bhūyaḥ prarohati || 11 ||
[Analyze grammar]

dehastāvadayaṃ brahman karmavṛkṣaḥ samutthitaḥ |
rūḍhaḥ saṃsāravipine vicitrāṅgalatānvitaḥ || 12 ||
[Analyze grammar]

karmabījatarorasya sukhaduḥkhaphalāvaleḥ |
jāgradvasantakālasya suṣuptaśiśirasthiteḥ || 13 ||
[Analyze grammar]

pāvanācārakalikāgucchakotkarakāriṇaḥ |
kṣaṇatāruṇyakāntasya jarākusumahāsinaḥ || 14 ||
[Analyze grammar]

muhūrtaṃ prati kallolamarkaṭadhvaṃsitākṛteḥ |
nidrāhemantajaṭharalīnasvapnadalodgateḥ || 15 ||
[Analyze grammar]

svavārddhakaśaracchāntiśīrṇehāparṇasantateḥ |
jagajjaṅgalajātasya kalatropatṛṇāvaleḥ || 16 ||
[Analyze grammar]

pelavāvayavā hastapādagulphādayo'ruṇāḥ |
pattrāṇi tanuvṛntāni surekhāni calāni ca || 17 ||
[Analyze grammar]

aruṇāḥ pavanālolā mṛdvyo masṛṇamūrtayaḥ |
snāyvasthidigdhāḥ sarasā aṅgulyo bālapallavāḥ || 18 ||
[Analyze grammar]

mṛdvyo masṛṇatīkṣṇāgrā vṛntarūḍhāḥ punaḥ punaḥ |
dvitīyendukarākārāḥ kalikā nakhaśuktayaḥ || 19 ||
[Analyze grammar]

karmaṇaḥ pariphullasya deharūpatayeti hi |
karmendriyāṇi mūlāni dṛḍhāni granthimanti ca || 20 ||
[Analyze grammar]

sirāsthigranthinaddhāni paṅkamagnātmakāni ca |
vāsanārasapīnāni nijaraktarasāni ca || 21 ||
[Analyze grammar]

gulphavanti dṛḍhāṅgāni sutvañci masṛṇāni ca |
teṣāmapi ca mūlāni viddhi buddhīndriyāṇi hi || 22 ||
[Analyze grammar]

sudūramapi yātāni pañcastambhāni tāni tu |
vāsanāpaṅkamagnāni rasavanti mahānti ca || 23 ||
[Analyze grammar]

teṣāṃ mūlaṃ bṛhatstambhaṃ mano vyāptajagattrayam |
pañcasrotassirākṛṣṭamuktānantarasadravam || 24 ||
[Analyze grammar]

tasya mūlaṃ vidurjīvaṃ cetyonmukhacidātmakam |
jīvasya cetanaṃ mūlaṃ sarvamūlaikakāraṇam || 25 ||
[Analyze grammar]

citestu brahma mūlaṃ yattasya mūlaṃ na vidyate |
anākhyatvādanantatvācchuddhatvātsatyarūpiṇaḥ || 26 ||
[Analyze grammar]

sarveṣāṃ karmaṇāmevaṃ vedanaṃ bījamuttamam |
svarūpaṃ cetayitvāntastataḥ spandaḥ pravartate || 27 ||
[Analyze grammar]

mune cetanamevādyaṃ karmaṇāṃ bījamucyate |
tasmin sati mahāśākho jāyate dehaśalmaliḥ || 28 ||
[Analyze grammar]

etaccetanaśabdārthaṃ bhāvanāvalitaṃ yadi |
tatkarmabījatāmeti no cetsādhyaṃ paraṃ padam || 29 ||
[Analyze grammar]

citiścetanaśabdārthabhāvanāvalitā yadi |
tatkarmabījatāmeti no cetsādhyaṃ paraṃ padam || 30 ||
[Analyze grammar]

tasmādvedanameveha karma kāraṇamākṛteḥ |
etattatkarmaṇāṃ bījaṃ tvayaivoktaṃ munīśvara || 31 ||
[Analyze grammar]

vasiṣṭhaḥ |
asya rāghava sūkṣmasya karmaṇo vedanātmanaḥ |
kastyāgaḥ kimanuṣṭhānaṃ yāvaddehamidaṃ sthitam || 32 ||
[Analyze grammar]

yaccetyate tu tenāśu bahirantaśca bhūyate |
satyākāramasatyaṃ vā bhavatvāhitavibhramam || 33 ||
[Analyze grammar]

na cetyate cettadalaṃ bhramādasmādvimucyate |
bhramaḥ satyo'stvasatyo vā kiṃ vicāraṇayānayā || 34 ||
[Analyze grammar]

etaccetanamevāntarvikasatyudbhavabhramaiḥ |
vāsanecchāmanaḥkarmasaṅkalpādyabhidhātmabhiḥ || 35 ||
[Analyze grammar]

prabuddhasyāprabuddhasya dehino dehagehake |
ādehaṃ vidyate vittvaṃ tyāgastvasya na vidyate |
jīvatāṃ tasya santyāgaḥ kathaṃ nāmopapadyate || 36 ||
[Analyze grammar]

kevalaṃ karmaśabdārthabhāvanābhāvane sati |
karma karmatvamutsṛjya svayameva bhavatyajam || 37 ||
[Analyze grammar]

asambhavati santyāge karmaṇo yaḥ karoti hi |
idaṃkartavyatātyāgaṃ na kiñcittena tatkṛtam || 38 ||
[Analyze grammar]

bodhādidantāsaṃvitteḥ svayaṃ vilayanaṃ tu yat |
jagatastaṃ vidustyāgamasaṅgaṃ mokṣameva ca || 39 ||
[Analyze grammar]

vedanaṃ sati saṃvedye sargādāveva vedyadṛk |
notpannā vidyate naiva tasmātkiṃ kveva vedanam || 40 ||
[Analyze grammar]

vedyonmukhatvaṃ santyajya rūpaṃ yadvedanasya vai |
na vedanaṃ tanno karma tacchāntaṃ brahma kathyate || 41 ||
[Analyze grammar]

cetanaṃ procyate karma saṃsṛtyā pravikāsitam |
acetanaṃ vidurmokṣaṃ jñaṃ cetyevopadeśadhīḥ || 42 ||
[Analyze grammar]

tyāgo hi karmaṇāṃ tasmādādehaṃ nopapadyate |
yaistu santyajyate karma tanmūlaṃ tairna mucyate || 43 ||
[Analyze grammar]

mūlaṃ svakarmaṇaḥ saṃvinmanaso vāsanātmanaḥ |
sā cādehaṃ samucchettumṛte bodhānna śakyate || 44 ||
[Analyze grammar]

rāma kevalameṣāntaḥ karmamūlakalā parā |
sūkṣmā saṃvidasaṃvittyā svayatnena nikṛntyate || 45 ||
[Analyze grammar]

yena saṃvidasaṃvittyā svayatnena nivāryate |
tena saṃsṛtivṛkṣasya mūlakāṣo vitanyate || 46 ||
[Analyze grammar]

acetanākāśamajaṃ yadekaṃ tatraivamasti tvidamarthahīnam |
tadvyomarūpaṃ yata etadevaṃ nirāmayaṃ cetanasāramāhuḥ || 47 ||
[Analyze grammar]