Chapter 155

pañcamībhūmikāyogo nāma sargaḥ |
pañcapañcāśaduttaraśatatamaḥ sargaḥ |
vasiṣṭhaḥ |
kurvannabhyāsametasyāṃ bhūmikāyāṃ vivāsanaḥ |
ṣaṣṭhīṃ turyābhidhāmanyāṃ kramātpatati bhūmikām || 1 ||
[Analyze grammar]

yatra nāsanna sadrūpo nāhaṃ nāpyanahaṅkṛtiḥ |
kevalaṃ kṣīṇamananaṃ tadāste gatavāsanaḥ || 2 ||
[Analyze grammar]

nirgranthiśśāntasadrūpo jīvanmukto vibhāvanaḥ |
sakṛdvibhātā vimalamāste dvaitaikyanirgataḥ || 3 ||
[Analyze grammar]

jīvanmukto gataraso nirbhedo'mbarasundaraḥ |
anirvāṇo'pi nirvāṇaścitradīpa iva sthiraḥ || 4 ||
[Analyze grammar]

avāsanatvādvairasyānna kiñcana karotyasau |
karotyevaṃsthitiryacca tatrākartaiva kāṣṭhavat || 5 ||
[Analyze grammar]

samyagdarśanasampanno jīvanmuktapadaṃ gataḥ |
yathāsthitamidaṃ paśyan karmabhirna nibadhyate || 6 ||
[Analyze grammar]

kurvanna kiñcitkurute gantāpi ca na gacchati |
bhuñjāno'pi ca no bhuṅkte vaktāpi ca na vaktyasau || 7 ||
[Analyze grammar]

jāgrati svapnadṛṣṭasya puṃsaḥ kartṛtvabhoktṛte |
yādṛśyau tatsthitī viddhi jīvanmuktasya rāghava || 8 ||
[Analyze grammar]

samaśśāntamatirmaunī jīvanmukto vivāsanaḥ |
draṣṭāraṃ darśanaṃ dṛśyamākāśamiva paśyati || 9 ||
[Analyze grammar]

nirvāṇamatirātmānaṃ paraṃ cādrimaṇuṃ tanum |
śvānaṃ brāhmaṇamādityaṃ sarvaṃ khamiva paśyati || 10 ||
[Analyze grammar]

sampannaśśāntamābhāsaṃ paramekamakṛtrimam |
kvāstametu kva vodetu kīdṛgvapurasāviha || 11 ||
[Analyze grammar]

prajñāprāsādamārūḍhastvaśocyaśśocate janān |
bhūmiṣṭhāniva śailasthaḥ sarvānprājño'nupaśyati || 12 ||
[Analyze grammar]

naiva tasya kṛtenārtho nākṛteneha kaścana |
na cāsya sarvabhūteṣu kaścidarthavyapāśrayaḥ || 13 ||
[Analyze grammar]

jale jalamiva kṣiptaṃ brahmaṇyevaikatāṃ gataḥ |
galitadvaitanirbhāso jāgratyeva suṣuptakam || 14 ||
[Analyze grammar]

carācaramidaṃ viṣvakcetamāno na cetati |
bhedamastaṅgatāhantvaḥ paśyannapi na paśyati || 15 ||
[Analyze grammar]

bhagnasthālīghaṭākāśamiva khe militaḥ pare |
samāmekāmasadrūpāṃ śāntāmupagato daśām || 16 ||
[Analyze grammar]

anirvāṇo'pi nirvāṇo bālavatpraviceṣṭate |
heyopādeyatāmukto jīvanmuktaḥ pratiṣṭhate || 17 ||
[Analyze grammar]

samagragatamapyantā rāgadveṣabhavāmayāḥ |
nākāśamiva cetante samastā mṛgapakṣiṇaḥ || 18 ||
[Analyze grammar]

saṃśāntāhantvanīhāraḥ prasannavitatākṛtiḥ |
aśūnyamiva śūnyātma śaratkhamiva rājate || 19 ||
[Analyze grammar]

kṣīvatāyāṃ praśāntāyāmiva somyatvamāgataḥ |
bhūtale gāḍhanidraḥ san svargaṃ nīta ivoditaḥ || 20 ||
[Analyze grammar]

ānandaikanimagnatvādanānandapadaṃ gataḥ |
kevalaṃ jñaptirūpatvādajñaptiriva saṃsthitaḥ || 21 ||
[Analyze grammar]

nirmandara ivāmbhodhirdagdhadāhya ivānalaḥ |
śāntabhramaṃ cakramiva svātmanyeva śamaṃ gataḥ || 22 ||
[Analyze grammar]

tvaṣṭreva yantrollikhitaḥ so'pūrvākāratāṃ gataḥ |
ṛtvantare druma iva sa evānyatayoditaḥ || 23 ||
[Analyze grammar]

upaśāntaśca kāntaśca dīpto'pyālokasundaraḥ |
candrabimbādivotkīrṇaḥ somya āhlādakārakaḥ || 24 ||
[Analyze grammar]

antaśśūnyo bahiśśūnyaśśūnyakumbha ivāmbare |
antaḥpūrṇo bahiḥpūrṇaḥ pūrṇakumbha ivārṇave || 25 ||
[Analyze grammar]

vikriyādivinirmuktaḥ santyakto maraṇādiva |
mahāvyādherivottīrṇastīrṇāpūrṇabhavārṇavaḥ || 26 ||
[Analyze grammar]

dīrghādhvaśramakhinnātmā sukhasupta ivākṣayam |
prabuddha iti nidrāluriva dṛśye prasuptadhīḥ || 27 ||
[Analyze grammar]

sabāhyābhyantaraṃ śītastuṣārādiva nirmitaḥ |
sabāhyābhyantaraṃ pūrṇa ālokenāmalāmbviva || 28 ||
[Analyze grammar]

sabāhyābhyantaraṃ svacchaḥ kacanmaṇirivātmani |
sabāhyābhyantaraṃ śūnyo nabhaseva vinirmitaḥ || 29 ||
[Analyze grammar]

nirmanaskatayā jitvā saṃsthitaḥ sālabhañjikām |
yantrākṛtiriva svairaṃ spandikarmendriyavrajaḥ || 30 ||
[Analyze grammar]

syāmityantarahantātmasattāsnehaparikṣayāt |
jīvadīpo vinirvāṇa ātmanyeva sa līyate || 31 ||
[Analyze grammar]

nityatṛpto nirānando nirduḥkho nirupāśrayaḥ |
nissaṅgo nirabhiprāyo jño'nīho nāvabadhyate || 32 ||
[Analyze grammar]

nāsya deho na karmādi na dṛśyadraṣṭṛdarśanam |
na jīvitaṃ na maraṇaṃ nāsanna sadasanna sat || 33 ||
[Analyze grammar]

kiñcidevaiṣa sampannaḥ ko'pi vā vā na kiñcana |
śuddhaṃ vedanamātraṃ vā kiñcidvā jñaptireva vā || 34 ||
[Analyze grammar]

sabāhyābhyantaraṃ nānyadekameva padārthavat |
sthito dūre'pyadūre ca prasṛtānantatantuvat || 35 ||
[Analyze grammar]

sa bahvīṣvapyavasthāsu nityaikātmā samo'malaḥ |
saṃśāntaguṇabhedaśrīrmahākāla ivākalaḥ || 36 ||
[Analyze grammar]

ajamamaramanādyaṃ buddhamādyantaśuddhaṃ śivamamalamajalpaṃ sarvagaṃ śāntamekam |
bahirabahirapīśaṃ jñaṃ vinirmāṇamagryaṃ kamapi tamupagamyaṃ sāramābhāsamāhuḥ || 37 ||
[Analyze grammar]