Chapter 81

gaṅgāvatāro nāma sargaḥ |
ekāśītitamaḥ sargaḥ |
vasiṣṭhaḥ |
etāmavaṣṭabhya dṛśaṃ bhagīrathadhiyā vṛtām |
samaḥ svastho yathāprāptaṃ kāryamāhara śāntadhīḥ || 1 ||
[Analyze grammar]

idaṃ pūrvaṃ parityajya kroḍīkṛtya tataḥ svayam |
śāntamātmani tiṣṭha tvaṃ śikhidhvaja ivācalaḥ || 2 ||
[Analyze grammar]

rāmaḥ |
ko'sau śikhidhvajo nāma kathaṃ vā labdhavānpadam |
etatkathaya me brahmanbhūyo bodhābhivṛddhaye || 3 ||
[Analyze grammar]

vasiṣṭhaḥ |
dvāpare'bhavatāṃ pūrvamidānīṃ ca bhaviṣyataḥ |
tenaiva sanniveśena dampatī snigdhanāgarau || 4 ||
[Analyze grammar]

rāmaḥ |
yatpūrvamāsīdbhagavaṃstadidānīṃ tathaiva hi |
bhaviṣyati kimarthaṃ vai vada me vadatāṃ vara || 5 ||
[Analyze grammar]

vasiṣṭhaḥ |
jagannirmāṇaniyaterasyā brāhmyāḥ svasaṃvidaḥ |
īdṛśyeva sthitirnityamanivāryā svabhāvajā || 6 ||
[Analyze grammar]

yadanyadbahuśo bhūtvā punarbhavati bhūriśaḥ |
abhūtvaiva bhavatyanyatpunaśca na bhavatyalam || 7 ||
[Analyze grammar]

anyatprāksanniveśasya sādṛśyena sphuratyalam |
anyatprāksanniveśārdhasādṛśyena vivalgati || 8 ||
[Analyze grammar]

sadṛśyo viṣamāścaiva yathā sarasi vīcayaḥ |
tā evānyāśca dṛśyante vyavasthāḥ saṃsṛtau tathā || 9 ||
[Analyze grammar]

tasmād rāghava bhūyo'pi vakṣyamāṇo nareśvaraḥ |
bhaviṣyati mahātejāstadvṛttāntamimaṃ śṛṇu || 10 ||
[Analyze grammar]

dvāpare pūrvamabhavadatīte saptame manau |
caturyuge caturthe tu sarge'sminvāraṇākule || 11 ||
[Analyze grammar]

jambudvīpe praśāntasya vindhyasyādūrasaṃsthite |
mālavānāṃ pure śrīmāñchikhidhvaja itīśvaraḥ || 12 ||
[Analyze grammar]

dhairyaudāryadayāyuktaḥ kṣamāśamadamānvitaḥ |
śūraśśubhasamācāro mānī guṇagaṇākaraḥ || 13 ||
[Analyze grammar]

āhartā sarvayajñānāṃ jetā sarvadhanuṣmatām |
kartā sakalakāryāṇāṃ bhartāpūrvavapurbhuvaḥ || 14 ||
[Analyze grammar]

peśalaḥ snigdhamadhuro vidagdhaḥ prītanāgaraḥ |
sundaraśśīlasubhagaḥ pratāpī dharmavatsalaḥ || 15 ||
[Analyze grammar]

veditā viditārthānāṃ dātā sakalasampadām |
bhoktā saṃsaṅgarahitaḥ suśrotā sakalaśruteḥ || 16 ||
[Analyze grammar]

sa bhogaughānanādṛtya straiṇaṃ tṛṇavadutsṛjan |
pitari svargamāpanne bāla evottamaujasā || 17 ||
[Analyze grammar]

kṛtvā ṣoḍaśavarṣātmā kṛtvā digvijayaṃ vaśī |
nūnaṃ saurājyasampattyā bhūmaṇḍalamayojayat || 18 ||
[Analyze grammar]

atiṣṭhadvigatāśaṅkaṃ pālayandharmataḥ prajāḥ |
dhīmān sa mantribhiḥ sārdhaṃ yaśasā śuklayandiśaḥ || 19 ||
[Analyze grammar]

atha gacchatsu varṣeṣu vasante prollasatyalam |
puṣpeṣu jṛmbhamāṇeṣu sphuratsu śaśiraśmiṣu || 20 ||
[Analyze grammar]

mañjarījāladolāsu viṭapāntaḥpurāntare |
rajaḥkarpūradhavale caladdalakavāṭake || 21 ||
[Analyze grammar]

āmodini lasatpuṣpagulucchakavitānake |
gāyatsu gahaneṣūccairmithuneṣvalināṃ mithaḥ || 22 ||
[Analyze grammar]

āyāti madhure vāyau śaśiśīkaraśītale |
kadalīkandalīkacchatalapallavalāsini || 23 ||
[Analyze grammar]

kāntāṃ prati babhūvāsya navaṃ cetaḥ samutsukam |
kṣīvaṃ kusumasambhārasaugandhimadhurāsavaiḥ || 24 ||
[Analyze grammar]

manorājyamidaṃ cakre sa vasantamadaidhitaḥ |
udyānavanadolāsu līlākamalinīṣu ca || 25 ||
[Analyze grammar]

kadā praṇayinīṃ mugdhāṃ bālābjamukulastanīm |
kariṣye kāminīmaṅke paryaṅke kusumāṅkitām || 26 ||
[Analyze grammar]

kadā kamalavallīnāṃ dolāsvalirivālinīm |
ālolatāṃ vineṣyāmi bālāṃ bhujalatānugām || 27 ||
[Analyze grammar]

mṛṇālahārakundenduvṛndatalpābhilāṣiṇī |
matkṛte madanātaptā kadā syādindusundarī || 28 ||
[Analyze grammar]

iti cintāparo bhūtvā kusumāvalanonmukhaḥ |
vijahāra vanānteṣu kusumopavaneṣu ca || 29 ||
[Analyze grammar]

velopavanadolāsu līlākamalinīṣu ca |
vallīvalayageheṣu vividhodyānabhūmiṣu || 30 ||
[Analyze grammar]

vanopavanavinyāsavarṇanāvalitāsu ca |
śṛṅgārarasagarbhāsu kathāsvaramatonmanāḥ || 31 ||
[Analyze grammar]

hārihāsalasacchvāsavilolālakavallarīḥ |
kumārīḥ pūjayāmāsa suvarṇakalaśastanīḥ || 32 ||
[Analyze grammar]

evamasya vidurbhavyā mantriṇo navaniścayam |
iṅgitākāraveditvameva mantripadaṃ param || 33 ||
[Analyze grammar]

atha tasya vivāhāya mantrivargo vicāravān |
surāṣṭrādhipatiṃ kanyāṃ yayāce yauvanānvitām || 34 ||
[Analyze grammar]

rūpayauvanasampannāṃ bhāryātve vidhinottamām |
upayeme sa tāmātmasadṛśīṃ pratimāmiva || 35 ||
[Analyze grammar]

cūḍāleti bhuvi khyātā nāmnā nṛpatisundarī |
sā taṃ bhartāramāsādya reje phulleva padminī || 36 ||
[Analyze grammar]

nīlanīrajanetrāṃ tāṃ cūḍālāṃ sa śikhidhvajaḥ |
snehādvikāsayāmāsa śobhayārka ivābjinīṃ || 37 ||
[Analyze grammar]

avardhata tayoḥ prītiranyo'nyārpitacetasoḥ |
hāvabhāvavilāsādyaiḥ sekairnavalateva sā || 38 ||
[Analyze grammar]

sa mantryarpitasarvārthaḥ susukhī susthitaprajaḥ |
rājahaṃsa ivābjinyā reme dayitayā tayā || 39 ||
[Analyze grammar]

antaḥpureṣu dolāsu candanāguruvīthiṣu |
mandāradāmadolāsu kadalīkandalīṣu ca || 40 ||
[Analyze grammar]

purānteṣu vanānteṣu diganteṣu sarassu ca |
jaṅgaleṣu dinānteṣu jambūjambīraśāliṣu || 41 ||
[Analyze grammar]

babhūvāhlādakaṃ sarvaṃ tayoranyo'nyaceṣṭitam |
sadvarṣaṇādhvarācārairdyubhūmyoriva kāntayoḥ || 42 ||
[Analyze grammar]

nityamevāviyuktatvātpriyatvācceṣṭitasya ca |
mithaḥ kalākalāpasya kovidau tau babhūvatuḥ || 43 ||
[Analyze grammar]

svarūpamekamevaitau dadhaturmiśratāṃ gatau |
anyo'nyaṃ hṛdayasthatvādiva saṅkrāntamakṣatam || 44 ||
[Analyze grammar]

sarvaśāstrādivaidagdhyaṃ citrādyapi mukhātprabhoḥ |
bālā bhāṇḍādivāgṛhṇādāsītsarvārthapaṇḍitā || 45 ||
[Analyze grammar]

nṛttaṃ vādyādi geyādi cūḍālāvadanādasau |
aśikṣata babhūvātha kalānāmatikovidaḥ || 46 ||
[Analyze grammar]

āmāvāsyāvivendvarkāvanyo'nyaṃ vilasatkalau |
mitho hṛdayasaṃsthau tau dvāvapyaikyamivāsthitau || 47 ||
[Analyze grammar]

tau saṃsthitāvekarasāvananyadayitāv ubhau |
puṣpāmodāvivābhinnau bhūtalasthau śivāviva || 48 ||
[Analyze grammar]

vaidagdhyasundaramatī sarvaśāstrārthakovidau |
krīḍayeva bhuvaṃ prāptau kamalākamalādhavau || 49 ||
[Analyze grammar]

snehātprasannamadhurau samavijñānavedinau |
anuvṛttiparāvāstāṃ lokavṛttāntatadvidau || 50 ||
[Analyze grammar]

kalākalāpasampannau lasadrasarasāyanau |
śītalasnigdhamugdhāṅgau śaśāṅkau dvāvivoditau || 51 ||
[Analyze grammar]

reje lasannṛpatibhogavilāsakāntamantaḥpureṣu mithunaṃ tadanuttamaśri |
brahmābjaṣaṇḍakuhareṣviva rājahaṃsayugmaṃ vikāsimadamanmathamandacāri || 52 ||
[Analyze grammar]