Chapter 71

ekasaptatitamaḥ sargaḥ |
daśarathaḥ |
munināyaka taṃ bhikṣuṃ gatvā sambodhayantvamī |
narā matprahitāśśīghraṃ cīnabuddhakuṭīgatam || 1 ||
[Analyze grammar]

vasiṣṭhaḥ |
rājaṃstasya mahābhikṣoḥ sa dehaḥ prāṇavarjitaḥ |
kledaṃ vaivarṇyamāyāto nāsau jīvitabhājanam || 2 ||
[Analyze grammar]

tasya bhikṣośca jīvo'sau bhūtvā padmajasārasaḥ |
jīvanmuktaḥ sthito bhūyo nāsau saṃsṛtibhājanam || 3 ||
[Analyze grammar]

tadgṛhe māsaparyante balānniṣkāsitārgaḍāḥ |
antarālokayiṣyanti bhikṣumakṣuṇṇamānasam || 4 ||
[Analyze grammar]

anyenaiva sa dehena bhikṣurmukto vyavasthitaḥ |
kathaṃ prabodhyate naṣṭaṃ tadvihāre śarīrakam || 5 ||
[Analyze grammar]

eṣā guṇamayī māyā durbodhena duratyayā |
nityaṃ satyāvabodhena sukhenaivātivāhyate || 6 ||
[Analyze grammar]

asatyaiva kṛtārambhā hemnaḥ kaṭakatā yathā |
pratibhāsaviparyāsamātrakāraṇakodayā || 7 ||
[Analyze grammar]

paramātmana eveyamitthaṃ māyeti mīyate |
taraṅgateva payasi prekṣāmātravināśinī || 8 ||
[Analyze grammar]

jño'pi dṛśyamayāddīrghasvapnātsvapnāntaraṃ vrajan |
evaṃ nānyatvamāyāti vivekātsarvagātmadṛk || 9 ||
[Analyze grammar]

yo yo'sya pratibhāsaḥ syādātmaiva sa sa bodhataḥ |
sa evodeti saṃsārakarañjavanagulmadṛk || 10 ||
[Analyze grammar]

pratyekaṃ bhūtamuditaṃ pṛthaksaṃsāramaṇḍalam |
bhikṣoḥ svapnāntaramiva parādvīcirivāmbhasaḥ || 11 ||
[Analyze grammar]

prasṛtaḥ padmajādeva jagatsvapno'yamāditaḥ |
tathaivātha svacittotkarūḍhaḥ sarvajanaṃ prati || 12 ||
[Analyze grammar]

āpitāmahamābhāti sargaḥ svapnavilāsavat |
pratyekamuditastena brahmāṇḍānīha koṭiśaḥ || 13 ||
[Analyze grammar]

sphuranparasminpratyekaṃ jīvaḥ paśyati vibhramam |
hṛdaye'rthasamarthaṃ ca svapnavaddīrghamāntaram || 14 ||
[Analyze grammar]

citsattāmātrasāmānyapratīticyutimātrataḥ |
jarāmaraṇaduḥkhānāṃ kaścidbhājanatāṃ gataḥ || 15 ||
[Analyze grammar]

pātālaṃ brahmalokaṃ vā ciccamatkṛtiśālinī |
cittāṃśaspandamātreṇa kṛtvā kṛtvaiva saṃsthitā || 16 ||
[Analyze grammar]

citspandarūpiṇī jīvanāmnāgatyātmanātmani |
anyatrānyeva luṭhati bhūtvā sambhramabhāriṇī || 17 ||
[Analyze grammar]

bibheṣi paramātmātmā paramātmana eva kim |
jīvadehādināmno'smātpratibimbādivārbhakaḥ || 18 ||
[Analyze grammar]

brahmaṇyeva paraṃ brahma jagaddṛṣṭyaiva satsthitam |
śuddhākāśamivākāśe jale jalamivāmalam || 19 ||
[Analyze grammar]

loko brahmaṇa evāyaṃ jagadrūpeṇa tiṣṭhataḥ |
bibhetyanyatayopāttātpratibimbādivārbhakaḥ || 20 ||
[Analyze grammar]

spande'spandīkṛte bodhāccitaḥ sañjñā vilīyate |
sāpyalaṃ pariṇāmena līyate'gnau ghṛtaṃ yathā || 21 ||
[Analyze grammar]

citspanda eva citspande sarvātmātmani jṛmbhate |
spandāspandau jṛmbhaṇādi kalpitaṃ nātra vāstavam || 22 ||
[Analyze grammar]

na spando'stīha nāspando naikatā nāpi ca dvitā |
śuddhacinmātramevāsti sarvaṃ cāsti yathāsthitam || 23 ||
[Analyze grammar]

pareṇa pariṇāmena sargāhantārthayośśame |
cinmātramapi nāstyeva nāstītyapi na vidyate || 24 ||
[Analyze grammar]

bhedabhāvanayodeti bhedaḥ prakṛtilāñchanaḥ |
abhedabodhādakhile galite śiṣyate param || 25 ||
[Analyze grammar]

nānātehāstyabodhena so'bodho'styanavekṣaṇāt |
prekṣakaścaiva nāstyeva tasmānniśśaṅkatā parā || 26 ||
[Analyze grammar]

nātaḥ svapno na jāgracchrīrna suṣuptaṃ na turyatā |
na bandho'sti na mokṣo'sti nānyadvā kalanātmakam || 27 ||
[Analyze grammar]

śāntirekā jagannāmnī śāntāviyamavasthitā |
abodho'satya evātaḥ kva dṛśyadraṣṭṛdarśanam || 28 ||
[Analyze grammar]

spando'pyaspanda evāsyā nissaṅkalpatayā citeḥ |
na spandāspandayorbhinnā saṅkalparahitaiva cit || 29 ||
[Analyze grammar]

dvitvaikyādikalārūpaḥ saṅkalpaścittabhāvanam |
sa cābhāvanamātreṇa galati brahma śiṣyate || 30 ||
[Analyze grammar]

ciccandrabimbe saṅkalpakalaṅkaḥ sphuratīva yaḥ |
nāsau kalaṅkastadviddhi cidghanasya ghanaṃ vapuḥ || 31 ||
[Analyze grammar]

cidghanaśca na sannāsatsthīyatāṃ tattate pade |
ityaśeṣamahābodhasārasaṅgrahaṇaṃ kṛtam || 32 ||
[Analyze grammar]

ciccandrabimbātsaṅkalpakalaṅko'mṛtavigrahāt |
tvayā bhāvena sammṛṣṭo bhāvābhāvakṣayātmanā || 33 ||
[Analyze grammar]

bhāvābhāvādikalanāṃ nītvā cinmayatāṃ citā |
śamollāsavilāsānte samamāssva yathāsukham || 34 ||
[Analyze grammar]

spandāspandau kalpanākalpanāṃśau cittvānnānyau cittvanāmā niraṃśā |
sarvākārānāvṛtiśśāntasattā sattvāpūrṇaikārṇavābhā sthiteti || 35 ||
[Analyze grammar]