Chapter 14

jñānayogavicāro nāma sargaḥ |
caturdaśaḥ sargaḥ |
vasiṣṭhaḥ |
asti tāvadanantasya khasya kvacidayaṃ kila |
jagadrūpaḥ parispando mṛgatṛṣṇā marāviva || 1 ||
[Analyze grammar]

tatra kāraṇatāṃ yāto brahmā kamalasambhavaḥ |
sthitaḥ pitāmahatvena sṛṣṭabhūtabharabhramaḥ || 2 ||
[Analyze grammar]

tasyāhaṃ mānasaḥ putro vasiṣṭhaśśreṣṭhaceṣṭitaḥ |
ṛkṣacakre dhruvavṛte nivasāmi yugaṃ prati || 3 ||
[Analyze grammar]

so'haṃ kadācidāsthāne svarge tiṣṭhañchatakratoḥ |
śrutavānnāradādibhyaḥ kathāṃ sucirajīvinām || 4 ||
[Analyze grammar]

kathāprasaṅge kasmiṃścidatha tatrābhyuvāca ha |
śātātapo nāma munirmaunī mānī mahāmatiḥ || 5 ||
[Analyze grammar]

merorīśānakoṇasthapadmarāgamaye divi |
asti kalpataruśśrīmāñchṛṅge cūḍa iti śrutaḥ || 6 ||
[Analyze grammar]

tasya kalpatarormūrdhni dakṣiṇaskandhakoṭare |
kaladhautalatāprānte vidyate vihagālayaḥ || 7 ||
[Analyze grammar]

tasminnivasati śrīmānbhusuṇḍo nāma vāyasaḥ |
vītarāgo bṛhatkośe brahmeva nijapaṅkaje || 8 ||
[Analyze grammar]

sa yathā jagataḥ kośe jīvatīha surāściram |
cirajīvī tathā svarge na bhūto na bhaviṣyati || 9 ||
[Analyze grammar]

sa dīrghāyuḥ sa nīrogaḥ sa śrīmān sa mahāmatiḥ |
sa viśrāntamatiśśāntaḥ sa kāntaḥ kālakovidaḥ || 10 ||
[Analyze grammar]

sa yathā jīvati khagastatheha yadi jīvyate |
tadbhavejjīvitaṃ puṃsāṃ dīrghaṃ cādeyameva ca || 11 ||
[Analyze grammar]

iti tena bhusuṇḍo'sau bhūyaḥpṛṣṭena varṇitaḥ |
yathāvadeva devānāṃ sabhāyāṃ satyamūrtinā || 12 ||
[Analyze grammar]

kathāvasarasaṃśāntāvatha yāte suravraje |
bhusuṇḍavihagaṃ draṣṭumahaṃ yātaḥ kutūhalāt || 13 ||
[Analyze grammar]

bhusuṇḍaḥ saṃsthito yatra merośśṛṅgaṃ tadunnatam |
samprāptavān kṣaṇenāhaṃ padmarāgamayaṃ bṛhat || 14 ||
[Analyze grammar]

drutagairikakāntena tejasā vahnivarcasā |
madhvāsavaraseneva rañjayan kakubhāṃ gaṇam || 15 ||
[Analyze grammar]

kalpāntajvalanajvālāpiṇḍādrimiva sañcitam |
indranīlaśilādhūmamālokāruṇitāmbaram || 16 ||
[Analyze grammar]

sarveṣāmeva rāgāṇāṃ rāśimadrāviva sthitam |
sarvasandhyābhrajālānāṃ ghanamekamivākaram || 17 ||
[Analyze grammar]

utkrāntiṃ kurvato merorbrahmanāḍyeva nirgatam |
mūrdhānamāgataṃ kāntaṃ vāḍavaṃ jaṭharānalam || 18 ||
[Analyze grammar]

sumeruvanadevyeva navālaktakarañjitam |
līlayādātuminduṃ khe nītaṃ hastaṃ śikhāṅgulim || 19 ||
[Analyze grammar]

jvālābhiriva mālābhiraruṇābhiḥ payomucām |
khaṃ gantumiva saspandaṃ śailasthamiva vāḍavam || 20 ||
[Analyze grammar]

tārāḥ spraṣṭumivākāśamaṅgulībhirivāśribhiḥ |
kacadaṃśunakhāgrābhiḥ paricumbadivonnatam || 21 ||
[Analyze grammar]

kacadratnaśilāśvabhraṃ bhāsvatkanakakandaram |
saratkusumareṇvabhraṃ bhramadvidyādharāmaram || 22 ||
[Analyze grammar]

kvaṇadvaṃśalasadvātaṃ nṛtyadratnalatāṅganam |
garjajjīmūtamurajaṃ bhūbhṛto nāṭyamaṇḍapam || 23 ||
[Analyze grammar]

hasatkusumagucchāḍhyaṃ dhvanatṣaṭpadapeṭakam |
dantatālaṃ dalāvalyā parihāsādiva sphuṭam || 24 ||
[Analyze grammar]

dolālolāpsarovṛndamuddāmamadamanmatham |
śilāviśrāntavibudhaṃ mithunāśritakandaram || 25 ||
[Analyze grammar]

varāmbarājinaṃ śubhraṃ gaṅgāyajñopavīti ca |
tāpasaṃ piṅgalamiva veṇudaṇḍadharaṃ sthitam || 26 ||
[Analyze grammar]

gaṅgānirjharanirhrādi latāgṛhagatāmaram |
gandharvagītasubhagamāmodimadhurānilam || 27 ||
[Analyze grammar]

phullahemāmbujottaṃsaṃ tārāratnavibhūṣitam |
vyomnaḥ pāramiva prāptaṃ piṅgalaṃ mairavaṃ śiraḥ || 28 ||
[Analyze grammar]

sitaharitapītapāṭaladhavalairmaṇikusumarāśinavaraṅgaiḥ |
vidhivihitāmalacitraṃ līlācalamamarayuvatilokasya || 29 ||
[Analyze grammar]