Chapter 66

bhāsavilāsavṛttānte sahyagirivarṇanaṃ nāma sargaḥ |
ṣaṭṣaṣṭitamaḥ sargaḥ |
vasiṣṭhaḥ |
atha śokaparābhūtau tasthaturdṛḍhatāpasau |
tāpasaṃśuṣkasarvāṅgau tāvaraṇyadrumāviva || 1 ||
[Analyze grammar]

viraktau vipine kālaṃ kṣapayāmāsaturdvijau |
viyūthāviva sāraṅgāvanāsthāmāgatau parām || 2 ||
[Analyze grammar]

jagmurdināni māsāśca varṣāṇyatha tayostadā |
kramāttāvapi saṃyātau jarāṃ śvabhradrumāviva || 3 ||
[Analyze grammar]

aprāptavimalajñānau cirājjaraḍhatāpasau |
tāvekadā saṅghaṭitāvidamanyo'nyamūcatuḥ || 4 ||
[Analyze grammar]

vilāsaḥ |
jīvitogradrumaphala madāśvāsāmṛtāmbudhe |
jagatyasminmahābandho bhāsa svāgatamastu te || 5 ||
[Analyze grammar]

etāvatyo dināvalyo madviyogavatā tvayā |
vada kva kṣapitāḥ sādho kaccitte vimalaṃ tapaḥ || 6 ||
[Analyze grammar]

kaccitte vijvarā buddhiḥ kaccijjātastvamātmavān |
kaccitphalitavidyastvaṃ kaccitkuśalavānasi || 7 ||
[Analyze grammar]

vasiṣṭhaḥ |
ityuktavantaṃ saṃsārasamudvignamalaṃ tadā |
prāhāprāptamahājñānaṃ suhṛtsuhṛdamādarāt || 8 ||
[Analyze grammar]

bhāsaḥ |
sādho svāgatamadyāṅga diṣṭyā dṛṣṭo'si mānada |
kuśalaṃ tu kuto'smākaṃ saṃsāre tiṣṭhatāmiha || 9 ||
[Analyze grammar]

yāvannādhigataṃ jñeyaṃ yāvatkṣīṇā na cittabhūḥ |
yāvattīrṇaṃ na saṃsārāttāvanme kuśalaṃ kutaḥ || 10 ||
[Analyze grammar]

yāvannādhigataṃ jñānaṃ yāvanna samatoditā |
yāvannābhyudito bodhastāvannaḥ kuśalaṃ kutaḥ || 11 ||
[Analyze grammar]

āśā yāvadaśeṣeṇa na lūnāścittasambhavāḥ |
vīrudho dātrakeṇeva tāvannaḥ kuśalaṃ kutaḥ || 12 ||
[Analyze grammar]

ātmalābhaṃ vinā sādho vinā jñānamahauṣadham |
udeti punareveyaṃ dussaṃsṛtiviṣūcikā || 13 ||
[Analyze grammar]

śaiśavāṅkuritārambho navayauvanapallavaḥ |
jarākusumito'bhyeti punaḥ saṃsāradurdrumaḥ || 14 ||
[Analyze grammar]

kāyajīrṇatarorasmādbāndhavākrandaṣaṭpadāt |
jarāpuṣpasitodeti punarmaraṇamañjarī || 15 ||
[Analyze grammar]

bhuktaśuktartuvirasā purāṇadivasombhitā |
nīyate nīrasaprāyā punaḥ saṃvatsarāvalī || 16 ||
[Analyze grammar]

mahādarīṣu dehādrestṛṣṇākaṇṭakitāsvati |
helāvyālāsu ca punaḥ kriyāsu parilupyate || 17 ||
[Analyze grammar]

duḥkhaiḥ sukhalavākārairdīrghadīrghaiśśubhāśubhaiḥ |
aparyastāgamaprāyāḥ prayāntyāyānti rātrayaḥ || 18 ||
[Analyze grammar]

ayathārthakriyārambhaiḥ kadāśāveśapallavaiḥ |
kṣīyate karmabhistucchairāyurāhatakartṛbhiḥ || 19 ||
[Analyze grammar]

unmūlitāśayālāno manomattamataṅgajaḥ |
tṛṣṇākareṇukottabdho dūraṃ viparidhāvati || 20 ||
[Analyze grammar]

jihvādalalatālagnaḥ kāyadrumaguhālaye |
yatracintāmaṇau vṛddho gardhagṛdhro vivardhate || 21 ||
[Analyze grammar]

nīrasā nissukhā laghvī patatpelavagātrikā |
jīrṇaparṇasavarṇeyaṃ kṣīyate divasāvalī || 22 ||
[Analyze grammar]

apamānarajodhvastamastaṅgatavapuśśri ca |
mukhaṃ dhūsaratāmeti himaiḥ padmamivāhatam || 23 ||
[Analyze grammar]

śuṣyataḥ kāyasarasaḥ pragaladyauvanāmbhasaḥ |
rājahaṃsaḥ kṣaṇādāyuranāvarti palāyate || 24 ||
[Analyze grammar]

kālānilabaloddhūtājjarjarājjīvitadrumāt |
bhogapuṣpāṇi divasaparṇāni nipatantyadhaḥ || 25 ||
[Analyze grammar]

bhogabhogiśriteṣvantarduḥkhadarduravāriṣu |
mano mohāndhakūpeṣu dūreṣu vinimajjati || 26 ||
[Analyze grammar]

nānānurañjanā spaṣṭā tṛṣṇā taralapelavā |
caityamagnapatākeva dūraṃ samadhirohati || 27 ||
[Analyze grammar]

asya saṃsāratantrasya bṛhatkālabilāspadaḥ |
jīvitāśāmayāṃstantūnantakākhurnikṛntati || 28 ||
[Analyze grammar]

yauvanotphālakallolā bahalollāsaphenilā |
parāvartamahāvartā yāti jīvitadurnadī || 29 ||
[Analyze grammar]

kalākulakalatkāryakallolakulasaṅkulā |
kriyāsaridaparyantā vahatyākulakoṭarā || 30 ||
[Analyze grammar]

anantā bandhujanatānadyo gambhīrakoṭare |
ajasraṃ nipatantyetā vitate kālasāgare || 31 ||
[Analyze grammar]

deharatnaśalākeyaṃ nāśapaṅkārṇavodare |
na jñāyate kva magneti tāta janmani janmani || 32 ||
[Analyze grammar]

cintācakre ciraṃ cañcaccakrikācāracañcure |
ceto bhramati sāmudre gartāvarte tṛṇaṃ yathā || 33 ||
[Analyze grammar]

uhyamānamananteṣu cetaḥ kāryamahormiṣu |
kṣaṇameti na viśrāmaṃ cintātāṇḍavitāśayam || 34 ||
[Analyze grammar]

idaṃ kṛtaṃ karomīdaṃ kariṣyāmīdamityalam |
kalanājālavalitā mūrchitā matipakṣiṇī || 35 ||
[Analyze grammar]

ayaṃ suhṛdayaṃ śatruriti dvandvamahāmayaḥ |
vinikṛntati marmāṇi navānīvotpalāni me || 36 ||
[Analyze grammar]

cintātuṇḍyā madāvartavīcyaikanicayaṃ caran |
kṣaṇāducchūnatāmeti mānamīnaḥ kṣaṇātkṣatim || 37 ||
[Analyze grammar]

anātmīyāni duḥkhāni bahūnyevaṃvidhānyalam |
ātmabuddhyā vicinvāno jano gacchati dīnatām || 38 ||
[Analyze grammar]

bahuvidhasukhaduḥkhamadhyapātī vitatajarāmaraṇaprapātabhagnaḥ |
jagadudaragirau luṭhañjano'yaṃ gatarasaparṇavadeti jarjaratvam || 39 ||
[Analyze grammar]