Chapter 121

caṇḍālīśocanaṃ nāma sargaḥ |
ekaviṃśatyuttaraśatatamaḥ sargaḥ |
caṇḍālī |
kenacittvatha kālena grāmake'smiñjaneśvara |
avṛṣṭiduḥkhamabhavadbhīṣaṇaṃ bhagnamānavam || 1 ||
[Analyze grammar]

mahatānena duḥkhena sarve te grāmakājjanāḥ |
vinirgatya gatā dūraṃ tatra pañcatvamāgatāḥ || 2 ||
[Analyze grammar]

tenemā duḥkhabhāginyaśśūnyā vayamiha prabho |
śocyāśśocāma udbāṣpamācāntekṣaṇavārayaḥ || 3 ||
[Analyze grammar]

ityākarṇyāṅganāvaktrād rājā vismayamāgataḥ |
mantriṇāṃ mukhamālokya citrārpita ivābhavat || 4 ||
[Analyze grammar]

bhūyo vicārayāmāsa tadāścaryamanuttamam |
bhūyo bhūyaśca papraccha babhūvāścaryavānati || 5 ||
[Analyze grammar]

teṣāṃ samucitairmānasammānairduḥkhasaṅkṣayam |
kṛtvā karuṇayāviddho dṛṣṭalokaparāvaraḥ || 6 ||
[Analyze grammar]

sthitvā tatra ciraṃ kālaṃ vimṛśya niyatergatīḥ |
ājagāma puraṃ paurairvanditaḥ praviveśa ca || 7 ||
[Analyze grammar]

prātastatra sabhāsthāne māmapṛcchadasau nṛpaḥ |
kathameṣa mune svapnaḥ pratyakṣa iti vismitaḥ || 8 ||
[Analyze grammar]

yathāvastu mayā tasya tattadyuktyā sa tādṛśaḥ |
saṃśayo hṛdayānnunno vātenevāmbudodayaḥ || 9 ||
[Analyze grammar]

itīyaṃ rāghavāvidyā mahatī bhramadāyinī |
asatsattāṃ nayatyāśu saccāsattāṃ nayatyalam || 10 ||
[Analyze grammar]

rāmaḥ |
kathamevaṃ vada brahman svapnaḥ satyatvamāgataḥ |
bhramabhāra ivaiṣo'rtho na me lagati cetasi || 11 ||
[Analyze grammar]

vasiṣṭhaḥ |
sarvametadavidyāyāṃ sambhavatyeva rāghava |
ghaṭeṣu paṭatā dṛṣṭā svapnasambhramaṇādivat || 12 ||
[Analyze grammar]

dūraṃ nikaṭavadbhāti makure'ntarivācalaḥ |
ciraṃ śīghratvamāyāti yūnaḥ seṣṭeva yāminī || 13 ||
[Analyze grammar]

asambhavaṃ sambhavati svapne svamaraṇaṃ yathā |
asacca sadivodeti svapneṣviva nabhogatiḥ || 14 ||
[Analyze grammar]

susthiraṃ suṣṭhu calati bhrame bhūmivivartavat |
abalo balamāyāti madavikṣubdhacittavat || 15 ||
[Analyze grammar]

vāsanāvalitaṃ ceto yad yathā bhāvayatyalam |
tattathānubhavatyāśu na sadasti na cāpyasat || 16 ||
[Analyze grammar]

yadaivābhyuditāvidyā tvahantādimayī mudhā |
tadaivānādimadhyāntā bhramasyānantatoditā || 17 ||
[Analyze grammar]

pratibhāsavaśādeva sarvaṃ viparivartate |
kṣaṇaḥ kalpatvamāyāti kalpaśca bhavati kṣaṇaḥ || 18 ||
[Analyze grammar]

viparyastamatirjantuḥ kāmavasthāṃ na vāpatet |
bibharti siṃhatāmeṇo vāsanāvaśataḥ svayam || 19 ||
[Analyze grammar]

viṣabhramamadāvidyāmohāhantādayaḥ samāḥ |
sarve cittaviparyāsātphalasampattihetavaḥ || 20 ||
[Analyze grammar]

kākatalīyavaccetovāsanāvaśataḥ svataḥ |
saṃviśanti mahārambhā vyavahārāḥ parasparam || 21 ||
[Analyze grammar]

vṛttaṃ prākpakkaṇe rājñaḥ kasyacil lavaṇasya yat |
pratibhātaṃ tadetasya sadvāsadvā manogatam || 22 ||
[Analyze grammar]

vismaratyapi vistīrṇāṃ kriyāṃ cetaḥkṛtāṃ yathā |
tathā kṛtāmapyakṛtāmiti smarati niścitam || 23 ||
[Analyze grammar]

tathāpyabhuktavānasmi bhuktavāniti vetti hi |
svapne deśāntaragamaścākṛto'pyavabudhyate || 24 ||
[Analyze grammar]

vindhyapukkasaktagrāmavyavahāro'yamīdṛśaḥ |
pratibhāsāgatastasya svapne pūrvakathā yathā || 25 ||
[Analyze grammar]

atha vā lavaṇenāśu dṛṣṭo yaḥ svapnavibhramaḥ |
sa eva saṃvidaṃ prāpto vindhyapukkasacetasaḥ || 26 ||
[Analyze grammar]

vindhyapukkasasaṃvidvārūḍhā pārthivacetasi |
yathā bahūnāṃ sadṛśaṃ vacanaṃ nāma cānanam || 27 ||
[Analyze grammar]

tathā svapno'pi bhavati kālo deśaḥ kriyāpi ca |
vyavahāragatestvasyāḥ sattāsti pratibhāsataḥ || 28 ||
[Analyze grammar]

sattā sarvapadārthānāṃ nānyā saṃvedanādṛte |
saṃvedane'ntarābhāti vicitrā sargasantatiḥ || 29 ||
[Analyze grammar]

bhūtabhavyabhaviṣyatsthā tarubīje taruryathā |
tasyāḥ sattvamasattvaṃ ca na sannāsaditi sthitam || 30 ||
[Analyze grammar]

satsadeva hi saṃvitterasaṃvitterna sanmayam |
nāvidyā vidyate kiñcittailādi sikatāsviva || 31 ||
[Analyze grammar]

hemnaḥ kiṃ kaṭukatvaṃ tadanyatsyāddhematāṃ vinā |
avidyayātmano'cchasya sambandho nopapadyate || 32 ||
[Analyze grammar]

sambandhaḥ sadṛśānāṃ yaḥ sa sphuṭaḥ so'nubhūtidaḥ |
jatukāṣṭhādisambandho yaḥ sa no samayorataḥ || 33 ||
[Analyze grammar]

nānyo'nyānubhavātmāsau tadekāspadamātrakam |
paramārthamayaṃ sarvaṃ yadā tenopalādayaḥ || 34 ||
[Analyze grammar]

citā samabhicetyante sambandhavaśataḥ samāt |
yadā cinmātrasanmātramayāḥ sarve jagadgatāḥ || 35 ||
[Analyze grammar]

bhāvāstadā vibhāntyete mithaḥ svānubhavasthitau |
na sambhavati sambandho viṣamāṇāṃ nirantaraḥ || 36 ||
[Analyze grammar]

na parasparasambandhādvinānubhavanaṃ mithaḥ |
sadṛśe sadṛśaṃ vastu kṣaṇādgatvaikatāmalam || 37 ||
[Analyze grammar]

rūpamāsphārayatyekamekatvādeva nānyathā |
ciccitā militā dṛśyarūpayodeti cetanam || 38 ||
[Analyze grammar]

jaḍaṃ jaḍena militaṃ jaḍaṃ sampadyate ghanam |
na ca cijjaḍayoraikyaṃ vailakṣaṇyātkvacidbhavet || 39 ||
[Analyze grammar]

cijjaḍau cetsta ekatra na tau sammilataḥ kvacit |
cinmayatvāccidālehe cidālehena vedanam || 40 ||
[Analyze grammar]

dārupāṣāṇabhedānāṃ na tu hyete cidātmakāḥ |
padārtho hi padārthena pariṇamyānubhūyate || 41 ||
[Analyze grammar]

jihvayeva rasaḥ sā ca sajātīyodayā calā |
aikyaṃ ca viddhi sambandhaṃ nāstyasārasasārayoḥ || 42 ||
[Analyze grammar]

jaḍacetanayostena nopalādi jaḍaṃ matam |
cidevopalakuḍyādirūpiṇī militā citā || 43 ||
[Analyze grammar]

ekībhāvaṃ gatā draṣṭṛdṛśyādi kurute bhramam |
kāṣṭhopalādyaśeṣaṃ hi paramārthamayaṃ yadā || 44 ||
[Analyze grammar]

tadātmanāntassambaddhaṃ dṛśyatvenopalabhyate |
sarvaṃ sarvaprakārāḍhyamanantamiva yattatam || 45 ||
[Analyze grammar]

viśvaṃ sanmātramevaitadviddhi tattvavidāṃ vara |
asatāpyaṅga viśvena viśvalakṣaśatabhramaiḥ || 46 ||
[Analyze grammar]

pūritaściccamatkāro na ca kiñcana pūritam |
saṅkalpanagarā nṝṇāṃ mithaḥ paśyati no yathā || 47 ||
[Analyze grammar]

na deśakālabodhāya tathā sargāściti sthitāḥ |
bhedabodho hi sargatvamahantādibhramodayaḥ || 48 ||
[Analyze grammar]

hemasaṃvitparityāge kaṭakādibhramo yathā |
kaṭakādibhramo hemni deśādeḥ sambhavādbhavet || 49 ||
[Analyze grammar]

tvaddarśanaparītāttu nāvidyāsti pṛthakparā |
kaṭakādimahābhedamekaṃ brahma tathāmalam || 50 ||
[Analyze grammar]

bodhaikatvādayaṃ sargaḥ sattaivāsadbhavatyalam |
senā mṛtsaṃvidā citrā mṛṇmātramiva mṛṇmayī || 51 ||
[Analyze grammar]

jalamekaṃ taraṅgādi dārvekaṃ sālabhañjikāḥ |
mṛṇmātramekaṃ kumbhādi brahmaikaṃ trijagadbhramaḥ || 52 ||
[Analyze grammar]

sambandhe draṣṭṛdṛśyānāṃ madhye draṣṭurhi yadvapuḥ |
draṣṭṛdarśanadṛśyādivarjitaṃ tadidaṃ param || 53 ||
[Analyze grammar]

deśāddeśaṃ gate citte madhye yaścetaso vapuḥ |
ajāḍyasaṃvinmananaṃ tanmayo bhava sarvadā || 54 ||
[Analyze grammar]

ajāgratsvapnanidrasya yatte rūpaṃ sanātanam |
acetanaṃ cājaḍaṃ ca tanmayo bhava sarvadā || 55 ||
[Analyze grammar]

jaḍatāṃ varjayitvaikāṃ śilāyā hṛdayaṃ hi yat |
akṣubdho vāthavā kṣubdhastanmayo bhava rāghava || 56 ||
[Analyze grammar]

kasyacitkiñcanāpīha nodeti na vilīyate |
akṣubdho vāthavā kṣubdhaḥ svasthastiṣṭha yathāsukham || 57 ||
[Analyze grammar]

nābhivāñchati na dveṣṭi dehe kiñcitkvacitpumān |
svasthastiṣṭha nirāśaṅkaṃ dehavṛttimupāgataḥ || 58 ||
[Analyze grammar]

bhaviṣyadgrāmakagrāmyakārye tiṣṭhasi no yathā |
cittavṛttiṣu mā tiṣṭha tathā tathyātmatāṃ gataḥ || 59 ||
[Analyze grammar]

yathā deśāntaranaro yathā kāṣṭhaṃ yathopalaḥ |
tathaiva paśya cittaṃ tvamacittaiva yathātmatā || 60 ||
[Analyze grammar]

yathā dṛṣadi nāstyambu yathāmbhasyanalastathā |
svātmanyevāsti no cittaṃ paramātmani tatkutaḥ || 61 ||
[Analyze grammar]

prekṣyamāṇaṃ na yatkiñcittena yatkriyate kvacit |
kṛtaṃ bhavati tanneti matvā cittātigo bhava || 62 ||
[Analyze grammar]

atyantānātmabhūtasya ceccittasyānuvartase |
paryantavāsinaḥ kasmānna mlecchasyānuvartase || 63 ||
[Analyze grammar]

nirantaramanādṛtya tvamārāccittapukkasam |
svasthamāssva nirāśaṅkaṃ paṅkeneva kṛto jaḍaḥ || 64 ||
[Analyze grammar]

cittaṃ nāstyeva me bhūtaṃ mṛtamevādya veti ca |
bhava niścayavānbhūtvā śilāpuruṣaniścalaḥ || 65 ||
[Analyze grammar]

prekṣāyāmasti no cittaṃ tadvihīno'si tattvataḥ |
tatkimarthamanarthena tadarthena kadarthyase || 66 ||
[Analyze grammar]

asatā cittayakṣeṇa ye'thavātivaśīkṛtāḥ |
teṣāṃ pelavabuddhīnāṃ candrādaśanirutthitā || 67 ||
[Analyze grammar]

cittaṃ dūre parityajya yo'si so'si sthiro bhava |
bhava bhāvanayā mukto yuktyā paramayānvitaḥ || 68 ||
[Analyze grammar]

asato ye'nuvartante cetaso'sattvarūpiṇaḥ |
vyomakānanakarmaikanītakālāndhigastu tān || 69 ||
[Analyze grammar]

vyapagalitamanā mahānubhāvo bhava bhavapāramupāgatāmalātmā |
suciramapi vicāritaṃ na labdhamalamalamātmani mānasātma kiñcit || 70 ||
[Analyze grammar]